Mutual Fund SIP ਸ਼ੁਰੂ ਕਰਨ ਤੋਂ ਪਹਿਲਾਂ ਜਾਣ ਲਓ ਇਹ ਜ਼ਰੂਰੀ ਗੱਲਾਂ, ਨਹੀਂ ਤਾਂ ਹੋ ਸਕਦੈ ਵੱਡਾ ਨੁਕਸਾਨ

ਨਵੀਂ ਦਿੱਲੀ: ਮਿਊਚਲ ਫੰਡ ਐਸਆਈਪੀ (SIP) ਅੱਜ ਨਿਵੇਸ਼ਕਾਂ ਦੇ ਵਿਚਕਾਰ ਕਾਫੀ ਮਕਬੂਲ ਹੋ ਗਈ ਹੈ। ਅੱਜ ਹਰ ਕੋਈ ਮਿਊਚਲ ਫੰਡ ਵਿੱਚ ਨਿਵੇਸ਼ ਕਰਨਾ ਚਾਹੁੰਦਾ ਹੈ। ਮਿਊਚਲ ਫੰਡ ਰਾਹੀਂ ਤੁਸੀਂ ਵੱਖ-ਵੱਖ ਤਰ੍ਹਾਂ ਦੇ ਸੁਰੱਖਿਅਤ ਐਸੇਟ ਕਲਾਸਾਂ ਵਿੱਚ ਨਿਵੇਸ਼ ਕਰ ਸਕਦੇ ਹੋ। ਜੇਕਰ ਤੁਸੀਂ ਵੀ ਮਿਊਚਲ ਫੰਡ ਵਿੱਚ ਨਿਵੇਸ਼ ਕਰਨ ਬਾਰੇ ਸੋਚ ਰਹੇ ਹੋ, ਤਾਂ ਇਸ ਤੋਂ ਪਹਿਲਾਂ ਕੁਝ ਜ਼ਰੂਰੀ ਗੱਲਾਂ ਨੂੰ ਸਮਝ ਲਓ।

ਮਿਊਚਲ ਫੰਡ ਵਿੱਚ ਨਿਵੇਸ਼ ਕਰਨ ਤੋਂ ਪਹਿਲਾਂ ਰੱਖੋ ਇਹਨਾਂ ਗੱਲਾਂ ਦਾ ਧਿਆਨ:

1. ਜਲਦੀ ਰਿਟਰਨ ਦੀ ਉਮੀਦ ਅਕਸਰ ਨਿਵੇਸ਼ਕ SIP ਨੂੰ ਥੋੜ੍ਹੇ ਸਮੇਂ (Short Term) ਦਾ ਨਿਵੇਸ਼ ਮੰਨ ਲੈਂਦੇ ਹਨ। ਪਰ ਇਸ ਦਾ ਅਸਲੀ ਫਾਇਦਾ ਸਾਨੂੰ ਲੰਬੇ ਸਮੇਂ ਤੱਕ ਨਿਵੇਸ਼ ਕਰਨ 'ਤੇ ਹੀ ਦਿਖਾਈ ਦਿੰਦਾ ਹੈ। ਇਹ ਦੇਖਿਆ ਗਿਆ ਹੈ ਕਿ ਜੇਕਰ ਕੋਈ ਫੰਡ 6 ਮਹੀਨੇ ਜਾਂ 1 ਸਾਲ ਵਿੱਚ ਉਮੀਦ ਮੁਤਾਬਕ ਰਿਟਰਨ ਨਾ ਦੇਵੇ, ਤਾਂ ਉਸ ਨੂੰ ਬੇਕਾਰ ਮੰਨ ਲਿਆ ਜਾਂਦਾ ਹੈ। ਮਿਊਚਲ ਫੰਡ SIP ਵਿੱਚ 'ਸਬਰ' ਸਭ ਤੋਂ ਮਹੱਤਵਪੂਰਨ ਹੈ।

2. ਬਾਜ਼ਾਰ ਵਿੱਚ ਗਿਰਾਵਟ ਜਦੋਂ ਸ਼ੇਅਰ ਬਾਜ਼ਾਰ ਵਿੱਚ ਲਗਾਤਾਰ ਗਿਰਾਵਟ ਆਉਂਦੀ ਹੈ, ਤਾਂ ਅਜਿਹੀ ਸਥਿਤੀ ਵਿੱਚ ਨਿਵੇਸ਼ਕਾਂ ਦੇ ਮਨ ਵਿੱਚ ਡਰ ਬੈਠ ਜਾਂਦਾ ਹੈ। ਪਰ ਇਹ ਸਮਾਂ ਨਿਵੇਸ਼ ਲਈ ਸਭ ਤੋਂ ਵਧੀਆ ਹੁੰਦਾ ਹੈ। ਤੁਸੀਂ ਇਸ ਸਮੇਂ ਆਮ ਨਿਵੇਸ਼ ਦੀ ਰਕਮ 'ਤੇ ਫੰਡ ਦੀਆਂ ਜ਼ਿਆਦਾ ਯੂਨਿਟਾਂ ਖਰੀਦ ਸਕਦੇ ਹੋ। ਇਸ ਲਈ ਬਾਜ਼ਾਰ ਦੀ ਗਿਰਾਵਟ ਦੇ ਡਰੋਂ SIP ਵਿੱਚੋਂ ਪੈਸੇ ਕਢਵਾਉਣਾ ਸਹੀ ਨਹੀਂ ਹੈ।

3. ਲੰਬੇ ਸਮੇਂ ਦੇ ਨਿਵੇਸ਼ 'ਤੇ ਹੋਵੇਗਾ ਅਸਲੀ ਫਾਇਦਾ ਮਿਊਚਲ ਫੰਡ SIP ਦਾ ਫਾਇਦਾ ਉਦੋਂ ਹੀ ਮਿਲੇਗਾ ਜਦੋਂ ਤੁਸੀਂ ਇਸ ਨੂੰ ਲੰਬੇ ਸਮੇਂ ਤੱਕ ਜਾਰੀ ਰੱਖੋਗੇ। ਲੰਬੇ ਸਮੇਂ ਤੱਕ ਨਿਵੇਸ਼ ਕਰਨ 'ਤੇ ਤੁਹਾਨੂੰ ਕੰਪਾਊਂਡਿੰਗ (Compounding) ਦਾ ਵੱਧ ਤੋਂ ਵੱਧ ਫਾਇਦਾ ਮਿਲੇਗਾ।

4. 'Step Up' ਬਦਲ ਚੁਣੋ ਮਿਊਚਲ ਫੰਡ ਵਿੱਚ ਤੁਹਾਨੂੰ 'ਸਟੈਪ ਅੱਪ' (Step Up) ਦਾ ਬਦਲ ਮਿਲਦਾ ਹੈ। ਇਹ ਕਾਫੀ ਫਾਇਦੇਮੰਦ ਹੁੰਦਾ ਹੈ। ਸਟੈਪ ਅੱਪ ਰਾਹੀਂ ਤੁਸੀਂ ਨਿਵੇਸ਼ ਦੀ ਰਕਮ ਨੂੰ ਹਰ ਸਾਲ ਕੁਝ ਫੀਸਦੀ ਤੱਕ ਵਧਾ ਸਕਦੇ ਹੋ। ਤੁਸੀਂ ਜਿੰਨਾ ਜ਼ਿਆਦਾ ਨਿਵੇਸ਼ ਕਰੋਗੇ, ਤੁਹਾਨੂੰ ਉਨਾ ਹੀ ਜ਼ਿਆਦਾ ਫਾਇਦਾ ਹੋਵੇਗਾ।

Disclaimer: ਇੱਥੇ ਮਿਊਚਲ ਫੰਡ ਬਾਰੇ ਦਿੱਤੀ ਗਈ ਜਾਣਕਾਰੀ ਨਿਵੇਸ਼ ਦੀ ਸਲਾਹ ਨਹੀਂ ਹੈ। ਮਿਊਚਲ ਫੰਡ ਵਿੱਚ ਜੋਖਮ ਹੋ ਸਕਦਾ ਹੈ, ਇਸ ਲਈ ਨਿਵੇਸ਼ ਕਰਨ ਤੋਂ ਪਹਿਲਾਂ ਕਿਸੇ ਪ੍ਰਮਾਣਿਤ ਨਿਵੇਸ਼ ਸਲਾਹਕਾਰ (Certified Investment Advisor) ਨਾਲ ਮਸ਼ਵਰਾ ਜ਼ਰੂਰ ਕਰੋ।