Smriti Mandhana ਨੂੰ ਧੋਖਾ ਨਹੀਂ ਦੇ ਰਿਹਾ ਮੰਗੇਤਰ Palash Muchhal, 'ਮਿਸਟਰੀ ਗਰਲ' ਨੇ ਤੋੜੀ ਚੁੱਪੀ; ਬੋਲੀ - 'ਮੈਂ ਉਨ੍ਹਾਂ ਨੂੰ ਕਦੇ ਮਿਲੀ ਤੱਕ ਨਹੀਂ'

ਸਪੋਰਟਸ ਡੈਸਕ, ਨਵੀਂ ਦਿੱਲੀ। MaryD'Costa onSmriti-Palash Wedding Controversy: ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਦੀ ਸਟਾਰ ਕ੍ਰਿਕਟਰ ਸਮ੍ਰਿਤੀ ਮੰਧਾਨਾ ਅਤੇ ਮਿਊਜ਼ਕ ਡਾਇਰੈਕਟਰ ਪਲਾਸ਼ ਮੁਛੱਲ ਦਾ ਵਿਆਹ ਮੁਲਤਵੀ ਹੋਣ ਤੋਂ ਬਾਅਦ ਕਈ ਤਰ੍ਹਾਂ ਦੇ ਅੰਦਾਜ਼ੇ ਲਗਾਏ ਜਾ ਰਹੇ ਹਨ।

ਸੋਸ਼ਲ ਮੀਡੀਆ 'ਤੇ ਪਲਾਸ਼ ਮੁਛੱਲ 'ਤੇ ਸਮ੍ਰਿਤੀ ਮੰਧਾਨਾ ਨੂੰ ਧੋਖਾ ਦੇਣ ਦਾ ਦੋਸ਼ ਵੀ ਲਗਾਇਆ ਜਾ ਰਿਹਾ ਹੈ। ਇਹ ਪੂਰੀ ਕਹਾਣੀ ਸਮ੍ਰਿਤੀ ਮੰਧਾਨਾ ਦੇ ਇੰਸਟਾਗ੍ਰਾਮ ਅਕਾਊਂਟ ਤੋਂ ਵਿਆਹ ਨਾਲ ਜੁੜੀਆਂ ਪੋਸਟਾਂ ਹਟਾਉਣ ਤੋਂ ਸ਼ੁਰੂ ਹੋਈ। ਹੋਇਆ ਇਹ ਕਿ ਪਲਾਸ਼ ਮੁਛੱਲ ਦੀ ਚੈਟ ਇੱਕ ਮੈਰੀ ਡੀ'ਕੋਸਟਾ ਨਾਂਅ ਦੀ 'ਮਿਸਟਰੀ ਗਰਲ' ਨਾਲ ਲੀਕ ਹੋ ਗਈ, ਜਿਸ ਤੋਂ ਬਾਅਦ ਪਲਾਸ਼ 'ਤੇ ਸਮ੍ਰਿਤੀ ਨੂੰ ਧੋਖਾ ਦੇਣ ਵਰਗੀਆਂ ਗੱਲਾਂ ਚਰਚਾ ਵਿੱਚ ਰਹੀਆਂ। ਹੁਣ ਇਸ 'ਤੇ ਮੈਰੀ ਡੀ'ਕੋਸਟਾ ਨੇ ਚੁੱਪੀ ਤੋੜੀ ਹੈ ਅਤੇ ਉਨ੍ਹਾਂ ਦੱਸਿਆ ਹੈ ਕਿ ਉਹ ਪਲਾਸ਼ ਨੂੰ ਕਦੇ ਮਿਲੀ ਤੱਕ ਨਹੀਂ।

ਪਲਾਸ਼ ਮੁਛੱਲ ਨਾਲ ਲੀਕ ਚੈਟ 'ਤੇ 'ਮਿਸਟਰੀ ਗਰਲ' ਨੇ ਤੋੜੀ ਚੁੱਪੀ

ਦਰਅਸਲ ਸਮ੍ਰਿਤੀ ਮੰਧਾਨਾ ਤੇ ਪਲਾਸ਼ ਮੁਛੱਲ ਦਾ (Smriti Mandhana-Palash Muchhal Wedding Postponed) ਵਿਆਹ 23 ਨਵੰਬਰ 2025 ਨੂੰ ਹੋਣਾ ਸੀ, ਪਰ ਕ੍ਰਿਕਟਰ ਦੇ ਪਿਤਾ ਨੂੰ ਮਾਮੂਲੀ ਦਿਲ ਦਾ ਦੌਰਾ (Minor Heart Attack) ਪੈਣ ਕਾਰਨ ਵਿਆਹ ਟਾਲ ਦਿੱਤਾ ਗਿਆ। ਵਿਆਹ ਮੁਲਤਵੀ ਹੋਣ ਤੋਂ ਬਾਅਦ ਕਈ ਤਰ੍ਹਾਂ ਦੀਆਂ ਖ਼ਬਰਾਂ ਸਾਹਮਣੇ ਆਉਣ ਲੱਗੀਆਂ। ਕਿਸੇ ਨੇ ਕਿਹਾ ਕਿ ਦੋਵਾਂ ਦਾ ਬ੍ਰੇਕਅੱਪ ਹੋ ਗਿਆ, ਤਾਂ ਕੋਈ ਇਹ ਕਹਿਣ ਲੱਗਾ ਕਿ ਪਲਾਸ਼ ਨੇ ਸਮ੍ਰਿਤੀ ਨੂੰ ਧੋਖਾ ਦਿੱਤਾ। ਇਸੇ ਦੌਰਾਨ ਇੱਕ 'ਮਿਸਟਰੀ ਗਰਲ' ਦੀ ਚੈਟ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋਈ। ਮੈਰੀ ਡੀ'ਕੋਸਟਾ ਨਾਂਅ ਦੀ ਯੂਜ਼ਰ ਅਤੇ ਪਲਾਸ਼ ਵਿਚਕਾਰ ਕਥਿਤ ਚੈਟ ਸਾਹਮਣੇ ਆਉਣ ਤੋਂ ਬਾਅਦ ਧੋਖਾ ਦੇਣ ਦੀ ਚਰਚਾ ਹੋਰ ਤੇਜ਼ ਹੋ ਗਈ।

ਕਥਿਤ ਚੈਟ ਨੂੰ ਲੈ ਕੇ ਕਿਹਾ ਜਾਣ ਲੱਗਾ ਕਿ ਇਹ ਗੱਲਬਾਤ ਪਲਾਸ਼ ਅਤੇ ਇੱਕ ਕੋਰੀਓਗ੍ਰਾਫਰ ਵਿਚਕਾਰ ਹੋਈ। ਹਾਲਾਂਕਿ, ਇਸ ਵਾਇਰਲ ਚੈਟ ਦੀ ਪੁਸ਼ਟੀ ਨਹੀਂ ਹੋਈ। ਦੋਵਾਂ ਦੇ ਪਰਿਵਾਰ ਵੱਲੋਂ ਇਸ ਚੈਟ ਨੂੰ ਲੈ ਕੇ ਕੋਈ ਪ੍ਰਤੀਕਿਰਿਆ ਨਹੀਂ ਆਈ, ਸਗੋਂ ਜਿਸ 'ਮਿਸਟਰੀ ਗਰਲ' ਨਾਲ ਪਲਾਸ਼ ਦੀ ਚੈਟ ਸਾਹਮਣੇ ਆਈ, ਉਸ ਦਾ ਰੀਐਕਸ਼ਨ ਸਾਹਮਣੇ ਆਇਆ।

ਮੈਰੀ ਨੇ ਆਪਣੇ ਅਕਾਊਂਟ ਤੋਂ ਸਾਰੀਆਂ ਪੋਸਟਾਂ ਡਿਲੀਟ ਕਰ ਦਿੱਤੀਆਂ , ਪਹਿਲਾਂ ਲਿਖਿਆ ਕਿ ਗੱਲ ਇਹ ਹੈ ਕਿ ਮੈਂ ਉਸਨੂੰ ਕਦੇ ਨਹੀਂ ਮਿਲੀ। ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੇ ਇੱਕ ਨੋਟ ਵਿੱਚ, ਮੈਰੀ ਡੀ'ਕੋਸਟਾ ਨੇ ਲਿਖਿਆ,

ਸਭ ਤੋਂ ਪਹਿਲਾਂ ਗੱਲਬਾਤ 29 ਅਪ੍ਰੈਲ ਅਤੇ 30 ਮਈ, 2025 ਦੇ ਵਿਚਕਾਰ ਹੋਈ ਸੀ, ਭਾਵ ਸੰਪਰਕ ਸਿਰਫ ਇੱਕ ਮਹੀਨਾ ਚੱਲਿਆ। ਮੈਂ ਸਪੱਸ਼ਟ ਕਰਨਾ ਚਾਹੁੰਦੀ ਹਾਂ ਕਿ ਮੈਂ ਉਸਨੂੰ ਕਦੇ ਨਹੀਂ ਦੇਖਿਆ ਅਤੇ ਨਾ ਹੀ ਕਿਸੇ ਵੀ ਤਰੀਕੇ ਨਾਲ ਉਸ ਨਾਲ ਜੁੜੀ ਰਹੀ। ਲੋਕ ਪੁੱਛ ਰਹੇ ਹਨ, ਤੁਸੀਂ ਹੁਣ ਇਸ ਬਾਰੇ ਕਿਉਂ ਗੱਲ ਕਰ ਰਹੇ ਹੋ? ਸੱਚਾਈ ਇਹ ਹੈ ਕਿ, ਮੈਂ ਅਸਲ ਵਿੱਚ ਜੁਲਾਈ ਵਿੱਚ ਉਸਦਾ ਪਰਦਾਫਾਸ਼ ਕੀਤਾ ਸੀ, ਪਰ ਉਸ ਸਮੇਂ, ਕਿਸੇ ਨੂੰ ਨਹੀਂ ਪਤਾ ਸੀ ਕਿ ਉਹ ਕੌਣ ਸੀ, ਇਸ ਲਈ ਇਹ ਅਣਦੇਖਿਆ ਗਿਆ।

- ਮੈਰੀ ਡੀ'ਕੋਸਟਾ

ਡੀ'ਕੋਸਟਾ ਨੇ ਇਹ ਵੀ ਸਪੱਸ਼ਟ ਕੀਤਾ ਕਿ ਮੇਰੇ ਬਾਰੇ ਬਹੁਤ ਭੁਲੇਖਾ (confusion) ਹੈ। ਮੈਂ ਇਹ ਸਪੱਸ਼ਟ ਕਰਨਾ ਚਾਹੁੰਦੀ ਹਾਂ ਕਿ ਮੈਂ ਕੋਰੀਓਗ੍ਰਾਫਰ ਨਹੀਂ ਹਾਂ, ਅਤੇ ਨਾ ਹੀ ਮੈਂ ਉਹ ਵਿਅਕਤੀ ਹਾਂ ਜਿਸ ਨਾਲ ਉਸਨੇ ਧੋਖਾ ਕੀਤਾ ਹੈ। ਮੈਂ ਇਹ ਇਸ ਲਈ ਕਹਿ ਰਹੀ ਹਾਂ ਤਾਂ ਜੋ ਲੋਕ ਉਲਝਣ ਵਿੱਚ ਨਾ ਪੈਣ।