ਧਰਮਿੰਦਰ ਦੇ ਦੇਹਾਂਤ ਮਗਰੋਂ ਫੈਲੀ ਜੈਕੀ ਚੈਨ ਦੀ ਮੌਤ ਦੀ ਝੂਠੀ ਖ਼ਬਰ, ਲੋਕਾਂ ਨੇ ਦੇ ਦਿੱਤੀ ਸ਼ਰਧਾਂਜਲੀ!
ਐਕਸ਼ਨ ਸੁਪਰਸਟਾਰ ਜੈਕੀ ਚੈਨ (Jackie Chan) ਨੇ ਆਪਣੇ ਕਰੀਅਰ ਵਿੱਚ ਕਿੰਨੀਆਂ ਦਮਦਾਰ ਫ਼ਿਲਮਾਂ ਵਿੱਚ ਕੰਮ ਕੀਤਾ ਹੈ, ਇਹ ਹਰ ਕੋਈ ਜਾਣਦਾ ਹੈ। ਹਾਲੀਵੁੱਡ ਦੇ ਮਹਾਨ ਕਲਾਕਾਰਾਂ ਵਿੱਚ ਜੈਕੀ ਚੈਨ ਦੀ ਗਿਣਤੀ ਕੀਤੀ ਜਾਂਦੀ ਹੈ।
Posted By alisha
Publish Date: Mon, 24 Nov 2025 02:50 PM (IST)
Updated Date: Mon, 24 Nov 2025 03:08 PM (IST)
ਮਨੋਰੰਜਨ ਡੈਸਕ, ਨਵੀਂ ਦਿੱਲੀ : ਐਕਸ਼ਨ ਸੁਪਰਸਟਾਰ ਜੈਕੀ ਚੈਨ (Jackie Chan) ਨੇ ਆਪਣੇ ਕਰੀਅਰ ਵਿੱਚ ਕਿੰਨੀਆਂ ਦਮਦਾਰ ਫ਼ਿਲਮਾਂ ਵਿੱਚ ਕੰਮ ਕੀਤਾ ਹੈ, ਇਹ ਹਰ ਕੋਈ ਜਾਣਦਾ ਹੈ। ਜੈਕੀ ਚੈਨ ਦੀ ਗਿਣਤੀ ਹਾਲੀਵੁੱਡ ਦੇ ਮਹਾਨ ਕਲਾਕਾਰਾਂ ਵਿੱਚ ਕੀਤੀ ਜਾਂਦੀ ਹੈ। ਉਨ੍ਹਾਂ ਨੇ ਕਈ ਭਾਸ਼ਾਵਾਂ ਦੀਆਂ ਫ਼ਿਲਮਾਂ ਵਿੱਚ ਕੰਮ ਕੀਤਾ ਹੈ। ਹਾਲ ਹੀ ਵਿੱਚ ਜੈਕੀ ਚੈਨ ਦੇ ਦੇਹਾਂਤ ਦੀ ਖ਼ਬਰ ਉੱਡੀ ਹੈ, ਜੋ ਕਿ ਸਿਰਫ਼ ਇਕ ਅਫਵਾਹ ਹੈ।
ਦਰਅਸਲ, ਇੱਕ ਪਾਸੇ ਜਿੱਥੇ ਧਰਮਿੰਦਰ (Dharmendra Death News) ਦਾ ਦੇਹਾਂਤ ਹੋ ਗਿਆ ਹੈ, ਉੱਥੇ ਹੀ ਹਾਲੀਵੁੱਡ ਤੋਂ ਵੀ ਖ਼ਬਰ ਸਾਹਮਣੇ ਆਈ ਹੈ ਕਿ ਜੈਕੀ ਚੈਨ ਦਾ ਵੀ ਦੇਹਾਂਤ ਹੋ ਗਿਆ ਹੈ। ਹਾਲਾਂਕਿ ਇਹ ਖ਼ਬਰ ਮਹਿਜ਼ ਅਫ਼ਵਾਹ ਨਿਕਲੀ ਹੈ।
ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਇਆ ਪੋਸਟ
Facebook’s latest fake news: Jackie Chan has passed.
He hasn’t. pic.twitter.com/fxBdLGuRCf
— Digi Gal 🌸 (@DigitalGalX) November 10, 2025
ਦਰਅਸਲ, ਸੋਮਵਾਰ ਦੇ ਦਿਨ ਸੋਸ਼ਲ ਮੀਡੀਆ 'ਤੇ ਇੱਕ ਪੋਸਟ ਵਾਇਰਲ ਹੋਈ। ਇਸ ਪੋਸਟ ਵਿੱਚ ਕਿਹਾ ਗਿਆ ਕਿ ਅਦਾਕਾਰ ਜੈਕੀ ਚੈਨ ਦਾ ਦੇਹਾਂਤ ਹੋ ਗਿਆ ਹੈ। ਫੇਸਬੁੱਕ 'ਤੇ ਇਹ ਪੋਸਟ ਸਾਂਝੀ ਕੀਤੀ ਗਈ ਅਤੇ ਇਸ ਗੱਲ ਦੀ ਜਾਣਕਾਰੀ ਦਿੱਤੀ ਗਈ। ਇੱਥੋਂ ਤੱਕ ਕਿ ਪੋਸਟ ਵਿੱਚ ਜੈਕੀ ਚੈਨ ਦੀ ਇੱਕ ਤਸਵੀਰ ਵੀ ਸਾਂਝੀ ਕੀਤੀ ਗਈ, ਜਿਸ ਵਿੱਚ ਉਹ ਹਸਪਤਾਲ ਵਿੱਚ ਬੈੱਡ 'ਤੇ ਲੇਟੇ ਹੋਏ ਨਜ਼ਰ ਆ ਰਹੇ ਹਨ। ਹਾਲਾਂਕਿ, ਸਾਫ਼ ਪਤਾ ਚੱਲ ਰਿਹਾ ਹੈ ਕਿ ਤਸਵੀਰ ਫ਼ਰਜ਼ੀ (fake) ਹੈ। ਜਿਵੇਂ ਹੀ ਇਹ ਪੋਸਟ ਵਾਇਰਲ ਹੋਈ ਤਾਂ ਜੈਕੀ ਚੈਨ ਦੇ ਪਰਿਵਾਰ ਵੱਲੋਂ ਕਿਹਾ ਗਿਆ ਕਿ ਇਹ ਖ਼ਬਰ ਝੂਠੀ ਹੈ।
ਸੋਸ਼ਲ ਮੀਡੀਆ 'ਤੇ ਕਈ ਫੈਨ ਪੇਜਿਜ਼ ਨੇ ਵੀ ਇਸ ਖ਼ਬਰ ਦੀ ਪੁਸ਼ਟੀ ਕੀਤੀ ਕਿ ਜੈਕੀ ਚੈਨ ਸਿਹਤਮੰਦ ਹਨ ਅਤੇ ਠੀਕ ਹਨ। ਜੋ ਵੀ ਦੇਹਾਂਤ ਦੀਆਂ ਖ਼ਬਰਾਂ ਫੈਲਾਈਆਂ ਜਾ ਰਹੀਆਂ ਹਨ, ਉਹ ਝੂਠੀ ਹੈ। ਕਈ ਸੋਸ਼ਲ ਮੀਡੀਆ ਯੂਜ਼ਰਸ ਨੇ ਲਿਖਿਆ ਕਿ ਆਖ਼ਰਕਾਰ ਫੇਸਬੁੱਕ ਕਿਉਂ ਜੈਕੀ ਚੈਨ ਦੀਆਂ ਝੂਠੀਆਂ ਮੌਤ ਦੀਆਂ ਖ਼ਬਰਾਂ ਉਡਾ ਰਿਹਾ ਹੈ ਅਤੇ ਲੋਕਾਂ ਨੂੰ ਇਹ ਕਰਨ ਵਿੱਚ ਕੀ ਮਜ਼ਾ ਆ ਰਿਹਾ ਹੈ। ਹਾਲਾਂਕਿ, ਇਹ ਕੋਈ ਪਹਿਲੀ ਵਾਰ ਨਹੀਂ ਹੈ ਜਦੋਂ ਅਦਾਕਾਰ ਜੈਕੀ ਚੈਨ ਅਜਿਹੀਆਂ ਫ਼ਰਜ਼ੀ ਖ਼ਬਰਾਂ ਦਾ ਸ਼ਿਕਾਰ ਹੋਏ ਹੋਣ। ਇਸ ਤੋਂ ਪਹਿਲਾਂ ਵੀ ਕਈ ਵਾਰ ਜੈਕੀ ਚੈਨ ਅਜਿਹੀ ਫੇਕ ਨਿਊਜ਼ ਦਾ ਸ਼ਿਕਾਰ ਹੋ ਚੁੱਕੇ ਹਨ।
ਤੁਹਾਨੂੰ ਦੱਸ ਦੇਈਏ ਕਿ ਜੈਕੀ ਚੈਨ ਨੇ ਡ੍ਰੰਕਨ ਮਾਸਟਰ (1978), ਪੁਲਿਸ ਸਟੋਰੀ (1985), ਰਸ਼ ਆਵਰ (1998) ਅਤੇ ਡ੍ਰੰਕਨ ਮਾਸਟਰ II (1994) ਸਮੇਤ ਕਈ ਹਿੱਟ ਫ਼ਿਲਮਾਂ ਵਿੱਚ ਕੰਮ ਕੀਤਾ ਹੈ। ਉੱਥੇ ਹੀ ਭਾਰਤ ਵਿੱਚ ਜੈਕੀ ਚੈਨ ਦੀ ਚੰਗੀ ਖਾਸੀ ਫੈਨ ਫਾਲੋਇੰਗ ਹੈ।