Flipkart Diwali Sale : ਫਿਰ ਤੋਂ iPhone 16 ਸਮੇਤ ਇਨ੍ਹਾਂ ਮੋਬਾਈਲ ਫੋਨਾਂ 'ਤੇ ਸਭ ਤੋਂ ਵੱਡਾ ਡਿਸਕਾਊਂਟ
Flipkart Diwali Sale : ਫਲਿੱਪਕਾਰਟ ਬਿਗ ਬੈਂਗ ਦੀਵਾਲੀ ਸੇਲ ਦੌਰਾਨ ਇਕ ਵਾਰ ਫਿਰ iPhone 16 Pro Max, Pixel 10, Samsung Galaxy S25 Ultra ਅਤੇ Galaxy S25 ਵਰਗੇ ਪ੍ਰਸਿੱਧ ਸਮਾਰਟਫੋਨਜ਼ ਨੂੰ ਸਭ ਤੋਂ ਘੱਟ ਕੀਮਤ 'ਤੇ ਖਰੀਦਣ ਦਾ ਮੌਕਾ ਮਿਲ ਸਕਦਾ ਹੈ।
Posted By Seema Anand
Publish Date: Wed, 08 Oct 2025 02:59 PM (IST)
Updated Date: Wed, 08 Oct 2025 03:54 PM (IST)
ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ : ਕੀ ਤੁਸੀਂ ਫਲਿੱਪਕਾਰਟ ਦੀ ਬਿਗ ਬਿਲੀਅਨ ਡੇਅਜ਼ ਸੇਲ ਨੂੰ ਛੱਡ ਦਿੱਤਾ ਹੈ ਤਾਂ ਫਿਕਰ ਕਰਨ ਦੀ ਲੋੜ ਨਹੀਂ। ਜਲਦੀ ਹੀ ਤੁਹਾਨੂੰ ਫਿਰ ਤੋਂ ਕਈ ਸਮਾਰਟਫੋਨ ਸਭ ਤੋਂ ਘੱਟ ਕੀਮਤ 'ਤੇ ਖਰੀਦਣ ਦਾ ਮੌਕਾ ਮਿਲੇਗਾ। ਹਾਂ, ਫਲਿੱਪਕਾਰਟ ਇਕ ਵਾਰ ਫਿਰ ਨਵੀਂ ਸੇਲ ਨਾਲ ਵਾਪਸ ਆ ਰਿਹਾ ਹੈ। ਕੰਪਨੀ ਨੇ ਅਧਿਕਾਰਤ ਤੌਰ 'ਤੇ ਆਪਣੀ ਬਿਗ ਬੈਂਗ ਦੀਵਾਲੀ ਸੇਲ ਦਾ ਐਲਾਨ ਕਰ ਦਿੱਤਾ ਹੈ ਜੋ 11 ਅਕਤੂਬਰ ਤੋਂ ਸ਼ੁਰੂ ਹੋਣ ਜਾ ਰਹੀ ਹੈ। ਜੇਕਰ ਤੁਸੀਂ ਫਲਿੱਪਕਾਰਟ ਪਲੱਸ ਅਤੇ ਬਲੈਕ ਮੈਂਬਰ ਹੋ ਤਾਂ ਤੁਹਾਨੂੰ ਹਰ ਸੇਲ ਦੀ ਤਰ੍ਹਾਂ ਦੂਜਿਆਂ ਤੋਂ 24 ਘੰਟੇ ਪਹਿਲਾਂ ਡੀਲਜ਼ ਦਾ ਫਾਇਦਾ ਮਿਲੇਗਾ।
ਜਾਣਕਾਰੀ ਅਨੁਸਾਰ, ਫਲਿੱਪਕਾਰਟ ਬਿਗ ਬੈਂਗ ਦੀਵਾਲੀ ਸੇਲ ਦੌਰਾਨ ਇਕ ਵਾਰ ਫਿਰ iPhone 16 Pro Max, Pixel 10, Samsung Galaxy S25 Ultra ਅਤੇ Galaxy S25 ਵਰਗੇ ਪ੍ਰਸਿੱਧ ਸਮਾਰਟਫੋਨਜ਼ ਨੂੰ ਸਭ ਤੋਂ ਘੱਟ ਕੀਮਤ 'ਤੇ ਖਰੀਦਣ ਦਾ ਮੌਕਾ ਮਿਲ ਸਕਦਾ ਹੈ। ਪਲੇਟਫਾਰਮ ਨੇ ਸੇਲ ਤੋਂ ਪਹਿਲਾਂ ਹੀ ਕੁਝ ਆਫਰਾਂ ਦਾ ਐਲਾਨ ਕਰ ਦਿੱਤਾ ਹੈ ਜਿਸ ਨਾਲ ਖਰੀਦਦਾਰਾਂ ਨੂੰ ਤਿਆਰੀ ਕਰਨ ਤੇ ਖਰੀਦਦਾਰੀ ਕਰਨ ਦਾ ਸਮਾਂ ਮਿਲ ਸਕੇ। ਚਲੋ, ਕੁਝ ਸਮਾਰਟਫੋਨ ਡੀਲਜ਼ ਬਾਰੇ ਜਾਣਦੇ ਹਾਂ...
Flipkart Diwali Sale : iPhone ਡੀਲਜ਼
ਫਲਿੱਪਕਾਰਟ ਦੀ ਦੀਵਾਲੀ ਸੇਲ 'ਚ iPhone 16 ਫਿਰ 56,000 ਰੁਪਏ ਤੋਂ ਘੱਟ ਵਿਚ ਉਪਲਬਧ ਹੋ ਸਕਦਾ ਹੈ। ਇਸ ਤਰ੍ਹਾਂ, ਜੇਕਰ ਤੁਸੀਂ ਬਿਗ ਬਿਲੀਅਨ ਡੇਅਜ਼ ਦੌਰਾਨ ਡੀਲ ਤੋਂ ਖੁੰਝ ਗਏ ਹੋ ਤਾਂ ਇਹ ਤੁਹਾਡੇ ਲਈ ਵਧੀਆ ਮੌਕਾ ਹੋ ਸਕਦਾ ਹੈ। ਹਾਲਾਂਕਿ, ਕੰਪਨੀ ਨੇ ਅਜੇ ਤਕ ਆਫਰਾਂ ਦੀ ਕੀਮਤ ਅਤੇ ਬੈਂਕ ਆਫਰਾਂ ਦਾ ਐਲਾਨ ਨਹੀਂ ਕੀਤਾ ਹੈ। ਇਸੇ ਤਰ੍ਹਾਂ, ਸੇਲ ਦੌਰਾਨ iPhone 16 Pro Max ਵੀ 1,03,900 ਰੁਪਏ 'ਤੇ ਉਪਲਬਧ ਹੋ ਸਕਦਾ ਹੈ। ਦੱਸਣਾ ਬਣਦਾ ਹੈ ਕਿ ਇਸ ਡਿਵਾਈਸ ਨੂੰ ਭਾਰਤ 'ਚ 1,44,990 ਰੁਪਏ 'ਤੇ ਲਾਂਚ ਕੀਤਾ ਗਿਆ ਸੀ।
ਗੂਗਲ ਦੇ ਸਮਾਰਟਫੋਨ 'ਤੇ ਡੀਲਜ਼
iPhone ਹੀ ਨਹੀਂ, ਸੇਲ ਦੌਰਾਨ Google Pixel 9a ਵੀ ਸਸਤਾ ਮਿਲੇਗਾ ਜਿਸਨੂੰ 49,999 ਰੁਪਏ 'ਤੇ ਲਾਂਚ ਕੀਤਾ ਗਿਆ ਸੀ। ਬੈਂਕ ਆਫਰਜ਼ ਤੋਂ ਬਾਅਦ, ਤੁਸੀਂ ਇਸ ਫੋਨ ਨੂੰ ਸੇਲ 'ਚ 40,000 ਰੁਪਏ ਤੋਂ ਘੱਟ ਵਿਚ ਖਰੀਦ ਸਕੋਗੇ ਜੋ ਇਸਨੂੰ ਇਕ ਸ਼ਾਨਦਾਰ ਡੀਲ ਬਣਾਉਂਦਾ ਹੈ। ਜਦਕਿ Pixel 10 ਜੋ 79,999 ਰੁਪਏ 'ਤੇ ਲਾਂਚ ਹੋਇਆ ਸੀ, ਉਹ ਘਟ ਕੇ ਸਿਰਫ 67,999 ਰੁਪਏ 'ਤੇ ਮਿਲ ਸਕਦਾ ਹੈ। ਇਸ ਤੋਂ ਇਲਾਵਾ Pixel 9 Pro Fold, ਜਿਸਨੂੰ 1,72,999 ਰੁਪਏ 'ਤੇ ਪੇਸ਼ ਕੀਤਾ ਗਿਆ ਸੀ, ਇਹ ਵੀ ਸਿਰਫ 99,999 ਰੁਪਏ 'ਤੇ ਉਪਲਬਧ ਹੋ ਸਕਦਾ ਹੈ।
ਸੈਮਸੰਗ ਦਾ ਪ੍ਰੀਮੀਅਮ ਫੋਨ ਵੀ ਸਸਤੇ 'ਚ
ਸੈਮਸੰਗ ਦਾ Galaxy S25 ਵੀ ਸੇਲ ਦੌਰਾਨ ਬੈਂਕ ਡਿਸਕਾਊਂਟ ਤੋਂ ਬਾਅਦ ਸਿਰਫ 68,999 ਰੁਪਏ 'ਤੇ ਮਿਲ ਸਕਦਾ ਹੈ। ਇਸ ਤੋਂ ਇਲਾਵਾ Galaxy S25 Ultra ਦੀ ਕੀਮਤ 'ਚ ਵੀ ਵੱਡੀ ਗਿਰਾਵਟ ਦੇਖਣ ਨੂੰ ਮਿਲ ਸਕਦੀ ਹੈ। ਫਲਿੱਪਕਾਰਟ ਦੀ ਦੀਵਾਲੀ ਸੇਲ ਦੌਰਾਨ ਗਾਹਕਾਂ ਨੂੰ Nothing Phone 3a ਅਤੇ 3a Pro 'ਤੇ ਵੀ ਡਿਸਕਾਊਂਟ ਮਿਲੇਗਾ।