ਕੀ ਤੁਹਾਡੀ ਛੱਤ ਸੋਲਰ ਪੈਨਲ ਲਈ ਸਹੀ ਹੈ? ਜਾਣੋ ਕਿੰਨੀ ਜਗ੍ਹਾ 'ਤੇ ਕਿੰਨੀ ਮਿਲੇਗੀ ਸਬਸਿਡੀ ਅਤੇ ਕਿਵੇਂ ਹੋਵੇਗੀ ਆਨਲਾਈਨ ਰਜਿਸਟ੍ਰੇਸ਼ਨ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ: 'ਪੀਐਮ ਸੂਰਯ ਘਰ ਮੁਫ਼ਤ ਬਿਜਲੀ ਯੋਜਨਾ' ਦੇ ਤਹਿਤ ਸਰਕਾਰ ਸੋਲਰ ਪੈਨਲ ਲਗਾਉਣ ਲਈ ਸਬਸਿਡੀ ਦੇ ਰਹੀ ਹੈ। ਦੇਸ਼ ਭਰ ਵਿੱਚ ਲੋਕ ਇਸ ਯੋਜਨਾ ਦਾ ਲਾਭ ਉਠਾ ਰਹੇ ਹਨ ਅਤੇ ਘਰਾਂ ਵਿੱਚ ਸੋਲਰ ਪੈਨਲ ਲਗਾ ਰਹੇ ਹਨ। ਜੇਕਰ ਤੁਸੀਂ ਵੀ ਬਿਜਲੀ ਦੇ ਵਧਦੇ ਬਿੱਲਾਂ ਤੋਂ ਪਰੇਸ਼ਾਨ ਹੋ ਅਤੇ ਸੋਲਰ ਊਰਜਾ ਲਗਵਾਉਣ ਬਾਰੇ ਸੋਚ ਰਹੇ ਹੋ, ਤਾਂ ਅਸੀਂ ਤੁਹਾਨੂੰ ਇਸ ਲੇਖ ਵਿੱਚ ਦੱਸਾਂਗੇ ਕਿ ਤੁਹਾਡੀ ਬਿਜਲੀ ਦੀ ਖਪਤ ਅਨੁਸਾਰ ਤੁਹਾਨੂੰ ਕਿੰਨੀ ਜਗ੍ਹਾ ਦੀ ਲੋੜ ਹੋਵੇਗੀ। ਇਸ ਦੇ ਨਾਲ ਹੀ ਅਸੀਂ ਇਸ ਯੋਜਨਾ ਲਈ ਅਪਲਾਈ ਕਿਵੇਂ ਕਰਨਾ ਹੈ, ਉਸ ਦੀ ਜਾਣਕਾਰੀ ਵੀ ਸਾਂਝੀ ਕਰ ਰਹੇ ਹਾਂ।

ਕਿੰਨੇ ਕਿਲੋਵਾਟ (kW) ਲਈ ਕਿੰਨੀ ਜਗ੍ਹਾ ਚਾਹੀਦੀ ਹੈ?

ਸੋਲਰ ਪੈਨਲ ਸਿਸਟਮ ਲਈ ਸਰਕਾਰ ਨੇ ਕੁਝ ਨਿਯਮ ਬਣਾਏ ਹਨ। ਇਸ ਵਿੱਚ ਦੱਸਿਆ ਗਿਆ ਹੈ ਕਿ ਕਿੰਨੇ ਕਿਲੋਵਾਟ ਸਿਸਟਮ ਲਈ ਕਿੰਨੀ ਜਗ੍ਹਾ ਦੀ ਲੋੜ ਹੋਵੇਗੀ। ਇਸ ਦਾ ਬੁਨਿਆਦੀ ਨਿਯਮ ਹੇਠਾਂ ਦਿੱਤਾ ਗਿਆ ਹੈ:

1 ਕਿਲੋਵਾਟ (1 kW) ਸਿਸਟਮ: ਜੇਕਰ ਤੁਹਾਡੇ ਘਰ ਵਿੱਚ ਬਿਜਲੀ ਦਾ ਲੋਡ 1kW ਹੈ, ਤਾਂ ਇਸ ਜ਼ਰੂਰਤ ਲਈ ਪੈਨਲ ਲਗਵਾਉਣ ਲਈ ਤੁਹਾਡੇ ਕੋਲ 100 ਵਰਗ ਫੁੱਟ ਜਗ੍ਹਾ ਹੋਣੀ ਚਾਹੀਦੀ ਹੈ, ਜਿੱਥੇ ਸੂਰਜ ਦੀ ਰੌਸ਼ਨੀ ਬਿਨਾਂ ਕਿਸੇ ਰੁਕਾਵਟ ਦੇ ਪਹੁੰਚਦੀ ਹੋਵੇ।

2 ਕਿਲੋਵਾਟ (2 kW) ਸਿਸਟਮ: ਜੇਕਰ ਤੁਹਾਡੇ ਘਰ ਦਾ ਬਿਜਲੀ ਲੋਡ 2 ਕਿਲੋਵਾਟ ਹੈ, ਤਾਂ ਇਸ ਸੋਲਰ ਸਿਸਟਮ ਲਈ ਲਗਭਗ 200 ਵਰਗ ਫੁੱਟ ਜਗ੍ਹਾ ਦੀ ਲੋੜ ਪਵੇਗੀ।

3 ਕਿਲੋਵਾਟ (3 kW) ਸਿਸਟਮ: ਜ਼ਿਆਦਾ ਲੋਡ ਜਿਵੇਂ ਕਿ 3kW ਦੇ ਸੋਲਰ ਸਿਸਟਮ ਪੈਨਲ ਲਈ 300 ਵਰਗ ਫੁੱਟ ਜਗ੍ਹਾ ਹੋਣੀ ਜ਼ਰੂਰੀ ਹੈ। ਜਿਵੇਂ ਕਿ ਪਹਿਲਾਂ ਵੀ ਦੱਸਿਆ ਗਿਆ ਹੈ, ਇਹ ਅਜਿਹੀ ਜਗ੍ਹਾ ਹੋਣੀ ਚਾਹੀਦੀ ਹੈ ਜਿੱਥੇ ਪੈਨਲ 'ਤੇ ਸਿੱਧੀ ਧੁੱਪ ਪਵੇ।

ਕਿੰਨੀ ਮਿਲਦੀ ਹੈ ਸਬਸਿਡੀ?

ਪੀਐਮ ਸੂਰਯ ਘਰ ਮੁਫ਼ਤ ਬਿਜਲੀ ਯੋਜਨਾ ਦੇ ਤਹਿਤ ਸਰਕਾਰ ਸੋਲਰ ਪੈਨਲ ਲਗਾਉਣ 'ਤੇ ਸਬਸਿਡੀ ਦਿੰਦੀ ਹੈ। ਇਸ ਯੋਜਨਾ ਤਹਿਤ ਕੇਂਦਰ ਸਰਕਾਰ:

1kW ਦੇ ਸਿਸਟਮ 'ਤੇ 30,000 ਰੁਪਏ ਦੀ ਸਬਸਿਡੀ ਦਿੰਦੀ ਹੈ।

2kW ਲੋਡ ਵਾਲਾ ਸੋਲਰ ਸਿਸਟਮ ਲਗਾਉਣ 'ਤੇ 60,000 ਰੁਪਏ ਦੀ ਸਬਸਿਡੀ ਮਿਲਦੀ ਹੈ।

3kW ਜਾਂ ਉਸ ਤੋਂ ਜ਼ਿਆਦਾ ਲੋਡ ਵਾਲਾ ਸਿਸਟਮ ਲਗਾਉਣ 'ਤੇ 78,000 ਰੁਪਏ ਦੀ ਸਬਸਿਡੀ ਦਿੱਤੀ ਜਾਂਦੀ ਹੈ।

ਕਿਵੇਂ ਕਰੀਏ ਅਪਲਾਈ?

ਪੀਐਮ ਸੂਰਯ ਘਰ ਮੁਫ਼ਤ ਬਿਜਲੀ ਯੋਜਨਾ ਲਈ ਆਨਲਾਈਨ ਰਜਿਸਟ੍ਰੇਸ਼ਨ ਕੀਤੀ ਜਾ ਸਕਦੀ ਹੈ। ਇਸ ਦੇ ਲਈ ਤੁਹਾਨੂੰ ਸਭ ਤੋਂ ਪਹਿਲਾਂ ਅਧਿਕਾਰਤ ਵੈੱਬਸਾਈਟ 'ਤੇ ਜਾਣ ਹੋਵੇਗਾ। ਇੱਥੇ ਤੁਹਾਨੂੰ ਆਪਣਾ ਡਿਸਕੌਮ (DISCOM) ਚੁਣ ਕੇ ਬਿਜਲੀ ਖਪਤਕਾਰ ਨੰਬਰ (Consumer Number) ਪਾਉਣਾ ਹੋਵੇਗਾ। ਤੁਹਾਡੀ ਅਰਜ਼ੀ 'ਤੇ ਬਿਜਲੀ ਵਿਭਾਗ ਦੀ ਤਕਨੀਕੀ ਟੀਮ ਘਰ ਆਵੇਗੀ ਅਤੇ ਜਗ੍ਹਾ ਦੇਖ ਕੇ ਪ੍ਰੋਜੈਕਟ ਨੂੰ ਮਨਜ਼ੂਰੀ ਦੇਵੇਗੀ। ਇਸ ਤੋਂ ਬਾਅਦ ਤੁਹਾਡੇ ਘਰ ਸੋਲਰ ਪੈਨਲ ਲੱਗ ਜਾਵੇਗਾ। ਸੋਲਰ ਪੈਨਲ ਲੱਗਣ ਦੀ ਪ੍ਰਕਿਰਿਆ ਪੂਰੀ ਹੋਣ ਤੋਂ ਬਾਅਦ ਸਬਸਿਡੀ ਸਿੱਧੀ ਤੁਹਾਡੇ ਖਾਤੇ ਵਿੱਚ ਆ ਜਾਵੇਗੀ।