Delhi Ganesh Death : 400 ਫਿਲਮਾਂ ਕਰਨ ਵਾਲੇ ਅਦਾਕਾਰ ਦਿੱਲੀ ਗਣੇਸ਼ ਨੇ 80 ਸਾਲ ਦੀ ਉਮਰ 'ਚ ਲਿਆ ਆਖ਼ਰੀ ਸਾਹ
ਉਹ ਆਖਰੀ ਵਾਰ ਤਮੰਨਾ ਭਾਟੀਆ ਅਤੇ ਰਾਸ਼ੀ ਖੰਨਾ ਦੀ ਹਾਰਰ ਕਾਮੇਡੀ ਫਿਲਮ ਅਰਨਮਈ 4 ਅਤੇ ਕਮਲ ਹਾਸਨ ਸਟਾਰਰ ਫਿਲਮ ਇੰਡੀਅਨ 2 ਵਿੱਚ ਨਜ਼ਰ ਆਈ ਸੀ, ਜੋ ਇਸ ਸਾਲ ਰਿਲੀਜ਼ ਹੋਈ ਸੀ।
Posted By Jaswinder Duhra
Publish Date: Sun, 10 Nov 2024 11:14 AM (IST)
Updated Date: Sun, 10 Nov 2024 05:00 PM (IST)
ਆਨਲਾਈਨ ਡੈਸਕ, ਨਵੀਂ ਦਿੱਲੀ : (Delhi Ganesh Passes Away) ਐਤਵਾਰ ਮਨੋਰੰਜਨ ਜਗਤ ਤੋਂ ਦਿਲ ਦਹਿਲਾ ਦੇਣ ਵਾਲੀ ਖ਼ਬਰ ਲੈ ਕੇ ਆਇਆ ਹੈ। ਤਮਿਲ ਸਿਨੇਮਾ ਵਿੱਚ ਲੰਬੇ ਸਮੇਂ ਤੱਕ ਅਦਾਕਾਰ ਵਜੋਂ ਕੰਮ ਕਰਨ ਵਾਲੇ ਉੱਘੇ ਅਦਾਕਾਰ ਦਿੱਲੀ ਗਣੇਸ਼ ਦਾ ਦੇਹਾਂਤ ਹੋ ਗਿਆ ਹੈ।
80 ਸਾਲ ਦੀ ਉਮਰ ਵਿੱਚ ਇਸ ਦਿੱਗਜ ਕਲਾਕਾਰ ਨੇ ਦੁਨੀਆਂ ਨੂੰ ਅਲਵਿਦਾ ਕਹਿ ਦਿੱਤਾ ਹੈ। ਉਨ੍ਹਾਂ ਦੀ ਮੌਤ ਦੀ ਖ਼ਬਰ ਸਾਹਮਣੇ ਆਉਂਦੇ ਹੀ ਇੰਡਸਟਰੀ 'ਚ ਸੋਗ ਦੀ ਲਹਿਰ ਦੌੜ ਗਈ ਅਤੇ ਹਰ ਕੋਈ ਇਸ ਬਾਰੇ ਜਾਣ ਕੇ ਹੈਰਾਨ ਰਹਿ ਗਿਆ। ਆਓ ਜਾਣਦੇ ਹਾਂ ਸਿਨੇਮਾ ਦੇ ਇਸ ਮਾਸਟਰ ਦੀ ਮੌਤ ਕਿਵੇਂ ਹੋਈ।
ਨਹੀਂ ਰਹੇ ਦਿੱਗਜ ਅਦਾਕਾਰ ਦਿੱਲੀ ਗਣੇਸ਼
ਲੰਬੇ ਸਮੇਂ ਤੋਂ ਦਿੱਲੀ ਗਣੇਸ਼ ਵਧਦੀ ਉਮਰ ਕਾਰਨ ਸਿਹਤ ਸਬੰਧੀ ਸਮੱਸਿਆਵਾਂ ਨਾਲ ਜੂਝ ਰਹੇ ਸਨ। ਅਜਿਹੇ 'ਚ ਬੀਤੀ 9 ਨਵੰਬਰ ਦੀ ਰਾਤ ਉਨ੍ਹਾਂ ਨੇ ਚੇਨਈ 'ਚ ਆਖ਼ਰੀ ਸਾਹ ਲਿਆ ਅਤੇ ਇਸ ਦੁਨੀਆ ਨੂੰ ਹਮੇਸ਼ਾ ਲਈ ਅਲਵਿਦਾ ਕਹਿ ਦਿੱਤਾ। ਦਿੱਲੀ ਗਣੇਸ਼ ਦਾ ਅਸਲੀ ਨਾਮ ਗਣੇਸ਼ਨ ਸੀ। ਉਹ ਫਿਲਮਾਂ ਵਿੱਚ ਸਹਾਇਕ ਰੋਲ ਕਰਨ ਲਈ ਕਾਫੀ ਮਸ਼ਹੂਰ ਸੀ।
ਉਸਦਾ ਜਨਮ 1 ਅਗਸਤ 1944 ਨੂੰ ਤਿਰੂਨੇਲਵੇਲੀ, ਤਾਮਿਲਨਾਡੂ ਵਿੱਚ ਹੋਇਆ ਸੀ। ਸਾਲ 1976 ਵਿੱਚ, ਦਿੱਲੀ ਗਣੇਸ਼ ਨੇ ਇੱਕ ਅਭਿਨੇਤਾ ਦੇ ਤੌਰ 'ਤੇ ਆਪਣੇ ਅਦਾਕਾਰੀ ਕਰੀਅਰ ਦੀ ਸ਼ੁਰੂਆਤ ਦੱਖਣੀ ਸਿਨੇਮਾ ਦੇ ਦਿੱਗਜ ਫਿਲਮ ਨਿਰਮਾਤਾ ਬਾਲਚੰਦਰ ਦੀ ਫਿਲਮ ਪੱਤੀਨਾ ਪ੍ਰਵੇਸ਼ਮ ਨਾਲ ਕੀਤੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਕਈ ਮਸ਼ਹੂਰ ਫਿਲਮਾਂ 'ਚ ਆਪਣੇ ਸ਼ਾਨਦਾਰ ਕੰਮ ਨਾਲ ਸੁਰਖ਼ੀਆਂ ਬਟੋਰੀਆਂ।
ਉਹ ਰਾਜਧਾਨੀ ਦਿੱਲੀ ਵਿੱਚ ਦੱਖਣੀ ਭਾਰਤ ਨਾਟਕ ਸਭਾ ਦੇ ਮੈਂਬਰ ਵੀ ਸਨ। ਇਸ ਉੱਘੇ ਕਲਾਕਾਰ ਦੀ ਮੌਤ ਨਾਲ ਉਨ੍ਹਾਂ ਦੇ ਪਰਿਵਾਰ ਨੂੰ ਸਦਮਾ ਲੱਗਾ ਹੈ ਅਤੇ ਉਨ੍ਹਾਂ ਦੇ ਪ੍ਰਸ਼ੰਸਕ ਵੀ ਦੁਖੀ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਉਨ੍ਹਾਂ ਦਾ ਅੰਤਿਮ ਸੰਸਕਾਰ ਅੱਜ 10 ਨਵੰਬਰ ਨੂੰ ਕੀਤਾ ਜਾਵੇਗਾ।
ਦਿੱਲੀ ਗਣੇਸ਼ ਦੀ ਪ੍ਰਸਿੱਧ ਫਿਲਮ
ਅਸਲ 'ਚ ਉਨ੍ਹਾਂ ਨੇ ਆਪਣੇ ਐਕਟਿੰਗ ਕਰੀਅਰ 'ਚ ਇਕ ਤੋਂ ਵਧ ਕੇ ਇਕ ਫਿਲਮਾਂ ਕੀਤੀਆਂ ਸਨ। ਪਰ ਉਸ ਦੀਆਂ ਕੁਝ ਚੋਣਵੀਆਂ ਫਿਲਮਾਂ ਦੇ ਨਾਂ ਇਸ ਪ੍ਰਕਾਰ ਹਨ।
Kudi Sai Velli Ratham Polladhavan Rajangam Raja Paravai Guda Kaatru Yaar Keti Melam
ਜ਼ਿਕਰਯੋਗ ਹੈ ਕਿ ਉਹ ਆਖਰੀ ਵਾਰ ਤਮੰਨਾ ਭਾਟੀਆ ਅਤੇ ਰਾਸ਼ੀ ਖੰਨਾ ਦੀ ਹਾਰਰ ਕਾਮੇਡੀ ਫਿਲਮ ਅਰਨਮਈ 4 ਅਤੇ ਕਮਲ ਹਾਸਨ ਸਟਾਰਰ ਫਿਲਮ ਇੰਡੀਅਨ 2 ਵਿੱਚ ਨਜ਼ਰ ਆਈ ਸੀ, ਜੋ ਇਸ ਸਾਲ ਰਿਲੀਜ਼ ਹੋਈ ਸੀ।
ਏਅਰ ਫੋਰਸ ਵਿੱਚ ਵੀ ਸੇਵਾ ਕੀਤੀ
ਬਤੌਰ ਅਭਿਨੇਤਾ ਫਿਲਮੀ ਦੁਨੀਆ 'ਚ ਆਉਣ ਤੋਂ ਪਹਿਲਾਂ ਦਿੱਲੀ ਗਣੇਸ਼ ਨੇ ਏਅਰ ਫੋਰਸ 'ਚ ਸੇਵਾ ਨਿਭਾਈ ਸੀ। ਉਸਨੇ 1964 ਤੋਂ 1974 ਤੱਕ ਲਗਪਗ 10 ਸਾਲ ਭਾਰਤੀ ਹਵਾਈ ਸੈਨਾ ਵਿੱਚ ਸੇਵਾ ਕੀਤੀ। ਹੁਣ ਜਦੋਂ ਇਹ ਦਿੱਗਜ ਸਾਡੇ ਵਿਚਕਾਰ ਨਹੀਂ ਰਹੇ, ਇਹ ਨਿਸ਼ਚਿਤ ਤੌਰ 'ਤੇ ਸਿਨੇਮਾ ਜਗਤ ਲਈ ਇੱਕ ਵੱਡਾ ਸਦਮਾ ਹੈ।