ਕੀ Apple ਜਾਣਬੁੱਝ ਕੇ ਸਲੋਅ ਕਰ ਰਿਹਾ ਹੈ ਪੁਰਾਣੇ iPhone? ਵਾਇਰਲ ਵੀਡੀਓ ਨਾਲ ਨਾਲ ਮਚੀ ਤਰਥੱਲੀ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ: ਜੇਕਰ ਤੁਸੀਂ ਲੰਬੇ ਸਮੇਂ ਤੋਂ ਆਈਫੋਨ (iPhone) ਦੀ ਵਰਤੋਂ ਕਰ ਰਹੇ ਹੋ, ਤਾਂ ਤੁਹਾਨੂੰ 2017 ਦਾ ਉਹ ਮਾਮਲਾ ਯਾਦ ਹੋਵੇਗਾ ਜਦੋਂ Apple 'ਤੇ ਪੁਰਾਣੇ iPhone ਮਾਡਲਾਂ ਦੀ ਸਪੀਡ ਜਾਣਬੁੱਝ ਕੇ ਸਲੋਅ ਕਰਨ ਦਾ ਦੋਸ਼ ਲੱਗਾ ਸੀ। ਉਸ ਸਮੇਂ ਦੁਨੀਆ ਭਰ ਵਿੱਚ ਕੰਪਨੀ ਦੀ ਕਾਫੀ ਆਲੋਚਨਾ ਹੋਈ ਸੀ। ਉਸ ਵਿਵਾਦ ਨੂੰ ‘ਬੈਟਰੀਗੇਟ’ (Batterygate) ਦਾ ਨਾਂ ਦਿੱਤਾ ਗਿਆ ਸੀ। Apple ਨੇ ਬਾਅਦ ਵਿੱਚ ਖੁਦ ਮੰਨਿਆ ਸੀ ਕਿ ਕੁਝ ਪੁਰਾਣੇ iPhone ਮਾਡਲਾਂ ਦੀ ਪਰਫਾਰਮੈਂਸ ਸਾਫਟਵੇਅਰ ਅਪਡੇਟ ਰਾਹੀਂ ਸਲੋਅ ਕੀਤੀ ਗਈ ਸੀ।

ਹਾਲਾਂਕਿ, ਇਸ ਮਾਮਲੇ 'ਤੇ ਕੰਪਨੀ ਨੇ ਸਫਾਈ ਦਿੰਦੇ ਹੋਏ ਕਿਹਾ ਸੀ ਕਿ ਅਜਿਹਾ ਇਸ ਲਈ ਕੀਤਾ ਗਿਆ ਤਾਂ ਜੋ ਖਰਾਬ ਹੋ ਚੁੱਕੀ ਬੈਟਰੀ ਵਾਲੇ ਫੋਨਾਂ ਨੂੰ ਅਚਾਨਕ ਬੰਦ ਹੋਣ ਤੋਂ ਰੋਕਿਆ ਜਾ ਸਕੇ। ਪਰ ਹੁਣ ਇੱਕ ਵਾਰ ਫਿਰ ਉਸੇ ਤਰ੍ਹਾਂ ਦਾ ਵਿਵਾਦ ਸੋਸ਼ਲ ਮੀਡੀਆ 'ਤੇ ਕਾਫੀ ਚਰਚਾ ਵਿੱਚ ਹੈ, ਜਿੱਥੇ ਵੀਡੀਓ ਵਿੱਚ Apple ਦੀ ਸਾਬਕਾ ਸਾਫਟਵੇਅਰ ਇੰਜੀਨੀਅਰ ਨੇ ਕੰਪਨੀ 'ਤੇ ਗੰਭੀਰ ਦੋਸ਼ ਲਾਏ ਹਨ। ਆਓ ਇਸ ਬਾਰੇ ਜਾਣਦੇ ਹਾਂ...

ਕੀ ਫਿਰ ਤੋਂ ਕੰਪਨੀ ਨੇ ਸਲੋਅ ਕੀਤੇ iPhone?

ਦਰਅਸਲ, ਅੱਜਕੱਲ੍ਹ ਇੰਟਰਨੈੱਟ 'ਤੇ ਇੱਕ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਖੁਦ ਨੂੰ Apple ਦੀ ਸਾਬਕਾ ਸਾਫਟਵੇਅਰ ਇੰਜੀਨੀਅਰ ਦੱਸਣ ਵਾਲੀ ਇੱਕ ਔਰਤ ਕੰਪਨੀ 'ਤੇ ਗੰਭੀਰ ਦੋਸ਼ ਲਾਉਂਦੀ ਦਿਖਾਈ ਦੇ ਰਹੀ ਹੈ। ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਬਹਿਸ ਛਿੜ ਗਈ ਹੈ ਅਤੇ ਬਹੁਤ ਸਾਰੇ ਲੋਕ ਸਵਾਲ ਉਠਾ ਰਹੇ ਹਨ ਕਿ ਕੀ Apple ਆਪਣੇ ਪੁਰਾਣੇ iPhone ਯੂਜ਼ਰਸ ਨੂੰ ਨਵੇਂ ਮਾਡਲ ਖਰੀਦਣ ਲਈ ਮਜਬੂਰ ਕਰ ਰਿਹਾ ਹੈ।

ਮੈਕਓਬਜ਼ਰਵਰ (MacObserver) ਨੇ ਆਪਣੀ ਰਿਪੋਰਟ ਵਿੱਚ ਦੱਸਿਆ ਹੈ ਕਿ ਵਾਇਰਲ ਵੀਡੀਓ ਵਿੱਚ ਔਰਤ ਦਾਅਵਾ ਕਰ ਰਹੀ ਹੈ ਕਿ ਜਦੋਂ ਵੀ Apple ਨਵਾਂ iPhone ਪੇਸ਼ ਕਰਦਾ ਸੀ, ਉਦੋਂ ਪੁਰਾਣੇ ਡਿਵਾਈਸਾਂ ਲਈ ਅਜਿਹੇ ਸਾਫਟਵੇਅਰ ਅਪਡੇਟ ਰੋਲ ਆਊਟ ਕੀਤੇ ਜਾਂਦੇ ਸਨ ਜਿਨ੍ਹਾਂ ਵਿੱਚ 'ਹਿਡਨ ਕੋਡ' (Hidden Code) ਸ਼ਾਮਲ ਹੁੰਦੇ ਸਨ। ਔਰਤ ਮੁਤਾਬਕ, ਇਹਨਾਂ ਕੋਡਾਂ ਦਾ ਮਕਸਦ ਪੁਰਾਣੇ iPhone ਦੀ ਸਪੀਡ ਸਲੋਅ ਕਰਨਾ ਅਤੇ ਉਹਨਾਂ ਵਿੱਚ ਖਰਾਬੀਆਂ ਪੈਦਾ ਕਰਨਾ ਹੁੰਦਾ ਸੀ, ਤਾਂ ਜੋ ਯੂਜ਼ਰਸ ਪਰੇਸ਼ਾਨ ਹੋ ਕੇ ਨਵਾਂ ਮਾਡਲ ਖਰੀਦ ਲੈਣ।

ਵੀਡੀਓ ਵਿੱਚ ਔਰਤ ਨੇ ਕੀ ਕਿਹਾ?

ਇਸ ਵੀਡੀਓ ਨੂੰ X 'ਤੇ 'Wall Street Apes' ਨਾਂ ਦੇ ਅਕਾਊਂਟ ਤੋਂ ਸ਼ੇਅਰ ਕੀਤਾ ਗਿਆ ਹੈ। ਵੀਡੀਓ ਵਿੱਚ ਔਰਤ ਕਹਿੰਦੀ ਹੈ, "ਮੈਂ Apple ਵਿੱਚ ਸਾਫਟਵੇਅਰ ਇੰਜੀਨੀਅਰ ਸੀ ਅਤੇ ਹਰ ਨਵੇਂ iPhone ਲਾਂਚ ਦੇ ਨਾਲ ਪੁਰਾਣੇ ਫੋਨਾਂ ਵਿੱਚ ਅਜਿਹਾ ਸਿਸਟਮ ਪਾਇਆ ਜਾਂਦਾ ਸੀ, ਜਿਸ ਨਾਲ ਉਹ ਹੌਲੀ-ਹੌਲੀ ਸਲੋਅ ਹੋ ਜਾਂਦੇ ਸਨ। ਲੋਕਾਂ ਨੂੰ ਲੱਗਦਾ ਸੀ ਕਿ ਉਹਨਾਂ ਦਾ ਫੋਨ ਖਰਾਬ ਹੋ ਰਿਹਾ ਹੈ, ਪਰ ਇਹ ਸਭ ਜਾਣਬੁੱਝ ਕੇ ਕੀਤਾ ਜਾਂਦਾ ਸੀ।"

Former software engineer at Apple is whistleblowing

She says whenever Apple launches a new phone, they would push an update to older iPhones with malware to slow them down. This pushes people to upgrade

“I used to be a software engineer at Apple, and with every new phone that… pic.twitter.com/SSeTQGXvUp

— Wall Street Apes (@WallStreetApes) May 6, 2026

Apple ਨੇ ਨਹੀਂ ਦਿੱਤਾ ਕੋਈ ਜਵਾਬ

ਹਾਲਾਂਕਿ ਅਜੇ ਤੱਕ ਇਹਨਾਂ ਦਾਅਵਿਆਂ 'ਤੇ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਹੋਈ ਹੈ। Apple ਨੇ ਵੀ ਵਾਇਰਲ ਵੀਡੀਓ 'ਤੇ ਫਿਲਹਾਲ ਕੋਈ ਬਿਆਨ ਜਾਰੀ ਨਹੀਂ ਕੀਤਾ ਹੈ। ਅਜਿਹੇ ਵਿੱਚ ਇਹ ਸਾਫ ਨਹੀਂ ਕਿਹਾ ਜਾ ਸਕਦਾ ਕਿ ਔਰਤ ਵੱਲੋਂ ਲਾਏ ਗਏ ਦੋਸ਼ ਕਿੰਨੇ ਸਹੀ ਹਨ। ਜਾਗਰਣ ਵੀ ਵਾਇਰਲ ਵੀਡੀਓ ਵਿੱਚ ਲਾਏ ਗਏ ਇਹਨਾਂ ਦੋਸ਼ਾਂ ਦੀ ਪੁਸ਼ਟੀ ਨਹੀਂ ਕਰਦਾ।