Honda ਦੀਆਂ ਕਾਰਾਂ ਖਰੀਦਣ ਦਾ ਸ਼ਾਨਦਾਰ ਮੌਕਾ, ਸਾਲ ਦੇ ਅਖੀਰ ’ਚ ਮਿਲ ਰਹੇ 1.76 ਲੱਖ ਰੁਪਏ ਤੱਕ ਦੇ ਆਫ਼ਰ

ਆਟੋ ਡੈਸਕ, ਨਵੀਂ ਦਿੱਲੀ। ਭਾਰਤ ਵਿੱਚ ਆਪਣੀ ਵਿਕਰੀ ਵਧਾਉਣ ਲਈ ਵਾਹਨ ਨਿਰਮਾਤਾਵਾਂ ਵੱਲੋਂ ਕਈ ਤਰ੍ਹਾਂ ਦੇ ਆਫ਼ਰ ਦਿੱਤੇ ਜਾਂਦੇ ਹਨ। ਵਾਹਨ ਨਿਰਮਾਤਾ ਹੌਂਡਾ ਵੱਲੋਂ ਵੀ ਆਪਣੀਆਂ ਕਾਰਾਂ 'ਤੇ ਲੱਖਾਂ ਰੁਪਏ ਦੇ ਆਫ਼ਰ ਦਿੱਤੇ ਜਾ ਰਹੇ ਹਨ। ਸਾਲ ਦੇ ਆਖਰੀ ਮਹੀਨੇ ਵਿੱਚ ਵੀ ਜੇਕਰ ਕਿਸੇ ਵਿਅਕਤੀ ਨੇ ਹੌਂਡਾ ਦੀ ਕਾਰ ਖਰੀਦਣੀ ਹੈ, ਤਾਂ ਨਿਰਮਾਤਾ ਵੱਲੋਂ ਕਿਹੜੀ ਗੱਡੀ 'ਤੇ ਕਿੰਨਾ ਡਿਸਕਾਊਂਟ ਆਫ਼ਰ (Discount Offer) ਕੀਤਾ ਜਾ ਰਿਹਾ ਹੈ, ਅਸੀਂ ਤੁਹਾਨੂੰ ਇਸ ਖ਼ਬਰ ਵਿੱਚ ਦੱਸ ਰਹੇ ਹਾਂ।

Honda Amaze 'ਤੇ ਕੀ ਹੈ ਆਫ਼ਰ?

ਹੌਂਡਾ ਵੱਲੋਂ ਕੰਪੈਕਟ ਸੇਡਾਨ ਕਾਰ ਵਜੋਂ Honda Amaze ਨੂੰ ਪੇਸ਼ ਕੀਤਾ ਜਾਂਦਾ ਹੈ। ਨਿਰਮਾਤਾ ਵੱਲੋਂ ਇਸ ਮਹੀਨੇ ਇਸ ਗੱਡੀ ਨੂੰ ਖਰੀਦਣ 'ਤੇ 87,000 ਰੁਪਏ ਤੱਕ ਦਾ ਡਿਸਕਾਊਂਟ ਆਫ਼ਰ ਦਿੱਤਾ ਜਾ ਰਿਹਾ ਹੈ। ਹੌਂਡਾ ਅਮੇਜ਼ ਦੀ ਤੀਜੀ ਪੀੜ੍ਹੀ (ਥਰਡ ਜਨਰੇਸ਼ਨ) ਦੀ ਐਕਸ-ਸ਼ੋਅਰੂਮ ਕੀਮਤ 7.41 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ।

Honda City 'ਤੇ ਵੀ ਹੋਵੇਗੀ ਬੱਚਤ

ਹੌਂਡਾ ਵੱਲੋਂ ਮਿਡ-ਸਾਈਜ਼ ਸੇਡਾਨ ਦੇ ਤੌਰ 'ਤੇ 'ਸਿਟੀ' ਨੂੰ ਪੇਸ਼ ਕੀਤਾ ਜਾਂਦਾ ਹੈ। ਦਸੰਬਰ 2025 ਦੌਰਾਨ ਇਸ ਕਾਰ 'ਤੇ ਵੀ ਨਿਰਮਾਤਾ ਵੱਲੋਂ ਡਿਸਕਾਊਂਟ ਆਫ਼ਰ ਕੀਤੇ ਜਾ ਰਹੇ ਹਨ। ਜਾਣਕਾਰੀ ਮੁਤਾਬਕ ਇਸ ਮਹੀਨੇ ਹੌਂਡਾ ਸਿਟੀ ਨੂੰ ਖਰੀਦਣ 'ਤੇ ਲੱਖਾਂ ਰੁਪਏ ਦੀ ਬੱਚਤ ਕੀਤੀ ਜਾ ਸਕਦੀ ਹੈ। ਨਿਰਮਾਤਾ ਇਸ ਮਹੀਨੇ ਇਸ ਕਾਰ 'ਤੇ 1.76 ਲੱਖ ਰੁਪਏ ਦਾ ਆਫ਼ਰ ਦੇ ਰਹੀ ਹੈ।

ਆਮ ਸਿਟੀ ਦੇ ਨਾਲ ਹੀ ਇਸਦੇ ਹਾਈਬ੍ਰਿਡ ਵਰਜ਼ਨ Honda City e:HEV 'ਤੇ ਇਸ ਮਹੀਨੇ ਸੱਤ ਸਾਲ ਤੱਕ ਦੀ ਐਕਸਟੈਂਡਡ ਵਾਰੰਟੀ ਵਰਗੇ ਆਫ਼ਰ ਦਿੱਤੇ ਜਾ ਰਹੇ ਹਨ। ਹੌਂਡਾ ਸਿਟੀ ਦੀ ਐਕਸ-ਸ਼ੋਅਰੂਮ ਕੀਮਤ 11.95 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ ਅਤੇ ਇਸਦੇ ਹਾਈਬ੍ਰਿਡ ਵਰਜ਼ਨ ਦੀ ਐਕਸ-ਸ਼ੋਅਰੂਮ ਕੀਮਤ 19.48 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ।

Honda Elevate 'ਤੇ ਕਿੰਨੀ ਹੋਵੇਗੀ ਬੱਚਤ?

ਹੌਂਡਾ ਵੱਲੋਂ ਸਾਲ 2023 ਵਿੱਚ ਹੀ Elevate ਨੂੰ ਭਾਰਤੀ ਬਾਜ਼ਾਰ ਵਿੱਚ ਲਾਂਚ ਕੀਤਾ ਗਿਆ ਸੀ। ਜਿਸ ਤੋਂ ਬਾਅਦ ਹੀ ਨਿਰਮਾਤਾ ਨੂੰ ਇਸ ਐੱਸ.ਯੂ.ਵੀ. (SUV) ਲਈ ਸ਼ਾਨਦਾਰ ਪ੍ਰਤੀਕਿਰਿਆ ਮਿਲ ਰਹੀ ਹੈ। ਦਸੰਬਰ 2025 ਦੌਰਾਨ ਜੇਕਰ ਤੁਸੀਂ ਇਸ ਐੱਸ.ਯੂ.ਵੀ. ਨੂੰ ਖਰੀਦਣ ਦਾ ਮਨ ਬਣਾ ਰਹੇ ਹੋ, ਤਾਂ ਇਸ ਮਹੀਨੇ ਕੰਪਨੀ ਵੱਲੋਂ ਇਸ ਐੱਸ.ਯੂ.ਵੀ. 'ਤੇ ਵੱਧ ਤੋਂ ਵੱਧ 1.76 ਲੱਖ ਰੁਪਏ ਦਾ ਡਿਸਕਾਊਂਟ ਆਫ਼ਰ ਕੀਤਾ ਜਾ ਰਿਹਾ ਹੈ। ਇਸ ਐੱਸ.ਯੂ.ਵੀ. ਦੀ ਕੀਮਤ 11 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ।