ਗੁਆਂਢੀ ਮੁਲਕ ਨੇਪਾਲ 'ਚ ਮੁੜ ਹਾਲਾਤ ਤਣਾਅਪੂਰਨ, ਭਾਰਤੀ ਸਰਹੱਦ ਨੇੜੇ ਭੜਕੀ ਹਿੰਸਾ; ਹਾਈ ਅਲਰਟ ਤੋਂ ਬਾਅਦ ਬਾਰਡਰ ਸੀਲ

ਡਿਜੀਟਲ ਡੈਸਕ, ਨਵੀਂ ਦਿੱਲੀ: ਗੁਆਂਢੀ ਦੇਸ਼ ਨੇਪਾਲ ਇੱਕ ਵਾਰ ਫਿਰ ਹਿੰਸਾ ਦੀ ਲਪੇਟ ਵਿੱਚ ਆ ਗਿਆ ਹੈ। ਭਾਰਤੀ ਸਰਹੱਦ ਨਾਲ ਲੱਗਦੇ ਨੇਪਾਲ ਦੇ ਪਾਰਸਾ ਅਤੇ ਧਨੁਸ਼ਾ ਧਾਮ ਜ਼ਿਲ੍ਹਿਆਂ ਵਿੱਚ ਹਿੰਸਾ ਭੜਕ ਗਈ ਹੈ। ਪੂਰੇ ਇਲਾਕੇ ਵਿੱਚ ਹਾਈ ਅਲਰਟ ਜਾਰੀ ਕਰ ਦਿੱਤਾ ਗਿਆ ਹੈ ਅਤੇ ਇਸ ਦੌਰਾਨ ਭਾਰਤ-ਨੇਪਾਲ ਸਰਹੱਦ ਨੂੰ ਵੀ ਸੀਲ ਕਰ ਦਿੱਤਾ ਗਿਆ ਹੈ।

ਧਨੁਸ਼ਾ ਜ਼ਿਲ੍ਹੇ ਵਿੱਚ ਇੱਕ ਮਸਜਿਦ ਦੀ ਭੰਨ-ਤੋੜ ਤੋਂ ਬਾਅਦ ਨੇਪਾਲ ਵਿੱਚ ਫਿਰਕੂ ਹਿੰਸਾ ਸ਼ੁਰੂ ਹੋ ਗਈ ਹੈ, ਜਿਸ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵੀ ਸਾਹਮਣੇ ਆਈਆਂ ਹਨ।

ਪਾਰਸਾ ਦੇ ਬੀਰਗੰਜ ਵਿੱਚ ਹਿੰਸਕ ਪ੍ਰਦਰਸ਼ਨਾਂ 'ਤੇ ਕਾਬੂ ਪਾਉਣ ਲਈ ਪੁਲਿਸ ਨੇ ਅੱਥਰੂ ਗੈਸ ਦੇ ਗੋਲੇ ਛੱਡੇ ਹਨ। ਦੱਸ ਦੇਈਏ ਕਿ ਪਾਰਸਾ ਜ਼ਿਲ੍ਹੇ ਦੀ ਸਰਹੱਦ ਬਿਹਾਰ ਦੇ ਰਕਸੌਲ ਜ਼ਿਲ੍ਹੇ ਨਾਲ ਲੱਗਦੀ ਹੈ। ਦੱਖਣੀ ਨੇਪਾਲ 'ਚ ਸਰਹੱਦ ਤੋਂ ਆਵਾਜਾਈ ਨੂੰ ਰੋਕਣ ਲਈ ਭਾਰਤੀ ਸਰਹੱਦ ਨੂੰ ਵੀ ਪੂਰੀ ਤਰ੍ਹਾਂ ਸੀਲ ਕਰ ਦਿੱਤਾ ਗਿਆ ਹੈ।