'ਅੱਜ ਰਾਤ ਚੱਲਣਗੀਆਂ ਗੋਲੀਆਂ', ਪ੍ਰੈੱਸ ਡਿਨਰ ਹਮਲੇ ਤੋਂ ਪਹਿਲਾਂ ਟਰੰਪ ਦੀ ਸੈਕਟਰੀ ਕੈਰੋਲੀਨ ਲੈਵਿਟ ਦਾ ਬਿਆਨ ਹੋਇਆ ਵਾਇਰਲ
ਸ਼ਨੀਵਾਰ ਰਾਤ ਜਦੋਂ ਵ੍ਹਾਈਟ ਹਾਊਸ ਕਾਰਸਪੋਂਡੈਂਟਸ ਡਿਨਰ ਚੱਲ ਰਿਹਾ ਸੀ ਤਾਂ ਅਚਾਨਕ ਅਸਲੀ ਗੋਲੀਆਂ ਦੀ ਆਵਾਜ਼ ਸੁਣਾਈ ਦਿੱਤੀ। ਉਸ ਸਮੇਂ ਰਾਸ਼ਟਰਪਤੀ ਡੋਨਾਲਡ ਟਰੰਪ, ਮੇਲਾਨੀਆ ਟ੍ਰੰਪ ਅਤੇ ਉਪ-ਰਾਸ਼ਟਰਪਤੀ ਜੇ.ਡੀ. ਵੈਂਸ ਉੱਥੇ ਹੀ ਮੌਜੂਦ ਸਨ। ਸੁਰੱਖਿਆ ਕਰਮਚਾਰੀਆਂ ਨੇ ਤੁਰੰਤ ਟਰੰਪ ਅਤੇ ਉਨ੍ਹਾਂ ਦੇ ਪਰਿਵਾਰ ਨੂੰ ਸੁਰੱਖਿਅਤ ਘੇਰੇ ਵਿੱਚ ਲੈ ਕੇ ਬਾਹਰ ਕੱਢਿਆ। ਹਾਲ ਵਿੱਚ ਮੌਜੂਦ ਹੋਰ ਲੋਕਾਂ ਨੇ ਜਾਨ ਬਚਾਉਣ ਲਈ ਟੇਬਲਾਂ ਦੇ ਹੇਠਾਂ ਸ਼ਰਨ ਲਈ।
Posted By alisha
Publish Date: Sun, 26 Apr 2026 01:28 PM (IST)
Updated Date: Sun, 26 Apr 2026 01:33 PM (IST)
ਡਿਜੀਟਲ ਡੈਸਕ, ਨਵੀਂ ਦਿੱਲੀ : ਵ੍ਹਾਈਟ ਹਾਊਸ ਦੀ ਪ੍ਰੈੱਸ ਸੈਕਟਰੀ ਕੈਰੋਲੀਨ ਲੈਵਿਟ ਦੀ ਇੱਕ ਟਿੱਪਣੀ ਇਸ ਵੇਲੇ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਲੈਵਿਟ ਨੇ ਹਮਲੇ ਤੋਂ ਠੀਕ ਪਹਿਲਾਂ ਕਿਹਾ ਸੀ ਕਿ "ਅੱਜ ਰਾਤ ਕੁਝ ਗੋਲੀਆਂ ਚੱਲਣਗੀਆਂ"। ਹਾਲਾਂਕਿ, ਉਨ੍ਹਾਂ ਦਾ ਮਤਲਬ ਅਸਲੀ ਗੋਲੀਆਂ ਤੋਂ ਨਹੀਂ, ਸਗੋਂ ਟਰੰਪ ਦੀਆਂ ਤਿੱਖੀਆਂ ਗੱਲਾਂ ਨਾਲ ਸੀ ਪਰ ਹਮਲੇ ਦੀ ਟਾਈਮਿੰਗ ਕਾਰਨ ਇਹ ਬਿਆਨ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ।
ਕੀ ਕਿਹਾ ਸੀ ਲੈਵਿਟ ਨੇ
ਫ਼ੌਕਸ ਨਿਊਜ਼ (Fox News) ਨਾਲ ਗੱਲਬਾਤ ਕਰਦਿਆਂ ਲੈਵਿਟ ਨੇ ਪ੍ਰੋਗਰਾਮ ਤੋਂ ਪਹਿਲਾਂ ਕਿਹਾ ਸੀ, "ਟਰੰਪ ਪੂਰੀ ਤਰ੍ਹਾਂ ਤਿਆਰ ਹਨ। ਅੱਜ ਰਾਤ ਦਾ ਉਨ੍ਹਾਂ ਦਾ ਭਾਸ਼ਣ ਬਿਲਕੁਲ 'ਕਲਾਸਿਕ ਡੋਨਾਲਡ ਜੇ ਟਰੰਪ' ਸਟਾਈਲ ਵਿੱਚ ਹੋਵੇਗਾ। ਇਹ ਮਜ਼ੇਦਾਰ ਅਤੇ ਮਨੋਰੰਜਕ ਹੋਵੇਗਾ। ਅੱਜ ਰਾਤ ਇਸ ਕਮਰੇ ਵਿੱਚ ਕੁਝ 'ਗੋਲੀਆਂ ਚੱਲਣਗੀਆਂ' (ਯਾਨੀ ਤਿੱਖੀਆਂ ਗੱਲਾਂ ਕਹੀਆਂ ਜਾਣਗੀਆਂ)। ਇਸ ਲਈ ਹਰ ਕਿਸੇ ਨੂੰ ਇਹ ਦੇਖਣਾ ਚਾਹੀਦਾ ਹੈ।"
ਲੈਵਿਟ ਅਸਲ ਵਿੱਚ ਟਰੰਪ ਦੇ ਉਸ ਅੰਦਾਜ਼ ਦਾ ਜ਼ਿਕਰ ਕਰ ਰਹੀ ਸੀ ਜਿਸ ਵਿੱਚ ਉਹ ਵਿਰੋਧੀਆਂ 'ਤੇ ਸ਼ਬਦੀ ਹਮਲੇ ਕਰਦੇ ਹਨ। ਜਦੋਂ ਉਨ੍ਹਾਂ ਨੂੰ ਪੁੱਛਿਆ ਗਿਆ ਕਿ ਇਹ ਭਾਸ਼ਣ ਕਿਸ ਨੇ ਲਿਖਿਆ ਹੈ ਤਾਂ ਉਨ੍ਹਾਂ ਕਿਹਾ ਕਿ ਟਰੰਪ ਨੇ ਜ਼ਿਆਦਾਤਰ ਕੰਮ ਖ਼ੁਦ ਹੀ ਕੀਤਾ ਹੈ।
ਟਰੰਪ ਦੇ ਪ੍ਰੋਗਰਾਮ 'ਚ ਅਸਲ 'ਚ ਚੱਲ ਗਈਆਂ ਗੋਲੀਆਂ
ਸ਼ਨੀਵਾਰ ਰਾਤ ਜਦੋਂ ਵ੍ਹਾਈਟ ਹਾਊਸ ਕਾਰਸਪੋਂਡੈਂਟਸ ਡਿਨਰ ਚੱਲ ਰਿਹਾ ਸੀ ਤਾਂ ਅਚਾਨਕ ਅਸਲੀ ਗੋਲੀਆਂ ਦੀ ਆਵਾਜ਼ ਸੁਣਾਈ ਦਿੱਤੀ। ਉਸ ਸਮੇਂ ਰਾਸ਼ਟਰਪਤੀ ਡੋਨਾਲਡ ਟਰੰਪ, ਮੇਲਾਨੀਆ ਟ੍ਰੰਪ ਅਤੇ ਉਪ-ਰਾਸ਼ਟਰਪਤੀ ਜੇ.ਡੀ. ਵੈਂਸ ਉੱਥੇ ਹੀ ਮੌਜੂਦ ਸਨ। ਸੁਰੱਖਿਆ ਕਰਮਚਾਰੀਆਂ ਨੇ ਤੁਰੰਤ ਟਰੰਪ ਅਤੇ ਉਨ੍ਹਾਂ ਦੇ ਪਰਿਵਾਰ ਨੂੰ ਸੁਰੱਖਿਅਤ ਘੇਰੇ ਵਿੱਚ ਲੈ ਕੇ ਬਾਹਰ ਕੱਢਿਆ। ਹਾਲ ਵਿੱਚ ਮੌਜੂਦ ਹੋਰ ਲੋਕਾਂ ਨੇ ਜਾਨ ਬਚਾਉਣ ਲਈ ਟੇਬਲਾਂ ਦੇ ਹੇਠਾਂ ਸ਼ਰਨ ਲਈ।
🚨 JUST NOW: Karoline Leavitt calls on everyone to watch tonight because Donald Trump will bring the heat and there will be “shots fired”
LET’S FREAKING GO 🔥 pic.twitter.com/GMkccJ7qvw
— MAGA Voice (@MAGAVoice) April 25, 2026
ਹਮਲਾਵਰ ਕੋਲ ਸਨ ਕਈ ਹਥਿਆਰ
ਹਮਲੇ ਦੇ ਇੱਕ ਘੰਟੇ ਬਾਅਦ ਟਰੰਪ ਨੇ ਪ੍ਰੈੱਸ ਬ੍ਰੀਫਿੰਗ ਵਿੱਚ ਦੱਸਿਆ ਕਿ ਸੀਕਰੇਟ ਸਰਵਿਸ ਵੱਲੋਂ ਫੜੇ ਜਾਣ ਤੋਂ ਪਹਿਲਾਂ ਸ਼ੱਕੀ ਹਮਲਾਵਰ ਕੋਲ ਕਈ ਹਥਿਆਰ ਸਨ। ਪੁਲਿਸ ਅਨੁਸਾਰ ਉਸ ਕੋਲ ਸ਼ਾਟਗਨ, ਹੈਂਡਗਨ ਅਤੇ ਕਈ ਚਾਕੂ ਸਨ। ਹਮਲੇ ਦੌਰਾਨ ਇੱਕ ਸੁਰੱਖਿਆ ਅਧਿਕਾਰੀ ਨੂੰ ਗੋਲੀ ਵੀ ਲੱਗੀ ਪਰ ਬੁਲੇਟਪਰੂਫ ਜੈਕੇਟ ਕਾਰਨ ਉਸਦੀ ਜਾਨ ਬਚ ਗਈ।
ਈਰਾਨ ਯੁੱਧ ਨਾਲ ਸਬੰਧ ਤੋਂ ਇਨਕਾਰ
ਟਰੰਪ ਨੇ ਹਮਲਾਵਰ ਨੂੰ ਇੱਕ 'ਪਾਗਲ ਆਦਮੀ' ਦੱਸਦਿਆਂ ਕਿਹਾ ਕਿ ਇਹ ਇੱਕ "ਲੋਨ ਵੁਲਫ" (ਇਕੱਲਾ ਹਮਲਾਵਰ) ਹਮਲਾ ਜਾਪਦਾ ਹੈ। ਉਨ੍ਹਾਂ ਨੇ ਸਪੱਸ਼ਟ ਕੀਤਾ ਕਿ ਉਨ੍ਹਾਂ ਨੂੰ ਅਜਿਹਾ ਕੋਈ ਕਾਰਨ ਨਹੀਂ ਦਿਖਦਾ ਕਿ ਇਸ ਹਮਲੇ ਦਾ ਸਬੰਧ ਈਰਾਨ ਨਾਲ ਚੱਲ ਰਹੇ ਯੁੱਧ ਨਾਲ ਹੋਵੇ। ਫਿਲਹਾਲ ਜਾਂਚ ਏਜੰਸੀਆਂ ਮਾਮਲੇ ਦੀ ਗੰਭੀਰਤਾ ਨਾਲ ਪੜਤਾਲ ਕਰ ਰਹੀਆਂ ਹਨ।