WhatsApp 'ਤੇ ਕਿਸੇ ਨੰਬਰ ਨੂੰ ਕਿਵੇਂ ਕਰੀਏ ਬਲਾਕ? ਆਸਾਨ ਤਰੀਕੇ ਨਾਲ ਚੁਟਕੀ ਵਜਾਉਂਦੇ ਹੀ ਹੋ ਜਾਵੇਗਾ ਕੰਮ

ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ: ਵ੍ਹਟਸਐਪ ਦੁਨੀਆ ਵਿੱਚ ਸਭ ਤੋਂ ਵੱਧ ਵਰਤਿਆ ਜਾਣ ਵਾਲਾ ਮੈਸੇਜਿੰਗ ਪਲੇਟਫਾਰਮ ਹੈ। ਇਸ ਵਿੱਚ ਯੂਜ਼ਰਜ਼ ਨੂੰ ਕਈ ਪ੍ਰਾਈਵੇਸੀ ਫੀਚਰਜ਼ ਮਿਲਦੇ ਹਨ। ਅਜਿਹਾ ਹੀ ਇੱਕ ਪ੍ਰਾਈਵੇਸੀ ਫੀਚਰ ਕਿਸੇ ਵੀ ਕਾਂਟੈਕਟ ਨੂੰ ਬਲਾਕ ਕਰਨ ਦਾ ਹੈ। ਅਕਸਰ ਵ੍ਹਟਸਐਪ ਯੂਜ਼ਰਜ਼ ਸਪੈਮ, ਅਣਪਛਾਤੀਆਂ ਕਾਲਾਂ ਅਤੇ ਪਰੇਸ਼ਾਨ ਕਰਨ ਵਾਲੀਆਂ ਵ੍ਹਟਸਐਪ ਕਾਲਾਂ ਜਾਂ ਮੈਸੇਜਾਂ ਤੋਂ ਬਚਣ ਲਈ ਨੰਬਰ ਬਲਾਕ ਫੀਚਰ ਦੀ ਵਰਤੋਂ ਕਰਦੇ ਹਨ। ਇੱਥੇ ਅਸੀਂ ਤੁਹਾਨੂੰ ਐਂਡਰਾਇਡ ਅਤੇ ਆਈਓਐਸ (iOS) 'ਤੇ ਵ੍ਹਟਸਐਪ 'ਤੇ ਕਿਸੇ ਨੰਬਰ ਨੂੰ ਬਲਾਕ ਅਤੇ ਅਨਬਲਾਕ ਕਰਨ ਦੇ ਤਰੀਕੇ ਬਾਰੇ ਜਾਣਕਾਰੀ ਦੇ ਰਹੇ ਹਾਂ।

ਐਂਡਰਾਇਡ ਅਤੇ iOS ਵਿੱਚ ਵ੍ਹਟਸਐਪ 'ਤੇ ਨੰਬਰ ਬਲਾਕ ਕਿਵੇਂ ਕਰੀਏ?

ਵ੍ਹਟਸਐਪ ਵਿੱਚ ਕਿਸੇ ਨੰਬਰ ਨੂੰ ਬਲਾਕ ਕਰਨ ਲਈ ਸਭ ਤੋਂ ਪਹਿਲਾਂ ਚੈਟ ਓਪਨ ਕਰ ਲਓ। ਇਸ ਤੋਂ ਬਾਅਦ ਤੁਹਾਨੂੰ ਪ੍ਰੋਫਾਈਲ ਫੋਟੋ 'ਤੇ ਟੈਪ ਕਰਕੇ ਕਾਂਟੈਕਟ ਓਪਨ ਕਰਨਾ ਹੈ। ਸਕ੍ਰੋਲ ਡਾਊਨ ਕਰਨ 'ਤੇ ਤੁਹਾਨੂੰ ਬਲਾਕ ਕਰਨ ਦਾ ਆਪਸ਼ਨ ਮਿਲ ਜਾਵੇਗਾ। ਜੇਕਰ ਵ੍ਹਟਸਐਪ ਕਾਲ ਵਾਲੇ ਨੰਬਰ ਨੂੰ ਬਲਾਕ ਕਰਨਾ ਹੈ, ਤਾਂ ਤੁਹਾਨੂੰ ਵ੍ਹਟਸਐਪ ਦਾ ਕਾਲ ਲੋਗ (Call Log) ਓਪਨ ਕਰਨਾ ਪਵੇਗਾ। ਇਸ ਤੋਂ ਬਾਅਦ ਜਿਸ ਨੰਬਰ ਨੂੰ ਬਲਾਕ ਕਰਨਾ ਹੈ, ਉਸ ਦੇ ਅੱਗੇ 'i' ਬਟਨ 'ਤੇ ਕਲਿੱਕ ਕਰਨਾ ਹੈ। ਇੱਥੇ ਤੁਹਾਨੂੰ ਸਕ੍ਰੋਲ ਡਾਊਨ ਕਰਨ 'ਤੇ ਬਲਾਕ ਦਾ ਆਪਸ਼ਨ ਮਿਲ ਜਾਵੇਗਾ।

iPhone ਵਿੱਚ ਬਲਾਕ ਨੰਬਰ ਕਿਵੇਂ ਚੈੱਕ ਕਰੀਏ?

ਆਈਫੋਨ ਯੂਜ਼ਰਜ਼ ਨੂੰ ਵ੍ਹਟਸਐਪ 'ਤੇ ਬਲਾਕ ਨੰਬਰ ਚੈੱਕ ਕਰਨ ਲਈ ਪ੍ਰੋਫਾਈਲ ਆਈਕਨ 'ਤੇ ਟੈਪ ਕਰਨਾ ਹੋਵੇਗਾ। ਇੱਥੇ ਪ੍ਰਾਈਵੇਸੀ ਆਪਸ਼ਨ ਵਿੱਚ ਕਾਂਟੈਕਟ ਸੈਕਸ਼ਨ ਵਿੱਚ ਉਨ੍ਹਾਂ ਨੂੰ ਬਲਾਕ ਕਾਂਟੈਕਟ ਦਾ ਆਪਸ਼ਨ ਦਿਖਾਈ ਦੇਵੇਗਾ। ਇੱਥੇ ਸਾਰੇ ਬਲਾਕ ਕੀਤੇ ਨੰਬਰ ਦੇਖੇ ਜਾ ਸਕਦੇ ਹਨ। ਇੱਥੋਂ ਤੁਸੀਂ ਬਲਾਕ ਕੀਤੇ ਹੋਏ ਨੰਬਰਾਂ ਨੂੰ ਅਨਬਲਾਕ ਕਰ ਸਕਦੇ ਹੋ।

Android ਵਿੱਚ ਬਲਾਕ ਨੰਬਰ ਕਿਵੇਂ ਚੈੱਕ ਕਰੀਏ?

ਐਂਡਰਾਇਡ ਫੋਨ ਵਿੱਚ ਬਲਾਕ ਨੰਬਰ ਚੈੱਕ ਕਰਨ ਲਈ ਵੀ ਪ੍ਰੋਫਾਈਲ ਓਪਨ ਕਰਨੀ ਪਵੇਗੀ। ਇਸ ਤੋਂ ਬਾਅਦ Privacy ਵਿੱਚ ਜਾਓ ਅਤੇ Contacts ਸੈਕਸ਼ਨ ਵਿੱਚ ਬਲਾਕ ਕੀਤੇ ਨੰਬਰ ਦੇਖੇ ਜਾ ਸਕਦੇ ਹਨ। ਇੱਥੋਂ ਹੀ ਤੁਹਾਨੂੰ ਬਲਾਕ ਨੰਬਰ ਨੂੰ ਅਨਬਲਾਕ ਕਰਨ ਦਾ ਆਪਸ਼ਨ ਮਿਲਦਾ ਹੈ।