ਆਯੁਸ਼ਮਾਨ ਕਾਰਡ ਬਣਾਉਣ ਲਈ ਕਿਹੜੇ-ਕਿਹੜੇ ਦਸਤਾਵੇਜ਼ਾਂ ਦੀ ਹੈ ਲੋੜ ਤੇ ਕਿਵੇਂ ਕਰੀਏ ਅਪਲਾਈ; ਜਾਣੋ ਸਭ ਕੁਝ

ਨਵੀਂ ਦਿੱਲੀ: ਕੇਂਦਰ ਅਤੇ ਰਾਜ ਸਰਕਾਰਾਂ ਵੱਲੋਂ ਜਨਤਾ ਦੇ ਹਿੱਤ ਲਈ ਕਈ ਤਰ੍ਹਾਂ ਦੀਆਂ ਵੱਖ-ਵੱਖ ਯੋਜਨਾਵਾਂ ਚਲਾਈਆਂ ਜਾਂਦੀਆਂ ਹਨ। ਇਨ੍ਹਾਂ ਵਿੱਚੋਂ ਇੱਕ ਅਹਿਮ ਯੋਜਨਾ ਹੈ ਆਯੁਸ਼ਮਾਨ ਭਾਰਤ ਯੋਜਨਾ (Ayushman Bharat Yojana)। ਇਸ ਯੋਜਨਾ ਤਹਿਤ ਲੋੜਵੰਦ ਲੋਕਾਂ ਨੂੰ 5 ਲੱਖ ਰੁਪਏ ਤੱਕ ਦਾ ਮੁਫ਼ਤ ਇਲਾਜ ਮਿਲਦਾ ਹੈ।

ਇਸ ਯੋਜਨਾ ਦਾ ਲਾਭ ਲੈਣ ਲਈ ਤੁਹਾਡੇ ਕੋਲ ਆਯੁਸ਼ਮਾਨ ਕਾਰਡ (Ayushman Card) ਹੋਣਾ ਲਾਜ਼ਮੀ ਹੈ। ਤੁਸੀਂ ਇਸ ਕਾਰਡ ਲਈ ਘਰ ਬੈਠੇ ਹੀ ਅਪਲਾਈ ਕਰ ਸਕਦੇ ਹੋ ਅਤੇ ਤੁਹਾਨੂੰ ਦਫ਼ਤਰਾਂ ਦੇ ਚੱਕਰ ਕੱਟਣ ਦੀ ਲੋੜ ਨਹੀਂ ਹੈ। ਸਭ ਤੋਂ ਪਹਿਲਾਂ ਜਾਣਦੇ ਹਾਂ ਕਿ ਅਪਲਾਈ ਕਰਨ ਲਈ ਕਿਹੜੇ ਦਸਤਾਵੇਜ਼ਾਂ ਦੀ ਲੋੜ ਪਵੇਗੀ।

ਕਿਹੜੇ-ਕਿਹੜੇ ਦਸਤਾਵੇਜ਼ ਚਾਹੀਦੇ ਹਨ?

ਆਯੁਸ਼ਮਾਨ ਕਾਰਡ ਲਈ ਤੁਹਾਨੂੰ ਇਨ੍ਹਾਂ ਚੀਜ਼ਾਂ ਦੀ ਲੋੜ ਪਵੇਗੀ:

ਆਧਾਰ ਕਾਰਡ

ਰਾਸ਼ਨ ਕਾਰਡ

ਆਮਦਨ ਦਾ ਸਰਟੀਫਿਕੇਟ (Income Proof) ਅਤੇ ਲੇਬਰ ਰਜਿਸਟ੍ਰੇਸ਼ਨ ਸਰਟੀਫਿਕੇਟ (BoWC)

ਆਧਾਰ ਕਾਰਡ ਨਾਲ ਲਿੰਕ ਕੀਤਾ ਹੋਇਆ ਮੋਬਾਈਲ ਨੰਬਰ

ਕਿਵੇਂ ਕਰੀਏ ਅਪਲਾਈ? (ਸਟੈਪ-ਬਾਏ-ਸਟੈਪ ਪ੍ਰਕਿਰਿਆ)

ਸਟੈਪ 1: ਸਭ ਤੋਂ ਪਹਿਲਾਂ ਆਯੁਸ਼ਮਾਨ ਭਾਰਤ ਦੇ Beneficiary Portal 'ਤੇ ਜਾਓ ਅਤੇ ਉੱਥੇ 'Beneficiary' ਵਾਲੇ ਬਦਲ (Option) 'ਤੇ ਕਲਿੱਕ ਕਰੋ।

ਸਟੈਪ 2: ਹੁਣ ਤੁਹਾਨੂੰ ਆਪਣਾ ਆਧਾਰ ਨਾਲ ਰਜਿਸਟਰਡ ਮੋਬਾਈਲ ਨੰਬਰ ਅਤੇ ਸਕ੍ਰੀਨ 'ਤੇ ਦਿੱਤਾ ਕੈਪਚਾ ਕੋਡ (Captcha Code) ਦਰਜ ਕਰਨਾ ਹੋਵੇਗਾ।

ਸਟੈਪ 3: ਇਸ ਤੋਂ ਬਾਅਦ Generate OTP 'ਤੇ ਕਲਿੱਕ ਕਰੋ ਅਤੇ ਮੋਬਾਈਲ 'ਤੇ ਆਇਆ ਓ.ਟੀ.ਪੀ. (OTP) ਭਰੋ।

ਸਟੈਪ 4: ਅਗਲੇ ਪੇਜ 'ਤੇ ਤੁਹਾਨੂੰ ਆਪਣਾ ਸੂਬਾ (State) ਅਤੇ ਜ਼ਿਲ੍ਹਾ (District) ਚੁਣਨਾ ਹੋਵੇਗਾ।

ਸਟੈਪ 5: ਫਿਰ ਆਪਣੇ ਆਧਾਰ ਨੰਬਰ ਰਾਹੀਂ ਕਾਰਡ ਲਈ ਆਪਣੀ ਯੋਗਤਾ ਚੈੱਕ ਕਰੋ। ਇੱਥੇ ਤੁਹਾਨੂੰ ਪਰਿਵਾਰ ਅਤੇ ਕਾਰਡ ਦਾ ਸਟੇਟਸ (Status) ਦਿਖਾਈ ਦੇਵੇਗਾ।

ਸਟੈਪ 6: ਜੇਕਰ ਕਾਰਡ ਦਾ ਸਟੇਟਸ Not-Generated ਹੈ, ਤਾਂ ਤੁਸੀਂ Apply Now 'ਤੇ ਕਲਿੱਕ ਕਰਕੇ ਅਪਲਾਈ ਕਰ ਸਕਦੇ ਹੋ।

ਸਟੈਪ 7: ਹੁਣ ਆਪਣੀ ਨਿੱਜੀ ਜਾਣਕਾਰੀ ਜਿਵੇਂ ਕਿ ਨਾਮ, ਜਨਮ ਮਿਤੀ ਅਤੇ ਪਰਿਵਾਰ ਦੀ ਜਾਣਕਾਰੀ ਭਰੋ। ਇਸ ਦੇ ਨਾਲ ਹੀ ਮੰਗੇ ਗਏ ਜ਼ਰੂਰੀ ਦਸਤਾਵੇਜ਼ (ਆਧਾਰ, ਰਾਸ਼ਨ ਕਾਰਡ ਆਦਿ) ਦੀ ਸਕੈਨ ਕੀਤੀ ਕਾਪੀ ਅਪਲੋਡ ਕਰੋ।

ਸਟੈਪ 8: ਅੰਤ ਵਿੱਚ ਆਪਣੀ ਪਛਾਣ ਦੀ ਪੁਸ਼ਟੀ (Verify) ਕਰੋ। ਇਸ ਦੇ ਲਈ ਆਧਾਰ ਨਾਲ ਲਿੰਕ ਮੋਬਾਈਲ ਨੰਬਰ 'ਤੇ ਇੱਕ ਓ.ਟੀ.ਪੀ. ਆਵੇਗਾ। ਇਸ ਨੂੰ ਸਬਮਿਟ ਕਰਨ ਤੋਂ ਬਾਅਦ ਆਪਣੀ ਸਾਰੀ ਜਾਣਕਾਰੀ ਨੂੰ ਚੈੱਕ ਕਰੋ ਅਤੇ ਤੁਹਾਡੀ ਅਰਜ਼ੀ (Application) ਦੀ ਪ੍ਰਕਿਰਿਆ ਪੂਰੀ ਹੋ ਜਾਵੇਗੀ।