ਕੀ ਤੁਸੀਂ ਵੀ ਨਵਾਂ RO ਖਰੀਦਣ ਜਾ ਰਹੇ ਹੋ? ਇਨ੍ਹਾਂ ਜ਼ਰੂਰੀ ਗੱਲਾਂ ਨੂੰ ਗਲਤੀ ਨਾਲ ਵੀ ਨਾ ਕਰਿਓ ਨਜ਼ਰਅੰਦਾਜ਼ !

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ : ਅੱਜ ਦੇ ਸਮੇਂ ਸਾਫ਼ ਤੇ ਸੁਰੱਖਿਅਤ ਪੀਣ ਵਾਲਾ ਪਾਣੀ ਹਰ ਘਰ ਦੀ ਲੋੜ ਬਣ ਗਿਆ ਹੈ। ਪਾਣੀ 'ਚ ਵਧਦੇ ਬੈਕਟੀਰੀਆ ਤੇ ਖ਼ਰਾਬ ਕੁਆਲਿਟੀ ਕਾਰਨ ਲੋਕ ਤੇਜ਼ੀ ਨਾਲ RO ਯਾਨੀ ਰਿਵਰਸ ਓਸਮੋਸਿਸ ਵਾਟਰ ਪਿਊਰੀਫਾਇਰ ਲੈ ਰਹੇ ਹਨ ਪਰ ਨਵਾਂ RO ਖਰੀਦਣ ਵੇਲੇ ਸਿਰਫ਼ ਕੀਮਤ ਜਾਂ ਬ੍ਰਾਂਡ ਦੇਖਣਾ ਕਾਫ਼ੀ ਨਹੀਂ ਹੈ। ਜੀ ਹਾਂ, ਸਹੀ ਫੈਸਲਾ ਲੈਣ ਲਈ ਕੁਝ ਜ਼ਰੂਰੀ ਚੀਜ਼ਾਂ ਨੂੰ ਸਮਝਣਾ ਬਹੁਤ ਜ਼ਿਆਦਾ ਜ਼ਰੂਰੀ ਹੈ। ਆਓ ਅੱਜ ਇਸ ਬਾਰੇ ਵਿਸਥਾਰ ਨਾਲ ਜਾਣਦੇ ਹਾਂ।

ਪਾਣੀ ਦੀ ਕੁਆਲਿਟੀ

RO ਖਰੀਦਣ ਤੋਂ ਪਹਿਲਾਂ ਆਪਣੇ ਘਰ ਦੇ ਪਾਣੀ ਦਾ TDS ਯਾਨੀ Total Dissolved Solids ਚੈੱਕ ਕਰਨਾ ਜ਼ਰੂਰੀ ਹੈ। ਜੇਕਰ TDS ਜ਼ਿਆਦਾ ਦਿਖਾ ਰਿਹਾ ਹੈ ਤਾਂ ਹੀ RO ਖਰੀਦਣਾ ਸਹੀ ਰਹੇਗਾ। ਘੱਟ TDS ਵਾਲੇ ਪਾਣੀ ਵਿੱਚ RO ਦੀ ਵਰਤੋਂ ਕਰਨਾ ਫਾਇਦੇਮੰਦ ਨਹੀਂ ਹੈ, ਕਿਉਂਕਿ ਇਹ ਪਾਣੀ ਵਿੱਚੋਂ ਜ਼ਰੂਰੀ ਮਿਨਰਲਸ (ਖਣਿਜ) ਵੀ ਹਟਾ ਦੇਵੇਗਾ। ਅਜਿਹੀ ਸਥਿਤੀ 'ਚ UV ਜਾਂ UF ਪਿਊਰੀਫਾਇਰ ਬਿਹਤਰ ਵਿਕਲਪ ਹੋ ਸਕਦੇ ਹਨ।

ਸਟੋਰੇਜ ਸਮਰੱਥਾ (Storage Capacity)

ਆਪਣੇ ਪਰਿਵਾਰਕ ਮੈਂਬਰਾਂ ਦੀ ਗਿਣਤੀ ਦੇ ਹਿਸਾਬ ਨਾਲ RO ਦੀ ਸਟੋਰੇਜ ਦੀ ਚੋਣ ਕਰੋ। ਵੱਡੇ ਪਰਿਵਾਰ ਲਈ ਜ਼ਿਆਦਾ ਸਮਰੱਥਾ ਵਾਲਾ ਪਿਊਰੀਫਾਇਰ ਜ਼ਰੂਰੀ ਹੈ ਤਾਂ ਜੋ ਵਾਰ-ਵਾਰ ਪਾਣੀ ਖ਼ਤਮ ਹੋਣ ਦੀ ਸਮੱਸਿਆ ਪੈਦਾ ਨਾ ਹੋਵੇ। ਨਾਲ ਹੀ, ਬਿਜਲੀ ਨਾ ਹੋਣ 'ਤੇ ਇਸਦਾ ਸਟੋਰੇਜ ਟੈਂਕ ਕਾਫ਼ੀ ਕੰਮ ਆਉਂਦਾ ਹੈ।

ਮੇਨਟੇਨੈਂਸ ਅਤੇ ਫਿਲਟਰ ਦੀ ਲਾਗਤ

ਬਹੁਤ ਸਾਰੇ ਲੋਕ ਸਸਤਾ RO ਖਰੀਦ ਲੈਂਦੇ ਹਨ, ਪਰ ਬਾਅਦ 'ਚ ਫਿਲਟਰ ਅਤੇ ਸਰਵਿਸਿੰਗ ਦਾ ਖਰਚਾ ਜ਼ਿਆਦਾ ਆ ਜਾਂਦਾ ਹੈ। ਇਸ ਲਈ ਅਜਿਹੇ ਬ੍ਰਾਂਡ ਦੀ ਚੋਣ ਕਰੋ, ਜਿਸਦੀ ਸਰਵਿਸ ਤੁਹਾਡੇ ਇਲਾਕੇ ਵਿੱਚ ਚੰਗੀ ਹੋਵੇ ਅਤੇ ਫਿਲਟਰ ਵੀ ਆਸਾਨੀ ਨਾਲ ਮਿਲ ਜਾਣ।

ਪਾਣੀ ਦੀ ਬਰਬਾਦੀ

ਅਜਿਹਾ ਦੇਖਿਆ ਗਿਆ ਹੈ ਕਿ RO ਪਿਊਰੀਫਾਇਰ ਵਿੱਚ ਪਾਣੀ ਦੀ ਬਰਬਾਦੀ ਵੀ ਬਹੁਤ ਜ਼ਿਆਦਾ ਹੁੰਦੀ ਹੈ। ਕਈ ਮਸ਼ੀਨਾਂ ਇੱਕ ਲੀਟਰ ਪਾਣੀ ਸਾਫ਼ ਕਰਨ ਲਈ 2 ਤੋਂ 3 ਲੀਟਰ ਪਾਣੀ ਬਰਬਾਦ ਕਰ ਦਿੰਦੀਆਂ ਹਨ। ਅਜਿਹੇ ਵਿੱਚ ਵਾਟਰ ਸੇਵਿੰਗ ਟੈਕਨਾਲੋਜੀ ਵਾਲੇ ਮਾਡਲ ਹੀ ਚੁਣੋ।

ਸਰਟੀਫਿਕੇਸ਼ਨ ਅਤੇ ਸੁਰੱਖਿਆ

ਨਾਲ ਹੀ ਇਹ ਵੀ ਚੈੱਕ ਕਰੋ ਕਿ ਜੋ RO ਤੁਸੀਂ ਖਰੀਦ ਰਹੇ ਹੋ, ਉਹ ISI ਮਾਰਕ ਜਾਂ ਹੋਰ ਸਰਟੀਫਿਕੇਸ਼ਨ ਦੇ ਨਾਲ ਆਉਂਦਾ ਹੈ ਜਾਂ ਨਹੀਂ। ਇਸ ਨਾਲ ਇਹ ਯਕੀਨੀ ਹੁੰਦਾ ਹੈ ਕਿ ਪ੍ਰੋਡਕਟ ਦੀ ਕੁਆਲਿਟੀ ਕਿਸ ਤਰ੍ਹਾਂ ਦੀ ਹੈ।