AC 'ਚ ਗੈਸ ਲੀਕੇਜ ਕਿਉਂ ਹੁੰਦੀ ਹੈ? ਸਮਾਂ ਰਹਿੰਦੇ ਜਾਣ ਲਓ ਇਸ ਦੇ ਸੰਕੇਤ ਤੇ ਬਚਾਅ ਦੇ ਤਰੀਕੇ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ: ਗਰਮੀਆਂ ਆ ਗਈਆਂ ਹਨ ਅਤੇ ਹੁਣ ਏਅਰ ਕੰਡੀਸ਼ਨਰ (AC) ਦੀ ਵਰਤੋਂ ਵਧ ਗਈ ਹੈ, ਪਰ ਸਮੇਂ ਦੇ ਨਾਲ AC ਦੀ ਕੂਲਿੰਗ ਘੱਟ ਹੋਣ ਲੱਗਦੀ ਹੈ। ਅਜਿਹੇ ਵਿੱਚ ਜੇਕਰ ਤੁਹਾਡਾ AC ਵੀ ਪਹਿਲਾਂ ਵਾਂਗ ਠੰਢਕ ਨਹੀਂ ਦੇ ਰਿਹਾ ਹੈ, ਤਾਂ ਇਸ ਦੇ ਪਿੱਛੇ AC ਗੈਸ ਲੀਕੇਜ ਇੱਕ ਵੱਡੀ ਵਜ੍ਹਾ ਹੋ ਸਕਦੀ ਹੈ। ਜੀ ਹਾਂ, AC ਵਿੱਚ ਮੌਜੂਦ ਰੈਫ੍ਰਿਜਰੈਂਟ ਗੈਸ ਕਮਰੇ ਦੀ ਗਰਮੀ ਨੂੰ ਬਾਹਰ ਕੱਢ ਕੇ ਕੂਲਿੰਗ ਕਰਨ ਦਾ ਕੰਮ ਕਰਦੀ ਹੈ।

ਹਾਲਾਂਕਿ ਜਦੋਂ ਇਹ ਗੈਸ ਘੱਟ ਹੋਣ ਲੱਗਦੀ ਹੈ, ਤਾਂ AC ਦੀ ਕੂਲਿੰਗ ਘੱਟ ਹੋ ਜਾਂਦੀ ਹੈ ਅਤੇ ਬਿਜਲੀ ਦੀ ਖਪਤ ਵੀ ਵਧ ਜਾਂਦੀ ਹੈ। ਮਾਹਿਰਾਂ ਅਨੁਸਾਰ, ਲੰਬੇ ਸਮੇਂ ਤੱਕ ਗੈਸ ਲੀਕੇਜ ਰਹਿਣ 'ਤੇ ਇਹ ਸਿਹਤ ਲਈ ਵੀ ਨੁਕਸਾਨਦੇਹ ਹੋ ਸਕਦੀ ਹੈ। ਚਲੋ ਜਾਣਦੇ ਹਾਂ ਕਿ ਕਿਉਂ ਹੁੰਦੀ ਹੈ AC ਗੈਸ ਲੀਕੇਜ...

ਕਿਉਂ ਹੁੰਦੀ ਹੈ AC ਗੈਸ ਲੀਕੇਜ?

ਪੁਰਜ਼ਿਆਂ ਦਾ ਪੁਰਾਣਾ ਹੋਣਾ

AC ਦੀ ਲਗਾਤਾਰ ਵਰਤੋਂ ਕਾਰਨ AC ਦੇ ਅੰਦਰ ਮੌਜੂਦ ਪਾਈਪ, ਕੋਇਲ ਅਤੇ ਦੂਜੇ ਪੁਰਜ਼ੇ ਕਮਜ਼ੋਰ ਹੋ ਜਾਂਦੇ ਹਨ। ਸਮੇਂ ਦੇ ਨਾਲ ਇਨ੍ਹਾਂ ਵਿੱਚ ਛੋਟੇ-ਛੋਟੇ ਛੇਦ ਹੋ ਸਕਦੇ ਹਨ, ਜਿੱਥੋਂ ਗੈਸ ਨਿਕਲ ਸਕਦੀ ਹੈ।

ਕੋਇਲ ਵਿੱਚ ਜੰਗ ਲੱਗਣਾ

ਨਮੀ, ਪਾਣੀ ਜਾਂ ਕੈਮੀਕਲਸ ਦੇ ਕਾਰਨ ਵੀ AC ਦੀਆਂ ਕੋਇਲਾਂ ਵਿੱਚ ਜੰਗ ਲੱਗ ਸਕਦਾ ਹੈ। ਇਹੀ ਜੰਗ ਹੌਲੀ-ਹੌਲੀ ਲੀਕੇਜ ਦੀ ਵੱਡੀ ਵਜ੍ਹਾ ਬਣ ਸਕਦਾ ਹੈ।

ਖ਼ਰਾਬ ਇੰਸਟਾਲੇਸ਼ਨ

ਖ਼ਰਾਬ ਇੰਸਟਾਲੇਸ਼ਨ ਵੀ AC ਤੋਂ ਗੈਸ ਲੀਕ ਦੀ ਵਜ੍ਹਾ ਬਣ ਸਕਦੀ ਹੈ। ਜੇਕਰ AC ਸਹੀ ਤਰੀਕੇ ਨਾਲ ਇੰਸਟਾਲ ਨਹੀਂ ਕੀਤਾ ਗਿਆ ਹੈ, ਤਾਂ ਢਿੱਲੇ ਕਨੈਕਸ਼ਨ, ਖ਼ਰਾਬ ਵਾਲਵ ਜਾਂ ਕਮਜ਼ੋਰ ਸੋਲਡਰਿੰਗ ਕਾਰਨ ਵੀ ਗੈਸ ਲੀਕੇਜ ਹੋ ਸਕਦੀ ਹੈ।

ਪਾਈਪ ਜਾਂ ਵਾਲਵ ਡੈਮੇਜ

ਕਦੇ-ਕਦੇ ਕਾਪਰ ਪਾਈਪ ਜਾਂ ਵਾਲਵ ਵਿੱਚ ਕਿਸੇ ਤਰ੍ਹਾਂ ਦਾ ਕਰੈਕ ਜਾਂ ਨੁਕਸਾਨ ਹੋਣ ਕਾਰਨ ਵੀ ਰੈਫ੍ਰਿਜਰੈਂਟ ਗੈਸ ਬਾਹਰ ਨਿਕਲਣ ਲੱਗਦੀ ਹੈ।

AC ਗੈਸ ਲੀਕੇਜ ਦੇ 5 ਸੰਕੇਤ

ਕਮਰੇ ਦੀ ਕੂਲਿੰਗ ਘੱਟ ਹੋ ਜਾਣਾ

ਬਿਜਲੀ ਦਾ ਬਿੱਲ ਵਧ ਜਾਣਾ

AC ਤੋਂ ਲਗਾਤਾਰ ਅਜੀਬ ਆਵਾਜ਼ ਆਉਣੀ

AC ਚਲਾਉਂਦੇ ਹੀ ਕਮਰੇ ਵਿੱਚ ਬਦਬੂ ਮਹਿਸੂਸ ਹੋਣੀ

AC ਦਾ ਵਾਰ-ਵਾਰ ਟ੍ਰਿਪ ਹੋ ਜਾਣਾ

AC ਗੈਸ ਲੀਕੇਜ ਤੋਂ ਕਿਵੇਂ ਬਚੀਏ?

ਰੈਗੂਲਰ ਸਰਵਿਸ ਕਰਵਾਓ

ਮਾਹਿਰ ਸਲਾਹ ਦਿੰਦੇ ਹਨ ਕਿ ਸਾਲ ਵਿੱਚ ਘੱਟੋ-ਘੱਟ 1 ਜਾਂ 2 ਵਾਰ AC ਦੀ ਸਰਵਿਸ ਕਰਵਾਓ। ਇਸ ਨਾਲ ਛੋਟੀਆਂ ਸਮੱਸਿਆਵਾਂ ਵੇਲੇ ਸਿਰ ਫੜ ਵਿੱਚ ਆ ਜਾਂਦੀਆਂ ਹਨ।

ਕਾਪਰ ਕੰਡੈਂਸਰ ਵਾਲਾ AC ਲਓ

ਜੇਕਰ ਤੁਸੀਂ ਇੱਕ ਨਵਾਂ AC ਲੈ ਰਹੇ ਹੋ ਤਾਂ ਕਾਪਰ ਕੰਡੈਂਸਰ ਵਾਲਾ ਮਾਡਲ ਲਓ। ਇਹ ਜ਼ਿਆਦਾ ਟਿਕਾਊ ਹੁੰਦਾ ਹੈ ਅਤੇ ਜਲਦੀ ਖ਼ਰਾਬ ਨਹੀਂ ਹੁੰਦਾ।

ਫਿਲਟਰ ਦੀ ਸਫਾਈ

AC ਦੇ ਗੰਦੇ ਫਿਲਟਰ ਏਅਰ ਕੰਡੀਸ਼ਨਰ 'ਤੇ ਜ਼ਿਆਦਾ ਦਬਾਅ ਪਾਉਂਦੇ ਹਨ। ਇਸ ਲਈ ਹਰ ਕੁਝ ਹਫ਼ਤਿਆਂ ਵਿੱਚ ਫਿਲਟਰ ਕਲੀਨ ਕਰੋ।

ਬਾਹਰੀ ਨੁਕਸਾਨ

ਜੇਕਰ AC ਯੂਨਿਟ ਵਿੱਚ ਡੈਂਟ, ਕਰੈਕ ਜਾਂ ਕਿਸੇ ਤਰ੍ਹਾਂ ਦਾ ਬਾਹਰੀ ਨੁਕਸਾਨ ਦਿਖਾਈ ਦੇ ਰਿਹਾ ਹੈ ਤਾਂ ਉਸ ਨੂੰ ਨਜ਼ਰਅੰਦਾਜ਼ ਨਾ ਕਰੋ। ਛੋਟੀ ਖ਼ਰਾਬੀ ਵੀ ਅੱਗੇ ਚੱਲ ਕੇ ਵੱਡੀ ਲੀਕੇਜ ਦਾ ਕਾਰਨ ਬਣ ਸਕਦੀ ਹੈ।