ਕੀ ਤੁਸੀਂ ਵੀ ਜ਼ਰੂਰੀ ਈਮੇਲ ਭੇਜਣਾ ਭੁੱਲ ਜਾਂਦੇ ਹੋ? Gmail ਦਾ ਇਹ ਸ਼ਾਨਦਾਰ ਫੀਚਰ ਤੁਹਾਡੀ ਮੁਸ਼ਕਲ ਕਰੇਗਾ ਹੱਲ, ਦੇਖੋ ਸਟੈੱਪ ਬਾਇ ਸਟੈੱਪ
ਇਹ ਇੱਕ ਅਜਿਹਾ ਟੂਲ ਹੈ ਜਿਸ ਰਾਹੀਂ ਤੁਸੀਂ ਅੱਜ ਹੀ ਕੋਈ ਈਮੇਲ ਲਿਖ ਕੇ ਰੱਖ ਸਕਦੇ ਹੋ ਅਤੇ ਉਸ ਨੂੰ ਭੇਜਣ ਲਈ ਭਵਿੱਖ ਦਾ ਕੋਈ ਖਾਸ ਸਮਾਂ ਅਤੇ ਤਾਰੀਖ਼ ਸੈੱਟ ਕਰ ਸਕਦੇ ਹੋ। ਤੈਅ ਕੀਤੇ ਸਮੇਂ 'ਤੇ ਉਹ ਈਮੇਲ ਆਪਣੇ ਆਪ ਭੇਜ ਦਿੱਤੀ ਜਾਵੇਗੀ, ਭਾਵੇਂ ਤੁਸੀਂ ਉਸ ਵੇਲੇ ਸੌਂ ਰਹੇ ਹੋਵੋ ਜਾਂ ਕਿਸੇ ਮੀਟਿੰਗ ਵਿੱਚ ਰੁੱਝੇ ਹੋਵੋ।
Posted By alisha
Publish Date: Sun, 25 Jan 2026 11:17 AM (IST)
Updated Date: Sun, 25 Jan 2026 12:01 PM (IST)
ਤਕਨਾਲੋਜੀ ਡੈਸਕ, ਨਵੀਂ ਦਿੱਲੀ : ਸਾਡੀ ਸਾਰਿਆਂ ਦੀ ਜ਼ਿੰਦਗੀ ਵਿੱਚ ਅਕਸਰ ਅਜਿਹਾ ਹੁੰਦਾ ਹੈ ਕਿ ਅਸੀਂ ਕੋਈ ਜ਼ਰੂਰੀ ਈਮੇਲ ਭੇਜਣਾ ਭੁੱਲ ਜਾਂਦੇ ਹਾਂ ਅਤੇ ਫਿਰ ਅਗਲੇ ਦਿਨ ਬੌਸ ਜਾਂ ਕਲਾਇੰਟ ਦੀ ਨਾਰਾਜ਼ਗੀ ਝੱਲਣੀ ਪੈਂਦੀ ਹੈ ਪਰ ਜੇਕਰ ਤੁਸੀਂ ਜੀਮੇਲ ਦੇ 'ਸ਼ੈਡਿਊਲ ਸੈਂਡ' (Schedule Send) ਫੀਚਰ ਬਾਰੇ ਜਾਣਦੇ ਹੋ ਤਾਂ ਤੁਹਾਡੀ ਇਹ ਚਿੰਤਾ ਹਮੇਸ਼ਾ ਲਈ ਖ਼ਤਮ ਹੋ ਸਕਦੀ ਹੈ।
ਕੀ ਹੈ Gmail ਦਾ 'Schedule Send' ਫੀਚਰ
ਇਹ ਇੱਕ ਅਜਿਹਾ ਟੂਲ ਹੈ ਜਿਸ ਰਾਹੀਂ ਤੁਸੀਂ ਅੱਜ ਹੀ ਕੋਈ ਈਮੇਲ ਲਿਖ ਕੇ ਰੱਖ ਸਕਦੇ ਹੋ ਅਤੇ ਉਸ ਨੂੰ ਭੇਜਣ ਲਈ ਭਵਿੱਖ ਦਾ ਕੋਈ ਖਾਸ ਸਮਾਂ ਅਤੇ ਤਾਰੀਖ਼ ਸੈੱਟ ਕਰ ਸਕਦੇ ਹੋ। ਤੈਅ ਕੀਤੇ ਸਮੇਂ 'ਤੇ ਉਹ ਈਮੇਲ ਆਪਣੇ ਆਪ ਭੇਜ ਦਿੱਤੀ ਜਾਵੇਗੀ, ਭਾਵੇਂ ਤੁਸੀਂ ਉਸ ਵੇਲੇ ਸੌਂ ਰਹੇ ਹੋਵੋ ਜਾਂ ਕਿਸੇ ਮੀਟਿੰਗ ਵਿੱਚ ਰੁੱਝੇ ਹੋਵੋ।
ਮੋਬਾਈਲ 'ਤੇ ਈਮੇਲ ਸ਼ੈਡਿਊਲ ਕਿਵੇਂ ਕਰੀਏ?
Gmail ਐਪ ਖੋਲ੍ਹੋ: ਆਪਣੇ ਫ਼ੋਨ ਵਿੱਚ ਜੀਮੇਲ ਐਪ ਓਪਨ ਕਰੋ।
Compose: ਈਮੇਲ ਲਿਖਣ ਲਈ 'Compose' ਬਟਨ 'ਤੇ ਟੈਪ ਕਰੋ।
ਵੇਰਵੇ ਭਰੋ: ਜਿਸ ਨੂੰ ਮੇਲ ਭੇਜਣੀ ਹੈ ਉਸਦੀ ਈਮੇਲ ਆਈਡੀ, ਸਬਜੈਕਟ ਅਤੇ ਮੈਸੇਜ ਲਿਖੋ।
3 ਡੌਟਸ: ਉੱਪਰ ਸੱਜੇ ਪਾਸੇ (Right side) ਦਿੱਤੇ ਤਿੰਨ ਬਿੰਦੂਆਂ (⋮) 'ਤੇ ਕਲਿੱਕ ਕਰੋ।
Schedule Send: ਇੱਥੇ ਤੁਹਾਨੂੰ 'Schedule Send' ਦਾ ਆਪਸ਼ਨ ਮਿਲੇਗਾ।
ਸਮਾਂ ਚੁਣੋ: ਤੁਸੀਂ ਦਿੱਤੇ ਹੋਏ ਸਮੇਂ (ਸਵੇਰ, ਦੁਪਹਿਰ) ਵਿੱਚੋਂ ਚੁਣ ਸਕਦੇ ਹੋ ਜਾਂ 'Pick date & time' ਰਾਹੀਂ ਆਪਣੀ ਮਰਜ਼ੀ ਦਾ ਵਕਤ ਸੈੱਟ ਕਰ ਸਕਦੇ ਹੋ।
ਕੰਪਿਊਟਰ ਜਾਂ ਲੈਪਟਾਪ 'ਤੇ ਸ਼ੈਡਿਊਲ ਕਰਨ ਦਾ ਤਰੀਕਾ
Gmail ਓਪਨ ਕਰੋ: ਬ੍ਰਾਊਜ਼ਰ 'ਤੇ ਆਪਣੀ ਜੀਮੇਲ ਆਈਡੀ ਖੋਲ੍ਹੋ।
Compose: ਨਵੀਂ ਮੇਲ ਲਿਖਣ ਲਈ 'Compose' 'ਤੇ ਜਾਓ।
Send ਦੇ ਕੋਲ ਐਰੋ: ਨੀਲੇ ਰੰਗ ਦੇ 'Send' ਬਟਨ ਦੇ ਬਿਲਕੁਲ ਨਾਲ ਇੱਕ ਛੋਟਾ ਜਿਹਾ ਤੀਰ (Arrow) ਦਾ ਨਿਸ਼ਾਨ ਹੋਵੇਗਾ, ਉਸ 'ਤੇ ਕਲਿੱਕ ਕਰੋ।
Schedule Send: ਉੱਥੇ 'Schedule Send' 'ਤੇ ਕਲਿੱਕ ਕਰੋ।
ਸਮਾਂ ਸੈੱਟ ਕਰੋ: ਆਪਣੀ ਲੋੜ ਅਨੁਸਾਰ ਤਾਰੀਖ਼ ਅਤੇ ਸਮਾਂ ਚੁਣੋ ਅਤੇ ਕਨਫਰਮ ਕਰ ਦਿਓ।
ਇਸ ਫੀਚਰ ਦੇ ਫਾਇਦੇ
ਸਮੇਂ ਦੀ ਬਚਤ: ਤੁਸੀਂ ਹਫ਼ਤੇ ਭਰ ਦੀਆਂ ਈਮੇਲਸ ਇੱਕੋ ਦਿਨ ਸ਼ੈਡਿਊਲ ਕਰ ਸਕਦੇ ਹੋ।
ਪ੍ਰੋਫੈਸ਼ਨਲ ਅਪ੍ਰੋਚ: ਜੇਕਰ ਤੁਸੀਂ ਰਾਤ ਨੂੰ ਕੰਮ ਕਰ ਰਹੇ ਹੋ, ਤਾਂ ਤੁਸੀਂ ਸਵੇਰੇ 9 ਵਜੇ ਦਾ ਸਮਾਂ ਸੈੱਟ ਕਰ ਸਕਦੇ ਹੋ ਤਾਂ ਜੋ ਸਾਹਮਣੇ ਵਾਲੇ ਨੂੰ ਲੱਗੇ ਕਿ ਤੁਸੀਂ ਸਹੀ ਸਮੇਂ 'ਤੇ ਮੇਲ ਭੇਜੀ ਹੈ।
ਜਨਮਦਿਨ ਦੀਆਂ ਸ਼ੁਭਕਾਮਨਾਵਾਂ: ਤੁਸੀਂ ਦੋਸਤਾਂ ਦੇ ਜਨਮਦਿਨ ਦੀਆਂ ਵਿਸ਼ਿਸ਼ (Wishes) ਵੀ ਪਹਿਲਾਂ ਹੀ ਸ਼ੈਡਿਊਲ ਕਰ ਸਕਦੇ ਹੋ।