ਨਵੇਂ ਸਾਲ ਦਾ ਵੱਡਾ ਤੋਹਫ਼ਾ: ਅੱਜ ਤੋਂ ਸਸਤੀ ਹੋਈ CNG ਤੇ PNG, ਜਾਣੋ ਤੁਹਾਡੇ ਸ਼ਹਿਰ 'ਚ ਕਿੰਨੇ ਰੁਪਏ ਘਟੇ ਭਾਅ?
ਸੀਐਨਜੀ ਤੇ ਪੀਐਨਜੀ ਦੀਆਂ ਵਧਦੀਆਂ ਕੀਮਤਾਂ ਤੋਂ ਅੱਜ ਨਵੇਂ ਸਾਲ ਵਿੱਚ ਰਾਹਤ ਮਿਲੀ ਹੈ। ਪਿਛਲੇ ਸਾਲ 2025 ਵਿੱਚ PNGRB (ਪੈਟਰੋਲੀਅਮ ਅਤੇ ਕੁਦਰਤੀ ਗੈਸ ਰੈਗੂਲੇਟਰੀ ਬੋਰਡ) ਨੇ ਗੈਸ ਟ੍ਰਾਂਸਪੋਰਟੇਸ਼ਨ ਦੇ ਯੂਨੀਫਾਈਡ ਟੈਰਿਫ ਸਿਸਟਮ ਵਿੱਚ ਬਦਲਾਅ ਕੀਤਾ ਸੀ। ਇਸ ਦਾ ਸਿੱਧਾ ਅਸਰ ਸੀਐਨਜੀ ਅਤੇ ਪੀਐਨਜੀ ਦੀਆਂ ਕੀਮਤਾਂ 'ਤੇ ਪਿਆ ਹੈ। ਦੇਸ਼ ਭਰ ਵਿੱਚ ਇਨ੍ਹਾਂ ਦੀਆਂ ਕੀਮਤਾਂ ਵਿੱਚ ਬਦਲਾਅ ਦੇਖਣ ਨੂੰ ਮਿਲਿਆ ਹੈ।
Posted By Neha Diwan
Publish Date: Thu, 01 Jan 2026 10:28 AM (IST)
Updated Date: Thu, 01 Jan 2026 10:30 AM (IST)
ਨਵੀਂ ਦਿੱਲੀ: ਸੀਐਨਜੀ ਤੇ ਪੀਐਨਜੀ ਦੀਆਂ ਵਧਦੀਆਂ ਕੀਮਤਾਂ ਤੋਂ ਅੱਜ ਨਵੇਂ ਸਾਲ ਵਿੱਚ ਰਾਹਤ ਮਿਲੀ ਹੈ। ਪਿਛਲੇ ਸਾਲ 2025 ਵਿੱਚ PNGRB (ਪੈਟਰੋਲੀਅਮ ਅਤੇ ਕੁਦਰਤੀ ਗੈਸ ਰੈਗੂਲੇਟਰੀ ਬੋਰਡ) ਨੇ ਗੈਸ ਟ੍ਰਾਂਸਪੋਰਟੇਸ਼ਨ ਦੇ ਯੂਨੀਫਾਈਡ ਟੈਰਿਫ ਸਿਸਟਮ ਵਿੱਚ ਬਦਲਾਅ ਕੀਤਾ ਸੀ। ਇਸ ਦਾ ਸਿੱਧਾ ਅਸਰ ਸੀਐਨਜੀ ਅਤੇ ਪੀਐਨਜੀ ਦੀਆਂ ਕੀਮਤਾਂ 'ਤੇ ਪਿਆ ਹੈ। ਦੇਸ਼ ਭਰ ਵਿੱਚ ਇਨ੍ਹਾਂ ਦੀਆਂ ਕੀਮਤਾਂ ਵਿੱਚ ਬਦਲਾਅ ਦੇਖਣ ਨੂੰ ਮਿਲਿਆ ਹੈ।
ਸਭ ਤੋਂ ਪਹਿਲਾਂ ਜਾਣਦੇ ਹਾਂ ਕਿ ਦੇਸ਼ ਭਰ ਵਿੱਚ ਸੀਐਨਜੀ ਅਤੇ ਪੀਐਨਜੀ ਦੀਆਂ ਕੀਮਤਾਂ ਵਿੱਚ ਕਿੰਨਾ ਬਦਲਾਅ ਆਇਆ ਹੈ?
CNG ਦੀਆਂ ਕੀਮਤਾਂ ਵਿੱਚ ਕਿੰਨੀ ਕਟੌਤੀ ਹੋਈ?
ਇਹ ਨਵੀਆਂ ਕੀਮਤਾਂ 1 ਜਨਵਰੀ 2026 ਸਵੇਰੇ 6 ਵਜੇ ਤੋਂ ਲਾਗੂ ਹੋ ਗਈਆਂ ਹਨ। ਮਿਲੀ ਜਾਣਕਾਰੀ ਅਨੁਸਾਰ:
ਦੇਸ਼ ਭਰ ਵਿੱਚ ਸੀਐਨਜੀ ਦੀ ਕੀਮਤ ਵਿੱਚ ਲਗਪਗ 3 ਰੁਪਏ ਦੀ ਕਟੌਤੀ ਕੀਤੀ ਗਈ ਹੈ। ਦੇਸ਼ ਦੇ ਵੱਖ-ਵੱਖ ਸ਼ਹਿਰਾਂ ਵਿੱਚ ਵੱਖ-ਵੱਖ ਕੀਮਤਾਂ ਲਾਗੂ ਹੋਈਆਂ ਹਨ।
ਇਸੇ ਤਰ੍ਹਾਂ ਪੀਐਨਜੀ (PNG) ਵਿੱਚ 0.70 ਰੁਪਏ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ।
ਪੀਐਨਜੀ ਦੀਆਂ ਕੀਮਤਾਂ ਘਟਣ ਨਾਲ ਰੋਜ਼ਾਨਾ ਗੱਡੀ ਚਲਾਉਣ ਵਾਲਿਆਂ ਅਤੇ ਰਸੋਈ ਗੈਸ ਦੀ ਵਰਤੋਂ ਕਰਨ ਵਾਲਿਆਂ ਨੂੰ ਵੱਡਾ ਫਾਇਦਾ ਮਿਲ ਸਕਦਾ ਹੈ।
ਯੂਨੀਫਾਈਡ ਟੈਰਿਫ ਸਿਸਟਮ ਵਿੱਚ ਕੀ ਬਦਲਾਅ ਹੋਇਆ ਹੈ?
ਪਹਿਲਾਂ ਕੁਦਰਤੀ ਗੈਸ ਦੀ ਢੋਆ-ਢੁਆਈ (Transport) ਨੂੰ ਤਿੰਨ ਟੈਰਿਫਾਂ ਵਿੱਚ ਵੰਡਿਆ ਗਿਆ ਸੀ। ਇਸ ਵਿੱਚ ਦੂਰੀ ਵਧਣ ਦੇ ਨਾਲ-ਨਾਲ ਟ੍ਰਾਂਸਪੋਰਟ ਚਾਰਜ ਵੀ ਵੱਧ ਜਾਂਦਾ ਸੀ, ਜਿਸ ਦਾ ਅਸਰ ਸਿੱਧਾ ਗਾਹਕਾਂ ਦੀ ਜੇਬ 'ਤੇ ਪੈਂਦਾ ਸੀ। ਹੁਣ PNGRB ਨੇ ਫੈਸਲਾ ਕੀਤਾ ਹੈ ਕਿ ਟੈਰਿਫ ਨੂੰ ਦੋ ਜ਼ੋਨਾਂ ਵਿੱਚ ਵੰਡਿਆ ਜਾਵੇਗਾ: 300 ਕਿਲੋਮੀਟਰ ਤੱਕ ਅਤੇ 300 ਕਿਲੋਮੀਟਰ ਤੋਂ ਵੱਧ।
ਇਹ ਬਦਲਾਅ 1 ਜਨਵਰੀ 2026 ਤੋਂ ਲਾਗੂ ਹੋ ਗਿਆ ਹੈ। ਨਵੇਂ ਨਿਯਮਾਂ ਅਨੁਸਾਰ:
300 ਕਿਲੋਮੀਟਰ ਤੱਕ ਟ੍ਰਾਂਸਪੋਰਟ ਚਾਰਜ: 54 ਰੁਪਏ ਪ੍ਰਤੀ MMBTU
300 ਕਿਲੋਮੀਟਰ ਤੋਂ ਵੱਧ ਟ੍ਰਾਂਸਪੋਰਟ ਚਾਰਜ: 102.86 ਰੁਪਏ ਪ੍ਰਤੀ MMBTU ਲੱਗੇਗਾ।
ਹਾਲਾਂਕਿ, ਖਪਤਕਾਰਾਂ ਨੂੰ ਕਿਸੇ ਵੀ ਦੂਰੀ ਲਈ ਟ੍ਰਾਂਸਪੋਰਟ ਚਾਰਜ ਸਿਰਫ 54 ਰੁਪਏ ਪ੍ਰਤੀ MMBTU ਹੀ ਦੇਣਾ ਹੋਵੇਗਾ।