ਕਿਸ਼ੋਰ ਕੁਮਾਰ ਦਾ 51 ਸਾਲ ਪੁਰਾਣਾ ਗੀਤ ਹੈ ਜ਼ਖ਼ਮੀ ਦਿਲ ਦੀ ਆਵਾਜ਼, ਸੁਣ ਕੇ ਯਾਦ ਆ ਜਾਵੇਗੀ Ex ਗਰਲਫ੍ਰੈਂਡ

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : ਹਿੰਦੀ ਸਿਨੇਮਾ ਦੇ ਸਭ ਤੋਂ ਉੱਤਮ ਪੁਰਾਣੇ ਗੀਤਾਂ ਬਾਰੇ ਜੇਕਰ ਗੱਲ ਕੀਤੀ ਜਾਵੇ ਤਾਂ ਉਨ੍ਹਾਂ ਵਿਚ ਜ਼ਿਆਦਾਤਰ ਗਾਣੇ ਗਾਇਕ ਕਿਸ਼ੋਰ ਕੁਮਾਰ ਦੇ ਸ਼ਾਮਲ ਹੋਣਗੇ। ਕਿਸ਼ੋਰ ਦਾ ਨੇ ਆਪਣੇ ਸਿੰਗਿੰਗ ਕਰੀਅਰ ਦੌਰਾਨ ਹਰ ਕਿਸਮ ਦੇ ਗੀਤ ਗਾਏ ਸਨ, ਫਿਰ ਚਾਹੇ ਉਹ ਰੋਮਾਂਟਿਕ ਹੋਣ ਜਾਂ ਸੈਡ ਸੌਂਗਸ (ਦਰਦ ਭਰੇ ਗੀਤ)।

ਇਸੇ ਆਧਾਰ 'ਤੇ ਅੱਜ ਅਸੀਂ ਤੁਹਾਨੂੰ ਕਿਸ਼ੋਰ ਕੁਮਾਰ ਦੇ ਇਕ ਅਜਿਹੇ ਯਾਦਗਾਰੀ ਸੈਡ ਸੌਂਗ ਬਾਰੇ ਦੱਸਣ ਜਾ ਰਹੇ ਹਾਂ ਜੋ 51 ਸਾਲ ਪਹਿਲਾਂ ਰਿਲੀਜ਼ ਹੋਇਆ ਸੀ। ਅੱਜ ਵੀ ਇਸ ਗਾਣੇ ਨੂੰ ਸੁਣ ਕੇ ਸਰੋਤਿਆਂ ਦਾ ਦਿਲ ਭਰ ਆਉਂਦਾ ਹੈ। ਆਓ ਜਾਣਦੇ ਹਾਂ ਕਿ ਉਹ ਕਿਹੜਾ ਗੀਤ ਹੈ।

ਕਿਸ਼ੋਰ ਕੁਮਾਰ ਦਾ ਯਾਦਗਾਰੀ Sad Song

ਉਂਝ ਤਾਂ ਕਿਸ਼ੋਰ ਕੁਮਾਰ ਨੇ ਇਕ ਤੋਂ ਇਕ ਚੜ੍ਹਦੇ ਗੀਤ ਗਾਏ ਪਰ ਜਿਸ ਗਾਣੇ ਦਾ ਇਸ ਲੇਖ 'ਚ ਜ਼ਿਕਰ ਕੀਤਾ ਜਾ ਰਿਹਾ ਹੈ, ਉਹ ਵਾਕਈ ਸਭ ਤੋਂ ਹਟ ਕੇ ਹੈ। ਦਰਦ ਭਰੇ ਗੀਤਾਂ ਦੇ ਮਾਮਲੇ 'ਚ ਮੰਨੋ ਅਜਿਹਾ ਹੁੰਦਾ ਸੀ ਕਿ ਕਿਸ਼ੋਰ ਦਾ ਆਪਣੇ ਦਿਲ ਦਾ ਦਰਦ ਆਵਾਜ਼ 'ਚ ਉਤਾਰ ਦਿੰਦੇ ਸਨ। ਇਸ ਦਾ ਅੰਦਾਜ਼ਾ ਤੁਸੀਂ ਸਾਲ 1975 'ਚ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਈ ਫ਼ਿਲਮ 'ਆਂਧੀ' ਦੇ ਦਰਦਭਰੇ ਗੀਤ 'ਤੇਰੇ ਬਿਨਾ ਜ਼ਿੰਦਗੀ ਸੇ...' (Tere Bina Zindagi Se) ਨੂੰ ਸੁਣ ਕੇ ਆਸਾਨੀ ਨਾਲ ਲਗਾ ਸਕਦੇ ਹੋ।

ਕਿਸ਼ੋਰ ਕੁਮਾਰ ਦਾ ਇਹ ਗਾਣਾ ਪਿਛਲੇ 5 ਦਹਾਕਿਆਂ ਤੋਂ ਹਿੰਦੀ ਸਿਨੇਮਾ ਦਾ ਸਭ ਤੋਂ 'ਕਲਟ' ਸੈਡ ਸੌਂਗ ਬਣਿਆ ਹੋਇਆ ਹੈ। ਇਸ ਗਾਣੇ 'ਚ ਸੁਰਾਂ ਦੀ ਮਲਿਕਾ ਲਤਾ ਮੰਗੇਸ਼ਕਰ ਨੇ ਕਿਸ਼ੋਰ ਦਾ ਦਾ ਬਾਖ਼ੂਬੀ ਸਾਥ ਦਿੱਤਾ ਅਤੇ 'ਆਂਧੀ' ਫ਼ਿਲਮ ਦਾ ਇਹ ਆਈਕਾਨਿਕ ਗੀਤ ਗਾਇਆ। ਇਹ ਗੀਤ ਅਦਾਕਾਰ ਸੰਜੀਵ ਕੁਮਾਰ ਅਤੇ ਅਦਾਕਾਰਾ ਸੁਚਿਤਰਾ ਸੇਨ 'ਤੇ ਫ਼ਿਲਮਾਇਆ ਗਿਆ ਹੈ। ਕੁੱਲ ਮਿਲਾ ਕੇ ਕਿਹਾ ਜਾਵੇ ਤਾਂ 'ਤੇਰੇ ਬਿਨਾ ਜ਼ਿੰਦਗੀ ਸੇ...' ਸੁਣਨ ਤੋਂ ਬਾਅਦ ਮੁੰਡਿਆਂ ਨੂੰ ਆਪਣੀ 'ਐਕਸ' (EX) ਯਾਦ ਆ ਜਾਵੇਗੀ।

ਜੇਕਰ 'ਆਂਧੀ' ਦੇ ਇਸ ਗੀਤ ਦੀ ਮੇਕਿੰਗ ਵੱਲ ਗੌਰ ਕੀਤਾ ਜਾਵੇ ਤਾਂ ਗਾਇਕ ਕਿਸ਼ੋਰ ਕੁਮਾਰ ਅਤੇ ਲਤਾ ਮੰਗੇਸ਼ਕਰ ਤੋਂ ਇਲਾਵਾ ਸੰਗੀਤਕਾਰ ਆਰਡੀ ਬਰਮਨ ਨੇ ਇਸ ਗੀਤ 'ਚ ਆਪਣੇ ਸੰਗੀਤ ਦਾ ਜਾਦੂ ਚਲਾਇਆ ਸੀ। ਇਸ ਤੋਂ ਇਲਾਵਾ ਗਾਣੇ ਦੇ ਬੋਲ ਗੁਲਜ਼ਾਰ ਸਾਹਿਬ ਨੇ ਲਿਖੇ ਸਨ।

ਫ਼ਿਲਮ ਤੋਂ ਵੱਡਾ ਹਿੱਟ ਰਿਹਾ ਗਾਣਾ

ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਸੰਜੀਵ ਕੁਮਾਰ ਸਟਾਰਰ ਫ਼ਿਲਮ 'ਆਂਧੀ' ਨਾਲੋਂ ਕਿਸ਼ੋਰ ਕੁਮਾਰ ਦਾ 'ਤੇਰੇ ਬਿਨਾ ਜ਼ਿੰਦਗੀ ਸੇ...' ਗੀਤ ਕਿਤੇ ਵੱਧ ਹਿੱਟ ਰਿਹਾ ਸੀ। ਇਸ ਗਾਣੇ ਦੀ ਵਜ੍ਹਾ ਕਰਕੇ ਹੀ ਫ਼ਿਲਮ 'ਆਂਧੀ' ਨੂੰ ਅੱਜ ਵੀ ਯਾਦ ਕੀਤਾ ਜਾਂਦਾ ਹੈ।