IND vs SA Test Series 2025: ਭਾਰਤ ਦੀ ਸ਼ਰਮਨਾਕ ਹਾਰ ਲਈ ਗੁਨਾਹਗਾਰ! SA ਖਿਲਾਫ ਪੂਰੀ ਤਰ੍ਹਾ ਫਲਾਪ ਰਹੇ ਇਹ 5 ਖਿਡਾਰੀ
IND vs SA Test Series 2025:ਕੋਲਕਾਤਾ ਵਿੱਚ 30 ਦੌੜਾਂ ਅਤੇ ਗੁਹਾਟੀ ਵਿੱਚ 408 ਦੌੜਾਂ ਨਾਲ ਮਿਲੀ ਕਰਾਰੀ ਹਾਰ ਨੇ ਕਈ ਵੱਡੇ ਖਿਡਾਰੀਆਂ ਦੇ ਖਰਾਬ ਪ੍ਰਦਰਸ਼ਨ ਨੂੰ ਉਜਾਗਰ ਕਰ ਦਿੱਤਾ। ਬੱਲੇਬਾਜ਼ੀ, ਗੇਂਦਬਾਜ਼ੀ ਅਤੇ ਫੀਲਡਿੰਗ ਤਿੰਨਾਂ ਵਿਭਾਗਾਂ ਵਿੱਚ ਭਾਰਤ ਖਿਲਰਿਆ ਹੋਇਆ ਨਜ਼ਰ ਆਇਆ। ਸੀਰੀਜ਼ ਵਿੱਚ ਪੰਜ ਅਜਿਹੇ ਖਿਡਾਰੀ ਹਨ, ਜਿਨ੍ਹਾਂ ਦਾ ਪ੍ਰਦਰਸ਼ਨ ਟੀਮ ਦੀ ਹਾਰ ਦਾ ਮੁੱਖ ਕਾਰਨ ਬਣਿਆ।
Posted By Sandip Kaur
Publish Date: Thu, 27 Nov 2025 11:26 AM (IST)
Updated Date: Thu, 27 Nov 2025 11:34 AM (IST)
ਨਵੀਂ ਦਿੱਲੀ, ਡਿਜੀਟਲ ਡੈਸਕ: ਦੱਖਣੀ ਅਫ਼ਰੀਕਾ ਖਿਲਾਫ ਦੋ ਟੈਸਟ ਮੈਚਾਂ ਦੀ ਸੀਰੀਜ਼ ਵਿੱਚ ਭਾਰਤੀ ਟੀਮ (India National Cricket Team) ਦਾ ਪ੍ਰਦਰਸ਼ਨ ਬੇਹੱਦ ਨਿਰਾਸ਼ਾਜਨਕ ਰਿਹਾ। ਕੋਲਕਾਤਾ ਵਿੱਚ 30 ਦੌੜਾਂ ਅਤੇ ਗੁਹਾਟੀ ਵਿੱਚ 408 ਦੌੜਾਂ ਨਾਲ ਮਿਲੀ ਕਰਾਰੀ ਹਾਰ ਨੇ ਕਈ ਵੱਡੇ ਖਿਡਾਰੀਆਂ ਦੇ ਖਰਾਬ ਪ੍ਰਦਰਸ਼ਨ ਨੂੰ ਉਜਾਗਰ ਕਰ ਦਿੱਤਾ। ਬੱਲੇਬਾਜ਼ੀ, ਗੇਂਦਬਾਜ਼ੀ ਅਤੇ ਫੀਲਡਿੰਗ ਤਿੰਨਾਂ ਵਿਭਾਗਾਂ ਵਿੱਚ ਭਾਰਤ ਖਿਲਰਿਆ ਹੋਇਆ ਨਜ਼ਰ ਆਇਆ। ਸੀਰੀਜ਼ ਵਿੱਚ ਪੰਜ ਅਜਿਹੇ ਖਿਡਾਰੀ ਹਨ, ਜਿਨ੍ਹਾਂ ਦਾ ਪ੍ਰਦਰਸ਼ਨ ਟੀਮ ਦੀ ਹਾਰ ਦਾ ਮੁੱਖ ਕਾਰਨ ਬਣਿਆ।
IND vs SA ਟੈਸਟ ਸੀਰੀਜ਼ 2025: ਇਹ 5 ਭਾਰਤੀ ਖਿਡਾਰੀ ਰਹੇ ਫਲਾਪ
1. ਰਿਸ਼ਭ ਪੰਤ (Rishabh Pant) ਕਪਤਾਨ ਵਜੋਂ ਅਤੇ ਬੱਲੇਬਾਜ਼ ਵਜੋਂ ਵੀ ਪੰਤ ਉਮੀਦਾਂ 'ਤੇ ਖਰੇ ਨਹੀਂ ਉੱਤਰੇ। ਦੋਵਾਂ ਟੈਸਟਾਂ ਵਿੱਚ ਉਹ ਮਹੱਤਵਪੂਰਨ ਮੌਕਿਆਂ 'ਤੇ ਜਲਦੀ ਆਊਟ ਹੋ ਗਏ ਅਤੇ ਟੀਮ ਨੂੰ ਸੰਭਾਲਣ ਵਿੱਚ ਅਸਫਲ ਰਹੇ। ਉਨ੍ਹਾਂ ਨੇ ਦੋ ਟੈਸਟਾਂ ਦੀਆਂ ਚਾਰ ਪਾਰੀਆਂ ਵਿੱਚ ਕੁੱਲ 49 ਦੌੜਾਂ ਬਣਾਈਆਂ।
2. ਯਸ਼ਸਵੀ ਜੈਸਵਾਲ (Yashasvi Jaiswal) ਓਪਨਿੰਗ ਵਿੱਚ ਮਿਲੀ ਜ਼ਿੰਮੇਵਾਰੀ ਉਹ ਨਿਭਾਅ ਨਹੀਂ ਸਕੇ। ਦੋਵਾਂ ਮੈਚਾਂ ਵਿੱਚ ਉਨ੍ਹਾਂ ਦੀ ਸ਼ੁਰੂਆਤ ਖਰਾਬ ਰਹੀ ਅਤੇ ਉਹ ਗੇਂਦਬਾਜ਼ਾਂ ਨੂੰ ਚੰਗੀ ਤਰ੍ਹਾਂ ਪੜ੍ਹਨ ਵਿੱਚ ਨਾਕਾਮ ਰਹੇ। ਉਨ੍ਹਾਂ ਦੀ ਅਸਫਲਤਾ ਕਾਰਨ ਟੀਮ ਨੂੰ ਮਜ਼ਬੂਤ ਸ਼ੁਰੂਆਤ ਨਹੀਂ ਮਿਲ ਸਕੀ। ਉਨ੍ਹਾਂ ਨੇ ਦੋ ਟੈਸਟਾਂ ਦੀਆਂ ਚਾਰ ਪਾਰੀਆਂ ਵਿੱਚ ਕੁੱਲ 83 ਦੌੜਾਂ ਬਣਾਈਆਂ ਹਨ।
3. ਕੇਐੱਲ ਰਾਹੁਲ (KL Rahul) ਤਜਰਬੇਕਾਰ ਬੱਲੇਬਾਜ਼ ਵਜੋਂ ਉਨ੍ਹਾਂ ਤੋਂ ਵੱਡੀ ਪਾਰੀ ਦੀ ਉਮੀਦ ਸੀ, ਪਰ ਉਨ੍ਹਾਂ ਨੇ ਖਰਾਬ ਪ੍ਰਦਰਸ਼ਨ ਕੀਤਾ। ਰਾਹੁਲ ਦਬਾਅ ਹੇਠ ਸੰਘਰਸ਼ ਕਰਦੇ ਨਜ਼ਰ ਆਏ ਅਤੇ ਉਨ੍ਹਾਂ ਦੀਆਂ ਪਾਰੀਆਂ ਭਾਰਤ ਦੀ ਹਾਰ ਦਾ ਕਾਰਨ ਬਣੀਆਂ। ਉਨ੍ਹਾਂ ਨੇ ਦੋ ਟੈਸਟਾਂ ਦੀਆਂ ਚਾਰ ਪਾਰੀਆਂ ਵਿੱਚ ਕੁੱਲ 68 ਦੌੜਾਂ ਬਣਾਈਆਂ ਹਨ।
4. ਧਰੁਵ ਜੁਰੇਲ (Dhruv Jurel) ਕੋਲਕਾਤਾ ਟੈਸਟ ਵਿੱਚ ਉਹ ਸ਼ੁਰੂਆਤ ਨੂੰ ਅੱਗੇ ਨਹੀਂ ਵਧਾ ਸਕੇ ਅਤੇ ਦਬਾਅ ਦੇ ਸਮੇਂ ਆਪਣੀ ਵਿਕਟ ਗੁਆ ਬੈਠੇ। ਗੁਹਾਟੀ ਟੈਸਟ ਵਿੱਚ ਵੀ ਉਹ ਨਾਕਾਮ ਰਹੇ, ਜਦੋਂ ਟੀਮ ਨੂੰ ਸਾਂਝੇਦਾਰੀ ਦੀ ਸਭ ਤੋਂ ਵੱਧ ਜ਼ਰੂਰਤ ਸੀ। ਉਨ੍ਹਾਂ ਨੇ ਦੋ ਟੈਸਟਾਂ ਦੀਆਂ ਚਾਰ ਪਾਰੀਆਂ ਵਿੱਚ ਕੁੱਲ 29 ਦੌੜਾਂ ਬਣਾਈਆਂ ਹਨ।
5. ਵਾਸ਼ਿੰਗਟਨ ਸੁੰਦਰ (Washington Sundar) ਟੀਮ ਵਿੱਚ ਇੱਕ ਸੰਤੁਲਿਤ ਆਲਰਾਊਂਡਰ ਦੀ ਭੂਮਿਕਾ ਨਿਭਾਉਣ ਉੱਤਰੇ ਵਾਸ਼ਿੰਗਟਨ ਦਾ ਪ੍ਰਦਰਸ਼ਨ ਪੂਰੀ ਸੀਰੀਜ਼ ਵਿੱਚ ਫਿੱਕਾ ਰਿਹਾ। ਗੇਂਦਬਾਜ਼ੀ ਵਿੱਚ ਉਨ੍ਹਾਂ ਦੀ ਸਪਿਨ ਦੱਖਣੀ ਅਫ਼ਰੀਕਾ ਦੇ ਬੱਲੇਬਾਜ਼ਾਂ ਨੂੰ ਪਰੇਸ਼ਾਨ ਨਹੀਂ ਕਰ ਸਕੀ ਅਤੇ ਉਹ ਲਗਾਤਾਰ ਦੌੜਾਂ ਲੁਟਾਉਂਦੇ ਰਹੇ। ਉਨ੍ਹਾਂ ਨੇ ਬੱਲੇ ਨਾਲ ਸਭ ਤੋਂ ਵੱਧ 124 ਦੌੜਾਂ ਬਣਾਈਆਂ, ਜਦੋਂ ਕਿ ਸਿਰਫ਼ ਇੱਕ ਵਿਕਟ ਲੈਣ ਵਿੱਚ ਸਫਲ ਰਹੇ।
6. ਨਿਤੀਸ਼ ਰੈੱਡੀ (Nitish Kumar Reddy) ਤੇਜ਼ ਗੇਂਦਬਾਜ਼ੀ ਆਲਰਾਊਂਡਰ ਵਜੋਂ ਟੀਮ ਵਿੱਚ ਜਗ੍ਹਾ ਬਣਾਉਣ ਵਾਲੇ ਰੈੱਡੀ ਨੇ ਦੋ ਪਾਰੀਆਂ ਵਿੱਚ ਸਿਰਫ਼ 10 ਦੌੜਾਂ ਬਣਾਈਆਂ। ਕਪਤਾਨ ਪੰਤ ਨੇ ਉਨ੍ਹਾਂ ਤੋਂ ਗੁਹਾਟੀ ਵਿੱਚ ਸਿਰਫ਼ 10 ਓਵਰ ਕਰਵਾਏ ਜਿਸ ਵਿੱਚ ਉਨ੍ਹਾਂ ਨੇ ਬਿਨਾਂ ਵਿਕਟ ਦੇ 49 ਦੌੜਾਂ ਖਰਚ ਕੀਤੀਆਂ।