ਬਿਨਾਂ ਕਲੱਚ ਦੱਬੇ ਬਦਲੇਗਾ ਗੇਅਰ, Honda ਨੇ ਲਾਂਚ ਕੀਤੀ ਆਟੋਮੈਟਿਕ ਬਾਈਕ Rebel 300, ਕੀਮਤ ਹੈ ਇੰਨੀ
2026 Rebel 300 'ਚ ਕੋਈ ਵੱਡਾ ਮਕੈਨਿਕਲ ਬਦਲਾਅ ਨਹੀਂ ਕੀਤਾ ਗਿਆ ਹੈ। ਇਹ ਬਾਈਕ ਦੋ ਨਵੇਂ ਰੰਗਾਂ 'ਚ ਉਪਲਬਧ ਹੈ, ਜੋ ਕਿ Pearl Smoky Gray ਤੇ Matte Black Metallic ਹੈ। ਇਸ ਦਾ ਲੁੱਕ ਇਕ ਕਲਾਸਿਕ ਕਰੂਜ਼ਰ ਵਾਂਗ ਹੈ, ਜਿਸ ਵਿਚ ਰਾਊਂਡ ਹੈੱਡਲਾਈਟ, ਕਲਰ-ਮੈਚ ਫੈਂਡਰਜ਼, ਟੀਅਰ-ਡ੍ਰੌਪ ਫਿਊਲ ਟੈਂਕ ਤੇ ਆਲ-ਬਲੈਕ ਐਗਜ਼ਾਸਟ ਦਿੱਤਾ ਗਿਆ ਹੈ।
Posted By Seema Anand
Publish Date: Tue, 21 Oct 2025 04:23 PM (IST)
Updated Date: Tue, 21 Oct 2025 04:34 PM (IST)
ਆਟੋ ਡੈਸਕ, ਨਵੀਂ ਦਿੱਲੀ : Honda ਟੂ-ਵ੍ਹੀਲਰ ਨੇ ਆਪਣੀ E-Clutch ਤਕਨੀਕ ਨੂੰ ਹੁਣ ਛੋਟੀ ਸਮਰੱਥਾ ਵਾਲੀਆਂ ਮੋਟਰਸਾਈਕਲਾਂ 'ਚ ਵੀ ਦੇਣਾ ਸ਼ੁਰੂ ਕਰ ਦਿੱਤਾ ਹੈ। ਇਸ ਸੰਦਰਭ 'ਚ, ਕੰਪਨੀ ਨੇ 2026 Honda Rebel 300 ਨੂੰ ਨਵੇਂ E-Clutch ਫੀਚਰ ਨਾਲ ਲਾਂਚ ਕੀਤਾ ਹੈ। ਇਸ ਦੇ ਨਾਲ ਹੀ ਹੋਰ ਕਈ ਫੀਚਰ ਵੀ ਸ਼ਾਮਲ ਕੀਤੇ ਗਏ ਹਨ। ਆਓ, ਇਨ੍ਹਾਂ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਹਾਸਲ ਕਰੀਏ।
ਨਵੀਂ Honda Rebel 300 ਦਾ ਡਿਜ਼ਾਈਨ ਤੇ ਫੀਚਰਜ਼
2026 Rebel 300 'ਚ ਕੋਈ ਵੱਡਾ ਮਕੈਨਿਕਲ ਬਦਲਾਅ ਨਹੀਂ ਕੀਤਾ ਗਿਆ ਹੈ। ਇਹ ਬਾਈਕ ਦੋ ਨਵੇਂ ਰੰਗਾਂ 'ਚ ਉਪਲਬਧ ਹੈ, ਜੋ ਕਿ Pearl Smoky Gray ਤੇ Matte Black Metallic ਹੈ। ਇਸ ਦਾ ਲੁੱਕ ਇਕ ਕਲਾਸਿਕ ਕਰੂਜ਼ਰ ਵਾਂਗ ਹੈ, ਜਿਸ ਵਿਚ ਰਾਊਂਡ ਹੈੱਡਲਾਈਟ, ਕਲਰ-ਮੈਚ ਫੈਂਡਰਜ਼, ਟੀਅਰ-ਡ੍ਰੌਪ ਫਿਊਲ ਟੈਂਕ ਤੇ ਆਲ-ਬਲੈਕ ਐਗਜ਼ਾਸਟ ਦਿੱਤਾ ਗਿਆ ਹੈ।
ਸਪੈਸੀਫਿਕੇਸ਼ਨਜ਼ ਤੇ ਪਰਫਾਰਮੈਂਸ
Honda Rebel 300 'ਚ 286cc ਲਿਕਵਿਡ-ਕੂਲਡ, ਸਿੰਗਲ-ਸਿਲੰਡਰ ਇੰਜਣ ਦਿੱਤਾ ਗਿਆ ਹੈ, ਜੋ 25 hp ਦੀ ਪਾਵਰ ਤੇ 23.86 Nm ਦਾ ਟਾਰਕ ਜਨਰੇਟ ਕਰਦਾ ਹੈ। ਇਸ ਨੂੰ 6-ਸਪੀਡ ਗੀਅਰਬਾਕਸ ਨਾਲ ਜੋੜਿਆ ਗਿਆ ਹੈ ਜਿਸ ਵਿਚ ਹੁਣ Honda E-Clutch ਵੀ ਸ਼ਾਮਲ ਹੈ।
ਇਸ ਵਿਚ ਸਸਪੈਂਸ਼ਨ ਲਈ ਫਰੰਟ 'ਚ 41mm ਫੋਰਕਸ ਤੇ ਰੀਅਰ 'ਚ ਡੁਅਲ ਸ਼ੌਕ ਅਬਜ਼ਾਰਬਰ ਮਿਲਦੇ ਹਨ। ਬ੍ਰੇਕਿੰਗ ਲਈ ਫਰੰਟ 'ਚ 296mm ਤੇ ਰੀਅਰ 'ਚ 240mm ਡਿਸਕ ਬ੍ਰੇਕ ਦਿੱਤੇ ਗਏ ਹਨ। ਬਾਈਕ ਦੇ ਦੋਹਾਂ ਪਾਸਿਆਂ 'ਤੇ 16-ਇੰਚ ਦੇ ਅਲੋਏ ਵ੍ਹੀਲ ਹਨ, ਜਿਨ੍ਹਾਂ 'ਤੇ 130/90 ਫਰੰਟ ਅਤੇ 150/80 ਰੀਅਰ ਟਾਇਰ ਲੱਗੇ ਹਨ। ਸਿਰਫ 690 mm ਦੀ ਸੀਟ ਹਾਈਟ ਇਸਨੂੰ ਲੋਅ ਤੇ ਕੰਟਰੋਲਡ ਰਾਈਡਿੰਗ ਪੁਜ਼ੀਸ਼ਨ ਦਿੰਦੀ ਹੈ।
ਨਵੀਂ Honda Rebel 300 ਦੀ ਕੀਮਤ
2026 Honda Rebel 300 E-Clutch ਨੂੰ ਅਮਰੀਕਾ 'ਚ ਲਾਂਚ ਕੀਤਾ ਗਿਆ ਹੈ। ਇਸ ਦੀ ਕੀਮਤ USD 5,349 (ਲਗਭਗ 4.70 ਲੱਖ ਰੁਪਏ) ਰੱਖੀ ਗਈ ਹੈ। ਹਾਲਾਂਕਿ, E-Clutch ਦੇ ਨਾਲ ਨਵੀਂ Rebel 300 ਦੀ ਕੀਮਤ ਪਿਛਲੇ ਸਾਲ ਦੇ ਮੁਕਾਬਲੇ 500 ਡਾਲਰ (ਲਗਪਗ 44,000 ਰੁਪਏ) ਵਧ ਗਈ ਹੈ।
ਕੀ ਹੈ Honda E-Clutch ਤਕਨੀਕ?
Honda ਦੀ E-Clutch ਸਿਸਟਮ ਯੂਜ਼ਰਜ਼ ਨੂੰ ਕਲਚ ਲੀਵਰ ਦੀ ਵਰਤੋਂ ਕੀਤੇ ਬਿਨਾਂ ਗੀਅਰ ਬਦਲਣ ਦੀ ਸਹੂਲਤ ਦਿੰਦੀ ਹੈ। ਇਸ ਦਾ ਮਤਲਬ ਹੈ ਕਿ ਰਾਈਡਰ ਚਾਹੇ ਤਾਂ ਕਲੱਚ ਦੀ ਵਰਤੋਂ ਨਾ ਕਰੇ, ਫਿਰ ਵੀ ਉਹ ਆਸਾਨੀ ਨਾਲ ਗੀਅਰ ਬਦਲ ਸਕਦਾ ਹੈ। ਜੇ ਕਿਸੇ ਨੂੰ ਕਲੱਚ ਨਾਲ ਰਾਈਡ ਕਰਨ ਦੀ ਆਦਤ ਹੈ ਤਾਂ ਉਹ ਰਵਾਇਤੀ ਢੰਗ ਨਾਲ ਵੀ ਚਲਾ ਸਕਦਾ ਹੈ।
ਇਹ ਤਕਨਾਲੋਜੀ ਕੁਇਕ-ਸ਼ਿਫਟਰ ਦੀ ਤਰ੍ਹਾਂ ਵੀ ਕੰਮ ਕਰਦੀ ਹੈ ਜਿਸ ਨਾਲ ਪੂਰੀ ਥ੍ਰੋਟਲ 'ਤੇ ਬਿਨਾਂ ਕਲੱਚ ਦੇ ਗੀਅਰ ਬਦਲਣਾ ਸੰਭਵ ਹੁੰਦਾ ਹੈ। ਯੂਜ਼ਰਜ਼ ਨੂੰ ਮੈਨੂਅਲ ਤੇ ਆਟੋਮੈਟਿਕ ਕਲੱਚ ਮੋਡ ਬਦਲਣ ਲਈ ਕਿਸੇ ਬਟਨ ਦੀ ਲੋੜ ਨਹੀਂ ਪੈਂਦੀ। ਸਿਸਟਮ ਆਪਣੇ ਆਪ ਰਾਈਡਰ ਦੇ ਇਨਪੁਟ ਮੁਤਾਬਕ ਮੋਡ ਬਦਲ ਲੈਂਦਾ ਹੈ।
ਡਿਫਾਲਟ ਰੂਪ 'ਚ ਬਾਈਕ ਕਲੱਚਲੈੱਸ ਮੋਡ 'ਚ ਰਹਿੰਦੀ ਹੈ, ਪਰ ਜਿਵੇਂ ਹੀ ਰਾਈਡਰ ਹੈਂਡਲਬਾਰ ਵਾਲੇ ਕਲੱਚ ਲੀਵਰ ਦੀ ਵਰਤੋਂ ਕਰਦਾ ਹੈ, ਬਾਈਕ ਮੈਨੂਅਲ ਮੋਡ 'ਚ ਚਲੀ ਜਾਂਦੀ ਹੈ ਅਤੇ ਜਦੋਂ ਕਲੱਚ ਛੱਡਿਆ ਜਾਂਦਾ ਹੈ, ਤਾਂ ਇਹ ਆਪਣੇ ਆਪ ਫਿਰ ਤੋਂ ਕਲਚਲੈੱਸ ਮੋਡ 'ਚ ਵਾਪਸ ਆ ਜਾਂਦੀ ਹੈ।
Honda ਦਾ ਕਹਿਣਾ ਹੈ ਕਿ ਇਹ ਫੀਚਰ ਨਵੇਂ ਤੇ ਅਨੁਭਵੀ ਦੋਹਾਂ ਰਾਈਡਰਾਂ ਲਈ ਲਾਭਦਾਇਕ ਹੈ। ਇਹ ਇੰਜਣ ਸਟਾਲ ਦੀ ਸਮੱਸਿਆ ਨੂੰ ਖਤਮ ਕਰਦਾ ਹੈ ਤੇ ਰਾਈਡਿੰਗ ਨੂੰ ਆਸਾਨ ਤੇ ਸੁਰੱਖਿਅਤ ਬਣਾਉਂਦਾ ਹੈ, ਖਾਸ ਕਰਕੇ ਨਵੇਂ ਰਾਈਡਰਾਂ ਲਈ।