'Kumkum Bhagya' ਫੇਮ ਅਦਾਕਾਰ 'ਤੇ ਟੁੱਟਿਆ ਮੁਸੀਬਤਾਂ ਦਾ ਪਹਾੜ, ਹੋਇਆ ਭਿਆਨਕ ਕਾਰ ਐਕਸੀਡੈਂਟ; ਗੱਡੀ ਦੇ ਉੱਡੇ ਪਰਖੱਚੇ

ਡਿਜੀਟਲ ਡੈਸਕ। ਟੀਵੀ ਦੇ ਚਰਚਿਤ ਸ਼ੋਅ 'ਕੁਮਕੁਮ ਭਾਗਿਆ' ਤੋਂ ਸੁਰਖੀਆਂ ਬਟੋਰਨ ਵਾਲੇ ਜ਼ੀਸ਼ਾਨ ਖਾਨ ਇੱਕ ਵਾਰ ਫਿਰ ਤੋਂ ਲਾਈਮਲਾਈਟ ਵਿੱਚ ਆ ਗਏ ਹਨ। ਜ਼ੀਸ਼ਾਨ ਖਾਨ ਨੇ ਆਪਣੇ ਕਰੀਅਰ ਦੇ ਨਾਲ-ਨਾਲ ਆਪਣੀ ਨਿੱਜੀ ਜ਼ਿੰਦਗੀ ਲਈ ਵੀ ਖੂਬ ਸੁਰਖੀਆਂ ਬਟੋਰੀਆਂ ਹਨ। ਪਰ ਇਸ ਵਾਰ ਜ਼ੀਸ਼ਾਨ ਖਾਨ ਆਪਣੇ ਕਰੀਅਰ ਲਈ ਨਹੀਂ ਬਲਕਿ ਆਪਣੇ ਨਾਲ ਹੋਏ ਹਾਦਸੇ ਲਈ ਚਰਚਾ ਵਿੱਚ ਹਨ।

ਦਰਅਸਲ, ਜ਼ੀਸ਼ਾਨ ਖਾਨ (Zeeshan Khan) ਦਾ ਮੁੰਬਈ ਦੇ ਵਰਸੋਵਾ ਵਿੱਚ ਭਿਆਨਕ ਕਾਰ ਐਕਸੀਡੈਂਟ ਹੋ ਗਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਉਨ੍ਹਾਂ ਦੀ ਕਾਰ ਕਿਸੇ ਦੂਸਰੀ ਕਾਰ ਨਾਲ ਜਾ ਟਕਰਾਈ। ਹਾਲਾਂਕਿ ਇਸ ਹਾਦਸੇ ਵਿੱਚ ਜ਼ੀਸ਼ਾਨ ਖਾਨ ਵਾਲ-ਵਾਲ ਬਚ ਗਏ ਹਨ, ਪਰ ਕਾਰ ਐਕਸੀਡੈਂਟ ਨੇ 'ਕੁਮਕੁਮ ਭਾਗਿਆ' ਫੇਮ ਜ਼ੀਸ਼ਾਨ ਖਾਨ ਨੂੰ ਝੰਜੋੜ ਕੇ ਰੱਖ ਦਿੱਤਾ ਹੈ।

ਜ਼ੀਸ਼ਾਨ ਖਾਨ (Zeeshan Khan) ਦੀ ਕਾਰ ਨਾਲ ਜੁੜੀਆਂ ਕੁਝ ਤਸਵੀਰਾਂ ਵੀ ਸੋਸ਼ਲ ਮੀਡੀਆ 'ਤੇ ਜ਼ੋਰਦਾਰ ਵਾਇਰਲ ਹੋ ਰਹੀਆਂ ਹਨ, ਜਿਨ੍ਹਾਂ ਵਿੱਚ ਉਨ੍ਹਾਂ ਦੀ ਕਾਰ ਅੱਗੋਂ ਪੂਰੀ ਤਰ੍ਹਾਂ ਟੁੱਟੀ-ਭੱਜੀ ਨਜ਼ਰ ਆਈ। ਜ਼ੀਸ਼ਾਨ ਖਾਨ ਦੀ ਕਾਰ ਦੀ ਹਾਲਤ ਦੇਖ ਕੇ ਪ੍ਰਸ਼ੰਸਕ ਵੀ ਹੈਰਾਨ ਰਹਿ ਗਏ।

ਸੂਤਰਾਂ ਦੀ ਮੰਨੀਏ ਤਾਂ ਜ਼ੀਸ਼ਾਨ ਖਾਨ ਦਾ ਐਕਸੀਡੈਂਟ 8 ਦਸੰਬਰ ਦੀ ਰਾਤ ਮੁੰਬਈ ਦੇ ਵਰਸੋਵਾ ਵਿੱਚ ਹੋਇਆ ਸੀ। ਇਹ ਹਾਦਸਾ ਕਰੀਬ 8:30 ਵਜੇ ਰਾਤ ਨੂੰ ਹੋਇਆ ਸੀ। ਮਾਮਲੇ ਨੂੰ ਲੈ ਕੇ ਜ਼ੀਸ਼ਾਨ ਖਾਨ ਨੇ ਪੁਲਿਸ ਵਿੱਚ ਸ਼ਿਕਾਇਤ ਵੀ ਦਰਜ ਕਰਾਈ ਹੈ। ਹਾਲਾਂਕਿ ਅਜੇ ਤੱਕ ਹਾਦਸੇ ਦੀ ਵਜ੍ਹਾ ਸਾਹਮਣੇ ਨਹੀਂ ਆਈ ਹੈ।