ਸ਼ਹਿਬਾਜ਼ ਨੇ 'ਕਾਪੀ-ਪੇਸਟ' ਕਰ ਦਿੱਤੀ ਪੋਸਟ, ਪਾਕਿਸਤਾਨੀ PM ਦੀ ਹੋ ਰਹੀ ਕਿਰਕਿਰੀ; ਕੀ ਅਮਰੀਕਾ ਤੋਂ ਆਇਆ ਸੀ ਡਰਾਫਟ?

ਨਵੀਂ ਦਿੱਲੀ: ਪਾਕਿਸਤਾਨ ਨੇ ਜੰਗ ਰੁਕਵਾਉਣ ਦਾ ਸਿਹਰਾ ਤਾਂ ਲੈ ਲਿਆ, ਪਰ ਇਸ ਦੌਰਾਨ ਉਸ ਦੀ ਭਾਰੀ ਬੇਇੱਜ਼ਤੀ ਵੀ ਹੋ ਗਈ ਹੈ। ਦਰਅਸਲ, ਮਿਡਲ ਈਸਟ ਜੰਗਬੰਦੀ (ਸੀਜ਼ਫਾਇਰ) ਦਾ ਐਲਾਨ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਸ਼ਹਿਬਾਜ਼ ਸ਼ਰੀਫ਼ ਨੇ X (ਪਹਿਲਾਂ ਟਵਿੱਟਰ) 'ਤੇ ਇੱਕ ਪੋਸਟ ਰਾਹੀਂ ਕੀਤਾ। ਪਰ ਇਸ ਦੌਰਾਨ ਕੁਝ ਅਜਿਹਾ ਵਾਪਰਿਆ ਕਿ ਸ਼ਹਿਬਾਜ਼ ਸ਼ਰੀਫ਼ ਦਾ ਉਹ ਸੰਦੇਸ਼ ਨਵੇਂ ਵਿਵਾਦ ਵਿੱਚ ਘਿਰ ਗਿਆ ਹੈ।

ਸੋਸ਼ਲ ਮੀਡੀਆ 'ਤੇ ਉੱਡ ਰਿਹਾ ਮਜ਼ਾਕ

ਜਿਸ ਪੋਸਟ ਵਿੱਚ ਉਨ੍ਹਾਂ ਨੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੂੰ ਈਰਾਨ ਵਿਰੁੱਧ ਧਮਕੀਆਂ ਰੋਕਣ ਦੀ ਅਪੀਲ ਕੀਤੀ ਸੀ, ਉਸ ਨੂੰ ਲੈ ਕੇ ਸੋਸ਼ਲ ਮੀਡੀਆ 'ਤੇ ਦਾਅਵੇ ਕੀਤੇ ਜਾ ਰਹੇ ਹਨ ਕਿ ਇਸ ਅਪੀਲ ਦਾ ਸ਼ੁਰੂਆਤੀ ਡਰਾਫਟ ਪਾਕਿਸਤਾਨ ਤੋਂ ਬਾਹਰ ਕਿਸੇ ਹੋਰ ਨੇ ਤਿਆਰ ਕੀਤਾ ਸੀ। ਇਸ ਘਟਨਾ ਨੇ ਕਈ ਸਵਾਲ ਖੜ੍ਹੇ ਕਰ ਦਿੱਤੇ ਹਨ।

ਕੀ ਕੋਈ ਹੋਰ ਚਲਾ ਰਿਹਾ ਹੈ ਪਾਕਿਸਤਾਨ ਦੀ ਗੱਡੀ?

X 'ਤੇ ਪੋਸਟ ਕੀਤੇ ਗਏ ਫਾਈਨਲ ਵਰਜ਼ਨ ਤੋਂ ਠੀਕ ਇੱਕ ਮਿੰਟ ਪਹਿਲਾਂ ਇੱਕ ਹੋਰ ਪੋਸਟ ਅਪਡੇਟ ਕੀਤੀ ਗਈ ਸੀ। ਉਸ ਦੇ ਉੱਪਰ ਲਿਖਿਆ ਸੀ, "Draft: Message of Pakistan's PM on X"। ਇਸੇ ਗੱਲ ਨੂੰ ਲੈ ਕੇ ਚਰਚਾ ਗਰਮ ਹੈ ਕਿ ਕੀ ਅਮਰੀਕੀ ਰਾਸ਼ਟਰਪਤੀ ਨੇ ਇਹ ਡਰਾਫਟ ਪਾਕਿਸਤਾਨ ਨੂੰ ਭੇਜਿਆ ਸੀ ਜਾਂ ਫਿਰ ਕਿਸੇ ਹੋਰ ਦੇਸ਼ ਨੇ।

ਹਾਲਾਂਕਿ, ਬਾਅਦ ਵਿੱਚ ਉਸ ਟਵੀਟ ਨੂੰ ਐਡਿਟ (Edit) ਕਰ ਦਿੱਤਾ ਗਿਆ, ਪਰ ਹਾਲਾਤ ਦੇਖ ਕੇ ਅਜਿਹਾ ਲੱਗ ਰਿਹਾ ਹੈ ਕਿ ਪਾਕਿਸਤਾਨ ਦੀ ਗੱਡੀ ਕੋਈ ਹੋਰ ਡਰਾਈਵ ਕਰ ਰਿਹਾ ਸੀ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਪਾਕਿਸਤਾਨੀ PM ਦਾ ਆਪਣਾ ਸਟਾਫ ਉਨ੍ਹਾਂ ਨੂੰ 'Pakistan's PM' ਕਹਿ ਕੇ ਸੰਬੋਧਿਤ ਨਹੀਂ ਕਰੇਗਾ। ਅਜਿਹੀ ਸੰਭਾਵਨਾ ਜਤਾਈ ਜਾ ਰਹੀ ਹੈ ਕਿ ਇਹ ਪੋਸਟ ਅਮਰੀਕਾ ਜਾਂ ਇਜ਼ਰਾਈਲ ਵਿੱਚੋਂ ਕਿਸੇ ਨੇ ਲਿਖੀ ਹੋ ਸਕਦੀ ਹੈ।