ਘਰੇਲੂ ਹਿੰਸਾ ਪੀੜਤਾਂ ਲਈ 'ਮਸੀਹਾ' ਬਣੀ ਇਹ ਅਮਰੀਕੀ ਕੰਪਨੀ, Free 'ਚ ਕਰਾਉਂਦੀ ਹੈ ਘਰ ਦੀ ਸ਼ਿਫਟਿੰਗ

ਡਿਜੀਟਲ ਡੈਸਕ, ਨਵੀਂ ਦਿੱਲੀ : ਕੈਲੀਫੋਰਨੀਆ ਦੀ ਇਕ ਮੂਵਿੰਗ ਕੰਪਨੀ 'ਮੀਟਹੈੱਡ ਮੂਵਰਸ' (Meethead Movers) ਨੇ ਆਪਣੇ ਬਿਜ਼ਨੈੱਸ ਦੇ ਨਾਲ-ਨਾਲ ਇਕ ਨਵੀਂ ਪਹਿਲ ਦੀ ਸ਼ੁਰੂਆਤ ਕੀਤੀ ਹੈ। ਇਹ ਕੰਪਨੀ 25 ਸਾਲਾਂ ਤੋਂ ਅਜਿਹੇ ਲੋਕਾਂ ਨੂੰ ਮੁਫ਼ਤ 'ਚ ਘਰ ਬਦਲਣ ਦੀ ਸਹੂਲਤ ਦੇ ਰਹੀ ਹੈ ਜੋ ਲੋਕ ਘਰੇਲੂ ਹਿੰਸਾ ਦੇ ਸ਼ਿਕਾਰ ਹੋ ਰਹੇ ਹਨ।

ਦਰਅਸਲ, ਘਰੇਲੂ ਹਿੰਸਾ ਦੇ ਦਲਦਲ 'ਚੋਂ ਨਿਕਲਣਾ ਕਿਸੇ ਵੀ ਪੀੜਤ ਲਈ ਸਭ ਤੋਂ ਔਖਾ ਫੈਸਲਾ ਹੁੰਦਾ ਹੈ। ਅਕਸਰ ਆਰਥਿਕ ਤੰਗੀ ਅਤੇ ਸਾਮਾਨ ਸ਼ਿਫਟ ਕਰਨ ਦੀ ਚਿੰਤਾ ਉਨ੍ਹਾਂ ਨੂੰ ਉੱਥੇ ਹੀ ਰਹਿਣ ਲਈ ਮਜਬੂਰ ਕਰ ਦਿੰਦੀ ਹੈ।

ਨਵੀਂ ਜ਼ਿੰਦਗੀ ਜਿਉਣ ਦਾ ਮੌਕਾ

ਅਜਿਹੇ 'ਚ ਕੈਲੀਫੋਰਨੀਆ ਦੀ ਮੀਟਹੈੱਡ ਮੂਵਰਸ ਕੰਪਨੀ ਘਰੇਲੂ ਹਿੰਸਾ ਦੇ ਸ਼ਿਕਾਰ ਲੋਕਾਂ ਦੀ ਮਦਦ ਲਈ ਅਨੋਖੀ ਪਹਿਲ ਕਰ ਰਹੀ ਹੈ ਤਾਂ ਜੋ ਘਰੇਲੂ ਹਿੰਸਾ ਨਾਲ ਜੂਝ ਰਹੇ ਲੋਕ ਹਿੰਸਕ ਰਿਸ਼ਤਿਆਂ ਵਿੱਚੋਂ ਨਿਕਲ ਕੇ ਨਵੀਂ ਲਾਈਫ ਸ਼ੁਰੂ ਕਰ ਸਕਣ।

ਕੈਲੀਫੋਰਨੀਆ ਦੀ ਮੀਟਹੈੱਡ ਮੂਵਰਸ ਕੰਪਨੀ ਦੀ ਸ਼ੁਰੂਆਤ ਦੋ ਭਰਾਵਾਂ ਆਰੋਨ ਸਟੀਡ ਅਤੇ ਇਵਾਨ ਸਟੀਡ ਨੇ ਕੀਤੀ ਸੀ। ਉਨ੍ਹਾਂ ਨੇ ਦੇਖਿਆ ਕਿ ਘਰੇਲੂ ਹਿੰਸਾ ਨਾਲ ਜੂਝ ਰਹੇ ਲੋਕਾਂ ਲਈ ਉੱਥੋਂ ਨਿਕਲਣਾ ਸਭ ਤੋਂ ਵੱਡੀ ਚੁਣੌਤੀ ਹੈ।

2015 'ਚ ਸ਼ੁਰੂ ਕੀਤੀ ਮੁਹਿੰਮ

ਕੰਪਨੀ ਨੇ 2015 ਵਿੱਚ #MoveToEndDV ਨਾਂ ਨਾਲ ਇਕ ਮੁਹਿੰਮ ਵੀ ਸ਼ੁਰੂ ਕੀਤੀ। ਇਸ ਦਾ ਮਕਸਦ ਸੀ ਕਿ ਦੂਜੇ ਬਿਜ਼ਨੈੱਸ ਵੀ ਇਸ ਕੰਮ 'ਚ ਸ਼ਾਮਲ ਹੋ ਸਕਣ। ਇਸ ਮੁਹਿੰਮ ਤੋਂ ਪ੍ਰੇਰਿਤ ਹੋ ਕੇ 200 ਤੋਂ ਵੱਧ ਅਮਰੀਕੀ ਕੰਪਨੀਆਂ ਜੁੜ ਚੁੱਕੀਆਂ ਹਨ। ਇਨ੍ਹਾਂ ਵਿੱਚ ਮੂਵਿੰਗ, ਸੈਲਫ ਸਟੋਰੇਜ ਅਤੇ ਸਕਿਓਰਿਟੀ ਨਾਲ ਜੁੜੀਆਂ ਕੰਪਨੀਆਂ ਸ਼ਾਮਲ ਹਨ।

ਆਲਮ ਇਹ ਹੈ ਕਿ ਕੁਝ ਸ਼ਹਿਰਾਂ 'ਚ ਹੁਣ ਤਾਂ ਸ਼ਿਫਟਿੰਗ ਦੌਰਾਨ ਸੁਰੱਖਿਆ ਗਾਰਡ ਵੀ ਮੁਹੱਈਆ ਕਰਵਾਏ ਜਾਂਦੇ ਹਨ। ਕੰਪਨੀ ਨੇ ਪਿਛਲੇ ਸਾਲ ਘਰੇਲੂ ਹਿੰਸਾ ਨਾਲ ਜੁੜੇ 106 ਮਾਮਲਿਆਂ 'ਚ ਲੋਕਾਂ ਦੀ ਮੁਫ਼ਤ ਸ਼ਿਫਟਿੰਗ ਕਰਵਾਈ। ਇਨ੍ਹਾਂ ਵਿੱਚੋਂ 8 ਐਮਰਜੈਂਸੀ ਮੂਵ (ਤੁਰੰਤ ਸ਼ਿਫਟਿੰਗ) ਵੀ ਸਨ।

ਮੂਵਰਸ ਕੰਪਨੀ ਵਰਤਮਾਨ 'ਚ ਕੈਲੀਫੋਰਨੀਆ ਦੇ ਸੈਨ ਲੁਈਸ ਓਬਿਸਪੋ, ਵੈਂਚੁਰਾ ਕਾਉਂਟੀ, ਓਰੇਂਜ ਕਾਉਂਟੀ, ਫਰੈਸਨੋ ਅਤੇ ਬੇਕਰਸਫੀਲਡ ਵਰਗੇ ਸ਼ਹਿਰਾਂ ਵਿੱਚ ਇਹ ਸੇਵਾ ਦੇ ਰਹੀ ਹੈ।