Xiaomi 17T ਦੇ ਨਾਲ ਇਸ ਦਿਨ ਆਵੇਗੀ ਨਵੀਂ Smart TV ਸੀਰੀਜ਼, ਲਾਂਚ ਤੋਂ ਪਹਿਲਾਂ ਫੀਚਰਜ਼ ਹੋਏ ਰਿਵੀਲ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ : Xiaomi ਇੰਡੀਅਨ ਮਾਰਕੀਟ 'ਚ 4 ਜੂਨ ਨੂੰ ਇਕ ਵੱਡਾ ਲਾਂਚ ਈਵੈਂਟ ਕਰਨ ਜਾ ਰਿਹਾ ਹੈ। ਕੰਪਨੀ ਇਸ ਦੌਰਾਨ ਆਪਣੇ ਨਵੇਂ Xiaomi 17T ਸਮਾਰਟਫੋਨ ਨੂੰ ਪੇਸ਼ ਕਰਨ ਵਾਲੀ ਹੈ। ਇਸਦੇ ਨਾਲ ਹੀ Xiaomi TV FX Mini LED ਸੀਰੀਜ਼ ਵੀ ਪੇਸ਼ ਕਰੇਗਾ। ਲਾਂਚ ਤੋਂ ਪਹਿਲਾਂ ਹੀ ਕੰਪਨੀ ਦੀ ਆਫੀਸ਼ੀਅਲ ਵੈੱਬਸਾਈਟ 'ਤੇ ਇਸ ਨਵੀਂ ਟੀਵੀ ਸੀਰੀਜ਼ ਦੀ ਮਾਈਕ੍ਰੋਸਾਈਟ ਲਾਈਵ ਹੋ ਗਈ ਹੈ ਜਿਸ ਨਾਲ ਇਸਦੇ ਕਈ ਖ਼ਾਸ ਫੀਚਰਜ਼ ਰਿਵੀਲ ਹੋ ਗਏ ਹਨ।

ਰਿਪੋਰਟਾਂ ਮੁਤਾਬਕ, Xiaomi TV FX Mini LED ਸੀਰੀਜ਼ ਨੂੰ ਪ੍ਰੀਮੀਅਮ ਹੋਮ ਐਂਟਰਟੇਨਮੈਂਟ ਸੈਗਮੈਂਟ ਨੂੰ ਧਿਆਨ ਵਿਚ ਰੱਖ ਕੇ ਤਿਆਰ ਕੀਤਾ ਗਿਆ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਨਵੀਂ ਟੀਵੀ ਸੀਰੀਜ਼ Full-Array Mini LED ਟੈਕਨਾਲੋਜੀ ਦਾ ਇਸਤੇਮਾਲ ਕਰੇਗੀ, ਜਿਸ ਨਾਲ ਯੂਜ਼ਰਜ਼ ਨੂੰ ਬਿਹਤਰ ਪਿਕਚਰ ਕੁਆਲਿਟੀ ਤੇ ਸ਼ਾਨਦਾਰ ਵਿਜ਼ੂਅਲ ਐਕਸਪੀਰੀਅੰਸ ਦੇਖਣ ਨੂੰ ਮਿਲ ਸਕਦਾ ਹੈ।

Mini LED ਟੈਕਨਾਲੋਜੀ ਬਣਾਏਗੀ ਸਭ ਤੋਂ ਖ਼ਾਸ

ਕੰਪਨੀ ਦਾ ਕਹਿਣਾ ਹੈ ਕਿ ਟੀਵੀ 'ਚ ਇੰਡੀਪੈਂਡੈਂਟਲੀ ਕੰਟਰੋਲਡ ਡਿਮਿੰਗ ਜ਼ੋਨ ਦਿੱਤੇ ਜਾਣਗੇ। ਇਸ ਨਾਲ ਸਕ੍ਰੀਨ ਦੇ ਵੱਖ-ਵੱਖ ਹਿੱਸਿਆਂ 'ਚ ਬ੍ਰਾਈਟਨੈੱਸ ਅਤੇ ਡਾਰਕਨੈੱਸ ਨੂੰ ਜ਼ਿਆਦਾ ਬਿਹਤਰ ਤਰੀਕੇ ਨਾਲ ਕੰਟਰੋਲ ਕੀਤਾ ਜਾ ਸਕੇਗਾ। ਇਸਦੀ ਮਦਦ ਨਾਲ ਬਿਹਤਰ ਕੰਟ੍ਰਾਸਟ, ਡੀਪ ਬਲੈਕ ਲੈਵਲ ਤੇ ਜ਼ਿਆਦਾ ਡਿਟੇਲਡ ਇਮੇਜ ਕੁਆਲਿਟੀ ਮਿਲੇਗੀ।

Quantum Dot ਟੈਕਨਾਲੋਜੀ ਵੀ

Xiaomi ਨੇ ਕਨਫਰਮ ਕੀਤਾ ਹੈ ਕਿ ਨਵੀਂ ਟੀਵੀ ਸੀਰੀਜ਼ 'ਚ Quantum Dot ਟੈਕਨਾਲੋਜੀ ਮਿਲੇਗੀ। ਇਹ ਤਕਨੀਕ ਜ਼ਿਆਦਾ ਕਲਰ ਰੇਂਜ ਤੇ ਜ਼ਿਆਦਾ ਨੈਚੂਰਲ ਕਲਰ ਰਿਪ੍ਰੋਡਕਸ਼ਨ ਆਫਰ ਕਰਦੀ ਹੈ। ਕੰਪਨੀ ਮੁਤਾਬਕ ਟੀਵੀ ਜ਼ਿਆਦਾ ਲਾਈਟ (ਰੋਸ਼ਨੀ) ਵਾਲੇ ਰੂਮ 'ਚ ਵੀ ਬਿਹਤਰ ਵਿਜ਼ੀਬਿਲਟੀ ਤੇ ਕਲਰ ਪਰਫਾਰਮੈਂਸ ਬਣਾਈ ਰੱਖੇਗਾ।

ਗੇਮਿੰਗ 'ਚ ਵੀ ਆਵੇਗਾ ਦੁੱਗਣਾ ਮਜ਼ਾ

ਟੀਜ਼ਰ ਪੋਸਟ ਤੋਂ ਇਹ ਵੀ ਸੰਕੇਤ ਮਿਲੇ ਹਨ ਕਿ Xiaomi TV FX Mini LED ਸੀਰੀਜ਼ 'ਚ ਸਮੂਦ ਮੋਸ਼ਨ ਹੈਂਡਲਿੰਗ ਤੇ ਲੋਅ ਇਨਪੁਟ ਲੈਟੈਂਸੀ ਵਰਗੇ ਫੀਚਰਜ਼ ਮਿਲਣ ਦੀ ਉਮੀਦ ਹੈ। ਇਸਦਾ ਮਤਲਬ ਹੈ ਕਿ ਗੇਮਿੰਗ ਪਸੰਦ ਕਰਨ ਵਾਲੇ ਯੂਜ਼ਰਸ ਅਤੇ ਸਪੋਰਟਸ ਕੰਟੈਂਟ ਦੇਖਣ ਵਾਲਿਆਂ ਨੂੰ ਬਿਹਤਰ ਅਤੇ ਜ਼ਿਆਦਾ ਰਿਸਪਾਂਸਿਵ ਐਕਸਪੀਰੀਅੰਸ ਮਿਲਣ ਵਾਲਾ ਹੈ।