ਗ੍ਰੀਸ 'ਚ ਵੱਡਾ ਹਾਦਸਾ: ਕੋਸਟ ਗਾਰਡ ਦੇ ਜਹਾਜ਼ ਤੇ ਪ੍ਰਵਾਸੀਆਂ ਦੀ ਕਿਸ਼ਤੀ ਵਿਚਾਲੇ ਭਿਆਨਕ ਟੱਕਰ, 14 ਦੀ ਮੌਤ; ਕਈ ਲਾਪਤਾ

ਰਾਇਟਰ, ਏਥਨਜ਼: ਗ੍ਰੀਸ ਦੇ ਏਜੀਅਨ ਸਾਗਰ ਵਿੱਚ ਚਿਓਸ ਟਾਪੂ ਦੇ ਨੇੜੇ ਮੰਗਲਵਾਰ ਨੂੰ ਇੱਕ ਵੱਡਾ ਹਾਦਸਾ ਵਾਪਰ ਗਿਆ। ਤੁਰਕੀ ਦੇ ਤੱਟ ਤੋਂ ਪ੍ਰਵਾਸੀਆਂ ਨੂੰ ਲੈ ਕੇ ਆ ਰਹੀ ਇੱਕ ਛੋਟੀ ਕਿਸ਼ਤੀ ਦੀ ਟੱਕਰ ਗ੍ਰੀਕ ਕੋਸਟ ਗਾਰਡ ਦੇ ਗਸ਼ਤੀ ਜਹਾਜ਼ ਨਾਲ ਹੋ ਗਈ, ਜਿਸ ਵਿੱਚ ਘੱਟੋ-ਘੱਟ 14 ਪ੍ਰਵਾਸੀਆਂ ਦੀ ਮੌਤ ਹੋ ਗਈ ਹੈ।

ਕਿਵੇਂ ਹੋਇਆ ਹਾਦਸਾ?

ਕੋਸਟ ਗਾਰਡ ਦੇ ਅਧਿਕਾਰੀਆਂ ਅਨੁਸਾਰ, ਇਹ ਘਟਨਾ ਉਸ ਸਮੇਂ ਵਾਪਰੀ ਜਦੋਂ ਉਨ੍ਹਾਂ ਨੇ ਚਿਓਸ ਵੱਲ ਵਧ ਰਹੀ ਇੱਕ ਸ਼ੱਕੀ ਕਿਸ਼ਤੀ ਨੂੰ ਦੇਖਿਆ ਅਤੇ ਉਸ ਨੂੰ ਵਾਪਸ ਮੁੜਨ ਦਾ ਨਿਰਦੇਸ਼ ਦਿੱਤਾ। ਅਧਿਕਾਰੀ ਦਾ ਦਾਅਵਾ ਹੈ ਕਿ ਤਸਕਰਾਂ ਨੇ ਜਾਣਬੁੱਝ ਕੇ ਕਿਸ਼ਤੀ ਦਾ ਰੁਖ ਕੋਸਟ ਗਾਰਡ ਦੇ ਜਹਾਜ਼ ਵੱਲ ਮੋੜ ਦਿੱਤਾ, ਜਿਸ ਕਾਰਨ ਦੋਵਾਂ ਵਿਚਾਲੇ ਭਿਆਨਕ ਟੱਕਰ ਹੋ ਗਈ। ਹਾਲਾਂਕਿ, ਸੁਤੰਤਰ ਤੌਰ 'ਤੇ ਅਜੇ ਇਸ ਗੱਲ ਦੀ ਪੁਸ਼ਟੀ ਨਹੀਂ ਹੋ ਸਕੀ ਹੈ ਕਿ ਟੱਕਰ ਦਾ ਅਸਲ ਕਾਰਨ ਕੀ ਸੀ।

ਬਚਾਅ ਮੁਹਿੰਮ ਅਤੇ ਜਾਨੀ ਨੁਕਸਾਨ

ਹੁਣ ਤੱਕ 14 ਲੋਕਾੰ ਦੀ ਮੌਤ ਹੋ ਗਈ ਹੈ ਅਤੇ ਕਈ ਪ੍ਰਵਾਸੀਆਂ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ ਹੈ।

ਹਾਦਸੇ ਵਿੱਚ ਕੋਸਟ ਗਾਰਡ ਦੇ ਦੋ ਅਧਿਕਾਰੀ ਵੀ ਜ਼ਖਮੀ ਹੋਏ ਹਨ, ਜਿਨ੍ਹਾਂ ਨੂੰ ਇਲਾਜ ਲਈ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਹੈ।

ਕਿਸ਼ਤੀ 'ਤੇ ਸਵਾਰ ਪ੍ਰਵਾਸੀਆਂ ਦੀ ਰਾਸ਼ਟਰੀਅਤਾ (ਨਾਗਰਿਕਤਾ) ਦਾ ਅਜੇ ਪਤਾ ਨਹੀਂ ਲੱਗ ਸਕਿਆ ਹੈ।

ਲਾਪਤਾ ਲੋਕਾਂ ਦੀ ਭਾਲ ਜਾਰੀ

ਪ੍ਰਤੱਖਦਰਸ਼ੀਆਂ ਅਨੁਸਾਰ, ਕਿਸ਼ਤੀ 'ਤੇ ਕਰੀਬ 30 ਤੋਂ 35 ਲੋਕ ਸਵਾਰ ਸਨ। ਵਰਤਮਾਨ ਵਿੱਚ ਲਾਪਤਾ ਲੋਕਾਂ ਦੀ ਭਾਲ ਲਈ ਇੱਕ ਵਿਆਪਕ ਖੋਜ ਅਤੇ ਬਚਾਅ ਮੁਹਿੰਮ ਚਲਾਈ ਜਾ ਰਹੀ ਹੈ। ਇਸ ਆਪ੍ਰੇਸ਼ਨ ਵਿੱਚ ਕੋਸਟ ਗਾਰਡ ਦੇ ਜਹਾਜ਼ਾਂ ਦੇ ਨਾਲ-ਨਾਲ ਨਿੱਜੀ ਕਿਸ਼ਤੀਆਂ ਅਤੇ ਪੇਸ਼ੇਵਰ ਗੋਤਾਖੋਰ ਵੀ ਲੱਗੇ ਹੋਏ ਹਨ।