ਜੇਐੱਨਐੱਨ : ਬਾਲੀਵੁੱਡ ਇੰਡਸਟਰੀ ਨੂੰ ਹਮੇਸ਼ਾ ਲਈ ਛੱਡ ਕੇ ਅਭਿਨੇਤਰੀ ਸਨਾ ਖਾਨ ਨੇ ਅੱਲਾ ਦਾ ਰਸਤਾ ਚੁਣਿਆ ਹੈ। ਸਾਲ 2020 ਵਿੱਚ, ਉਸਨੇ ਸੋਸ਼ਲ ਮੀਡੀਆ 'ਤੇ ਐਲਾਨ ਕੀਤਾ। ਇਸ ਤੋਂ ਬਾਅਦ ਉਸਨੇ ਮੁਫਤੀ ਅਨਸ ਸਈਦ ਨਾਲ ਵਿਆਹ ਕਰਵਾ ਲਿਆ। ਵਿਆਹ ਦੇ ਤਿੰਨ ਸਾਲ ਬਾਅਦ ਇਸ ਜੋੜੀ ਨੇ ਪ੍ਰਸ਼ੰਸਕਾਂ ਨੂੰ ਖੁਸ਼ਖਬਰੀ ਦਿੱਤੀ ਹੈ। ਇਕ ਇੰਟਰਵਿਊ 'ਚ ਇਸ ਜੋੜੇ ਨੇ ਖੁਲਾਸਾ ਕੀਤਾ ਹੈ ਕਿ ਉਹ ਜਲਦ ਹੀ ਮਾਤਾ-ਪਿਤਾ ਬਣਨ ਵਾਲੇ ਹਨ।
ਸਨਾ ਤੇ ਅਨਸ ਨੇ ਕੀਤਾ ਐਲਾਨ
ਦਰਅਸਲ ਸਨਾ ਖਾਨ ਮਾਂ ਬਣਨ ਵਾਲੀ ਹੈ। ਇਸ ਜੋੜੇ ਨੇ ਇਕਰਾ ਟੀਵੀ ਚੈਨਲ ਨੂੰ ਦਿੱਤੇ ਇੰਟਰਵਿਊ ਵਿੱਚ ਇਸ ਖੁਸ਼ਖਬਰੀ ਦੀ ਪੁਸ਼ਟੀ ਕੀਤੀ ਹੈ। ਸਨਾ ਨੇ ਕਿਹਾ ਕਿ ਉਹ ਬਹੁਤ ਉਤਸ਼ਾਹਿਤ ਹੈ। ਉਹ ਚਾਹੁੰਦੀ ਹੈ ਕਿ ਉਸਦਾ ਬੱਚਾ ਜਲਦੀ ਹੀ ਉਸਦੇ ਹੱਥਾਂ ਵਿੱਚ ਹੋਵੇ।
ਸਨਾ ਖਾਨ ਨੇ ਤਸਵੀਰਾਂ ਕੀਤੀਆਂ ਸ਼ੇਅਰ
ਇਸ ਤੋਂ ਪਹਿਲਾਂ ਸਨਾ ਨੇ ਇੰਸਟਾਗ੍ਰਾਮ 'ਤੇ ਇਕ ਪੋਸਟ ਵੀ ਸ਼ੇਅਰ ਕੀਤੀ ਸੀ। ਇਸ ਪੋਸਟ 'ਚ ਅਭਿਨੇਤਰੀ ਨੂੰ ਪਤੀ ਅਨਸ ਸਈਦ ਨਾਲ ਦੇਖਿਆ ਗਿਆ ਅਤੇ ਕੈਪਸ਼ਨ 'ਚ ਲਿਖਿਆ- 'ਅਲਹਾਮਦੁਲਿਲਾਹ ਬਹੁਤ ਖੁਸ਼, ਇਹ ਉਮਰਾਹ ਸਾਡੇ ਲਈ ਕਿਸੇ ਕਾਰਨ ਬਹੁਤ ਖਾਸ ਹੈ। ਇੰਸ਼ਾਅੱਲ੍ਹਾ ਜਲਦੀ ਹੀ ਅਸੀਂ ਇਸਨੂੰ ਸਾਰਿਆਂ ਨਾਲ ਸਾਂਝਾ ਕਰਾਂਗੇ।
ਸਾਲ 2020 ਵਿੱਚ ਗੁਪਤ ਰੂਪ ਵਿੱਚ ਕਰਵਾਇਆ ਸੀ ਵਿਆਹ
ਸਨਾ ਅਤੇ ਅਨਸ ਨੇ 20 ਨਵੰਬਰ 2020 ਨੂੰ ਗੁਪਤ ਵਿਆਹ ਕਰਵਾ ਲਿਆ ਸੀ। ਅਦਾਕਾਰਾ ਨੇ ਸੋਸ਼ਲ ਮੀਡੀਆ 'ਤੇ ਨਿਕਾਹ ਦੀਆਂ ਤਸਵੀਰਾਂ ਸ਼ੇਅਰ ਕਰਕੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਸਨਾ ਦਾ ਪਤੀ ਅਨਸ ਮੌਲਾਨਾ ਹੈ ਅਤੇ ਸੂਰਤ, ਗੁਜਰਾਤ ਦਾ ਰਹਿਣ ਵਾਲਾ ਹੈ। ਕੁਝ ਸਮਾਂ ਪਹਿਲਾਂ ਸਨਾ ਨੇ ਆਪਣੇ ਪਰਿਵਾਰ ਨਿਯੋਜਨ ਬਾਰੇ ਖੁਲਾਸਾ ਕੀਤਾ ਸੀ।
Posted By: Sarabjeet Kaur
Copyright © 2023 Jagran Prakashan Limited.