ਈਰਾਨ 'ਤੇ ਕਬਜ਼ਾ ਕਰਨਾ ਅਮਰੀਕਾ ਲਈ 'ਮੌਤ ਦਾ ਖੂਹ' ਕਿਉਂ? ਤਹਿਰਾਨ ਦੀਆਂ ਭੂਗੋਲਿਕ ਚੁਣੌਤੀਆਂ ਨੂੰ ਪਾਰ ਕਰਨਾ ਆਸਾਨ ਨਹੀਂ

ਡਿਜੀਟਲ ਡੈਸਕ, ਨਵੀਂ ਦਿੱਲੀ: ਅਮਰੀਕਾ-ਇਜ਼ਰਾਈਲ ਤੇ ਈਰਾਨ ਵਿਚਾਲੇ ਜੰਗ ਦਾ ਅੱਜ 30ਵਾਂ ਦਿਨ ਹੈ। ਮਿਡਲ ਈਸਟ 'ਚ ਚੱਲ ਰਹੀ ਇਹ ਜੰਗ ਆਉਣ ਵਾਲੇ ਸਮੇਂ 'ਚ ਹੋਰ ਵੀ ਭਿਆਨਕ ਨਤੀਜੇ ਦਿਖਾ ਸਕਦੀ ਹੈ। ਅਮਰੀਕਾ ਨੇ ਈਰਾਨ ਦੇ ਨੇੜੇ ਆਪਣੀ ਫੌਜ ਤਾਇਨਾਤ ਕਰਨੀ ਸ਼ੁਰੂ ਕਰ ਦਿੱਤੀ ਹੈ, ਪਰ ਅਮਰੀਕਾ ਲਈ ਈਰਾਨ ਦੀ ਇਹ ਰਾਹ ਸੌਖੀ ਨਹੀਂ ਮੰਨੀ ਜਾ ਰਹੀ। ਈਰਾਨ ਚਾਰੋਂ ਪਾਸਿਓਂ ਉੱਚੇ-ਉੱਚੇ ਪਹਾੜਾਂ ਨਾਲ ਘਿਰਿਆ ਹੋਇਆ ਹੈ ਤੇ ਇੱਥੋਂ ਦੇ ਬਲਦੇ ਹੋਏ ਰੇਗਿਸਤਾਨ ਕਿਸੇ ਵੀ ਫੌਜ ਲਈ ਟਿਕਣਾ ਮੁਸ਼ਕਲ ਕਰ ਦਿੰਦੇ ਹਨ।

ਗਰਾਊਂਡ ਆਪਰੇਸ਼ਨ ਦੀ ਤਿਆਰੀ ਕਰ ਰਿਹੈ ਅਮਰੀਕਾ

ਅਮਰੀਕਾ ਨੇ ਈਰਾਨ ਦੇ ਆਲੇ-ਦੁਆਲੇ ਦੇ ਇਲਾਕਿਆਂ 'ਚ USS Boxer, USS Abraham Lincoln ਅਤੇ USS Tripoli ਵਰਗੇ ਜੰਗੀ ਬੇੜੇ ਤਾਇਨਾਤ ਕਰ ਦਿੱਤੇ ਹਨ। ਇਨ੍ਹਾਂ ਏਅਰਕ੍ਰਾਫਟ ਕੈਰੀਅਰਾਂ 'ਤੇ F-35 ਅਤੇ F-18 ਵਰਗੇ ਘਾਤਕ ਲੜਾਕੂ ਜਹਾਜ਼ ਮੌਜੂਦ ਹਨ। ਖਾੜੀ ਦੇਸ਼ਾਂ 'ਚ ਅਮਰੀਕੀ ਫ਼ੌਜੀਆਂ ਦੀ ਗਿਣਤੀ ਵਧਾਈ ਜਾ ਰਹੀ ਹੈ ਅਤੇ ਇਕੱਲੇ USS Tripoli 'ਤੇ ਹੀ 2500 ਫ਼ੌਜੀ ਤਾਇਨਾਤ ਕੀਤੇ ਗਏ ਹਨ।

ਅਮਰੀਕਾ ਲਈ ਈਰਾਨ ਦੀ ਰਾਹ ਕਿਉਂ ਮੁਸ਼ਕਲ?

ਅਲਬੋਰਜ਼ ਦੀਆਂ ਪਹਾੜੀਆਂ (Alborz Mountains): ਈਰਾਨ ਦੇ ਉੱਤਰ 'ਚ ਕੈਸਪੀਅਨ ਸਾਗਰ ਦੇ ਕੰਢੇ ਸਥਿਤ ਇਹ ਪਹਾੜੀਆਂ ਦੁਸ਼ਮਣਾਂ ਲਈ ਮਜ਼ਬੂਤ ਕੰਧ ਵਾਂਗ ਹਨ। ਇਹ ਕੁਦਰਤੀ ਕਿਲੇਬੰਦੀ ਕਿਸੇ ਵੀ ਬਾਹਰੀ ਹਮਲੇ ਨੂੰ ਰੋਕਣ ਵਿੱਚ ਸਭ ਤੋਂ ਵੱਡੀ ਭੂਮਿਕਾ ਨਿਭਾਉਂਦੀ ਹੈ।

ਦਸ਼ਤ-ਏ-ਕਾਵਿਰ (Dasht-e Kavir): ਇਸ ਨੂੰ 'ਮਹਾਨ ਨਮਕ ਦਾ ਰੇਗਿਸਤਾਨ' ਕਿਹਾ ਜਾਂਦਾ ਹੈ। ਇੱਥੋਂ ਦੀ ਦਲਦਲੀ ਤੇ ਨਮਕੀਨ ਮਿੱਟੀ ਕਿਸੇ ਵੀ ਫੌਜ ਲਈ 'ਮੌਤ ਦਾ ਖੂਹ' ਸਾਬਿਤ ਹੋ ਸਕਦੀ ਹੈ, ਜਿੱਥੇ ਭਾਰੀ ਮਸ਼ੀਨਰੀ ਅਤੇ ਟੈਂਕਾਂ ਦਾ ਚੱਲਣਾ ਅਸੰਭਵ ਹੈ।

ਦਸ਼ਤ-ਏ-ਲੁਤ (Dasht-e Lut): ਇਹ ਦੁਨੀਆ ਦੀਆਂ ਸਭ ਤੋਂ ਗਰਮ ਥਾਵਾਂ 'ਚੋਂ ਇਕ ਹੈ ਜਿੱਥੇ ਤਾਪਮਾਨ 70 ਡਿਗਰੀ ਸੈਲਸੀਅਸ ਤਕ ਪਹੁੰਚ ਜਾਂਦਾ ਹੈ। ਇਸ ਰੇਗਿਸਤਾਨ ਦੇ ਟਿੱਲੇ ਅਤੇ ਚੱਟਾਨਾਂ ਇਸ ਨੂੰ ਇਕ ਅਜਿਹਾ ਅਭੇਦ ਕਿਲਾ ਬਣਾ ਦਿੰਦੀਆਂ ਹਨ, ਜਿੱਥੋਂ ਜ਼ਿੰਦਾ ਬਾਹਰ ਨਿਕਲਣਾ ਬਹੁਤ ਮੁਸ਼ਕਲ ਹੈ।

ਅਮਰੀਕੀ ਫੌਜ ਲਈ ਈਰਾਨ ਦੇ ਇਹ ਕੁਦਰਤੀ ਰੇਗਿਸਤਾਨ ਤੇ ਪਹਾੜ ਕਿਸੇ ਮੌਤ ਦੇ ਜਾਲ ਤੋਂ ਘੱਟ ਨਹੀਂ ਹਨ।