ਬਿਨਾਂ UPI ਪਿਨ ਦੇ ਪੇਮੈਂਟ ਹੁਣ ਹੋਰ ਵੀ ਹੋਈ ਆਸਾਨ ! ਸਿਰਫ਼ ਸਮਾਰਟ ਲੋਕ ਇਸਤੇਮਾਲ ਕਰ ਰਹੇ ਇਹ ਨਵਾਂ ਤਰੀਕਾ

ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ : ਭਾਰਤ 'ਚ ਡਿਜੀਟਲ ਪੇਮੈਂਟ ਤੇਜ਼ੀ ਨਾਲ ਬਦਲ ਰਹੀ ਹੈ ਅਤੇ ਹੁਣ UPI ਯੂਜ਼ਰਸ ਲਈ ਇੱਕ ਨਵਾਂ ਅਤੇ ਸ਼ਾਨਦਾਰ ਫੀਚਰ ਆ ਗਿਆ ਹੈ। ਇਸ ਨਵੇਂ ਫੀਚਰ ਦੀ ਮਦਦ ਨਾਲ ਹੁਣ ਤੁਸੀਂ ਬਿਨਾਂ UPI ਪਿਨ ਪਾਏ ਪੇਮੈਂਟ ਕਰ ਸਕਦੇ ਹੋ। ਜੀ ਹਾਂ, ਹੁਣ ਤੁਹਾਨੂੰ ਹਰ ਵਾਰ ਪਿਨ ਪਾਉਣ ਦੀ ਲੋੜ ਨਹੀਂ ਪਵੇਗੀ, ਕਿਉਂਕਿ ਫਿੰਗਰਪ੍ਰਿੰਟ ਅਤੇ ਫੇਸ ਰਿਕੋਗਨੀਸ਼ਨ (ਚਿਹਰੇ ਦੀ ਪਛਾਣ) ਨਾਲ ਵੀ ਪੇਮੈਂਟ ਕੀਤੀ ਜਾ ਸਕੇਗੀ। ਹਾਲਾਂਕਿ, ਇਹ ਸਹੂਲਤ ਖਾਸ ਕਰਕੇ ਛੋਟੇ ਟ੍ਰਾਂਜੈਕਸ਼ਨਾਂ ਨੂੰ ਫਾਸਟ ਅਤੇ ਸੁਰੱਖਿਅਤ ਬਣਾਉਣ ਲਈ ਲਿਆਂਦੀ ਗਈ ਹੈ। ਚਲੋ ਇਸ ਬਾਰੇ ਵਿਸਥਾਰ ਨਾਲ ਜਾਣਦੇ ਹਾਂ...

ਨਵਾਂ ਬਾਇਓਮੈਟ੍ਰਿਕ UPI ਫੀਚਰ ਕੀ ਹੈ?

ਦਰਅਸਲ, ਇਹ ਫੀਚਰ ਯੂਜ਼ਰਜ਼ ਨੂੰ UPI ਪਿਨ ਦੀ ਜਗ੍ਹਾ ਬਾਇਓਮੈਟ੍ਰਿਕ ਆਥੈਂਟੀਕੇਸ਼ਨ ਦੀ ਵਰਤੋਂ ਕਰਨ ਦੀ ਸਹੂਲਤ ਦੇ ਰਿਹਾ ਹੈ। ਇਸਦਾ ਮਤਲਬ ਹੈ ਕਿ ਹੁਣ ਤੁਸੀਂ ਫਿੰਗਰਪ੍ਰਿੰਟ ਜਾਂ ਫੇਸ ਸਕੈਨ ਰਾਹੀਂ ਆਸਾਨੀ ਨਾਲ ਪੇਮੈਂਟ ਕਰ ਸਕਦੇ ਹੋ। ਹਾਲਾਂਕਿ, ਇਸ ਰਾਹੀਂ ਅਜੇ ਤੁਸੀਂ ਸਿਰਫ਼ 5,000 ਰੁਪਏ ਤਕ ਦੇ ਟ੍ਰਾਂਜੈਕਸ਼ਨ ਕਰ ਸਕਦੇ ਹੋ। ਇਸ ਤੋਂ ਵੱਧ ਰਕਮ ਲਈ ਅਜੇ ਵੀ ਤੁਹਾਨੂੰ ਪਿਨ ਪਾਉਣਾ ਹੋਵੇਗਾ।

ICICI Bank ਨੇ ਸ਼ੁਰੂ ਕੀਤਾ ਰੋਲਆਊਟ

ਇਸ ਫੀਚਰ ਨੂੰ ਤੁਸੀਂ ICICI ਬੈਂਕ ਦੇ iMobile ਐਪ ਰਾਹੀਂ ਵਰਤ ਸਕਦੇ ਹੋ। ਇੱਥੋਂ ਹੁਣ ਯੂਜ਼ਰਜ਼ QR ਕੋਡ ਸਕੈਨ, ਆਨਲਾਈਨ ਸ਼ਾਪਿੰਗ ਅਤੇ ਪਰਸਨਲ ਟ੍ਰਾਂਜੈਕਸ਼ਨ ਬਾਇਓਮੈਟ੍ਰਿਕ ਨਾਲ ਕਰ ਸਕਦੇ ਹਨ। ਇਹ ਫੀਚਰ ਮੋਬਾਈਲ 'ਚ ਪਹਿਲਾਂ ਤੋਂ ਸੇਵ ਕੀਤੇ ਬਾਇਓਮੈਟ੍ਰਿਕ ਡੇਟਾ ਦੀ ਵਰਤੋਂ ਕਰਦਾ ਹੈ। ਹਾਲਾਂਕਿ, ਤੁਸੀਂ ਲੋੜ ਅਨੁਸਾਰ ਇਸਨੂੰ ਆਨ ਜਾਂ ਆਫ ਵੀ ਕਰ ਸਕਦੇ ਹੋ।

PhonePe 'ਤੇ ਵੀ ਮਿਲ ਰਹੀ ਹੈ ਸਹੂਲਤ

ਇੰਨਾ ਹੀ ਨਹੀਂ, ਇਹੀ ਸਹੂਲਤ PhonePe ਯੂਜ਼ਰਜ਼ ਨੂੰ ਵੀ ਮਿਲ ਰਹੀ ਹੈ ਜਿੱਥੋਂ ਤੁਸੀਂ ਇੱਕ ਟੈਪ 'ਚ ਪੇਮੈਂਟ ਕਰ ਸਕਦੇ ਹੋ। ਜੇਕਰ ਬਾਇਓਮੈਟ੍ਰਿਕ ਫੇਲ੍ਹ ਹੋ ਜਾਵੇ ਤਾਂ ਪਿਨ ਦਾ ਆਪਸ਼ਨ ਵੀ ਮੌਜੂਦ ਹੈ। ਇਹ ਫੀਚਰ ਖਾਸ ਕਰਕੇ ਭੀੜ-ਭੜੱਕੇ ਵਾਲੇ ਇਲਾਕਿਆਂ 'ਚ ਸੁਰੱਖਿਅਤ ਪੇਮੈਂਟ ਲਈ ਬੈਸਟ ਹੋ ਸਕਦਾ ਹੈ।

CRED ਤੇ Paytm ਰਾਹੀਂ ਵੀ ਕਰੋ

ਸਿਰਫ਼ PhonePe ਹੀ ਨਹੀਂ, ਸਗੋਂ ਤੁਸੀਂ CRED ਰਾਹੀਂ ਵੀ ਬਾਇਓਮੈਟ੍ਰਿਕ ਰਾਹੀਂ ਪੇਮੈਂਟ ਕਰ ਸਕਦੇ ਹੋ। ਇਸ ਤੋਂ ਇਲਾਵਾ, ਇਹੀ ਸਹੂਲਤ ਤੁਹਾਨੂੰ Paytm 'ਤੇ ਵੀ ਮਿਲ ਜਾਵੇਗੀ, ਜਿੱਥੋਂ ਤੁਸੀਂ ਬਾਇਓਮੈਟ੍ਰਿਕ ਰਾਹੀਂ ਪੇਮੈਂਟ ਕਰਨ ਦਾ ਆਪਸ਼ਨ ਸਿਲੈਕਟ ਕਰ ਸਕਦੇ ਹੋ, ਜਿਸ ਨਾਲ ਟ੍ਰਾਂਜੈਕਸ਼ਨ ਹੋਰ ਵੀ ਆਸਾਨ ਹੋ ਜਾਵੇਗਾ।