Tiger 3 Box Office Collection Day 2: ਪਠਾਨ ਤੇ ਜਵਾਨ ਦੀ ਰਾਹ 'ਤੇ 'ਟਾਈਗਰ 3', ਦੂਜੇ ਦਿਨ ਸਲਮਾਨ ਖ਼ਾਨ ਨੇ ਮਚਾਈ ਧੂਮ

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ Tiger 3 Day 2 Box Office Collection: ਬਾਲੀਵੁੱਡ ਦੇ ਮੇਗਾ ਸੁਪਰਸਟਾਰ ਸਲਮਾਨ ਖਾਨ ਨੇ 'ਟਾਈਗਰ 3' ਰਾਹੀਂ ਬਾਕਸ ਆਫਿਸ 'ਤੇ ਜ਼ਬਰਦਸਤ ਵਾਪਸੀ ਕੀਤੀ ਹੈ। ਸਲਮਾਨ ਦੀ ਜਾਸੂਸੀ ਥ੍ਰਿਲਰ 'ਟਾਈਗਰ 3' ਨੇ ਪਹਿਲੇ ਦਿਨ ਬਾਕਸ ਆਫਿਸ ਦੀ ਕਮਾਈ ਦੇ ਮਾਮਲੇ 'ਚ ਹਲਚਲ ਮਚਾ ਦਿੱਤੀ ਹੈ। ਇਸ ਤੋਂ ਬਾਅਦ ਦੂਜੇ ਦਿਨ ਵੀ 'ਟਾਈਗਰ 3' ਦਾ ਸ਼ਾਨਦਾਰ ਕੁਲੈਕਸ਼ਨ ਜਾਰੀ ਹੈ। ਜਿਸ ਦਾ ਅੰਦਾਜ਼ਾ ਤੁਸੀਂ ਇਸ ਸਲਮਾਨ ਖਾਨ ਅਤੇ ਕੈਟਰੀਨਾ ਕੈਫ ਸਟਾਰਰ ਫਿਲਮ ਦੇ ਦੂਜੇ ਦਿਨ ਦੀ ਕਮਾਈ ਦੇ ਅੰਕੜਿਆਂ ਤੋਂ ਆਸਾਨੀ ਨਾਲ ਲਗਾ ਸਕਦੇ ਹੋ।

'ਟਾਈਗਰ 3' ਨੇ ਦੂਜੇ ਦਿਨ ਮਚਾਈ ਧੂਮ

ਦੀਵਾਲੀ ਦੇ ਮੌਕੇ 'ਤੇ 'ਟਾਈਗਰ 3' ਨੇ ਬਾਕਸ ਆਫਿਸ 'ਤੇ ਰਿਕਾਰਡ ਤੋੜ ਕੁਲੈਕਸ਼ਨ ਕਰਕੇ ਸਾਬਤ ਕਰ ਦਿੱਤਾ ਹੈ ਕਿ ਸਲਮਾਨ ਖਾਨ ਦੀ ਇਹ ਫਿਲਮ ਆਉਣ ਵਾਲੇ ਦਿਨਾਂ 'ਚ ਧਮਾਲਾਂ ਮਚਾਵੇਗੀ। 'ਟਾਈਗਰ 3' ਦੇ ਦੂਜੇ ਦਿਨ ਦੇ ਬਾਕਸ ਆਫਿਸ ਕੁਲੈਕਸ਼ਨ ਦੇ ਤਾਜ਼ਾ ਅੰਕੜੇ ਟਰੇਡ ਐਨਾਲਿਸਟ ਤਰਨ ਆਦਰਸ਼ ਨੇ ਸਾਂਝੇ ਕੀਤੇ ਹਨ।

ਤਰਨ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਹੈਂਡਲ 'ਤੇ ਕਿਹਾ ਹੈ - "ਸਲਮਾਨ ਖਾਨ, ਕੈਟਰੀਨਾ ਕੈਫ ਅਤੇ ਇਮਰਾਨ ਹਾਸ਼ਮੀ ਸਟਾਰਰ ਟਾਈਗਰ 3 ਦੀ ਦੂਜੇ ਦਿਨ ਦੀ ਕਮਾਈ ਵਿੱਚ ਬੰਪਰ ਉਛਾਲ ਆਇਆ ਹੈ।" ਸੋਮਵਾਰ ਨੂੰ ਇਸ ਫਿਲਮ ਨੇ ਬਾਕਸ ਆਫਿਸ 'ਤੇ 58 ਕਰੋੜ ਰੁਪਏ ਦਾ ਚੰਗਾ ਕਾਰੋਬਾਰ ਕੀਤਾ ।

ਸੋਮਵਾਰ ਨੂੰ ਕਿਸੇ ਵੀ ਫਿਲਮ ਲਈ ਇਹ ਸਭ ਤੋਂ ਵੱਡਾ ਕੁਲੈਕਸ਼ਨ ਅੰਕੜਾ ਹੈ। ਇਸ ਲਿਹਾਜ਼ ਨਾਲ ਪਹਿਲੇ ਦੋ ਦਿਨਾਂ 'ਚ ਟਾਈਗਰ 3 ਦਾ ਬਾਕਸ ਆਫਿਸ ਕੁਲੈਕਸ਼ਨ 100 ਕਰੋੜ ਤੋਂ ਪਾਰ ਹੋ ਗਿਆ ਹੈ ਅਤੇ ਕੁੱਲ 103 ਕਰੋੜ ਰੁਪਏ ਤਕ ਪਹੁੰਚ ਗਿਆ ਹੈ।ਤੁਹਾਨੂੰ ਦੱਸ ਦੇਈਏ ਕਿ ਸਲਮਾਨ ਖਾਨ ਦੀ ਕਿਸੇ ਵੀ ਫਿਲਮ ਨੇ ਇਕ ਦਿਨ 'ਚ ਇੰਨੀ ਕਮਾਈ ਨਹੀਂ ਕੀਤੀ ਹੈ।

ਦੋ ਦਿਨਾਂ 'ਚ ਫਿਲਮਾਂ ਦਾ ਸਭ ਤੋਂ ਵੱਧ ਬਾਕਸ ਆਫਿਸ ਕੁਲੈਕਸ਼ਨ

• ਪਠਾਨ ਨੇ ਪਹਿਲੇ ਦੋ ਦਿਨ 128.23 ਕਰੋੜ
• ਜਵਾਨ ਪਹਿਲੇ ਦੋ ਦਿਨ 127.5 ਕਰੋੜ
• ਟਾਈਗਰ 3 ਨੇ ਪਹਿਲੇ ਦੋ ਦਿਨ 103.75 ਕਰੋੜ ਰੁਪਏ ਕਮਾਏ ਹਨ