KVS Admission 2023 : ਬੱਚਾ ਦੇ ਕੇਂਦਰੀ ਵਿਦਿਆਲਿਆ 'ਚ ਕਰਵਾਉਣਾ ਹੈ ਦਾਖ਼ਲਾ ਤਾਂ ਜਾਣੋ ਅਪਲਾਈ ਕਰਨ ਦੀ ਆਖ਼ਰੀ ਤਰੀਕ ਸਮੇਤ ਹੋਰ ਅਪਡੇਟ
ਜਿਹੜੇ ਮਾਪੇ ਆਪਣੇ ਬੱਚੇ ਨੂੰ ਦੂਸਰੀ ਤੋਂ 10ਵੀਂ ਜਮਾਤ ਤਕ ਕੇਂਦਰੀ ਵਿਦਿਆਲਿਆ ਵਿਚ ਦਾਖਲ ਕਰਵਾਉਣਾ ਚਾਹੁੰਦੇ ਹਨ, ਉਹ ਨਿਰਧਾਰਤ ਪ੍ਰਕਿਰਿਆ ਰਾਹੀਂ ਅਪਲਾਈ ਕਰ ਸਕਦੇ ਹਨ। ਜੇਕਰ ਸੀਟਾਂ ਖਾਲੀ ਰਹਿੰਦੀਆਂ ਹਨ ਤਾਂ ਦੂਜੀ ਤੋਂ 10ਵੀਂ ਜਮਾਤਾਂ ਲਈ ਐਡਮਿਟ ਕਾਰਡ ਲਏ ਜਾ ਸਕਦੇ ਹਨ, ਜਿਸ ਬਾਰੇ ਜਾਣਕਾਰੀ ਲਈ ਮਾਪੇ ਆਪਣੀ ਰਿਹਾਇਸ਼ ਤੋਂ ਨਜ਼ਦੀਕੀ ਕੇਂਦਰੀ ਵਿਦਿਆਲਿਆ ਨਾਲ ਸੰਪਰਕ ਕਰ ਸਕਦੇ ਹਨ।
Posted By Seema Anand
Publish Date: Mon, 03 Apr 2023 12:23 PM (IST)
Updated Date: Tue, 04 Apr 2023 04:33 PM (IST)
KVS Admission 2023: ਕੇਂਦਰੀ ਵਿਦਿਆਲਿਆ ਸੰਗਠਨ ਵੱਲੋਂ ਦੇਸ਼ ਅਤੇ ਵਿਦੇਸ਼ ਦੇ 1200 ਤੋਂ ਵੱਧ ਕੇਂਦਰੀ ਵਿਦਿਆਲਿਆਂ ਵਿਚ ਸਾਲ 2023-23 ਲਈ ਕਲਾਸ 2 ਤੇ ਹੋਰ ਕਲਾਸਾਂ ਵਿਚ ਦਾਖਲੇ ਲਈ ਅਰਜ਼ੀ ਪ੍ਰਕਿਰਿਆ ਸੋਮਵਾਰ 3 ਅਪ੍ਰੈਲ ਤੋਂ ਸ਼ੁਰੂ ਕੀਤੀ ਗਈ ਹੈ। ਜਿਹੜੇ ਮਾਪੇ ਆਪਣੇ ਬੱਚੇ ਨੂੰ ਦੂਸਰੀ ਤੋਂ 10ਵੀਂ ਜਮਾਤ ਤਕ ਕੇਂਦਰੀ ਵਿਦਿਆਲਿਆ ਵਿਚ ਦਾਖਲ ਕਰਵਾਉਣਾ ਚਾਹੁੰਦੇ ਹਨ, ਉਹ ਨਿਰਧਾਰਤ ਪ੍ਰਕਿਰਿਆ ਰਾਹੀਂ ਅਪਲਾਈ ਕਰ ਸਕਦੇ ਹਨ। ਜੇਕਰ ਸੀਟਾਂ ਖਾਲੀ ਰਹਿੰਦੀਆਂ ਹਨ ਤਾਂ ਦੂਜੀ ਤੋਂ 10ਵੀਂ ਜਮਾਤਾਂ ਲਈ ਐਡਮਿਟ ਕਾਰਡ ਲਏ ਜਾ ਸਕਦੇ ਹਨ, ਜਿਸ ਬਾਰੇ ਜਾਣਕਾਰੀ ਲਈ ਮਾਪੇ ਆਪਣੀ ਰਿਹਾਇਸ਼ ਤੋਂ ਨਜ਼ਦੀਕੀ ਕੇਂਦਰੀ ਵਿਦਿਆਲਿਆ ਨਾਲ ਸੰਪਰਕ ਕਰ ਸਕਦੇ ਹਨ।
ਦੂਜੀ ਜਮਾਤ ਤੋਂ 10 ਵਿਚ ਦਾਖਲੇ ਲਈ ਇੰਝ ਕਰੋ ਅਪਲਾਈ
ਜਿੱਥੇ ਪਹਿਲੀ ਜਮਾਤ ਵਿਚ ਦਾਖ਼ਲੇ ਲਈ ਅਰਜ਼ੀਆਂ ਕੇਂਦਰੀ ਵਿਦਿਆਲਿਆ ਸੰਗਠਨ ਵੱਲੋਂ ਵੈੱਬਸਾਈਟ ਤੇ ਮੋਬਾਈਲ ਐਪਲੀਕੇਸ਼ਨ ਰਾਹੀਂ ਆਨਲਾਈਨ ਮੋਡ ਵਿੱਚ ਸਵੀਕਾਰ ਕੀਤੀਆਂ ਜਾ ਰਹੀਆਂ ਹਨ, ਉੱਥੇ ਹੀ ਦੂਜੀ ਜਮਾਤ ਤੇ ਹੋਰਾਂ ਜਮਾਤਾਂ 'ਚ ਦਾਖ਼ਲੇ ਲਈ ਮਾਪਿਆਂ ਨੂੰ ਆਪਣੇ ਨਜ਼ਦੀਕੀ ਕੇਂਦਰੀ ਵਿਦਿਆਲਿਆ ਜਾਣਾ ਪਵੇਗਾ। ਵੱਖ-ਵੱਖ ਜਮਾਤਾਂ ਦੀਆਂ ਖਾਲੀ ਸੀਟਾਂ ਬਾਰੇ ਜਾਣਕਾਰੀ ਦੇ ਨਾਲ-ਨਾਲ ਕੇਂਦਰੀ ਵਿਦਿਆਲਿਆ ਵੱਲੋਂ ਅਰਜ਼ੀ ਫਾਰਮ ਉਪਲਬਧ ਕਰਵਾਏ ਜਾਣਗੇ। ਮਾਪਿਆਂ ਨੂੰ ਇਸ ਫਾਰਮ ਨੂੰ ਪੂਰੀ ਤਰ੍ਹਾਂ ਭਰ ਕੇ ਅਤੇ ਮੰਗੇ ਗਏ ਦਸਤਾਵੇਜ਼ਾਂ ਨੂੰ ਨੱਥੀ ਕਰਕੇ 12 ਅਪ੍ਰੈਲ ਤੱਕ ਵਿਅਕਤੀਗਤ ਤੌਰ 'ਤੇ ਜਮ੍ਹਾ ਕਰਵਾਉਣਾ ਹੋਵੇਗਾ।
ਕੇਂਦਰੀ ਵਿਦਿਆਲਿਆ 'ਚ ਕਲਾਸ 2 ਅਤੇ ਹੋਰਾਂ ਵਿਚ ਦਾਖਲੇ ਲਈ ਨਿਰਧਾਰਤ ਵੱਧ ਤੋਂ ਵੱਧ ਅਤੇ ਘੱਟੋ-ਘੱਟ ਉਮਰ ਹੱਦ ਹੈ, ਜਿੱਥੇ ਉਮਰ 31 ਮਾਰਚ ਤੋਂ ਗਿਣੀ ਜਾਣੀ ਹੈ।
ਕਲਾਸ 2 - ਘੱਟੋ-ਘੱਟ 7 ਸਾਲ ਅਤੇ ਵੱਧ ਤੋਂ ਵੱਧ 9 ਸਾਲ
ਕਲਾਸ 3 - ਘੱਟੋ-ਘੱਟ 7 ਸਾਲ ਅਤੇ ਵੱਧ ਤੋਂ ਵੱਧ 9 ਸਾਲ
ਕਲਾਸ 4 - ਘੱਟੋ-ਘੱਟ 8 ਸਾਲ ਅਤੇ ਵੱਧ ਤੋਂ ਵੱਧ 10 ਸਾਲ
ਕਲਾਸ 5 - ਘੱਟੋ-ਘੱਟ 9 ਸਾਲ ਅਤੇ ਵੱਧ ਤੋਂ ਵੱਧ 11 ਸਾਲ
ਕਲਾਸ 6 - ਘੱਟੋ-ਘੱਟ 10 ਸਾਲ ਅਤੇ ਵੱਧ ਤੋਂ ਵੱਧ 12 ਸਾਲ
ਕਲਾਸ 7 - ਘੱਟੋ ਘੱਟ 11 ਸਾਲ ਅਤੇ ਵੱਧ ਤੋਂ ਵੱਧ 13 ਸਾਲ
ਕਲਾਸ 8 - ਘੱਟੋ-ਘੱਟ 12 ਸਾਲ ਅਤੇ ਵੱਧ ਤੋਂ ਵੱਧ 14 ਸਾਲ
ਕਲਾਸ 9 - ਘੱਟੋ ਘੱਟ 13 ਸਾਲ ਅਤੇ ਵੱਧ ਤੋਂ ਵੱਧ 15 ਸਾਲ
ਕਲਾਸ 10 - ਘੱਟੋ-ਘੱਟ 14 ਸਾਲ ਅਤੇ ਵੱਧ ਤੋਂ ਵੱਧ 16 ਸਾਲ