3 ਫਿਲਮਾਂ ਵਿਚਾਲੇ ਹੋਵੇਗਾ ਮਹਾ ਕਲੈਸ਼, June 'ਚ ਦਿਖੇਗਾ ਬਾਲੀਵੁੱਡ ਤੇ ਸਾਊਥ ਦਾ ਸੰਗਰਾਮ

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : ਸਾਲ 2026 ਦੀ ਪਹਿਲੀ ਤਿਮਾਹੀ (ਕੁਆਰਟਰ) ਦਾ ਸਫ਼ਰ ਖ਼ਤਮ ਹੋ ਗਿਆ ਹੈ ਤੇ ਅਪ੍ਰੈਲ ਤੋਂ ਦੂਜੀ ਤਿਮਾਹੀ ਦਾ ਦੌਰ ਸ਼ੁਰੂ ਹੋ ਗਿਆ ਹੈ, ਜੋ ਅਪ੍ਰੈਲ ਤੋਂ ਜੂਨ ਤਕ ਚੱਲੇਗਾ। ਜਲਦੀ ਹੀ ਅਪ੍ਰੈਲ ਖ਼ਤਮ ਹੋ ਜਾਵੇਗਾ ਅਤੇ ਮਈ-ਜੂਨ ਆਵੇਗਾ। ਪ੍ਰਸ਼ੰਸਕ ਸਾਲ ਦੀ ਦੂਜੀ ਤਿਮਾਹੀ ਦਾ ਬੜੀ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ ਕਿਉਂਕਿ ਜੂਨ 2026 ਵਿਚ ਕਈ ਸ਼ਾਨਦਾਰ ਫਿਲਮਾਂ ਰਿਲੀਜ਼ ਹੋਣੀਆਂ ਹਨ।

ਇਸ ਮਾਮਲੇ 'ਚ ਤਿੰਨ ਫਿਲਮਾਂ ਅਜਿਹੀਆਂ ਹਨ, ਜਿਨ੍ਹਾਂ ਵਿਚਕਾਰ ਬਾਕਸ ਆਫਿਸ 'ਤੇ ਜ਼ਬਰਦਸਤ ਟੱਕਰ ਦੇਖਣ ਨੂੰ ਮਿਲੇਗੀ। ਆਓ ਜਾਣਦੇ ਹਾਂ ਕਿ ਸਾਊਥ ਅਤੇ ਬਾਲੀਵੁੱਡ ਦੀਆਂ ਉਹ ਕਿਹੜੀਆਂ ਆਉਣ ਵਾਲੀਆਂ ਤਿੰਨ ਫਿਲਮਾਂ ਹਨ, ਜਿਨ੍ਹਾਂ ਵਿਚਕਾਰ ਮਹਾਂ ਕਲੈਸ਼ ਹੋਵੇਗਾ।

ਪੈੱਡੀ (Peddi)

ਇਸ ਸੂਚੀ ਵਿੱਚ ਪਹਿਲਾ ਨਾਂ ਸਾਊਥ ਸੁਪਰਸਟਾਰ ਰਾਮ ਚਰਨ ਦੀ ਸਭ ਤੋਂ ਵੱਧ ਉਡੀਕੀ ਜਾਣ ਵਾਲੀ ਫਿਲਮ 'ਪੈੱਡੀ' ਦਾ ਸ਼ਾਮਲ ਹੈ। ਐਕਸ਼ਨ ਅਤੇ ਸਪੋਰਟਸ ਡਰਾਮਾ ਥ੍ਰਿਲਰ ਦੇ ਤੌਰ 'ਤੇ ਹਰ ਕੋਈ 'ਪੈੱਡੀ' ਦੀ ਰਿਲੀਜ਼ ਦਾ ਇੰਤਜ਼ਾਰ ਕਰ ਰਿਹਾ ਹੈ। ਪਹਿਲਾਂ ਇਹ ਫਿਲਮ 30 ਅਪ੍ਰੈਲ ਨੂੰ ਰਿਲੀਜ਼ ਹੋਣ ਵਾਲੀ ਸੀ, ਪਰ ਹਾਲ ਹੀ ਵਿੱਚ ਇਸ ਦੀ ਰਿਲੀਜ਼ ਡੇਟ ਵਿੱਚ ਬਦਲਾਅ ਕੀਤਾ ਗਿਆ ਹੈ ਅਤੇ ਹੁਣ ਰਾਮ ਚਰਨ ਦੀ ਇਹ ਫਿਲਮ 25 ਜੂਨ 2026 ਨੂੰ ਸਿਨੇਮਾਘਰਾਂ ਵਿੱਚ ਦਸਤਕ ਦੇਵੇਗੀ।

ਵੈਲਕਮ ਟੂ ਦਾ ਜੰਗਲ (Welcome To The Jungle)

ਅਕਸ਼ੇ ਕੁਮਾਰ ਸਟਾਰਰ ਕਾਮੇਡੀ ਫਿਲਮ 'ਵੈਲਕਮ ਟੂ ਦਾ ਜੰਗਲ' ਪਿਛਲੇ ਕਰੀਬ 3 ਸਾਲਾਂ ਤੋਂ ਰਿਲੀਜ਼ ਦੀ ਰਾਹ ਦੇਖ ਰਹੀ ਹੈ। ਮਲਟੀ-ਸਟਾਰਰ ਇਸ ਫਿਲਮ ਦਾ ਨਿਰਦੇਸ਼ਨ ਅਹਿਮਦ ਖਾਨ ਨੇ ਕੀਤਾ ਹੈ। ਜੇਕਰ 'ਵੈਲਕਮ ਟੂ ਦਾ ਜੰਗਲ' ਦੀ ਰਿਲੀਜ਼ ਡੇਟ ਦੀ ਗੱਲ ਕਰੀਏ ਤਾਂ ਇਹ 26 ਜੂਨ 2026 ਨੂੰ ਦੁਨੀਆ ਭਰ ਦੇ ਥੀਏਟਰਾਂ ਵਿੱਚ ਪ੍ਰਦਰਸ਼ਿਤ ਕੀਤੀ ਜਾਵੇਗੀ। ਅਕਸ਼ੇ ਤੋਂ ਇਲਾਵਾ ਇਸ ਫਿਲਮ ਵਿੱਚ ਸੁਨੀਲ ਸ਼ੈੱਟੀ, ਪਰੇਸ਼ ਰਾਵਲ, ਸੰਜੇ ਦੱਤ, ਰਵੀਨਾ ਟੰਡਨ, ਜੈਕਲੀਨ ਫਰਨਾਂਡੀਜ਼, ਦਿਸ਼ਾ ਪਾਟਨੀ ਅਤੇ ਸ਼੍ਰੇਅਸ ਤਲਪੜੇ ਵਰਗੇ ਕਈ ਕਲਾਕਾਰ ਨਜ਼ਰ ਆਉਣਗੇ।

ਲੇਨਿਨ (Lenin)

'ਕਿਸਮਤ' ਵਰਗੀ ਸ਼ਾਨਦਾਰ ਸਾਊਥ ਫਿਲਮ ਨਾਲ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤਣ ਵਾਲੇ ਅਭਿਨੇਤਾ ਅਖਿਲ ਅਕੀਨੇਨੀ ਨੂੰ ਭਲਾ ਕੌਣ ਭੁੱਲ ਸਕਦਾ ਹੈ। ਅਖਿਲ ਦੀ ਅਗਲੀ ਫਿਲਮ ਦਾ ਨਾਂ 'ਲੇਨਿਨ' ਹੈ, ਜਿਸ ਦੀ ਰਿਲੀਜ਼ ਡੇਟ ਦਾ ਐਲਾਨ ਕੁਝ ਸਮਾਂ ਪਹਿਲਾਂ ਹੀ ਕੀਤਾ ਗਿਆ ਹੈ। 26 ਜੂਨ 2026 ਨੂੰ ਐਕਸ਼ਨ ਥ੍ਰਿਲਰ 'ਲੇਨਿਨ' ਵੱਡੇ ਪਰਦੇ 'ਤੇ ਦਸਤਕ ਦੇਵੇਗੀ।

ਇਸ ਤਰ੍ਹਾਂ 'ਪੈੱਡੀ', 'ਵੈਲਕਮ ਟੂ ਦਾ ਜੰਗਲ' ਅਤੇ 'ਲੇਨਿਨ' ਜੂਨ ਦੇ ਆਖ਼ਰੀ ਦਿਨਾਂ ਵਿੱਚ ਬਾਕਸ ਆਫਿਸ 'ਤੇ ਆਪਸ ਵਿੱਚ ਟਕਰਾਉਂਦੀਆਂ ਨਜ਼ਰ ਆਉਣਗੀਆਂ। ਅਜਿਹੇ 'ਚ ਇਹ ਦੇਖਣਾ ਕਾਫੀ ਦਿਲਚਸਪ ਹੋਵੇਗਾ ਕਿ ਇਨ੍ਹਾਂ 'ਚੋਂ ਕਿਹੜੀ ਫਿਲਮ ਕਮਾਈ ਦੇ ਮਾਮਲੇ 'ਚ ਅੱਗੇ ਨਿਕਲਦੀ ਹੈ।