ਰੇਲ ਮੁਸਾਫ਼ਰਾਂ ਲਈ ਨਵਾਂ ਆਫਰ ! ਅੱਜ ਤੋਂ ਟਿਕਟ ਬੁਕਿੰਗ 'ਤੇ ਮਿਲੇਗੀ ਛੋਟ; BHIM UPI ਰਾਹੀਂ ਪੇਮੈਂਟ ਕਰਨ 'ਤੇ ਮਿਲੇਗਾ ਕੈਸ਼ਬੈਕ
Railone App 'ਤੇ ਆਏ ਨੋਟੀਫਿਕੇਸ਼ਨ 'ਚ ਲਿਖਿਆ ਸੀ, 'ਅਣ-ਰਿਜ਼ਰਵਡ (Unreserved) ਅਤੇ ਪਲੇਟਫਾਰਮ ਟਿਕਟਾਂ ਦੀ ਬੁਕਿੰਗ 'ਤੇ 3% ਡਿਸਕਾਊਂਟ/ਕੈਸ਼ਬੈਕ ਪ੍ਰਾਪਤ ਕਰੋ। BHIM UPI ਰਾਹੀਂ ਕੀਤੇ ਗਏ ਭੁਗਤਾਨ 'ਤੇ 20 ਰੁਪਏ ਤੱਕ ਦਾ ਵਾਧੂ ਕੈਸ਼ਬੈਕ ਪਾਓ।'
Posted By Seema Anand
Publish Date: Wed, 14 Jan 2026 01:42 PM (IST)
Updated Date: Wed, 14 Jan 2026 02:01 PM (IST)
ਨਵੀਂ ਦਿੱਲੀ : ਹੁਣ ਰੇਲਵੇ ਟਿਕਟ ਬੁੱਕ (Railway Ticket Booking) ਕਰਨਾ ਸਸਤਾ ਹੋਵੇਗਾ। ਪਰ ਇਸ ਵਿਚ ਇਕ ਸ਼ਰਤ ਹੈ—ਤੁਹਾਨੂੰ ਟਿਕਟ ਭਾਰਤੀ ਰੇਲਵੇ ਦੀ ਐਪਲੀਕੇਸ਼ਨ ਰਾਹੀਂ ਬੁੱਕ ਕਰਨੀ ਪਵੇਗੀ। ਰੇਲ ਮੁਸਾਫਰ RailOne (ਰੇਲਵਨ) ਐਪ ਰਾਹੀਂ ਕਿਸੇ ਵੀ ਡਿਜੀਟਲ ਪੇਮੈਂਟ ਮੋਡ ਦੀ ਵਰਤੋਂ ਕਰਕੇ ਬਿਨਾਂ ਰਿਜ਼ਰਵੇਸ਼ਨ ਵਾਲੀਆਂ ਟਿਕਟਾਂ ਬੁੱਕ ਕਰ ਕੇ ਛੋਟ (Discount On Train Ticket) ਪ੍ਰਾਪਤ ਕਰ ਸਕਦੇ ਹਨ।
ਜੇਕਰ ਤੁਸੀਂ ਰੇਲਵਨ ਐਪ ਦੀ ਵਰਤੋਂ ਕਰਦੇ ਹੋ ਤਾਂ ਤੁਹਾਨੂੰ ਵੀ ਇੱਕ ਨੋਟੀਫਿਕੇਸ਼ਨ ਮਿਲਿਆ ਹੋਵੇਗਾ। ਨੋਟੀਫਿਕੇਸ਼ਨ 'ਚ ਡਿਸਕਾਊਂਟ ਅਤੇ ਕੈਸ਼ਬੈਕ ਬਾਰੇ ਜਾਣਕਾਰੀ ਦਿੱਤੀ ਗਈ ਹੈ।
ਅੱਜ ਤੋਂ ਟਿਕਟ ਬੁਕਿੰਗ 'ਤੇ 3% ਦੀ ਛੋਟ ਸ਼ੁਰੂ
14 ਜਨਵਰੀ ਤੋਂ ਟਿਕਟ ਬੁਕਿੰਗ 'ਤੇ 3 ਫੀਸਦੀ ਦੀ ਛੋਟ ਮਿਲਣੀ ਸ਼ੁਰੂ ਹੋ ਗਈ ਹੈ। ਇਹ ਛੋਟ ਸਿਰਫ਼ ਉਨ੍ਹਾਂ ਯੂਜ਼ਰਜ਼ ਨੂੰ ਮਿਲੇਗੀ ਜੋ ਰੇਲਵਨ ਐਪ ਰਾਹੀਂ ਬਿਨਾਂ ਰਿਜ਼ਰਵੇਸ਼ਨ ਵਾਲੀਆਂ ਟਿਕਟਾਂ ਬੁੱਕ ਕਰਨਗੇ। ਇਹ ਛੋਟ ਪਲੇਟਫਾਰਮ ਟਿਕਟ 'ਤੇ ਵੀ ਮਿਲੇਗੀ।
ਜੇਕਰ ਤੁਸੀਂ ਪਲੇਟਫਾਰਮ ਟਿਕਟ ਰੇਲਵਨ ਐਪ ਰਾਹੀਂ ਬੁੱਕ ਕਰਦੇ ਹੋ ਤਾਂ ਤੁਹਾਨੂੰ 3 ਫੀਸਦੀ ਦੀ ਛੋਟ ਮਿਲੇਗੀ। ਡਿਸਕਾਊਂਟ ਦੇ ਨਾਲ-ਨਾਲ ਕੈਸ਼ਬੈਕ ਵੀ ਮਿਲੇਗਾ। ਜੇਕਰ ਤੁਸੀਂ BHIM UPI ਰਾਹੀਂ ਭੁਗਤਾਨ ਕਰਦੇ ਹੋ ਤਾਂ ਤੁਹਾਨੂੰ 20 ਰੁਪਏ ਤਕ ਦਾ ਵਾਧੂ ਕੈਸ਼ਬੈਕ ਮਿਲੇਗਾ।
ਰੇਲਵਨ ਐਪ 'ਤੇ ਆਏ ਨੋਟੀਫਿਕੇਸ਼ਨ 'ਚ ਲਿਖਿਆ ਸੀ: "ਅਣ-ਰਿਜ਼ਰਵਡ (Unreserved) ਅਤੇ ਪਲੇਟਫਾਰਮ ਟਿਕਟਾਂ ਦੀ ਬੁਕਿੰਗ 'ਤੇ 3% ਡਿਸਕਾਊਂਟ/ਕੈਸ਼ਬੈਕ ਪ੍ਰਾਪਤ ਕਰੋ। BHIM UPI ਰਾਹੀਂ ਕੀਤੇ ਗਏ ਭੁਗਤਾਨ 'ਤੇ 20 ਰੁਪਏ ਤਕ ਦਾ ਵਾਧੂ ਕੈਸ਼ਬੈਕ ਪਾਓ।"
ਯਾਨੀ ਅੱਜ ਤੋਂ ਭਾਰਤੀ ਰੇਲਵੇ ਨੇ IRCTC ਯੂਜ਼ਰਜ਼ ਨੂੰ ਦੋ ਤਰ੍ਹਾਂ ਦੇ ਆਫਰ ਦੇਣੇ ਸ਼ੁਰੂ ਕਰ ਦਿੱਤੇ ਹਨ। ਜੇਕਰ ਤੁਸੀਂ ਰੋਜ਼ਾਨਾ ਜਨਰਲ ਟਿਕਟ ਲੈ ਕੇ ਰੇਲਗੱਡੀ ਵਿੱਚ ਸਫਰ ਕਰਦੇ ਹੋ, ਤਾਂ ਇਹ ਆਫਰ ਤੁਹਾਡੇ ਲਈ ਬਹੁਤ ਫਾਇਦੇਮੰਦ ਹੋ ਸਕਦਾ ਹੈ।
RailOne ਐਪ ਰਾਹੀਂ ਬੁੱਕ ਕਰਨ 'ਤੇ ਹੀ ਮਿਲੇਗੀ ਛੋਟ
ਟਿਕਟ ਬੁਕਿੰਗ 'ਤੇ 3% ਦੀ ਛੋਟ ਸਿਰਫ਼ ਰੇਲਵਨ ਐਪ 'ਤੇ ਹੀ ਮਿਲੇਗੀ। RailOne ਭਾਰਤੀ ਰੇਲਵੇ ਦੀ ਇਕ ਅਧਿਕਾਰਤ ਐਪ ਹੈ ਜੋ ਪਹਿਲਾਂ ਵੱਖ-ਵੱਖ ਪਲੇਟਫਾਰਮਾਂ 'ਤੇ ਫੈਲੀਆਂ ਕਈ ਸੇਵਾਵਾਂ ਨੂੰ ਇੱਕੋ ਥਾਂ ਅਤੇ ਯੂਜ਼ਰ-ਫ੍ਰੈਂਡਲੀ ਇੰਟਰਫੇਸ 'ਚ ਲਿਆਉਂਦੀ ਹੈ।
ਅਣ-ਰਿਜ਼ਰਵਡ ਟਿਕਟ, PNR ਸਟੇਟਸ, ਲਾਈਵ ਟ੍ਰੇਨ ਸਟੇਟਸ, ਫੂਡ ਡਿਲੀਵਰੀ ਜਾਂ ਸ਼ਿਕਾਇਤ ਨਿਵਾਰਣ ਲਈ ਵੱਖ-ਵੱਖ ਐਪਸ ਦੀ ਵਰਤੋਂ ਕਰਨ ਦੀ ਬਜਾਏ, ਹੁਣ ਯਾਤਰੀ RailOne ਦੇ ਅੰਦਰ ਹੀ ਆਪਣੀ ਪੂਰੀ ਯਾਤਰਾ ਦਾ ਪ੍ਰਬੰਧਨ (Manage) ਕਰ ਸਕਦੇ ਹਨ।
ਇਹ ਐਪ ਯੂਜ਼ਰਜ਼ ਨੂੰ ਮੌਜੂਦਾ ਰੇਲਵੇ ਕ੍ਰੇਡੈਂਸ਼ੀਅਲਸ (Login Details) ਦੀ ਵਰਤੋਂ ਕਰ ਕੇ ਲੌਗਇਨ ਕਰਨ ਦੀ ਸਹੂਲਤ ਵੀ ਦਿੰਦੀ ਹੈ ਜਿਸ ਨਾਲ ਪੁਰਾਣੇ ਪਲੇਟਫਾਰਮ ਤੋਂ ਨਵੇਂ ਪਲੇਟਫਾਰਮ 'ਤੇ ਜਾਣਾ ਆਸਾਨ ਹੋ ਜਾਂਦਾ ਹੈ। RailOne ਐਂਡਰੌਇਡ (Android) ਅਤੇ ਆਈਓਐਸ (iOS) ਦੋਵਾਂ ਪਲੇਟਫਾਰਮਾਂ 'ਤੇ ਉਪਲਬਧ ਹੈ।