'ਮਹਾਭਾਰਤ' ਦੇ 'ਕਰਣ' Pankaj Dheer ਲਈ ਕਾਲ ਬਣਿਆ ਕੈਂਸਰ, ਇਨ੍ਹਾਂ ਸਿਤਾਰਿਆਂ ਨੂੰ ਵੀ ਖਾ ਗਈ ਇਹ ਬਿਮਾਰੀ!

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ। ਬਾਲੀਵੁੱਡ ਅਤੇ ਟੀਵੀ ਨੇ ਕਈ ਸਿਤਾਰਿਆਂ ਨੂੰ ਜ਼ਿੰਦਗੀ ਤੇ ਮੌਤ ਦੀ ਲੜਾਈ ਲੜਦੇ ਦੇਖਿਆ ਹੈ ਅਕਸਰ ਕੈਂਸਰ ਦੇ ਵਿਰੁੱਧ। ਕੈਂਸਰ ਇੱਕ ਅਜਿਹੀ ਬਿਮਾਰੀ ਹੈ ਜਿਸ ਨੇ ਅਣਗਿਣਤ ਸਿਤਾਰਿਆਂ ਦੀ ਜਾਨ ਲੈ ਲਈ ਹੈ। ਜਦੋਂ ਕਿ ਕੁਝ ਇਸ ਗੰਭੀਰ ਬਿਮਾਰੀ 'ਤੇ ਕਾਬੂ ਪਾ ਚੁੱਕੇ ਹਨ, ਕੁਝ ਇਸ ਦਾ ਸ਼ਿਕਾਰ ਹੋ ਗਏ ਹਨ।

ਭਾਵੇਂ ਇਹ ਬਾਲੀਵੁੱਡ ਹੋਵੇ ਟੀਵੀ ਹੋਵੇ ਜਾਂ ਹੋਰ ਸਿਤਾਰੇ ਬਹੁਤ ਸਾਰੇ ਕੈਂਸਰ (Cancer) ਦਾ ਸ਼ਿਕਾਰ ਹੋ ਚੁੱਕੇ ਹਨ। ਹਾਲ ਹੀ ਵਿੱਚ, ਮਹਾਭਾਰਤ (Mahabharat) ਵਿੱਚ ਕਰਣ ਦੀ ਭੂਮਿਕਾ ਨਿਭਾਉਣ ਵਾਲੇ ਮਸ਼ਹੂਰ ਅਦਾਕਾਰ ਪੰਕਜ ਧੀਰ (Pankaj Dheer) ਦਾ ਦੇਹਾਂਤ ਹੋ ਗਿਆ। ਦੱਸਿਆ ਜਾ ਰਿਹਾ ਹੈ ਕਿ ਉਹ ਲੰਬੇ ਸਮੇਂ ਤੋਂ ਕੈਂਸਰ ਨਾਲ ਜੂਝ ਰਹੇ ਸਨ, ਪਰ ਬਦਕਿਸਮਤੀ ਨਾਲ ਉਹ ਆਖਰਕਾਰ ਇਸ ਦਾ ਸ਼ਿਕਾਰ ਹੋ ਗਏ। ਪੰਕਜ ਧੀਰ ਸਿਨੇਮਾ ਅਤੇ ਟੈਲੀਵਿਜ਼ਨ ਵਿੱਚ ਇੱਕ ਜਾਣਿਆ-ਪਛਾਣਿਆ ਨਾਮ ਸੀ। ਉਨ੍ਹਾਂ ਨੇ ਕਈ ਟੀਵੀ ਸ਼ੋਅ ਤੇ ਫਿਲਮਾਂ ਵਿੱਚ ਕੰਮ ਕੀਤਾ। ਆਓ ਤੁਹਾਨੂੰ ਉਨ੍ਹਾਂ ਸਿਤਾਰਿਆਂ ਬਾਰੇ ਦੱਸਦੇ ਹਾਂ ਜਿਨ੍ਹਾਂ ਲਈ ਕੈਂਸਰ ਸਰਾਪ ਬਣ ਗਿਆ।

ਰਿਸ਼ੀ ਕਪੂਰ -

ਬਾਲੀਵੁੱਡ ਦੇ ਚਿੰਟੂ ਕਪੂਰ ਰਿਸ਼ੀ ਕਪੂਰ ਵੀ ਕੈਂਸਰ ਦਾ ਸ਼ਿਕਾਰ ਹੋ ਗਏ। ਉਨ੍ਹਾਂ ਦੀ ਬਿਮਾਰੀ ਨੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ। ਉਨ੍ਹਾਂ ਦਾ ਲੰਬੇ ਸਮੇਂ ਤੱਕ ਇਲਾਜ ਚੱਲਿਆ। ਅੰਤ ਵਿੱਚ 2020 ਵਿੱਚ ਉਨ੍ਹਾਂ ਦੀ ਬਲੱਡ ਕੈਂਸਰ ਨਾਲ ਮੌਤ ਹੋ ਗਈ। ਉਨ੍ਹਾਂ ਦਾ ਵਿਦੇਸ਼ ਵਿੱਚ ਲੰਮਾ ਇਲਾਜ ਚੱਲਿਆ, ਪਰ ਬਦਕਿਸਮਤੀ ਨਾਲ ਉਨ੍ਹਾਂ ਦੀ ਮੌਤ ਹੋ ਗਈ।

ਇਰਫਾਨ ਖਾਨ

2018 ਵਿੱਚ ਇਰਫਾਨ ਖਾਨ ਨੇ ਖੁਦ ਆਪਣੇ ਕੈਂਸਰ ਦੀ ਬਿਮਾਰੀ ਦਾ ਐਲਾਨ ਕੀਤਾ ਸੀ। ਉਨ੍ਹਾਂ ਨੇ ਸੋਸ਼ਲ ਮੀਡੀਆ 'ਤੇ ਇਹ ਖ਼ਬਰ ਸਾਂਝੀ ਕੀਤੀ। ਉਨ੍ਹਾਂ ਨੇ ਦੱਸਿਆ ਕਿ ਉਹ ਨਿਊਰੋਐਂਡੋਕ੍ਰਾਈਨ ਟਿਊਮਰ ਤੋਂ ਪੀੜਤ ਸੀ। ਉਹ ਪਿਛਲੇ ਦੋ ਸਾਲਾਂ ਤੋਂ ਇਸ ਬਿਮਾਰੀ ਦਾ ਇਲਾਜ ਕਰਵਾ ਰਹੇ ਸਨ ਇਸ ਤੋਂ ਬਾਅਦ 29 ਅਪ੍ਰੈਲ, 2020 ਨੂੰ ਇਰਫਾਨ ਖਾਨ ਦਾ ਕੈਂਸਰ ਕਾਰਨ ਦੇਹਾਂਤ ਹੋ ਗਿਆ।

ਨਰਗਿਸ ਦੱਤ

60 ਤੇ 70 ਦੇ ਦਹਾਕੇ ਦੀ ਮਸ਼ਹੂਰ ਅਦਾਕਾਰਾ ਨਰਗਿਸ ਦੱਤ ਵੀ ਕੈਂਸਰ ਤੋਂ ਪੀੜਤ ਸੀ। ਉਨ੍ਹਾਂ ਨੂੰ ਸਾਈਲੈਂਟ ਕੈਂਸਰ ਦਾ ਪਤਾ ਲੱਗਿਆ ਸੀ। ਉਨ੍ਹਾਂ ਦਾ 52 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ। ਉਨ੍ਹਾਂ ਦਾ ਪਰਿਵਾਰ ਉਨ੍ਹਾਂ ਦੀ ਮੌਤ ਨਾਲ ਬਹੁਤ ਦੁਖੀ ਸੀ। ਉਨ੍ਹਾਂ ਦੇ ਪਤੀ ਅਤੇ ਅਦਾਕਾਰ ਸੁਨੀਤ ਦੱਤ ਵੀ ਬਹੁਤ ਦੁਖੀ ਸਨ। ਸੰਜੇ ਦੱਤ ਜੋ ਆਪਣੀ ਮਾਂ ਨਰਗਿਸ ਨੂੰ ਬਹੁਤ ਪਿਆਰ ਕਰਦੇ ਸਨ ਵੀ ਆਪਣੀ ਮਾਂ ਦੀ ਮੌਤ ਤੋਂ ਬਹੁਤ ਦੁਖੀ ਸਨ, ਕਿਉਂਕਿ ਸੰਜੇ ਦੀ ਫਿਲਮ ਰੌਕੀ ਦੀ ਰਿਲੀਜ਼ ਤੋਂ ਸਿਰਫ਼ ਤਿੰਨ ਦਿਨ ਪਹਿਲਾਂ ਉਨ੍ਹਾਂ ਦੀ ਮੌਤ ਹੋ ਗਈ ਸੀ। ਨਰਗਿਸ ਦਾ ਦੇਹਾਂਤ 3 ਮਈ 1981 ਨੂੰ ਹੋਇਆ ਸੀ।

ਰਾਜੇਸ਼ ਖੰਨਾ

ਹਿੰਦੀ ਫਿਲਮਾਂ ਦੇ "ਕਾਕਾ" ਵਜੋਂ ਜਾਣੇ ਜਾਂਦੇ ਅਦਾਕਾਰ ਰਾਜੇਸ਼ ਖੰਨਾ ਵੀ ਕੈਂਸਰ ਦਾ ਸ਼ਿਕਾਰ ਹੋ ਗਏ ਸਨ। ਉਨ੍ਹਾਂ ਨੂੰ ਬਲੈਡਰ ਕੈਂਸਰ ਸੀ। ਉਨ੍ਹਾਂ ਨੂੰ ਆਪਣੀ ਮੌਤ ਤੋਂ ਡੇਢ ਸਾਲ ਪਹਿਲਾਂ ਆਪਣੇ ਕੈਂਸਰ ਬਾਰੇ ਪਤਾ ਲੱਗਾ ਸੀ। ਉਨ੍ਹਾਂ ਦਾ ਲੰਮਾ ਇਲਾਜ ਚੱਲਿਆ, ਪਰ 18 ਜੁਲਾਈ, 2012 ਨੂੰ ਕੈਂਸਰ ਨਾਲ ਉਨ੍ਹਾਂ ਦੀ ਮੌਤ ਹੋ ਗਈ। ਆਪਣੀ ਮੌਤ ਤੋਂ ਵੀਹ ਦਿਨ ਪਹਿਲਾਂ, ਉਨ੍ਹਾਂ ਨੇ ਆਪਣੇ ਪਰਿਵਾਰ ਨੂੰ ਕਿਹਾ, "ਮੈਨੂੰ ਪਤਾ ਹੈ ਕਿ ਦਵਾਈਆਂ ਕੰਮ ਨਹੀਂ ਕਰ ਰਹੀਆਂ; ਲੱਗਦਾ ਹੈ ਕਿ ਮੇਰਾ ਸਮਾਂ ਆ ਗਿਆ ਹੈ।"

ਵਿਨੋਦ ਖੰਨਾ

ਦਿੱਗਜ ਅਦਾਕਾਰ ਵਿਨੋਦ ਖੰਨਾ ਵੀ ਕੈਂਸਰ ਦਾ ਸ਼ਿਕਾਰ ਹੋ ਗਏ। ਵਿਨੋਦ ਖੰਨਾ ਨੂੰ ਬਲੈਡਰ ਕੈਂਸਰ ਸੀ ਅਤੇ ਉਹ ਲੰਬੇ ਸਮੇਂ ਤੋਂ ਇਸ ਨਾਲ ਜੂਝ ਰਹੇ ਸਨ। ਕੈਂਸਰ ਕਾਰਨ ਉਨ੍ਹਾਂ ਦੀ ਹਾਲਤ ਦਿਨ-ਬ-ਦਿਨ ਵਿਗੜਦੀ ਗਈ। ਇਸ ਤੋਂ ਬਾਅਦ, 27 ਅਪ੍ਰੈਲ, 2017 ਨੂੰ ਵਿਨੋਦ ਖੰਨਾ ਦਾ 70 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ।

ਇਸ ਤੋਂ ਇਲਾਵਾ ਫਿਰੋਜ਼ ਖਾਨ, ਟੌਮ ਆਲਟਰ, ਅਤੇ ਵਿਭੂ ਰਾਘਵ ਸਮੇਤ ਕਈ ਸਿਤਾਰੇ ਕੈਂਸਰ ਦੀ ਲਪੇਟ ਵਿੱਚ ਆਏ ਤੇ ਇਸ ਜੰਗ ਨੂ ਹਾਰੇ ਹਨ। ਇਹ ਸਿਤਾਰੇ ਲੰਬੇ ਸਮੇਂ ਤੱਕ ਕੈਂਸਰ ਨਾਲ ਲੜਦੇ ਰਹੇ ਪਰ ਅੰਤ ਵਿੱਚ ਇਸ ਦੀ ਲਪੇਟ ਵਿੱਚ ਆ ਗਏ। ਹਾਲ ਹੀ ਵਿੱਚ, ਅਦਾਕਾਰ ਪੰਕਜ ਧੀਰ ਦਾ ਵੀ ਦੇਹਾਂਤ ਹੋ ਗਿਆ।