Rs 2000 Note : ਖਾਮੋਸ਼ੀ ਦੇ ਨਾਲ ਥੰਮ੍ਹ ਜਾਵੇਗਾ ਦੋ ਹਜ਼ਾਰ ਦੇ ਨੋਟ ਦਾ ਸਫ਼ਰ ? ਅਰਥਵਿਵਸਥਾ ਤੇ ਸ਼ੇਅਰ ਬਾਜ਼ਾਰ 'ਤੇ ਕੀ ਪਵੇਗਾ ਇਸ ਦਾ ਅਸਰ
Rs 2000 Note : ਸਰਕਾਰ ਨੇ ਇਸ ਨੋਟ ਨੂੰ ਜਾਰੀ ਕਰਨ ਪਿੱਛੇ ਦਲੀਲ ਦਿੱਤੀ ਸੀ ਕਿ ਇਸ ਨਾਲ ਨੋਟਾਂ ਦੀ ਛਪਾਈ ਜਲਦੀ ਹੋ ਸਕੇਗੀ ਅਤੇ ਪੁਰਾਣੀ ਕਰੰਸੀ ਨੂੰ ਆਸਾਨੀ ਨਾਲ ਨਵੀਂ ਕਰੰਸੀ ਨਾਲ ਬਦਲਿਆ ਜਾ ਸਕੇਗਾ। ਇਸ ਦਾ ਨਤੀਜਾ ਇਹ ਨਿਕਲਿਆ ਕਿ ਮਾਰਚ 2017 ਤੱਕ ਦੇਸ਼ 'ਚ ਚੱਲ ਰਹੀ 89 ਫੀਸਦੀ ਕਰੰਸੀ 2000 ਦੇ ਨੋਟਾਂ ਦੀ ਸੀ।
Posted By Seema Anand
Publish Date: Sat, 20 May 2023 09:50 AM (IST)
Updated Date: Sat, 20 May 2023 10:01 AM (IST)
ਨਵੀਂ ਦਿੱਲੀ, ਬਿਜ਼ਨੈੱਸ ਡੈਸਕ : 2016 ਵਿਚ ਨੋਟਬੰਦੀ ਤੋਂ ਬਾਅਦ ਭਾਰਤ ਸਰਕਾਰ ਵੱਲੋਂ ਇਕ ਨਵਾਂ 2000 ਰੁਪਏ ਦਾ ਨੋਟ ਜਾਰੀ ਕੀਤਾ ਗਿਆ ਸੀ। ਸਰਕਾਰ ਨੇ ਇਸ ਨੋਟ ਨੂੰ ਜਾਰੀ ਕਰਨ ਪਿੱਛੇ ਦਲੀਲ ਦਿੱਤੀ ਸੀ ਕਿ ਇਸ ਨਾਲ ਨੋਟਾਂ ਦੀ ਛਪਾਈ ਜਲਦੀ ਹੋ ਸਕੇਗੀ ਤੇ ਪੁਰਾਣੀ ਕਰੰਸੀ ਨੂੰ ਆਸਾਨੀ ਨਾਲ ਨਵੀਂ ਕਰੰਸੀ ਨਾਲ ਬਦਲਿਆ ਜਾ ਸਕੇਗਾ। ਇਸ ਦਾ ਨਤੀਜਾ ਇਹ ਨਿਕਲਿਆ ਕਿ ਮਾਰਚ 2017 ਤਕ ਦੇਸ਼ 'ਚ ਚੱਲ ਰਹੀ 89 ਫੀਸਦੀ ਕਰੰਸੀ 2000 ਦੇ ਨੋਟਾਂ ਦੀ ਸੀ।
ਉਸ ਸਮੇਂ ਇਸ ਨੋਟ ਨੂੰ ਲੈ ਕੇ ਕਈ ਦਾਅਵੇ ਕੀਤੇ ਜਾ ਰਹੇ ਸਨ ਕਿ ਸਰਕਾਰ ਨੇ ਕਾਲੇ ਧਨ ਨੂੰ ਰੋਕਣ ਤੇ ਇਕ ਥਾਂ 'ਤੇ ਪੈਸਾ ਜਮ੍ਹਾ ਨਾ ਕਰਨ ਲਈ ਇਸ ਵਿਚ ਜੀਪੀਐਸ ਚਿਪ ਵੀ ਲਗਾਈ ਹੋਈ ਹੈ। ਪਰ ਸਮੇਂ ਦੇ ਨਾਲ ਇਹ ਸਪੱਸ਼ਟ ਹੋ ਗਿਆ ਕਿ ਇਸ ਵਿਚ ਚਿੱਪ ਨਹੀਂ ਹੈ ਤੇ ਇਹ ਇਕ ਆਮ ਬੈਂਕ ਨੋਟ ਦੀ ਤਰ੍ਹਾਂ ਵੀ ਹੈ।
ਖ਼ਤਮ ਹੋ ਜਾਵੇਗਾ 2000 ਰੁਪਏ ਦੇ ਨੋਟ ਦਾ ਸਫ਼ਰ
- ਭਾਰਤੀ ਰਿਜ਼ਰਵ ਬੈਂਕ ਨੇ 2,000 ਰੁਪਏ ਦੇ ਨੋਟਾਂ ਨੂੰ ਸਰਕੂਲੇਸ਼ਨ ਤੋਂ ਬਾਹਰ ਕਰਨ ਦਾ ਐਲਾਨ ਕਰ ਦਿੱਤਾ ਹੈ।
ਕੁੱਲ ਕਰੰਸੀ ਵਿਚ ਕਿੰਨੇ ਹਨ 2000 ਦੇ ਕਿੰਨੇ?
- 31 ਮਾਰਚ 2017 ਤਕ ਦੇਸ਼ ਦੀ ਕੁੱਲ ਕਰੰਸੀ ਦਾ 89 ਫੀਸਦੀ 2000 ਦੇ ਨੋਟਾਂ ਦੇ ਰੂਪ 'ਚ ਸੀ।
- 31 ਮਾਰਚ, 2018 ਤਕ ਦੇਸ਼ ਵਿੱਚ 6.73 ਲੱਖ ਕਰੋੜ ਰੁਪਏ ਦੇ 2,000 ਰੁਪਏ ਦੇ ਨੋਟ ਚਲਨ ਵਿਚ ਸਨ, ਜੋ ਕਿ ਹੁਣ ਤਕ ਦਾ ਸਭ ਤੋਂ ਉੱਚ ਪੱਧਰ ਸੀ।
- 31 ਮਾਰਚ, 2023 ਤੱਕ ਦੇਸ਼ ਵਿਚ 3.62 ਲੱਖ ਕਰੋੜ ਰੁਪਏ ਦੇ ਨੋਟ ਚਲਨ ਵਿੱਚ ਸਨ, ਜੋ ਦੇਸ਼ ਦੀ ਕੁੱਲ ਕਰੰਸੀ ਦਾ 10.8 ਪ੍ਰਤੀਸ਼ਤ ਸੀ।
ਕੀ ਹੋਵੇਗਾ ਇਸ ਦਾ ਅਸਰ ?
ਮਾਹਿਰਾਂ ਦਾ ਮੰਨਣਾ ਹੈ ਕਿ ਇਸ ਦਾ ਭਾਰਤੀ ਅਰਥਵਿਵਸਥਾ 'ਤੇ ਕੋਈ ਖਾਸ ਅਸਰ ਨਹੀਂ ਪਵੇਗਾ, ਕਿਉਂਕਿ ਪਿਛਲੇ ਕੁਝ ਸਾਲਾਂ 'ਚ ਲੋਕਾਂ ਨੇ ਵੱਡੀ ਗਿਣਤੀ 'ਚ ਡਿਜੀਟਲ ਪੇਮੈਂਟ ਦੀ ਵਰਤੋਂ ਕਰਨੀ ਸ਼ੁਰੂ ਕਰ ਦਿੱਤੀ ਹੈ। ਇਸ ਦੇ ਨਾਲ ਹੀ ਕੁਝ ਲੋਕ ਇਸ ਨੂੰ ਅਰਥਵਿਵਸਥਾ ਲਈ ਚੰਗਾ ਮੰਨ ਰਹੇ ਹਨ ਕਿਉਂਕਿ 2000 ਦੇ ਨੋਟ ਦੀ ਵਰਤੋਂ ਕਾਲੇ ਧਨ ਨੂੰ ਛੁਪਾਉਣ ਲਈ ਕੀਤੀ ਜਾਂਦੀ ਸੀ। ਇਸ ਨੂੰ ਬੰਦ ਕਰਨ ਨਾਲ ਬਾਜ਼ਾਰ 'ਚ ਜ਼ਿਆਦਾ ਪੈਸਾ ਆਵੇਗਾ ਤੇ ਸ਼ੇਅਰ ਬਾਜ਼ਾਰ ਨੂੰ ਵੀ ਇਸ ਦਾ ਫਾਇਦਾ ਹੋ ਸਕਦਾ ਹੈ।