ਸਮਾਰਟਫ਼ੋਨ ਟਿਪਸ: ਫ਼ੋਨ ਨੂੰ Restart ਕਰੀਏ ਜਾਂ Power Off? ਜਾਣੋ ਕਿਹੜਾ ਆਪਸਨ ਹੈ ਤੁਹਾਡੇ ਮੋਬਾਈਲ ਲਈ ਸਭ ਤੋਂ ਵਧੀਆ

ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ: ਸਮਾਰਟਫ਼ੋਨ ਸਾਡੀ ਰੋਜ਼ਾਨਾ ਜ਼ਿੰਦਗੀ ਦਾ ਅਹਿਮ ਹਿੱਸਾ ਬਣ ਗਿਆ ਹੈ, ਹਰ ਰੋਜ਼ ਅਸੀਂ ਇਸ ਦਾ ਇਸਤੇਮਾਲ ਵੀ ਕਰਦੇ ਹਾਂ ਪਰ ਬਹੁਤ ਸਾਰੇ ਲੋਕ ਅਜੇ ਵੀ ਇਸ ਦੇ ਬੇਸਿਕ ਫੀਚਰਜ਼ ਬਾਰੇ ਪੂਰੀ ਜਾਣਕਾਰੀ ਨਹੀਂ ਰੱਖਦੇ। ਅਕਸਰ ਸਾਡੇ ਮਨ ਵਿੱਚ ਸਵਾਲ ਆਉਂਦਾ ਹੈ ਕਿ ਫ਼ੋਨ ਨੂੰ 'ਰੀਸਟਾਰਟ' (Restart) ਕਰਨਾ ਜ਼ਿਆਦਾ ਫਾਇਦੇਮੰਦ ਹੈ ਜਾਂ 'ਪਾਵਰ ਆਫ਼' (Power Off)? ਜੇਕਰ ਦੋਵਾਂ ਦਾ ਮਕਸਦ ਫ਼ੋਨ ਬੰਦ ਕਰਨਾ ਹੀ ਹੈ, ਤਾਂ ਦੋ ਵੱਖਰੇ ਆਪਸ਼ਨ ਕਿਉਂ ਦਿੱਤੇ ਗਏ ਹਨ? ਆਓ ਇਸ ਪਿੱਛੇ ਦੀ ਤਕਨੀਕੀ ਸੱਚਾਈ ਨੂੰ ਸਮਝਦੇ ਹਾਂ।

Restart ਅਤੇ Power Off ਵਿੱਚ ਕੀ ਫਰਕ ਹੈ?

ਭਾਵੇਂ ਦੇਖਣ ਵਿੱਚ ਇਹ ਦੋਵੇਂ ਆਪਸ਼ਨ ਇੱਕੋ ਜਿਹੇ ਲੱਗਦੇ ਹਨ, ਪਰ ਇਨ੍ਹਾਂ ਦੀ ਵਰਤੋਂ ਵੱਖ-ਵੱਖ ਜ਼ਰੂਰਤਾਂ ਲਈ ਹੁੰਦੀ ਹੈ। ਜਦੋਂ ਤੁਸੀਂ ਫ਼ੋਨ ਰੀਸਟਾਰਟ ਕਰਦੇ ਹੋ, ਤਾਂ ਡਿਵਾਈਸ ਖੁਦ ਹੀ ਬੰਦ ਹੋ ਕੇ ਤੁਰੰਤ ਮੁੜ ਚਾਲੂ ਹੋ ਜਾਂਦੀ ਹੈ। ਇਸ ਪ੍ਰਕਿਰਿਆ ਦੌਰਾਨ ਬੈਕਗ੍ਰਾਊਂਡ ਵਿੱਚ ਚੱਲ ਰਹੀਆਂ ਸਾਰੀਆਂ ਐਪਸ ਅਤੇ ਪ੍ਰੋਸੈਸ ਬੰਦ ਹੋ ਜਾਂਦੇ ਹਨ, ਜਿਸ ਨਾਲ ਫ਼ੋਨ ਦੇ ਸਿਸਟਮ ਨੂੰ ਇੱਕ ਨਵੀਂ ਸ਼ੁਰੂਆਤ ਮਿਲਦੀ ਹੈ। ਤੇ Power Off ਇਹ ਫ਼ੋਨ ਨੂੰ ਪੂਰੀ ਤਰ੍ਹਾਂ ਬੰਦ ਕਰ ਦਿੰਦਾ ਹੈ। ਮੋਬਾਈਲ ਉਦੋਂ ਤੱਕ ਚਾਲੂ ਨਹੀਂ ਹੁੰਦਾ ਜਦੋਂ ਤੱਕ ਯੂਜ਼ਰ ਖੁਦ ਪਾਵਰ ਬਟਨ ਦਬਾ ਕੇ ਇਸਨੂੰ ਆਨ ਨਹੀਂ ਕਰਦਾ।

ਜਾਣੋ ਕਿਹੜਾ ਆਪਸ਼ਨ ਕਦੋਂ ਵਰਤਣਾ ਚਾਹੀਦਾ ਹੈ?

ਜੇਕਰ ਤੁਹਾਡਾ ਫ਼ੋਨ ਲੈਗ (Lag) ਹੋ ਰਿਹਾ ਹੈ, ਐਪਸ ਵਾਰ-ਵਾਰ ਅਟਕ ਰਹੀਆਂ ਹਨ ਜਾਂ ਫ਼ੋਨ ਦੀ ਸਪੀਡ ਘੱਟ ਗਈ ਹੈ, ਤਾਂ Restart ਕਰਨਾ ਸਭ ਤੋਂ ਆਸਾਨ ਅਤੇ ਕਾਰਗਰ ਤਰੀਕਾ ਹੈ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਹਫ਼ਤੇ ਵਿੱਚ ਘੱਟੋ-ਘੱਟ ਇੱਕ ਵਾਰ ਫ਼ੋਨ ਨੂੰ ਰੀਸਟਾਰਟ ਜ਼ਰੂਰ ਕਰਨਾ ਚਾਹੀਦਾ ਹੈ ਤਾਂ ਜੋ ਸਿਸਟਮ ਰਿਫ੍ਰੈਸ਼ ਹੋ ਸਕੇ।

ਜਦੋਂ ਫ਼ੋਨ ਗਰਮ (Overheat) ਹੋ ਜਾਵੇ ਤਾਂ

ਕੁਝ ਹਾਲਤਾਂ ਵਿੱਚ ਸਿਰਫ਼ ਰੀਸਟਾਰਟ ਕਰਨਾ ਕਾਫ਼ੀ ਨਹੀਂ ਹੁੰਦਾ। ਜੇਕਰ ਤੁਹਾਡਾ ਫ਼ੋਨ ਬਹੁਤ ਜ਼ਿਆਦਾ ਗਰਮ ਹੋ ਰਿਹਾ ਹੈ, ਤਾਂ ਉਸਨੂੰ ਕੁਝ ਸਮੇਂ ਲਈ Power Off ਕਰਨਾ ਬਿਹਤਰ ਰਹਿੰਦਾ ਹੈ। ਇਸ ਨਾਲ ਬੈਟਰੀ ਅਤੇ ਪ੍ਰੋਸੈਸਰ ਨੂੰ ਆਰਾਮ ਮਿਲਦਾ ਹੈ ਅਤੇ ਡਿਵਾਈਸ ਜਲਦੀ ਠੰਢੀ ਹੋ ਜਾਂਦੀ ਹੈ।