Indigo ਸੰਕਟ ਕਾਰਨ ਆਸਮਾਨ 'ਤੇ ਪਹੁੰਚਿਆ ਹਵਾਈ ਕਿਰਾਇਆ, ਮੁੰਬਈ ਤੋਂ ਦਿੱਲੀ ਦੀ ਇੱਕ ਟਿਕਟ ਖਰਚਣੇ ਪੈਣਗੇ 50,000, ਲੱਖਾਂ ਯਾਤਰੀ ਪਰੇਸ਼ਾਨ

ਨਵੀਂ ਦਿੱਲੀ। ਦੇਸ਼ ਦੀ ਵੱਡੀ ਏਅਰਲਾਈਨ ਕੰਪਨੀ ਇੰਡੀਗੋ (Indigo Flights Crisis) ਵਿੱਚ ਚੱਲ ਰਹੇ ਸੰਕਟ ਦਾ ਸਭ ਤੋਂ ਵੱਡਾ ਅਸਰ ਲੱਖਾਂ ਯਾਤਰੀਆਂ 'ਤੇ ਪੈ ਰਿਹਾ ਹੈ। ਕਿਉਂਕਿ ਫਲਾਈਟਾਂ ਰੱਦ ਹੋਣ ਤੋਂ ਬਾਅਦ ਹੁਣ ਉਨ੍ਹਾਂ ਨੂੰ ਦੂਜੀਆਂ ਫਲਾਈਟਾਂ ਬੁੱਕ ਕਰਨ ਲਈ ਦਸ ਗੁਣਾ ਜ਼ਿਆਦਾ ਪੈਸਾ ਦੇਣ ਲਈ ਮਜਬੂਰ ਹੋਣਾ ਪੈ ਰਿਹਾ ਹੈ। ਦਰਅਸਲ ਦਿੱਲੀ-ਮੁੰਬਈ ਵਿਚਕਾਰ ਫਲਾਈਟ ਦਾ ਕਿਰਾਇਆ ₹50,000 ਤੋਂ ਵੱਧ ਹੋ ਗਿਆ ਹੈ। ਆਮ ਤੌਰ 'ਤੇ ਇਸ ਰੂਟ 'ਤੇ ਹਵਾਈ ਕਿਰਾਇਆ ₹6,000 ਤੋਂ ₹7,000 ਹੁੰਦਾ ਹੈ, ਪਰ ਇੰਡੀਗੋ ਦੀਆਂ ਫਲਾਈਟਾਂ ਰੱਦ ਹੋਣ ਕਾਰਨ ਹੋਰ ਏਅਰਲਾਈਨ ਕੰਪਨੀਆਂ ਦੇ ਹਵਾਈ ਕਿਰਾਏ ਵਿੱਚ ਜ਼ਬਰਦਸਤ ਵਾਧਾ ਦੇਖਣ ਨੂੰ ਮਿਲਿਆ ਹੈ।

ਦਰਅਸਲ, ਦਿੱਲੀ ਅਤੇ ਮੁੰਬਈ, ਸਭ ਤੋਂ ਰੁੱਝੇ ਹੋਏ ਏਅਰ ਰੂਟ ਹਨ। ਇਨ੍ਹਾਂ ਦੋਵਾਂ ਮਹਾਨਗਰਾਂ ਵਿਚਕਾਰ ਫਲਾਈਟਾਂ ਦਾ ਕਿਰਾਇਆ ਹੁਣ ਇਕਨਾਮੀ ਕਲਾਸ ਵਿੱਚ ₹50,000 ਤੋਂ ਵੱਧ ਹੋ ਚੁੱਕਾ ਹੈ, ਜੋ ਕਿ ਆਖ਼ਰੀ ਸਮੇਂ 'ਤੇ ਬੁੱਕ ਕਰਨ 'ਤੇ ਵੀ ਆਮ ਤੌਰ 'ਤੇ ਲਗਭਗ ₹20,000 ਦਾ ਬਿਲ ਹੁੰਦਾ ਸੀ।

ਵੀਕੈਂਡ 'ਤੇ ਕਿਰਾਇਆ ਸਭ ਤੋਂ ਜ਼ਿਆਦਾ ਹਾਈ

ਪੇਟੀਐੱਮ ਐਪ 'ਤੇ ਫਲਾਈਟ ਬੁਕਿੰਗ ਸੈਕਸ਼ਨ ਵਿੱਚ ਮੁੰਬਈ ਤੋਂ ਦਿੱਲੀ ਲਈ 5 ਦਸੰਬਰ ਨੂੰ ਉਡਾਣ ਭਰਨ ਵਾਲੀਆਂ ਫਲਾਈਟਾਂ ਦਾ ਕਿਰਾਇਆ ₹46,899 ਤੱਕ ਪਹੁੰਚ ਗਿਆ। ਉੱਥੇ ਹੀ, 6 ਦਸੰਬਰ ਨੂੰ ਇਹ ₹23,589 ਦੇਖਿਆ ਜਾ ਰਿਹਾ ਹੈ।

ਏਅਰ ਇੰਡੀਆ ਦੀਆਂ ਕੀਮਤਾਂ

ਏਅਰ ਇੰਡੀਆ ਦੀ ਵੈੱਬਸਾਈਟ 'ਤੇ 6 ਦਸੰਬਰ ਨੂੰ ਮੁੰਬਈ ਤੋਂ ਦਿੱਲੀ ਦੇ ਵਿਚਕਾਰ ਕਿਰਾਇਆ ਇਸ ਤਰ੍ਹਾਂ ਦੇਖਣ ਨੂੰ ਮਿਲ ਰਿਹਾ ਹੈ:

ਇਕਨਾਮੀ ਕਲਾਸ: ₹24,000

ਪ੍ਰੀਮੀਅਮ ਇਕਨਾਮੀ: ₹28,000

ਬਿਜ਼ਨੈੱਸ ਕਲਾਸ: ₹50,000 ਤੱਕ