TATA, Mahindra ਜਾਂ Honda; ਕਿਹੜੀ ਹੈ ਸਭ ਤੋਂ ਸਸਤੀ ADAS ਫੀਚਰ ਵਾਲੀ ਕਾਰ, ਕੀਮਤ 9.29 ਲੱਖ ਤੋਂ ਸ਼ੁਰੂ

ਆਟੋ ਡੈਸਕ, ਨਵੀਂ ਦਿੱਲੀ : ਭਾਰਤ 'ਚ ਹੁਣ ਐਡਵਾਂਸ ਡਰਾਈਵਰ ਅਸਿਸਟੈਂਟ ਸਿਸਟਮ (ADAS) ਕਾਫ਼ੀ ਪ੍ਰਸਿੱਧ ਹੋ ਰਿਹਾ ਹੈ। ਕਈ ਕਾਰ ਕੰਪਨੀਆਂ ਹੁਣ ਆਪਣੀਆਂ ਸਸਤੀਆਂ ਅਤੇ ਆਮ ਬਜਟ ਵਾਲੀਆਂ ਗੱਡੀਆਂ 'ਚ ਵੀ ਇਹ ਆਧੁਨਿਕ ਸੁਰੱਖਿਆ ਫੀਚਰ ਦੇ ਰਹੀਆਂ ਹਨ। ਭਾਰਤ ਵਿੱਚ ਮਿਲਣ ਵਾਲੀਆਂ ਕਾਰਾਂ ਵਿੱਚ ਮੁੱਖ ਤੌਰ 'ਤੇ ਦੋ ਤਰ੍ਹਾਂ ਦਾ ADAS ਸਿਸਟਮ ਆਉਂਦਾ ਹੈ। ਇੱਥੇ ਅਸੀਂ ਤੁਹਾਨੂੰ 5 ਸਭ ਤੋਂ ਸਸਤੀਆਂ ADAS ਵਾਲੀਆਂ ICE (ਪੈਟਰੋਲ/ਡੀਜ਼ਲ) ਕਾਰਾਂ ਬਾਰੇ ਦੱਸਾਂਗੇ।

Honda Amaze (ਥਰਡ ਜਨਰੇਸ਼ਨ)

Honda Amaze ਭਾਰਤ 'ਚ ADAS ਫੀਚਰ ਦੇ ਨਾਲ ਆਉਣ ਵਾਲੀ ਸਭ ਤੋਂ ਸਸਤੀ ਕਾਰ ਹੈ। ਫਿਲਹਾਲ, 4 ਮੀਟਰ ਤੋਂ ਘੱਟ ਲੰਬਾਈ ਵਾਲੀ ਇਹ ਇਕਲੌਤੀ ਸੇਡਾਨ ਹੈ ਜਿਸ ਵਿਚ ਇਹ ਫੀਚਰ ਦਿੱਤਾ ਗਿਆ ਹੈ। ADAS ਦੀ ਸਹੂਲਤ ਸਿਰਫ਼ ਇਸ ਦੇ ਸਭ ਤੋਂ ਮਹਿੰਗੇ ਮਾਡਲ ਯਾਨੀ ZX ਵੇਰੀਐਂਟ ਵਿੱਚ ਮਿਲਦੀ ਹੈ। ਇਸ ਵਿੱਚ 1.2 ਲੀਟਰ ਦਾ ਪੈਟਰੋਲ ਇੰਜਣ ਹੈ ਜੋ 90hp ਦੀ ਪਾਵਰ ਦਿੰਦਾ ਹੈ। ਇਸਦੀ ਐਕਸ-ਸ਼ੋਰੂਮ ਕੀਮਤ 9.29 ਲੱਖ ਤੋਂ 10 ਲੱਖ ਰੁਪਏ ਤੱਕ ਹੈ।

Mahindra XUV 3XO

ਇਸਦੀ ਕੀਮਤ 11.91 ਲੱਖ ਤੋਂ 14.89 ਲੱਖ ਰੁਪਏ (ਐਕਸ-ਸ਼ੋਰੂਮ) ਹੈ। Mahindra XUV 3XO ਦੇ ਸਿਰਫ਼ ਹਾਈ ਵੇਰੀਐਂਟਸ AX5 L ਅਤੇ ਸਭ ਤੋਂ ਟਾਪ ਵੇਰੀਐਂਟ 'ਚ ਹੀ ਲੈਵਲ-2 ADAS ਸਿਸਟਮ ਮਿਲਦਾ ਹੈ। AX5 L ਸਿਰਫ਼ 1.2 ਲੀਟਰ ਟਰਬੋ-ਪੈਟਰੋਲ ਇੰਜਣ ਦੇ ਨਾਲ ਆਉਂਦਾ ਹੈ। ਇਸ ਵਿਚ ਮੈਨੂਅਲ ਅਤੇ ਟਾਰਕ ਕਨਵਰਟਰ ਆਟੋਮੈਟਿਕ ਗੇਅਰਬਾਕਸ ਦਾ ਵਿਕਲਪ ਮਿਲਦਾ ਹੈ। ਉੱਥੇ ਹੀ, AX7 L ਵਿੱਚ ਪੈਟਰੋਲ ਦੇ ਨਾਲ-ਨਾਲ 1.5 ਲੀਟਰ ਡੀਜ਼ਲ ਇੰਜਣ ਦਾ ਵੀ ਵਿਕਲਪ ਮਿਲਦਾ ਹੈ ਜੋ ਮੈਨੂਅਲ ਗੇਅਰਬਾਕਸ ਦੇ ਨਾਲ ਆਉਂਦਾ ਹੈ।

Honda City 'ਚ ADAS

Honda City ਦੇ ਬੇਸ ਮਾਡਲ ਨੂੰ ਛੱਡ ਕੇ ਬਾਕੀ ਸਾਰੇ ਵੇਰੀਐਂਟਸ 'ਚ ADAS ਫੀਚਰ ਦਿੱਤਾ ਗਿਆ ਹੈ। ਇਸ ਵਿੱਚ 1.5 ਲੀਟਰ ਦਾ ਪੈਟਰੋਲ ਇੰਜਣ ਲੱਗਾ ਹੈ ਜੋ 121hp ਦੀ ਪਾਵਰ ਦਿੰਦਾ ਹੈ। ਗਾਹਕਾਂ ਨੂੰ ਇਸ ਵਿਚ ਮੈਨੂਅਲ ਤੇ CVT ਗੇਅਰਬਾਕਸ ਦੋਵਾਂ ਦੇ ਵਿਕਲਪ ਮਿਲਦੇ ਹਨ। ਇਸਦੀ ਐਕਸ-ਸ਼ੋਰੂਮ ਕੀਮਤ 12.4 ਲੱਖ ਰੁਪਏ ਤੋਂ ਲੈ ਕੇ 16.17 ਲੱਖ ਰੁਪਏ ਹੈ।

TATA Nexon

ਸਭ ਤੋਂ ਸਸਤੀਆਂ ADAS ਕਾਰਾਂ ਦੀ ਸੂਚੀ ਵਿਚ ਅਗਲਾ ਨਾਂ TATA Nexon ਕੰਪੈਕਟ SUV ਦਾ ਹੈ। ਇਸ ਵਿਚ ਲੈਵਲ-2 ADAS ਦੀ ਸਹੂਲਤ ਦਿੱਤੀ ਗਈ ਹੈ। Nexon ਦੇ Fearless+ PS ਟ੍ਰਿਮ 'ਚ ADAS ਮਿਲਦਾ ਹੈ ਪਰ ਇਹ ਸਿਰਫ਼ 1.2 ਲੀਟਰ ਟਰਬੋ-ਪੈਟਰੋਲ ਇੰਜਣ ਅਤੇ DCT ਗੇਅਰਬਾਕਸ ਦੇ ਨਾਲ ਹੀ ਉਪਲਬਧ ਹੈ। ਇਸ ਦੇ ਰੈੱਡ ਡਾਰਕ ਐਡੀਸ਼ਨ 'ਚ ਵੀ ਪੈਟਰੋਲ-DCT ਇੰਜਣ ਦੇ ਨਾਲ ADAS ਫੀਚਰ ਮਿਲਦਾ ਹੈ। ਇਸਦੀ ਐਕਸ-ਸ਼ੋਰੂਮ ਕੀਮਤ 13.45 ਲੱਖ ਤੋਂ 13.92 ਲੱਖ ਰੁਪਏ ਹੈ। ਧਿਆਨ ਰਹੇ ਕਿ Nexon ਦੇ ਡੀਜ਼ਲ ਅਤੇ ਪੈਟਰੋਲ ਦੋਵਾਂ ਦੇ ਮੈਨੂਅਲ ਵੇਰੀਐਂਟਸ 'ਚ ADAS ਦੀ ਸਹੂਲਤ ਨਹੀਂ ਦਿੱਤੀ ਗਈ।

Kia Sonet

Sonet 'ਚ ਲੈਵਲ-1 ADAS ਸਿਸਟਮ ਦਿੱਤਾ ਗਿਆ ਹੈ ਜੋ ਇਸਦੇ GTX+ ਅਤੇ X-Line ਵੇਰੀਐਂਟਸ 'ਚ ਮਿਲਦਾ ਹੈ। GTX+ ਵੇਰੀਐਂਟ 'ਚ ਦੋ ਵਿਕਲਪ ਹਨ, 120hp ਵਾਲਾ 1.0 ਲੀਟਰ ਟਰਬੋ-ਪੈਟਰੋਲ ਇੰਜਣ ਅਤੇ 116hp ਵਾਲਾ 1.5 ਲੀਟਰ ਡੀਜ਼ਲ ਇੰਜਣ। X-Line ਵੇਰੀਐਂਟ ਵਿੱਚ ਇਹ ਸਿਰਫ਼ ਟਰਬੋ-ਪੈਟਰੋਲ ਇੰਜਣ ਅਤੇ DCT ਗੇਅਰਬਾਕਸ ਦੇ ਨਾਲ ਹੀ ਉਪਲਬਧ ਹੈ। ਇਸਦੀ ਐਕਸ-ਸ਼ੋਰੂਮ ਕੀਮਤ 13.56 ਲੱਖ ਰੁਪਏ ਤੋਂ ਲੈ ਕੇ 14.17 ਲੱਖ ਰੁਪਏ ਹੈ।