Vivo Y28 5G Launch: 5000mAh ਬੈਟਰੀ, 16GB ਵਰਚੁਅਲ ਰੈਮ ਤੇ 50MP ਕੈਮਰੇ ਵਾਲਾ ਵੀਵੋ ਦਾ ਇਹ ਬਜਟ ਫੋਨ ਹੈ ਬਹੁਤ ਖਾਸ, ਜਾਣੋ ਡਿਟੇਲ

ਤਕਨਾਲੋਜੀ ਡੈਸਕ, ਨਵੀਂ ਦਿੱਲੀ। ਚੀਨ ਦੀ ਮਸ਼ਹੂਰ ਸਮਾਰਟਫੋਨ ਕੰਪਨੀ ਵੀਵੋ ਨੇ ਆਪਣੇ ਗਾਹਕਾਂ ਲਈ ਨਵਾਂ ਫੋਨ ਲਾਂਚ ਕੀਤਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਹ ਕੰਪਨੀ ਦੀ Y ਸੀਰੀਜ਼ ਦਾ ਹਿੱਸਾ ਹੈ। Vivo Y28 5G ਭਾਰਤ 'ਚ ਸੋਮਵਾਰ ਯਾਨੀ 8 ਜਨਵਰੀ ਨੂੰ ਲਾਂਚ ਕੀਤਾ ਗਿਆ ਹੈ।

ਇਸ ਫੋਨ 'ਚ ਤੁਹਾਨੂੰ ਕਈ ਖਾਸ ਫੀਚਰਜ਼ ਮਿਲਦੇ ਹਨ, ਜਿਸ 'ਚ 90Hz ਰਿਫਰੈਸ਼ ਰੇਟ, 128GB ਸਟੋਰੇਜ ਤੇ 5,000mAh ਬੈਟਰੀ ਸ਼ਾਮਲ ਹੈ। ਅੱਜ ਅਸੀਂ ਇਸਦੀ ਕੀਮਤ ਤੇ ਡਿਟੇਲ ਬਾਰੇ ਜਾਣਾਂਗੇ।

Vivo Y28 5G ਕੀਮਤ

• Vivo Y28 5G ਨੂੰ ਤਿੰਨ ਸਟੋਰੇਜ ਆਪਸ਼ਨਾਂ ਵਿੱਚ ਪੇਸ਼ ਕੀਤਾ ਗਿਆ ਹੈ। ਇਸ ਦੇ 4GB RAM + 128GB ਸਟੋਰੇਜ ਵੇਰੀਐਂਟ ਦੀ ਕੀਮਤ 13,999 ਰੁਪਏ, 6GB RAM + 128GB ਮਾਡਲ ਦੀ ਕੀਮਤ 15,499 ਰੁਪਏ ਹੈ।
• ਜਦਕਿ ਇਸ ਦੇ 8GB RAM + 128GB ਸਟੋਰੇਜ ਮਾਡਲ ਦੀ ਕੀਮਤ 16,999 ਰੁਪਏ ਹੈ।
• ਕਲਰ ਆਪਸ਼ਨਜ਼ ਦੀ ਗੱਲ ਕਰੀਏ ਤਾਂ ਇਸ ਨੂੰ ਦੋ ਕਲਰ ਆਪਸ਼ਨ - ਕ੍ਰਿਸਟਲ ਪਰਪਲ ਤੇ ਗਲਿਟਰ ਐਕਵਾ ਕਲਰਵੇਅ 'ਚ ਪੇਸ਼ ਕੀਤਾ ਗਿਆ ਹੈ।
• ਤੁਸੀਂ ਇਸ ਫੋਨ ਨੂੰ ਐਮਾਜ਼ਾਨ, ਫਲਿੱਪਕਾਰਟ, ਵੀਵੋ ਇੰਡੀਆ ਈ-ਸਟੋਰ ਅਤੇ ਪ੍ਰਮੁੱਖ ਰਿਟੇਲ ਸਟੋਰਾਂ 'ਤੇ ਖਰੀਦ ਸਕਦੇ ਹੋ। ਕੰਪਨੀ ਇਸ ਫੋਨ 'ਤੇ ਆਫਰ ਵੀ ਦੇ ਰਹੀ ਹੈ, ਜਿਸ 'ਚ ਤੁਸੀਂ SBI, DBS ਅਤੇ IDFC ਫਸਟ ਬੈਂਕ ਦੇ ਕਾਰਡਾਂ ਦੀ ਵਰਤੋਂ ਕਰਕੇ 1,500 ਰੁਪਏ ਦੀ ਛੋਟ ਪ੍ਰਾਪਤ ਕਰ ਸਕਦੇ ਹੋ।

Vivo Y28 5G ਦੇ ਸਪੈਸੀਫਿਕੇਸ਼ਨਜ਼

1. Vivo Y28 5G ਵਿੱਚ, ਤੁਹਾਨੂੰ ਇੱਕ 6.56-ਇੰਚ HD+ ਡਿਸਪਲੇਅ ਮਿਲਦੀ ਹੈ, ਜਿਸ ਵਿੱਚ 90Hz ਰਿਫਰੈਸ਼ ਰੇਟ, 840nits ਪੀਕ ਬ੍ਰਾਈਟਨੈੱਸ ਅਤੇ 269ppi ਪਿਕਸਲ ਹੈ।
2. ਪ੍ਰੋਸੈਸਰ ਦੀ ਗੱਲ ਕਰੀਏ ਤਾਂ ਤੁਹਾਨੂੰ octa-core 7nm MediaTek Dimensity 6020 ਪ੍ਰੋਸੈਸਰ ਮਿਲਦਾ ਹੈ, ਜੋ ਕਿ 12GB LPDDR4X ਰੈਮ ਅਤੇ 128GB UFS 2.2 ਆਨਬੋਰਡ ਸਟੋਰੇਜ ਤੱਕ ਮਿਲਦਾ ਹੈ।
3. ਕੈਮਰੇ ਦੀ ਗੱਲ ਕਰੀਏ ਤਾਂ ਇਸ 'ਚ ਤੁਹਾਨੂੰ ਡਿਊਲ ਰੀਅਰ ਕੈਮਰਾ ਯੂਨਿਟ ਮਿਲਦਾ ਹੈ, ਜਿਸ 'ਚ 50MP ਪ੍ਰਾਇਮਰੀ ਕੈਮਰਾ ਅਤੇ 2MP ਸੈਂਸਰ ਹੈ।
4. ਇਸ ਫੋਨ ਵਿੱਚ ਤੁਹਾਨੂੰ ਸੈਲਫੀ ਤੇ ਵੀਡੀਓ ਚੈਟ ਲਈ ਇੱਕ 8MP ਫਰੰਟ-ਫੇਸਿੰਗ ਕੈਮਰਾ ਦਿੱਤਾ ਗਿਆ ਹੈ।
5. ਬੈਟਰੀ ਦੀ ਗੱਲ ਕਰੀਏ ਤਾਂ ਇਸ ਵਿੱਚ 15W ਫਾਸਟ ਚਾਰਜਿੰਗ ਸਪੋਰਟ ਦੇ ਨਾਲ 5,000mAh ਦੀ ਬੈਟਰੀ ਦਿੱਤੀ ਗਈ ਹੈ।