ਜਦੋਂ ਕਾਰ ’ਚ ਸਿਸਕਦੀ ਰਹੀ ਕੰਗਨਾ ਰਣੌਤ, ਇਸ ਡਿਜ਼ਾਈਨਰ ਨੇ ਆਪਣੀ ਸਾੜ੍ਹੀ ਦੇਣ ਤੋਂ ਕਰ ਦਿੱਤਾ ਸੀ ਇਨਕਾਰ; ਹੁਣ ਹੋਇਆ ਖੁਲਾਸਾ

ਕੰਗਨਾ ਦੇ ਬਿਆਨ ਤੋਂ ਲੋਕ ਹੈਰਾਨ

ਕੰਗਨਾ ਰਣੌਤ ਦਾ ਇਹ ਬਿਆਨ ਸੋਸ਼ਲ ਮੀਡੀਆ 'ਤੇ ਲੋਕਾਂ ਦਾ ਧਿਆਨ ਖਿੱਚ ਰਿਹਾ ਹੈ। ਜਦੋਂ ਇੱਕ ਪੱਤਰਕਾਰ ਨੇ ਇਸ 'ਤੇ ਹੈਰਾਨੀ ਜਤਾਈ ਅਤੇ ਕਿਹਾ ਕਿ ਇਸ ਦਾ ਕੋਈ ਨਾ ਕੋਈ ਕਾਰਨ ਹੋਣਾ ਚਾਹੀਦਾ ਹੈ ਅਤੇ ਸ਼ਾਇਦ ਇਹ ਸਿਰਫ਼ ਇੱਕ ਗਲਤਫਹਿਮੀ ਹੋਵੇ, ਤਾਂ ਇਸ 'ਤੇ ਕੰਗਨਾ ਨੇ ਆਪਣੇ ਐਕਸ (X) ਹੈਂਡਲ 'ਤੇ ਇੱਕ ਲੰਮੀ-ਚੌੜੀ ਪੋਸਟ ਸਾਂਝੀ ਕਰਕੇ ਉਸ ਪਲ ਨੂੰ ਯਾਦ ਕੀਤਾ।

ਕੰਗਨਾ ਰਣੌਤ ਨੇ ਲਿਖਿਆ, "ਜਦੋਂ ਵੀ ਡਿਜ਼ਾਈਨਰਾਂ ਦੇ ਬ੍ਰਾਂਡ ਸੈਲੀਬ੍ਰਿਟੀਜ਼ ਪਹਿਨਦੇ ਹਨ ਤਾਂ ਉਹ ਬਹੁਤ ਉਤਸ਼ਾਹਿਤ ਹੋ ਜਾਂਦੇ ਹਨ, ਕੀ ਤੁਸੀਂ ਮਸਾਬਾ ਜਾਂ ਉਨ੍ਹਾਂ ਦੇ ਬ੍ਰਾਂਡ ਹੈਂਡਲਜ਼ ਨੂੰ ਇਨ੍ਹਾਂ ਤਸਵੀਰਾਂ ਦੀ ਵਰਤੋਂ ਕਰਦੇ ਦੇਖਿਆ ਹੈ? ਇਹ ਤਸਵੀਰਾਂ ਪੂਰੇ ਇੰਟਰਨੈੱਟ 'ਤੇ ਫੈਲੀਆਂ ਹੋਈਆਂ ਸਨ। ਕੀ ਤੁਸੀਂ ਦੱਸ ਸਕਦੇ ਹੋ ਕਿ ਉਹ ਇਨ੍ਹਾਂ ਤਸਵੀਰਾਂ ਦੀ ਵਰਤੋਂ ਕਿਉਂ ਨਹੀਂ ਕਰੇਗੀ ਜਾਂ ਸਟਾਈਲਿਸਟ ਉਨ੍ਹਾਂ ਨੂੰ ਟੈਗ ਕਿਉਂ ਨਹੀਂ ਕਰੇਗਾ?"

ਕੰਗਨਾ ਨੂੰ ਸਾੜ੍ਹੀ ਨਾ ਪਹਿਨਣ ਲਈ ਕਿਹਾ ਗਿਆ

ਕੰਗਨਾ ਰਣੌਤ ਨੇ ਅੱਗੇ ਕਿਹਾ, "ਉਨ੍ਹਾਂ ਦਿਨਾਂ ਵਿੱਚ ਫ਼ਿਲਮ 'ਤੇਜਸ' ਰਿਲੀਜ਼ ਹੋਣ ਵਾਲੀ ਸੀ, ਇਸ ਲਈ ਮੈਂ ਰਾਮ ਜਨਮ ਭੂਮੀ ਦੇ ਦਰਸ਼ਨਾਂ ਲਈ ਜਾਣਾ ਚਾਹੁੰਦੀ ਸੀ। ਮੈਂ ਉਸੇ ਸਟਾਈਲਿਸਟ ਨੂੰ ਬੇਨਤੀ ਕੀਤੀ ਜੋ ਤੇਜਸ ਦੇ ਇਵੈਂਟਸ ਲਈ ਮੈਨੂੰ ਸਟਾਈਲ ਕਰ ਰਹੀ ਸੀ (ਜਿਨ੍ਹਾਂ ਨੂੰ ਪ੍ਰੋਡਕਸ਼ਨ ਹਾਊਸ ਹਾਇਰ ਕਰਦੇ ਹਨ) ਕਿ ਉਹ ਦਰਸ਼ਨ ਟ੍ਰਿਪ ਵਿੱਚ ਵੀ ਮੇਰੀ ਮਦਦ ਕਰੇ। ਮੈਨੂੰ ਇਸ ਗੱਲ ਦੀ ਪਰਵਾਹ ਨਹੀਂ ਹੈ ਕਿ ਕਈ ਸਟਾਈਲਿਸਟਾਂ ਅਤੇ ਡਿਜ਼ਾਈਨਰਾਂ ਨੇ ਮੈਨੂੰ ਆਪਣੇ ਹੈਂਡਲ ਤੋਂ ਬੈਨ ਕਰ ਦਿੱਤਾ ਹੈ, ਪਰ ਇਸ ਖਾਸ ਘਟਨਾ ਨੇ ਮੈਨੂੰ ਸਭ ਤੋਂ ਵੱਧ ਦੁੱਖ ਪਹੁੰਚਾਇਆ ਕਿਉਂਕਿ ਮਸਾਬਾ ਨੇ ਮੇਰੀ ਪ੍ਰਮੋਸ਼ਨ ਲਈ ਸਟਾਈਲਿਸਟ ਨੂੰ ਕੱਪੜੇ ਭੇਜੇ ਸਨ, ਪਰ ਜਦੋਂ ਉਨ੍ਹਾਂ ਨੂੰ ਦੱਸਿਆ ਗਿਆ ਕਿ ਇਹ ਰਾਮ ਜਨਮ ਭੂਮੀ ਲਈ ਹੈ ਤਾਂ ਉਨ੍ਹਾਂ ਨੇ ਸਟਾਈਲਿਸਟ ਨੂੰ ਕਿਹਾ ਕਿ ਉਨ੍ਹਾਂ ਦੇ ਕੱਪੜੇ ਇਸਤੇਮਾਲ ਨਾ ਕੀਤੇ ਜਾਣ।"

Designers get very excited whenever their brands get seen on celebrities, have you seen Masaba or her brand handles use these images ? These images were all over the Internet. Can you explain why won’t she use these images or why won’t the stylist tag her?

Those days Tejas was…

— Kangana Ranaut (@KanganaTeam) January 17, 2026

ਸਟਾਈਲਿਸਟ ਨੇ ਆਪਣੀ ਜੇਬ ਵਿੱਚੋਂ ਭਰੇ ਪੈਸੇ

ਕੰਗਨਾ ਰਣੌਤ ਨੇ ਅੱਗੇ ਦੱਸਿਆ, "ਸਟਾਈਲਿਸਟ ਬਹੁਤ ਚੰਗੀ ਅਤੇ ਸੱਚੀ ਹੈ। ਉਹ ਇੰਨੀ ਸ਼ਰਮਿੰਦਾ ਸੀ ਕਿ ਉਸਨੇ ਚੋਰੀਓਂ ਮੈਨੂੰ ਕਿਹਾ ਕਿ ਮਸਾਬਾ ਜਾਂ ਉਨ੍ਹਾਂ ਦੇ ਬ੍ਰਾਂਡ ਨੂੰ ਟੈਗ ਨਾ ਕਰਾਂ ਅਤੇ ਦੱਸਿਆ ਕਿ ਉਸਨੇ ਸਾੜ੍ਹੀ ਦੇ ਪੈਸੇ ਆਪਣੀ ਜੇਬ ਵਿੱਚੋਂ ਦੇ ਦਿੱਤੇ ਹਨ, ਇਸ ਲਈ ਬੁਰਾ ਨਾ ਮਨਾਵਾਂ। ਪਰ ਜਦੋਂ ਤੱਕ ਮੈਨੂੰ ਇਹ ਸਭ ਪਤਾ ਲੱਗਿਆ, ਉਦੋਂ ਤੱਕ ਬਹੁਤ ਦੇਰ ਹੋ ਚੁੱਕੀ ਸੀ, ਮੈਂ ਤਿਆਰ ਸੀ ਅਤੇ ਰਾਮ ਜਨਮ ਭੂਮੀ ਜਾ ਰਹੀ ਸੀ। ਇਹ ਸਭ ਹਜ਼ਮ ਕਰਨਾ ਬਹੁਤ ਮੁਸ਼ਕਲ ਸੀ। ਨਫ਼ਰਤ, ਕੁੜੱਤਣ, ਭੇਦਭਾਵ, ਛੀ, ਕਿੰਨਾ ਬੁਰਾ ਹੈ। ਇਹ ਸੋਚ ਕੇ ਅੱਜ ਵੀ ਮੇਰਾ ਮਨ ਖ਼ਰਾਬ ਹੋ ਜਾਂਦਾ ਹੈ।"