ਆ ਗਈ ਨਵੀਂ Hyundai Ioniq 5, ਮਰਸਡੀਜ਼ ਵਰਗੀ ਲਗਜ਼ਰੀ ਤੇ 690KM ਦੀ ਰੇਂਜ, ਜਾਣੋ ਕਿੰਨੀ ਹੈ ਕੀਮਤ

ਆਟੋ ਡੈਸਕ, ਨਵੀਂ ਦਿੱਲੀ : ਵਾਹਨ ਨਿਰਮਾਤਾ ਹੁੰਡਈ ਵੱਲੋਂ ਭਾਰਤੀ ਬਾਜ਼ਾਰ ਵਿੱਚ ਕਈ ਸੈਗਮੈਂਟਾਂ ਵਿੱਚ ਵਾਹਨਾਂ ਦੀ ਵਿਕਰੀ ਕੀਤੀ ਜਾਂਦੀ ਹੈ। ਨਿਰਮਾਤਾ ਵੱਲੋਂ ਪ੍ਰੀਮੀਅਮ ਇਲੈਕਟ੍ਰਿਕ ਐਸਯੂਵੀ (SUV) ਵਜੋਂ Hyundai Ioniq 5 ਨੂੰ ਵੀ ਪੇਸ਼ ਕੀਤਾ ਜਾਂਦਾ ਹੈ। ਨਿਰਮਾਤਾ ਨੇ ਇਸ ਐਸਯੂਵੀ ਨੂੰ ਅਪਡੇਟ ਕਰਨ ਤੋਂ ਬਾਅਦ ਲਾਂਚ ਕਰ ਦਿੱਤਾ ਹੈ। ਇਸ ਵਿੱਚ ਕਿਸ ਤਰ੍ਹਾਂ ਦੇ ਬਦਲਾਅ ਕੀਤੇ ਗਏ ਹਨ, ਕਿੰਨੀ ਰੇਂਜ ਦਿੱਤੀ ਗਈ ਹੈ ਅਤੇ ਇਸ ਨੂੰ ਕਿਸ ਕੀਮਤ 'ਤੇ ਲਾਂਚ ਕੀਤਾ ਗਿਆ ਹੈ, ਅਸੀਂ ਤੁਹਾਨੂੰ ਇਸ ਖ਼ਬਰ ਵਿੱਚ ਦੱਸ ਰਹੇ ਹਾਂ।

ਲਾਂਚ ਹੋਈ ਨਵੀਂ Hyundai Ioniq 5

ਹੁੰਡਈ ਵੱਲੋਂ ਭਾਰਤੀ ਬਾਜ਼ਾਰ ਵਿੱਚ ਪ੍ਰੀਮੀਅਮ ਇਲੈਕਟ੍ਰਿਕ ਐਸਯੂਵੀ ਵਜੋਂ ਆਯੋਨਿਕ 5 ਦੀ ਪੇਸ਼ਕਸ਼ ਕੀਤੀ ਜਾਂਦੀ ਹੈ। ਨਿਰਮਾਤਾ ਵੱਲੋਂ ਇਸ ਐਸਯੂਵੀ 'ਚ ਕਈ ਅਹਿਮ ਬਦਲਾਅ ਵੀ ਕੀਤੇ ਗਏ ਹਨ।

ਕੀ ਹੋਏ ਬਦਲਾਅ?

ਜਾਣਕਾਰੀ ਅਨੁਸਾਰ, ਇਸ ਐਸਯੂਵੀ 'ਚ ਨਵਾਂ ਰੀਅਰ ਬੰਪਰ ਡਿਜ਼ਾਈਨ ਅਪਡੇਟ ਕੀਤਾ ਗਿਆ ਹੈ। ਇਸ ਵਿਚ ਅੱਗੇ ਅਤੇ ਪਿੱਛੇ ਸਕਿਡ ਪਲੇਟਾਂ, ਨਵੇਂ ਅਲੌਏ ਵ੍ਹੀਲਜ਼, ਰੀਅਰ ਸਪੌਇਲਰ, ਨਵਾਂ ਫਰੰਟ ਬੰਪਰ, ਹੈੱਡਲਾਈਟ ਅਤੇ ਟੇਲ ਲੈਂਪ ਦਿੱਤੇ ਗਏ ਹਨ। ਇੰਟੀਰੀਅਰ 'ਚ ਵੀ ਨਵਾਂ ਵਿਕਲਪ ਮਿਲ ਸਕਦਾ ਹੈ। ਨਵਾਂ ਸਟੀਅਰਿੰਗ ਵ੍ਹੀਲ, ਡਿਊਲ 62.5 ਸੈਂਟੀਮੀਟਰ ਦਾ ਇੰਫੋਟੇਨਮੈਂਟ ਅਤੇ ਕਲੱਸਟਰ ਡਿਸਪਲੇਅ, ਹੀਟਿਡ ਅਤੇ ਵੈਂਟੀਲੇਟਿਡ ਸੀਟਾਂ, ਵਾਇਰਲੈੱਸ ਸਮਾਰਟਫੋਨ ਚਾਰਜਿੰਗ ਪੈਡ, ਕਨੈਕਟਡ ਕਾਰ ਨੇਵੀਗੇਸ਼ਨ ਕਾਕਪਿਟ, ਕੰਟਰੋਲਰ ਓਵਰ-ਦ-ਏਅਰ, ਵਾਇਰਲੈੱਸ ਐਂਡਰਾਇਡ ਆਟੋ ਅਤੇ ਐਪਲ ਕਾਰਪਲੇਅ, ਹੁੰਡਈ ਬਲੂਲਿੰਕ, ਇੰਫੋਟੇਨਮੈਂਟ ਸਕ੍ਰੀਨ ਰਾਹੀਂ ਸਿੱਧੀ ਇਲੈਕਟ੍ਰਿਕ ਵਾਹਨ ਚਾਰਜਿੰਗ ਅਤੇ PDW ਵਰਗੇ ਕਈ ਫੀਚਰਜ਼ ਦਿੱਤੇ ਗਏ ਹਨ।

ਕਿੰਨੀ ਦਮਦਾਰ ਹੈ ਬੈਟਰੀ?

ਹੁੰਡਈ ਵੱਲੋਂ ਨਵੀਂ ਆਯੋਨਿਕ 5 ਨੂੰ ਪਹਿਲਾਂ ਨਾਲੋਂ ਵੱਡੀ ਬੈਟਰੀ ਨਾਲ ਪੇਸ਼ ਕੀਤਾ ਗਿਆ ਹੈ। ਇਸ ਵਿੱਚ 84 kWh ਦੀ ਸਮਰੱਥਾ ਵਾਲਾ ਬੈਟਰੀ ਪੈਕ ਦਿੱਤਾ ਗਿਆ ਹੈ, ਜਿਸ ਨਾਲ ਇਹ ਸਿੰਗਲ ਚਾਰਜ 'ਤੇ 690 ਕਿਲੋਮੀਟਰ ਤਕ ਦੀ ਰੇਂਜ ਦਿੰਦੀ ਹੈ।

ਕਿੰਨੀ ਹੈ ਕੀਮਤ?

ਹੁੰਡਈ ਦੀ ਇਸ ਐਸਯੂਵੀ ਨੂੰ 55.70 ਲੱਖ ਰੁਪਏ (ਐਕਸ-ਸ਼ੋਰੂਮ) ਦੀ ਕੀਮਤ 'ਤੇ ਲਾਂਚ ਕੀਤਾ ਗਿਆ ਹੈ।

ਕਿਨ੍ਹਾਂ ਨਾਲ ਹੈ ਮੁਕਾਬਲਾ?

ਨਿਰਮਾਤਾ ਵੱਲੋਂ ਇਸ ਨੂੰ ਪ੍ਰੀਮੀਅਮ ਇਲੈਕਟ੍ਰਿਕ ਐਸਯੂਵੀ ਸੈਗਮੈਂਟ ਵਿੱਚ ਪੇਸ਼ ਕੀਤਾ ਜਾਂਦਾ ਹੈ। ਇਸ ਸੈਗਮੈਂਟ 'ਚ ਇਸਦਾ ਮੁਕਾਬਲਾ Kia EV6 ਅਤੇ BYD Sealion 7 ਵਰਗੀਆਂ ਐਸਯੂਵੀਜ਼ ਨਾਲ ਹੁੰਦਾ ਹੈ।