ਇਹ ਹੈ ਭਾਰਤ ਦਾ ਸਭ ਤੋਂ ਲੰਬਾ ਹਾਈਵੇਅ, ਬਣਾਉਣ 'ਤੇ ਕਿੰਨਾ ਹੋਇਆ ਖ਼ਰਚ? ਇਨ੍ਹਾਂ ਨੇ ਤਿਆਰ ਕੀਤਾ 'ਸੜਕਾਂ ਦਾ ਜਾਲ'

ਜਾਸ,ਨਵੀਂ ਦਿੱਲੀ: ਭਾਰਤ ਵਿੱਚ ਲਗਭਗ 599 ਨੈਸ਼ਨਲ ਹਾਈਵੇਅ ਹਨ। ਇਨ੍ਹਾਂ ਵਿੱਚੋਂ ਸਭ ਤੋਂ ਲੰਬਾ ਨੈਸ਼ਨਲ ਹਾਈਵੇਅ NH-44 ਹੈ, ਜੋ ਦੇਸ਼ ਨੂੰ ਉੱਤਰ ਤੋਂ ਦੱਖਣ ਤੱਕ ਜੋੜਨ ਵਾਲੀ ਇੱਕ ਅਹਿਮ ਸੜਕ ਹੈ। ਇਹ ਜੰਮੂ-ਕਸ਼ਮੀਰ ਦੇ ਸ੍ਰੀਨਗਰ ਤੋਂ ਲੈ ਕੇ ਤਾਮਿਲਨਾਡੂ ਦੇ ਕੰਨਿਆਕੁਮਾਰੀ ਤੱਕ ਫੈਲਿਆ ਹੋਇਆ ਹੈ। ਇਸ ਦੀ ਕੁੱਲ ਲੰਬਾਈ 3,745 ਕਿਲੋਮੀਟਰ ਹੈ। NH-44 11 ਤੋਂ ਵੱਧ ਰਾਜਾਂ ਵਿੱਚੋਂ ਗੁਜ਼ਰਦਾ ਹੈ ਅਤੇ ਕਈ ਵੱਡੇ ਸ਼ਹਿਰਾਂ, ਉਦਯੋਗਿਕ ਕੇਂਦਰਾਂ ਅਤੇ ਧਾਰਮਿਕ ਸਥਾਨਾਂ ਨੂੰ ਜੋੜਦਾ ਹੈ। ਆਓ ਜਾਣਦੇ ਹਾਂ ਕਿ ਇਸ ਨੂੰ ਕਿਸ ਨੇ ਅਤੇ ਕਿੰਨੇ ਖ਼ਰਚੇ ਵਿੱਚ ਤਿਆਰ ਕੀਤਾ ਹੈ।

ਕਈ ਪੁਰਾਣੇ ਹਾਈਵੇਅ ਮਿਲ ਕੇ ਬਣਿਆ NH-44

NH-44 ਕੋਈ ਇੱਕ ਸਮੇਂ ਵਿੱਚ ਬਣਿਆ ਹਾਈਵੇਅ ਨਹੀਂ ਹੈ, ਸਗੋਂ ਇਹ ਕਈ ਪੁਰਾਣੇ ਰਾਸ਼ਟਰੀ ਰਾਜਮਾਰਗਾਂ ਨੂੰ ਜੋੜ ਕੇ ਬਣਾਇਆ ਗਿਆ ਹੈ। ਇਸ ਵਿੱਚ ਪੁਰਾਣੇ NH-1A, NH-1, NH-2, NH-3, NH-7, NH-26 ਅਤੇ NH-75 ਵਰਗੇ ਮਾਰਗ ਸ਼ਾਮਲ ਹਨ। ਇਨ੍ਹਾਂ ਸਾਰਿਆਂ ਨੂੰ ਮਿਲਾ ਕੇ ਉੱਤਰ-ਦੱਖਣ ਕਾਰੀਡੋਰ ਦਾ ਰੂਪ ਦਿੱਤਾ ਗਿਆ ਹੈ। ਇਸ ਨਾਲ ਲੋਕਾਂ ਦਾ ਸਫ਼ਰ ਆਸਾਨ ਹੋਇਆ ਹੈ ਅਤੇ ਰਾਜਾਂ ਵਿਚਕਾਰ ਸੰਪਰਕ ਬਿਹਤਰ ਹੋਇਆ ਹੈ।

ਕਿਸ ਨੇ ਕੀਤਾ ਨਿਰਮਾਣ?

NH-44 ਦਾ ਨਿਰਮਾਣ ਕਿਸੇ ਇੱਕ ਕੰਪਨੀ ਨੇ ਨਹੀਂ ਕੀਤਾ। ਇਸ ਦੇ ਵੱਖ-ਵੱਖ ਹਿੱਸਿਆਂ ਦਾ ਵਿਕਾਸ ਨੈਸ਼ਨਲ ਹਾਈਵੇਅ ਅਥਾਰਟੀ ਆਫ਼ ਇੰਡੀਆ (NHAI) ਅਤੇ ਕੁਝ ਖੇਤਰਾਂ ਵਿੱਚ NHIDCL ਨੇ ਕੀਤਾ ਹੈ। ਕਈ ਪ੍ਰੋਜੈਕਟ PPP (ਪਬਲਿਕ-ਪ੍ਰਾਈਵੇਟ ਪਾਰਟਨਰਸ਼ਿਪ) ਮਾਡਲ 'ਤੇ ਬਣੇ ਹਨ, ਜਿਸ ਵਿੱਚ L&T ਅਤੇ GMR ਵਰਗੀਆਂ ਨਿੱਜੀ ਕੰਪਨੀਆਂ ਸ਼ਾਮਲ ਰਹੀਆਂ ਹਨ।

ਕਿੰਨੀ ਆਈ ਲਾਗਤ?

NH-44 ਦੇ ਵੱਖ-ਵੱਖ ਹਿੱਸਿਆਂ 'ਤੇ ਹੋਇਆ ਖ਼ਰਚਾ ਕਰੋੜਾਂ ਤੋਂ ਲੈ ਕੇ ਹਜ਼ਾਰਾਂ ਕਰੋੜ ਰੁਪਏ ਤੱਕ ਹੈ:

ਬਨਿਹਾਲ ਬਾਈਪਾਸ (J&K): ਇਸ ਪ੍ਰੋਜੈਕਟ 'ਤੇ ਲਗਭਗ 224 ਕਰੋੜ ਰੁਪਏ ਖ਼ਰਚ ਹੋਏ।

ਸ਼੍ਰੀ ਨਗਰ-ਬਨਿਹਾਲ ਸੈਕਸ਼ਨ: 250 ਕਿਲੋਮੀਟਰ ਦੀ 4-ਲੇਨ ਸੜਕ ਦੀ ਲਾਗਤ ਲਗਭਗ 16,000 ਕਰੋੜ ਰੁਪਏ ਹੈ।

ਥੋਪੁਰ ਘਾਟ (ਤਾਮਿਲਨਾਡੂ): 4 ਕਿਲੋਮੀਟਰ ਐਲੀਵੇਟਿਡ ਹਾਈਵੇਅ ਲਈ 905 ਕਰੋੜ ਰੁਪਏ ਦੀ ਲਾਗਤ ਆਈ।

ਦਿੱਲੀ-ਪਾਣੀਪਤ (ਹਰਿਆਣਾ): 24 ਕਿਲੋਮੀਟਰ ਦੇ ਹਿੱਸੇ ਵਿੱਚ 11 ਫਲਾਈਓਵਰਾਂ ਲਈ 890 ਕਰੋੜ ਰੁਪਏ ਅਤੇ 35 ਕਿਲੋਮੀਟਰ ਗ੍ਰੀਨਫੀਲਡ ਰਿੰਗ ਰੋਡ ਲਈ 1,690 ਕਰੋੜ ਰੁਪਏ ਖ਼ਰਚ ਕੀਤੇ ਗਏ।

ਹੈਦਰਾਬਾਦ-ਬੈਂਗਲੁਰੂ (SIR ਪ੍ਰੋਜੈਕਟ): 251 ਕਿਲੋਮੀਟਰ ਸੁਪਰ ਇਨਫਰਮੇਸ਼ਨ ਰੋਡ ਲਈ ਅੰਦਾਜ਼ਨ 14,000 ਕਰੋੜ ਰੁਪਏ ਦੀ ਲਾਗਤ ਆਈ ਹੈ।