ਮਰਲਿਨ ਮੁਨਰੋ ਦੀ ਕਲਾਸਿਕ ਮਰਸੀਡੀਜ਼ ਹੋਵੇਗੀ ਨੀਲਾਮ, 2 ਕਰੋੜ ਤੋਂ ਵੱਧ ਲੱਗ ਸਕਦੀ ਹੈ ਬੋਲੀ; ਡੈਸ਼ਬੋਰਡ 'ਤੇ ਲਿਖਿਆ ਖ਼ਾਸ ਮੋਨੋਗ੍ਰਾਮ

ਡਿਜੀਟਲ ਡੈਸਕ, ਨਵੀਂ ਦਿੱਲੀ: ਮਰਲਿਨ ਮੁਨਰੋ ਵੱਲੋਂ 1950 ਦੇ ਦਹਾਕੇ 'ਚ ਪੂਰੇ ਯੂਰਪ 'ਚ ਚਲਾਈ ਗਈ ਉਨ੍ਹਾਂ ਦੀ ਕਲਾਸਿਕ ਮਰਸੀਡੀਜ਼-ਬੈਨਜ਼ ਕਾਰ ਨਿਲਾਮੀ 'ਚ ਲਗਪਗ 1.80 ਕਰੋੜ ਰੁਪਏ ਤਕ ਦੀ ਕੀਮਤ 'ਚ ਵਿਕਣ ਦੀ ਉਮੀਦ ਹੈ। ਇਹ ਕਾਰ 1950 ਦੀ ਮਰਸੀਡੀਜ਼-ਬੈਨਜ਼ 170 S (W136) ਹੈ, ਜਿਸ ਨੂੰ ਬਿਹਤਰੀਨ ਹਾਲਤ ਵਿੱਚ ਰੱਖਿਆ ਗਿਆ ਹੈ।

ਇਸ ਅਮਰੀਕੀ ਸਿੰਬਲ ਨੇ ਆਪਣੀ ਮੌਤ ਤੋਂ ਠੀਕ ਛੇ ਸਾਲ ਪਹਿਲਾਂ ਗ੍ਰੀਸ 'ਚ ਰਹਿੰਦੇ ਹੋਏ ਇਸ ਕਾਰ ਦੀ ਵਰਤੋਂ ਆਪਣੀਆਂ ਨਿੱਜੀ ਯਾਤਰਾਵਾਂ ਲਈ ਕੀਤੀ ਸੀ।

ਡੈਸ਼ਬੋਰਡ 'ਤੇ ਉੱਕਰਿਆ ਹੈ MM ਮੋਨੋਗ੍ਰਾਮ

ਕਾਰ ਦੀ ਮੁਰੰਮਤ ਦੌਰਾਨ ਮੌਜੂਦਾ ਮਾਲਕ ਨੂੰ ਡੈਸ਼ਬੋਰਡ 'ਤੇ ਇਕ ਖ਼ਾਸ ਚੀਜ਼ ਮਿਲੀ, ਜਿਸ 'ਤੇ 'MM' ਦਾ ਨਿਸ਼ਾਨ ਬਣਿਆ ਹੋਇਆ ਸੀ। ਇਸੇ ਨਿਸ਼ਾਨ ਤੋਂ ਉਨ੍ਹਾਂ ਨੂੰ ਪਹਿਲੀ ਵਾਰ ਸ਼ੱਕ ਹੋਇਆ ਕਿ ਕਾਰ ਦਾ ਮਾਰਲਿਨ ਮੁਨਰੋ ਨਾਲ ਡੂੰਘਾ ਸਬੰਧ ਹੋ ਸਕਦਾ ਹੈ। ਕਾਰ ਦੇ ਪਾਲਿਸ਼ ਕੀਤੇ ਹੋਏ ਅਖਰੋਟ ਦੀ ਲੱਕੜ ਦੇ ਡੈਸ਼ਬੋਰਡ 'ਤੇ ਇਕ ਸੁਨਹਿਰੀ ਪੱਟੀ ਵੀ ਲੱਗੀ ਹੋਈ ਹੈ, ਜਿਸ ਵਿਚ ਮਾਰਲਿਨ ਮੁਨਰੋ ਦੇ ਨਾਂ ਦੇ ਸ਼ੁਰੂਆਤੀ ਅੱਖਰ ਉੱਕਰੇ ਹੋਏ ਹਨ।

ਨਿਲਾਮੀ ਦੀ ਅਨੁਮਾਨਿਤ ਕੀਮਤ

Iconic Auctioneers ਵੱਲੋਂ ਕਰਵਾਈ ਜਾ ਰਹੀ ਨਿਲਾਮੀ 'ਚ ਇਸ ਕਾਰ ਦੀ ਅਨੁਮਾਨਿਤ ਕੀਮਤ ਲਗਪਗ 1.35 ਕਰੋੜ ਤੋਂ 1.80 ਕਰੋੜ ਰੁਪਏ ਦੇ ਵਿਚਕਾਰ ਦੱਸੀ ਜਾ ਰਹੀ ਹੈ। ਹਾਲਾਂਕਿ, ਮਾਹਿਰਾਂ ਦਾ ਮੰਨਣਾ ਹੈ ਕਿ ਮਾਰਲਿਨ ਮੁਨਰੋ ਨਾਲ ਜੁੜੇ ਇਸਦੇ ਅਨੋਖੇ ਇਤਿਹਾਸ ਕਾਰਨ ਇਹ ਕੀਮਤ ਇਸ ਤੋਂ ਕਿਤੇ ਵੱਧ ਵੀ ਜਾ ਸਕਦੀ ਹੈ।

ਕਾਰ ਮਾਹਿਰ ਸਟੀਵ ਕੀਨ ਨੇ ਕਿਹਾ ਕਿ ਇਸ ਤਰ੍ਹਾਂ ਦੇ ਮੌਕੇ ਬਹੁਤ ਘੱਟ ਮਿਲਦੇ ਹਨ। ਇਹ 170 S ਕਾਰ ਨਾ ਸਿਰਫ਼ ਬਹੁਤ ਉੱਚੇ ਦਰਜੇ ਦੇ ਮਿਆਰਾਂ ਅਨੁਸਾਰ ਠੀਕ ਕੀਤੀ ਗਈ ਹੈ, ਸਗੋਂ ਇਸਦਾ ਮਰਲਿਨ ਮੁਨਰੋ ਨਾਲ ਜੁੜਿਆ ਦਿਲਚਸਪ ਅਤੇ ਚੰਗੀ ਤਰ੍ਹਾਂ ਦਸਤਾਵੇਜ਼ੀ ਇਤਿਹਾਸ ਵੀ ਹੈ।

1956 'ਚ ਗ੍ਰੀਸ 'ਚ ਮੁਨਰੋ ਵੱਲੋਂ ਵਰਤੋਂ

ਖੋਜ ਤੋਂ ਪਤਾ ਲੱਗਦਾ ਹੈ ਕਿ 1956 'ਚ ਗ੍ਰੀਸ ਰਹਿੰਦਿਆਂ ਮਰਲਿਨ ਮੁਨਰੋ ਆਪਣੀਆਂ ਨਿੱਜੀ ਯਾਤਰਾਵਾਂ ਲਈ ਇਸੇ ਕਾਰ ਦੀ ਵਰਤੋਂ ਕਰਦੀ ਸੀ। ਉਸੇ ਸਾਲ ਫਰਵਰੀ 'ਚ ਇਸ ਕਾਰ ਨੂੰ Piraeus ਬੰਦਰਗਾਹ ਦੇ ਰਸਤੇ ਗ੍ਰੀਸ 'ਚ ਕਰਵਾਇਆ ਗਿਆ ਸੀ। ਕਾਰ ਦੇ ਨਾਲ ਉਸ ਸਮੇਂ ਦੇ ਬੀਮਾ ਦਸਤਾਵੇਜ਼ ਵੀ ਮੌਜੂਦ ਹਨ, ਜਿਨ੍ਹਾਂ 'ਤੇ ‘Marilyn Monroe’ ਦੇ ਹਸਤਾਖਰ ਹਨ। ਇਹ ਦਸਤਾਵੇਜ਼ ਫਰਵਰੀ ਤੋਂ ਅਗਸਤ 1956 ਤੱਕ ਦੇ ਹਨ।

ਆਰਥਰ ਮਿਲਰ ਨਾਲ ਵਿਆਹ ਤੇ ਮੌਤ

ਯੂਰਪ ਯਾਤਰਾ ਤੋਂ ਬਾਅਦ ਮੁਨਰੋ ਉਸੇ ਸਾਲ ਜੂਨ 'ਚ ਅਮਰੀਕਾ ਪਰਤ ਆਈ ਅਤੇ ਨਾਟਕਕਾਰ ਆਰਥਰ ਮਿਲਰ ਨਾਲ ਵਿਆਹ ਕਰ ਲਿਆ। ਦੁਖਦਾਈ ਗੱਲ ਇਹ ਹੈ ਕਿ ਮਹਿਜ਼ 36 ਸਾਲ ਦੀ ਉਮਰ ਵਿੱਚ 4 ਅਗਸਤ 1962 ਨੂੰ ਲਾਸ ਏਂਜਲਸ ਸਥਿਤ ਆਪਣੇ ਘਰ ਵਿਚ ਉਨ੍ਹਾਂ ਦੀ ਮੌਤ ਹੋ ਗਈ।

ਕੀ ਹੈ ਕਾਰ ਦੀ ਖ਼ਾਸੀਅਤ?

ਕਾਰ 'ਚ 1.7-ਲੀਟਰ ਇੰਜਣ ਲੱਗਿਆ ਹੋਇਆ ਹੈ, ਜੋ 52 bhp ਦੀ ਪਾਵਰ ਪੈਦਾ ਕਰਦਾ ਹੈ। ਨਿਲਾਮੀ ਤੋਂ ਪਹਿਲਾਂ ਇਸਨੂੰ Brookfield Classic Cars ਦੁਆਰਾ ਪੂਰੀ ਤਰ੍ਹਾਂ ਖੋਲ੍ਹ ਕੇ ਨਵੇਂ ਸਿਰੇ ਤੋਂ ਬਣਾਇਆ (full restoration) ਗਿਆ ਹੈ। ਸਾਰੇ ਪੁਰਜ਼ੇ ਜਾਂ ਤਾਂ ਮੂਲ ਸਪਲਾਇਰਾਂ ਤੋਂ ਲਏ ਗਏ ਹਨ ਜਾਂ ਉਸ ਜ਼ਮਾਨੇ ਦੀ ਫੈਕਟਰੀ ਡਰਾਇੰਗ ਅਨੁਸਾਰ ਤਿਆਰ ਕੀਤੇ ਗਏ ਹਨ। ਇਹ ਇਤਿਹਾਸਕ ਕਾਰ 16 ਮਈ ਨੂੰ Northamptonshire ਦੇ Sywell Aerodrome 'ਚ Supercar Fest ਦੌਰਾਨ Iconic Auctioneers ਵੱਲੋਂ ਨੀਲਾਮ ਕੀਤੀ ਜਾਵੇਗੀ।