Airtel ਦਾ 77 ਦਿਨਾਂ ਦੀ ਵੈਲੀਡਿਟੀ ਵਾਲਾ ਸ਼ਾਨਦਾਰ ਪਲਾਨ, ਮਿਲਦੈ ਡੇਲੀ 1.5GB ਡੇਟਾ; ਤੇ ਹੋਰ ਵੀ ਬਹੁਤ ਕੁਝ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ: ਭਾਰਤ ਦੀ ਦੂਜੀ ਸਭ ਤੋਂ ਵੱਡੀ ਟੈਲੀਕਾਮ ਕੰਪਨੀ, ਭਾਰਤੀ ਏਅਰਟੈੱਲ ਕੋਲ ਇੱਕ ਕਾਫ਼ੀ ਵਧੀਆਂ ਮੀਡੀਅਮ-ਟਰਮ ਵੈਲੀਡਿਟੀ ਵਾਲਾ ਪ੍ਰੀਪੇਡ ਪਲਾਨ ਹੈ, ਜਿਸ ਵਿੱਚ ਡੇਲੀ 1.5GB ਡੇਟਾ ਮਿਲਦਾ ਹੈ। ਇਸ ਪਲਾਨ ਦੀ ਕੀਮਤ 799 ਰੁਪਏ ਹੈ। ਇਹ ਪ੍ਰੀਪੇਡ ਪਲਾਨ ਪੂਰੇ ਦੇਸ਼ ਵਿੱਚ ਗਾਹਕਾਂ ਲਈ ਉਪਲਬਧ ਹੈ ਅਤੇ ਇਸ ਦੀ ਸਰਵਿਸ ਵੈਲੀਡਿਟੀ 77 ਦਿਨਾਂ ਦੀ ਹੈ। ਭਾਵੇਂ ਇਹ 84 ਦਿਨਾਂ ਦੀ ਵੈਲੀਡਿਟੀ ਵਾਲਾ ਨਾ ਹੋਵੇ, ਜਿਵੇਂ ਕਿ ਇਸ ਕੀਮਤ ਦੇ ਆਲੇ-ਦੁਆਲੇ ਦੇ ਕਈ ਪਲਾਨਸ ਵਿੱਚ ਪਹਿਲਾਂ ਹੋਇਆ ਕਰਦਾ ਸੀ, ਫਿਰ ਵੀ ਦੇਸ਼ ਵਿੱਚ ਟੈਰਿਫ ਦੀ ਮੌਜੂਦਾ ਸਥਿਤੀ ਨੂੰ ਦੇਖਦੇ ਹੋਏ ਇਹ ਇੱਕ ਵਧੀਆ ਡੀਲ ਹੈ। ਆਓ ਇਸ ਪਲਾਨ ਦੇ ਪੂਰੇ ਬੈਨੀਫਿਟਸ 'ਤੇ ਇੱਕ ਨਜ਼ਰ ਮਾਰਦੇ ਹਾਂ।

ਭਾਰਤੀ ਏਅਰਟੈੱਲ ਦੇ 799 ਰੁਪਏ ਦੇ ਪ੍ਰੀਪੇਡ ਪਲਾਨ ਦੀ ਡਿਟੇਲ

ਭਾਰਤੀ ਏਅਰਟੈੱਲ ਦਾ 799 ਰੁਪਏ ਵਾਲਾ ਪ੍ਰੀਪੇਡ ਪਲਾਨ ਅਨਲਿਮਟਿਡ ਵੌਇਸ ਕਾਲਿੰਗ, ਡੇਲੀ 100 SMS, ਅਤੇ ਡੇਲੀ 1.5GB ਡੇਟਾ ਦੇ ਨਾਲ-ਨਾਲ ਕੁਝ ਐਕਸਟਰਾ ਬੈਨੀਫਿਟਸ ਵੀ ਦਿੰਦਾ ਹੈ। ਇਨ੍ਹਾਂ ਬੈਨੀਫਿਟਸ ਵਿੱਚ ਇੱਕ ਸਾਲ ਲਈ Adobe Express Premium ਸ਼ਾਮਲ ਹੈ, ਜਿਸ ਦੀ ਕੀਮਤ 4,000 ਰੁਪਏ ਹੈ। ਇਸ ਤੋਂ ਇਲਾਵਾ, ਯੂਜ਼ਰਜ਼ ਨੂੰ ਫ੍ਰੀ Hellotunes ਐਕਸੈਸ ਵੀ ਮਿਲਦਾ ਹੈ। ਇਸ ਪਲਾਨ ਦੀ ਸਰਵਿਸ ਵੈਲੀਡਿਟੀ 77 ਦਿਨਾਂ ਦੀ ਹੈ। ਇਸ ਪਲਾਨ ਨੂੰ ਇਸਤੇਮਾਲ ਕਰਨ ਦਾ ਔਸਤ ਰੋਜ਼ਾਨਾ ਖਰਚ 10.37 ਰੁਪਏ ਹੈ।

ਹਾਲਾਂਕਿ, ਇਸ ਪ੍ਰੀਪੇਡ ਪਲਾਨ ਦੇ ਨਾਲ ਤੁਹਾਨੂੰ 5G ਵਰਗੇ ਬੈਨੀਫਿਟਸ ਨਹੀਂ ਮਿਲਦੇ। 5G ਦਾ ਫਾਇਦਾ ਸਿਰਫ਼ ਉਨ੍ਹਾਂ ਗਾਹਕਾਂ ਨੂੰ ਦਿੱਤਾ ਜਾਂਦਾ ਹੈ ਜਿਨ੍ਹਾਂ ਕੋਲ ਡੇਲੀ 2GB ਡੇਟਾ ਵਾਲੇ ਪਲਾਨ ਹਨ।

ਭਾਰਤੀ ਏਅਰਟੈੱਲ ਇੱਕ ਪਲਾਨ 60 ਦਿਨਾਂ ਦੀ ਵੈਲੀਡਿਟੀ ਦੇ ਨਾਲ ਵੀ ਦਿੰਦਾ ਹੈ। ਇਸ ਪਲਾਨ ਦੀ ਕੀਮਤ 619 ਰੁਪਏ ਹੈ। ਇਸ ਦੇ ਬੈਨੀਫਿਟਸ 799 ਰੁਪਏ ਵਾਲੇ ਪਲਾਨ ਵਰਗੇ ਹੀ ਹਨ, ਪਰ ਇਸ ਦੀ ਵੈਲੀਡਿਟੀ ਘੱਟ ਹੈ। 799 ਰੁਪਏ ਵਾਲੇ ਪਲਾਨ ਦੀ ਤਰ੍ਹਾਂ 77 ਦਿਨਾਂ ਦੀ ਬਜਾਏ, 619 ਰੁਪਏ ਵਾਲੇ ਪਲਾਨ ਵਿੱਚ ਯੂਜ਼ਰਜ਼ ਨੂੰ 60 ਦਿਨਾਂ ਦੀ ਸਰਵਿਸ ਵੈਲੀਡਿਟੀ ਮਿਲਦੀ ਹੈ। 619 ਰੁਪਏ ਵਾਲੇ ਪਲਾਨ ਦਾ ਔਸਤ ਰੋਜ਼ਾਨਾ ਖਰਚ 10.31 ਰੁਪਏ ਹੈ, ਜੋ ਕਿ 799 ਰੁਪਏ ਵਾਲੇ ਪਲਾਨ ਦੇ ਖਰਚ ਦੇ ਲਗਪਗ ਬਰਾਬਰ ਹੀ ਹੈ। ਸੋ, ਆਪਣੇ ਬਜਟ ਦੇ ਹਿਸਾਬ ਨਾਲ ਤੁਸੀਂ ਆਪਣੇ ਲਈ ਸਹੀ ਪਲਾਨ ਚੁਣ ਸਕਦੇ ਹੋ।