ਸਟਾਈਲ ਦੇ ਨਾਲ ਮਿਲੇਗੀ ਫੌਲਾਦੀ ਸੁਰੱਖਿਆ; Steelbird ਨੇ ਲਾਂਚ ਕੀਤਾ SB-120 ਕਾਰਬਨ-ਪੈਟਰਨ ਹੈਲਮੇਟ, ਜਾਣੋ ਕੀ ਹੈ ਕੀਮਤ

ਆਟੋ ਡੈਸਕ, ਨਵੀਂ ਦਿੱਲੀ: ਭਾਰਤ ਵਿੱਚ ਵੱਡੀ ਗਿਣਤੀ ਵਿੱਚ ਦੋ ਪਹੀਆ ਵਾਹਨਾਂ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਦੋ ਪਹੀਆ ਵਾਹਨ ਚਲਾਉਂਦੇ ਸਮੇਂ ਜੇਕਰ ਚੰਗੀ ਕੁਆਲਿਟੀ ਦਾ ਹੈਲਮੇਟ ਪਹਿਨਿਆ ਜਾਵੇ ਤਾਂ ਹਾਦਸੇ ਦੇ ਸਮੇਂ ਵਧੀਆ ਸੁਰੱਖਿਆ ਮਿਲਦੀ ਹੈ। ਇਸੇ ਗੱਲ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਪ੍ਰਮੁੱਖ ਹੈਲਮੇਟ ਨਿਰਮਾਤਾ Steelbird ਵੱਲੋਂ ਨਵਾਂ ਹੈਲਮੇਟ Steelbird SB-120 ਲਾਂਚ ਕੀਤਾ ਗਿਆ ਹੈ। ਇਸ ਹੈਲਮੇਟ ਵਿੱਚ ਕਿਸ ਤਰ੍ਹਾਂ ਦੀਆਂ ਖੂਬੀਆਂ ਦਿੱਤੀਆਂ ਗਈਆਂ ਹਨ ਅਤੇ ਇਸਨੂੰ ਕਿਸ ਕੀਮਤ 'ਤੇ ਲਾਂਚ ਕੀਤਾ ਗਿਆ ਹੈ, ਅਸੀਂ ਤੁਹਾਨੂੰ ਇਸ ਖ਼ਬਰ ਵਿੱਚ ਦੱਸ ਰਹੇ ਹਾਂ।

ਲਾਂਚ ਹੋਇਆ Steelbird SB-120 ਹੈਲਮੇਟ

ਸਟੀਲਬਰਡ ਵੱਲੋਂ SB-120 ਹੈਲਮੇਟ ਲਾਂਚ ਕਰ ਦਿੱਤਾ ਗਿਆ ਹੈ। ਨਿਰਮਾਤਾ ਵੱਲੋਂ ਇਸ ਹੈਲਮੇਟ ਨੂੰ ਸਟਾਈਲ ਦੇ ਨਾਲ-ਨਾਲ ਬਿਹਤਰੀਨ ਸੁਰੱਖਿਆ ਦੇ ਨਾਲ ਪੇਸ਼ ਕੀਤਾ ਗਿਆ ਹੈ।

ਕਿੰਨਾ ਹੈ ਸੁਰੱਖਿਅਤ?

ਨਿਰਮਾਤਾ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ ਇਸ ਹੈਲਮੇਟ ਨੂੰ ਤਿੰਨ ਪੱਧਰਾਂ ਦੀ ਸੁਰੱਖਿਆ ਨਾਲ ਲਾਂਚ ਕੀਤਾ ਗਿਆ ਹੈ। ਇਸ ਵਿਚ ISI, DoT ਅਤੇ ECE 22.06 ਦੀ ਸੁਰੱਖਿਆ ਦਿੱਤੀ ਗਈ ਹੈ।

ਕੀ ਹਨ ਖੂਬੀਆਂ?

• ਇਸ ਹੈਲਮੇਟ ਦੇ ਬਾਹਰੀ ਸ਼ੈੱਲ ਨੂੰ ਐਡਵਾਂਸ ਪੋਲੀਮਰ ਅਤੇ ਫਾਈਬਰਗਲਾਸ ਰੀਇਨਫੋਰਸਮੈਂਟ ਨਾਲ ਬਣਾਇਆ ਗਿਆ ਹੈ, ਜੋ ਬਿਹਤਰ ਸੁਰੱਖਿਆ ਪ੍ਰਦਾਨ ਕਰਦਾ ਹੈ।
• ਬਿਹਤਰ ਵਿਜ਼ੀਬਿਲਟੀ ਲਈ ਇਸ ਵਿੱਚ ਪਿਨਲੌਕ 30 ਐਂਟੀ-ਫੌਗ ਸਿਸਟਮ ਦਿੱਤਾ ਗਿਆ ਹੈ, ਜੋ ਹਰ ਤਰ੍ਹਾਂ ਦੇ ਮੌਸਮ ਵਿੱਚ ਸਾਫ਼ ਦਿਖਾਈ ਦੇਣ ਵਿਚ ਮਦਦ ਕਰਦਾ ਹੈ।
• ਇਸ ਤੋਂ ਇਲਾਵਾ ਹੈਲਮੇਟ 'ਚ ਕੁਇੱਕ ਰਿਲੀਜ਼ ਚੀਕ ਪੈਡ, ਟਿੰਟਡ ਵਾਈਜ਼ਰ, ਡਬਲ ਡੀ ਰਿੰਗ ਅਤੇ ਮਾਈਕ੍ਰੋਮੈਟ੍ਰਿਕ ਬਕਲ ਦੀ ਸਹੂਲਤ ਵੀ ਦਿੱਤੀ ਗਈ ਹੈ।

ਅਧਿਕਾਰੀਆਂ ਨੇ ਕਹੀ ਇਹ ਗੱਲ

ਸਟੀਲਬਰਡ ਇੰਡੀਆ ਦੇ ਮੈਨੇਜਿੰਗ ਡਾਇਰੈਕਟਰ ਰਾਜੀਵ ਕਪੂਰ ਨੇ ਕਿਹਾ ਕਿ ਫਾਈਟਰ (Fighter) ਸੀਰੀਜ਼ 'ਤੇ ਭਰੋਸੇ ਨੂੰ ਅੱਗੇ ਵਧਾਉਂਦੇ ਹੋਏ ਇਹ ਲਾਂਚ ECE 22.06 ਸਰਟੀਫਿਕੇਸ਼ਨ ਦੇ ਨਾਲ ਇਕ ਮਹੱਤਵਪੂਰਨ ਕਦਮ ਹੈ, ਜੋ ਸਾਨੂੰ ਅੰਤਰਰਾਸ਼ਟਰੀ ਸੁਰੱਖਿਆ ਮਿਆਰਾਂ ਦੇ ਅਨੁਕੂਲ ਬਣਾਉਂਦਾ ਹੈ ਅਤੇ ਬਿਨਾਂ ਕੀਮਤ ਵਧਾਏ ਬਿਹਤਰ ਵੈਲਿਊ ਪ੍ਰਦਾਨ ਕਰਦਾ ਹੈ।

ਕੀ ਹੈ ਕੀਮਤ?

ਨਿਰਮਾਤਾ ਵੱਲੋਂ ਇਹ ਹੈਲਮੇਟ ਚਾਰ ਸਾਈਜ਼ 'ਚ ਲਾਂਚ ਕੀਤਾ ਗਿਆ ਹੈ ਜਿਸ ਵਿਚ ਗਲੋਸੀ, ਮੈਟ ਤੇ ਕਾਰਬਨ ਫਾਈਬਰ ਡਿਜ਼ਾਈਨ ਸ਼ਾਮਲ ਹਨ। ਇਸ ਦੀ ਕੀਮਤ 3,999 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਡਿਕਲਸ (Decals) ਦੇ ਨਾਲ ਇਸ ਦੀ ਕੀਮਤ 4,499 ਰੁਪਏ ਹੈ।