EMRS Vacancy 2025: ਏਕਲਵਿਆ ਸਕੂਲ TGT, PGT, ਪ੍ਰਿੰਸੀਪਲ ਸਣੇ ਨਾਨ-ਟੀਚਿੰਗ ਅਸਾਮੀਆਂ ਲਈ ਪ੍ਰੀਖਿਆ ਸ਼ਡਿਊਲ ਜਾਰੀ, ਇਨ੍ਹਾਂ ਤਰੀਕਾਂ ਨੂੰ ਹੋਵੇਗੀ ਪ੍ਰੀਖਿਆ
ਰਾਸ਼ਟਰੀ ਆਦਿਵਾਸੀ ਵਿਦਿਆਰਥੀ ਸਿੱਖਿਆ ਸਮਿਤੀ (NESTS) ਵੱਲੋਂ ਏਕਲਵਿਆ ਸਕੂਲ ਭਰਤੀ 2025 ਲਈ ਪ੍ਰੀਖਿਆ ਦੀਆਂ ਤਰੀਕਾਂ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਅਸਾਮੀਆਂ ਅਨੁਸਾਰ ਪ੍ਰੀਖਿਆ ਦਾ ਆਯੋਜਨ 13, 14 ਅਤੇ 21 ਦਸੰਬਰ ਨੂੰ ਕਰਵਾਇਆ ਜਾਵੇਗਾ। ਸਿਟੀ ਸਲਿੱਪ ਪ੍ਰੀਖਿਆ ਦੀ ਮਿਤੀ ਤੋਂ 15 ਦਿਨ ਪਹਿਲਾਂ ਅਤੇ ਐਡਮਿਟ ਕਾਰਡ 2 ਦਿਨ ਪਹਿਲਾਂ ਜਾਰੀ ਕੀਤੇ ਜਾਣਗੇ।
Posted By Tejinder Thind
Publish Date: Wed, 26 Nov 2025 01:14 PM (IST)
Updated Date: Wed, 26 Nov 2025 01:21 PM (IST)
ਐਜੂਕੇਸ਼ਨ ਡੈਸਕ, ਨਵੀਂ ਦਿੱਲੀ। ਦੇਸ਼ ਭਰ ਦੇ ਏਕਲਵਿਆ ਸਕੂਲਾਂ ਵਿੱਚ ਟੀਜੀਟੀ, ਪੀਜੀਟੀ, ਪ੍ਰਿੰਸੀਪਲ ਸਮੇਤ ਹੋਰ ਨੌਨ-ਟੀਚਿੰਗ ਦੀਆਂ 7267 ਖਾਲੀ ਅਸਾਮੀਆਂ 'ਤੇ ਭਰਤੀ ਲਈ ਅਰਜ਼ੀ ਦੀ ਪ੍ਰਕਿਰਿਆ 28 ਅਕਤੂਬਰ ਤੱਕ ਪੂਰੀ ਕੀਤੀ ਗਈ ਸੀ। ਹੁਣ ਇਸ ਭਰਤੀ ਲਈ ਟੀਅਰ 1 ਪ੍ਰੀਖਿਆ ਦਾ ਆਯੋਜਨ ਕੀਤਾ ਜਾਵੇਗਾ, ਜਿਸ ਲਈ ਰਾਸ਼ਟਰੀ ਆਦਿਵਾਸੀ ਵਿਦਿਆਰਥੀ ਸਿੱਖਿਆ ਸਮਿਤੀ (NESTS) ਵੱਲੋਂ ਨੋਟੀਫਿਕੇਸ਼ਨ ਜਾਰੀ ਕਰਕੇ ਸ਼ਡਿਊਲ ਦਾ ਐਲਾਨ ਕਰ ਦਿੱਤਾ ਗਿਆ ਹੈ।
ਇਨ੍ਹਾਂ ਤਰੀਕਾਂ ਨੂੰ ਹੋਵੇਗੀ ਪ੍ਰੀਖਿਆ
ਈ.ਐੱਮ.ਆਰ.ਐੱਸ. (EMRS) ਭਰਤੀ ਲਈ ਜਾਰੀ ਕੀਤੇ ਗਏ ਨੋਟੀਫਿਕੇਸ਼ਨ ਅਨੁਸਾਰ ਵੱਖ-ਵੱਖ ਅਸਾਮੀਆਂ ਲਈ ਪ੍ਰੀਖਿਆ ਦਾ ਆਯੋਜਨ 13, 14 ਅਤੇ 21 ਦਸੰਬਰ 2025 ਨੂੰ ਕਰਵਾਇਆ ਜਾਵੇਗਾ। ਅਸਾਮੀ, ਤਰੀਕ ਅਤੇ ਸ਼ਿਫਟ ਅਨੁਸਾਰ ਪੂਰਾ ਸ਼ਡਿਊਲ ਹੇਠਾਂ ਦਿੱਤੀ ਗਈ ਟੇਬਲ ਤੋਂ ਚੈੱਕ ਕੀਤਾ ਜਾ ਸਕਦਾ ਹੈ-
ਪ੍ਰੀਖਿਆ ਦੀ ਮਿਤੀ (Exam Date)
| ਅਹੁਦਾ (Post) | ਸਮਾਂ (Timing) |
| 13 ਦਸੰਬਰ 2025 | ਪ੍ਰਿੰਸੀਪਲ (Principal) | ਦੁਪਹਿਰ 2:30 ਤੋਂ ਸ਼ਾਮ 4:30 ਵਜੇ ਤੱਕ |
| 13 ਦਸੰਬਰ 2025 | ਅਕਾਊਂਟੈਂਟ (Accountant) | ਦੁਪਹਿਰ 2:30 ਤੋਂ ਸ਼ਾਮ 4:30 ਵਜੇ ਤੱਕ |
| 14 ਦਸੰਬਰ 2025 | ਪੀ.ਜੀ.ਟੀ. (PGT) | ਸਵੇਰੇ 9 ਤੋਂ 11:30 ਵਜੇ ਤੱਕ |
| 14 ਦਸੰਬਰ 2025 | ਟੀ.ਜੀ.ਟੀ. (TGT) ਅਤੇ MISC. ਟੀਚਰਜ਼ | ਦੁਪਹਿਰ 2:30 ਵਜੇ ਤੋਂ ਸ਼ਾਮ 5:00 ਵਜੇ ਤੱਕ |
| 21 ਦਸੰਬਰ 2025 | ਹੋਸਟਲ ਵਾਰਡਨ (Hostel Warden) | ਸਵੇਰੇ 9 ਤੋਂ ਦੁਪਹਿਰ 11 ਵਜੇ ਤੱਕ |
| 21 ਦਸੰਬਰ 2025 | ਫੀਮੇਲ ਸਟਾਫ਼ ਨਰਸ (Female Staff Nurse) | ਸਵੇਰੇ 9 ਤੋਂ ਦੁਪਹਿਰ 11 ਵਜੇ ਤੱਕ |
| 21 ਦਸੰਬਰ 2025 | ਜੂਨੀਅਰ ਸਕੱਤਰੇਤ ਸਹਾਇਕ (Junior Secretariat Assistant) | ਦੁਪਹਿਰ 2:30 ਤੋਂ ਸ਼ਾਮ 4:30 ਵਜੇ ਤੱਕ |
| 21 ਦਸੰਬਰ 2025 | ਲੈਬ ਅਟੈਂਡੈਂਟ (Lab Attendant) | ਦੁਪਹਿਰ 2:30 ਤੋਂ ਸ਼ਾਮ 4:30 ਵਜੇ ਤੱਕ |
ਪ੍ਰੀਖਿਆ ਸਿਟੀ ਸਲਿੱਪ ਅਤੇ ਐਡਮਿਟ ਕਾਰਡ ਕਦੋਂ ਜਾਰੀ ਹੋਣਗੇ?
ਨੋਟੀਫਿਕੇਸ਼ਨ ਮੁਤਾਬਕ ਸਾਰੇ ਅਪਲਾਈ ਕਰਨ ਵਾਲੇ ਉਮੀਦਵਾਰਾਂ ਲਈ ਪ੍ਰੀਖਿਆ ਸਿਟੀ ਇੰਟੀਮੇਸ਼ਨ ਸਲਿੱਪ ਪ੍ਰੀਖਿਆ ਦੀ ਮਿਤੀ ਤੋਂ 15 ਦਿਨ ਪਹਿਲਾਂ ਡਾਊਨਲੋਡ ਕਰਨ ਲਈ ਉਪਲਬਧ ਕਰਵਾ ਦਿੱਤੀਆਂ ਜਾਣਗੀਆਂ। ਅਜਿਹੇ ਵਿੱਚ ਉਮੀਦ ਹੈ ਕਿ ਸਿਟੀ ਸਲਿੱਪ 28 ਜਾਂ 29 ਨਵੰਬਰ ਨੂੰ ਜਾਰੀ ਹੋ ਜਾਵੇਗੀ।
ਪ੍ਰੀਖਿਆ ਲਈ ਐਡਮਿਟ ਕਾਰਡ ਪ੍ਰੀਖਿਆ ਦੀ ਮਿਤੀ ਤੋਂ 2 ਦਿਨ ਪਹਿਲਾਂ ਜਾਰੀ ਕੀਤੇ ਜਾਣਗੇ। ਸਾਰੇ ਉਮੀਦਵਾਰ ਐਡਮਿਟ ਕਾਰਡ ਜਾਰੀ ਹੋਣ ਤੋਂ ਬਾਅਦ ਅਧਿਕਾਰਤ ਵੈੱਬਸਾਈਟ ਤੋਂ ਆਨਲਾਈਨ ਮਾਧਿਅਮ ਰਾਹੀਂ ਡਾਊਨਲੋਡ ਕਰ ਸਕਣਗੇ, ਕਿਸੇ ਵੀ ਉਮੀਦਵਾਰ ਨੂੰ ਨਿੱਜੀ ਤੌਰ 'ਤੇ ਪ੍ਰਵੇਸ਼ ਪੱਤਰ ਨਹੀਂ ਭੇਜੇ ਜਾਣਗੇ।
ਭਰਤੀ ਵੇਰਵਾ (Recruitment Details)
| ਅਹੁਦਾ (Post) | ਅਸਾਮੀਆਂ (Vacancies) |
| ਪ੍ਰਿੰਸੀਪਲ (Principal) | 225 ਅਸਾਮੀਆਂ |
| ਟੀ.ਜੀ.ਟੀ., MISC. ਟੀਚਰਜ਼ | 3962 ਅਸਾਮੀਆਂ |
| ਪੀ.ਜੀ.ਟੀ. (PGT) | 1460 ਅਸਾਮੀਆਂ |
| ਸਟਾਫ਼ ਨਰਸ (Staff Nurse) | 550 ਅਸਾਮੀਆਂ |
| ਹੋਸਟਲ ਵਾਰਡਨ (Hostel Warden) | 635 ਅਸਾਮੀਆਂ |
| ਲੇਖਾਕਾਰ (Accountant) | 61 ਅਸਾਮੀਆਂ |
| ਜੂਨੀਅਰ ਸਕੱਤਰੇਤ ਸਹਾਇਕ (Junior Secretariat Assistant) | 228 ਅਸਾਮੀਆਂ |
| ਲੈਬ ਅਟੈਂਡੈਂਟ (Lab Attendant) | 146 ਅਸਾਮੀਆਂ |