ਕੀ MG Majestor ਦੇ ਸਾਹਮਣੇ ਟਿਕ ਸਕੇਗੀ Toyota Fortuner? ਇਨ੍ਹਾਂ ਚੀਜ਼ਾਂ 'ਚ ਹੈ ਸਭ ਤੋਂ ਅੱਗੇ
ਜਲਦੀ ਹੀ ਐਸਯੂਵੀ ਸੈਗਮੈਂਟ ਵਿੱਚ MG Majestor ਨੂੰ ਲਾਂਚ ਕੀਤਾ ਜਾਵੇਗਾ। ਜਿਸ ਦਾ ਮੁਕਾਬਲਾ Toyota Fortuner ਨਾਲ ਹੋਵੇਗਾ। ਐਮਜੀ ਦੀ ਇਹ ਨਵੀਂ ਐਸਯੂਵੀ ਕਿਨ੍ਹਾਂ ਮਾਮਲਿਆਂ ਵਿੱਚ ਟੋਇਟਾ ਦੀ ਫਾਰਚੂਨਰ ਨਾਲੋਂ ਬਿਹਤਰ ਹੈ, ਅਸੀਂ ਤੁਹਾਨੂੰ ਇਸ ਖ਼ਬਰ ਵਿੱਚ ਦੱਸ ਰਹੇ ਹਾਂ।
Posted By Sandip Kaur
Publish Date: Sun, 10 May 2026 12:34 PM (IST)
Updated Date: Sun, 10 May 2026 12:37 PM (IST)
ਆਟੋ ਡੈਸਕ, ਨਵੀਂ ਦਿੱਲੀ: ਭਾਰਤ ਵਿੱਚ ਐਸਯੂਵੀ (SUV) ਸੈਗਮੈਂਟ ਦੇ ਵਾਹਨਾਂ ਨੂੰ ਸਭ ਤੋਂ ਜ਼ਿਆਦਾ ਪਸੰਦ ਕੀਤਾ ਜਾਂਦਾ ਹੈ। ਜਿਸ ਕਾਰਨ ਨਿਰਮਾਤਾਵਾਂ ਵੱਲੋਂ ਵੀ ਸਮੇਂ-ਸਮੇਂ 'ਤੇ ਇਸ ਸੈਗਮੈਂਟ ਵਿੱਚ ਨਵੀਆਂ ਕਾਰਾਂ ਪੇਸ਼ ਅਤੇ ਲਾਂਚ ਕੀਤੀਆਂ ਜਾਂਦੀਆਂ ਹਨ। ਜਲਦੀ ਹੀ ਐਸਯੂਵੀ ਸੈਗਮੈਂਟ ਵਿੱਚ MG Majestor ਨੂੰ ਲਾਂਚ ਕੀਤਾ ਜਾਵੇਗਾ। ਜਿਸ ਦਾ ਮੁਕਾਬਲਾ Toyota Fortuner ਨਾਲ ਹੋਵੇਗਾ। ਐਮਜੀ ਦੀ ਇਹ ਨਵੀਂ ਐਸਯੂਵੀ ਕਿਨ੍ਹਾਂ ਮਾਮਲਿਆਂ ਵਿੱਚ ਟੋਇਟਾ ਦੀ ਫਾਰਚੂਨਰ ਨਾਲੋਂ ਬਿਹਤਰ ਹੈ, ਅਸੀਂ ਤੁਹਾਨੂੰ ਇਸ ਖ਼ਬਰ ਵਿੱਚ ਦੱਸ ਰਹੇ ਹਾਂ।
MG Majestor ਜਲਦੀ ਹੋਵੇਗੀ ਲਾਂਚ
ਐਮਜੀ ਵੱਲੋਂ ਭਾਰਤ ਵਿੱਚ ਜਲਦੀ ਹੀ ਮੈਜੈਸਟਰ ਐਸਯੂਵੀ ਲਾਂਚ ਕਰਨ ਦੀ ਤਿਆਰੀ ਕੀਤੀ ਜਾ ਰਹੀ ਹੈ। ਨਿਰਮਾਤਾ ਵੱਲੋਂ ਇਸ ਐਸਯੂਵੀ ਨੂੰ ਕਈ ਸ਼ਾਨਦਾਰ ਫੀਚਰਜ਼ ਅਤੇ ਦਮਦਾਰ ਇੰਜਣ ਨਾਲ ਲਾਂਚ ਕੀਤਾ ਜਾਵੇਗਾ। ਇਸ ਨੂੰ ਪਹਿਲਾਂ ਪੇਸ਼ ਕੀਤਾ ਜਾ ਚੁੱਕਾ ਹੈ, ਹੁਣ ਇਸ ਦੀ ਕੀਮਤ ਦਾ ਐਲਾਨ ਕੀਤਾ ਜਾਵੇਗਾ।
ਕਿੰਨੀ ਹੈ ਲੰਬਾਈ ਚੌੜਾਈ?
ਐਮਜੀ ਮੈਜੈਸਟਰ ਨੂੰ 5046 ਐਮਐਮ ਦੀ ਲੰਬਾਈ ਦੇ ਨਾਲ ਆਫਰ ਕੀਤਾ ਗਿਆ ਹੈ। ਇਸ ਦੀ ਚੌੜਾਈ 2016 ਐਮਐਮ ਹੈ ਅਤੇ ਇਸ ਦੀ ਉਚਾਈ 1870 ਐਮਐਮ ਹੈ।
ਉੱਥੇ ਹੀ ਟੋਇਟਾ ਦੀ Fortuner ਦੀ ਲੰਬਾਈ 4795 ਐਮਐਮ ਹੈ। ਇਸ ਦੀ ਚੌੜਾਈ 1855 ਐਮਐਮ ਅਤੇ ਉਚਾਈ 1835 ਐਮਐਮ ਹੈ।
ਕਿਵੇਂ ਦੇ ਹਨ ਫੀਚਰਜ਼?
ਐਮਜੀ ਵੱਲੋਂ ਮੈਜੈਸਟਰ ਨੂੰ ਕਈ ਬਿਹਤਰੀਨ ਫੀਚਰਜ਼ ਨਾਲ ਆਫਰ ਕੀਤਾ ਗਿਆ ਹੈ। ਇਸ ਵਿੱਚ ਐਲਈਡੀ ਲਾਈਟਾਂ, 12.3 ਇੰਚ ਇੰਫੋਟੇਨਮੈਂਟ ਸਿਸਟਮ, 360 ਡਿਗਰੀ ਕੈਮਰਾ, JBL ਦਾ ਆਡੀਓ ਸਿਸਟਮ, ਐਂਬੀਐਂਟ ਲਾਈਟ, ਡਿਜੀਟਲ ਇੰਸਟਰੂਮੈਂਟ ਕਲੱਸਟਰ, ਵੈਂਟੀਲੇਟਿਡ ਸੀਟ, ਪੈਨੋਰਮਿਕ ਸਨਰੂਫ, ਮਸਾਜ ਸੀਟ, Level 2 ADAS, 19 ਇੰਚ ਅਲੌਏ ਵ੍ਹੀਲਜ਼, ਰੀਅਰ ਕਨੈਕਟਿਡ ਟੇਲ ਲਾਈਟ ਅਤੇ ਸਮੋਕ ਐਬੋਨੀ ਥੀਮ ਵਰਗੇ ਫੀਚਰਜ਼ ਦਿੱਤੇ ਗਏ ਹਨ।
ਉੱਥੇ ਹੀ ਟੋਇਟਾ ਦੀ ਐਸਯੂਵੀ ਵਿੱਚ ਐਲਈਡੀ ਲਾਈਟ, ਸਮਾਰਟ ਕੀਅ, ਡਰਾਈਵਿੰਗ ਮੋਡਸ, ਪਾਰਕ ਅਸਿਸਟ, ਅੱਪਰ ਕੂਲਡ ਗਲੋਵਬਾਕਸ, 11 ਸਪੀਕਰ ਆਡੀਓ ਸਿਸਟਮ, ਵੈਂਟੀਲੇਟਿਡ ਫਰੰਟ ਸੀਟ ਅਤੇ ਕਰੂਜ਼ ਕੰਟਰੋਲ ਵਰਗੇ ਫੀਚਰਜ਼ ਮਿਲਦੇ ਹਨ।
ਕਿੰਨਾ ਦਮਦਾਰ ਇੰਜਣ?
ਐਮਜੀ ਵੱਲੋਂ ਮੈਜੈਸਟਰ ਐਸਯੂਵੀ ਨੂੰ ਦੋ ਲੀਟਰ ਦੀ ਸਮਰੱਥਾ ਦੇ ਟਰਬੋ ਇੰਜਣ ਨਾਲ ਆਫਰ ਕੀਤਾ ਗਿਆ ਹੈ। ਇਸ ਇੰਜਣ ਨਾਲ ਐਸਯੂਵੀ ਨੂੰ 213 ਬੀਐਚਪੀ ਪਾਵਰ ਦੇ ਨਾਲ 478 ਨਿਊਟਨ ਮੀਟਰ ਦਾ ਟਾਰਕ ਮਿਲਦਾ ਹੈ। ਇਸ ਦੇ ਨਾਲ ਹੀ ਇਸ ਵਿੱਚ ਅੱਠ ਸਪੀਡ ਆਟੋਮੈਟਿਕ ਟ੍ਰਾਂਸਮਿਸ਼ਨ ਦਿੱਤਾ ਗਿਆ ਹੈ। ਐਸਯੂਵੀ ਵਿੱਚ 4X4 ਸਮਰੱਥਾ ਵੀ ਦਿੱਤੀ ਗਈ ਹੈ।
ਉੱਥੇ ਹੀ ਟੋਇਟਾ ਵੱਲੋਂ Fortuner ਵਿੱਚ 2755 ਸੀਸੀ ਦੀ ਸਮਰੱਥਾ ਦਾ ਇੰਜਣ ਦਿੱਤਾ ਜਾਂਦਾ ਹੈ। ਜਿਸ ਨਾਲ ਇਸ ਨੂੰ 150 ਕਿਲੋਵਾਟ ਦੀ ਪਾਵਰ ਅਤੇ 420 ਨਿਊਟਨ ਮੀਟਰ ਦਾ ਟਾਰਕ ਮਿਲਦਾ ਹੈ।
ਮਿਲਦਾ ਹੈ ਪੰਜ ਸਾਲ ਦਾ ਭਰੋਸਾ
ਐਮਜੀ ਵੱਲੋਂ ਮੈਜੈਸਟਰ ਐਸਯੂਵੀ ਨੂੰ ਪੰਜ ਸਾਲ ਦੀ ਅਨਲਿਮਟਿਡ ਵਾਰੰਟੀ ਦੇ ਨਾਲ ਆਫਰ ਕੀਤਾ ਜਾਂਦਾ ਹੈ। ਇਸ ਦੇ ਨਾਲ ਹੀ ਇਸ ਵਿੱਚ ਪੰਜ ਲੇਬਰ ਫ੍ਰੀ ਸਰਵਿਸ ਅਤੇ ਪੰਜ ਸਾਲ ਦੀ ਰੋਡ ਸਾਈਡ ਅਸਿਸਟੈਂਸ ਵੀ ਦਿੱਤੀ ਜਾਵੇਗੀ।
ਉੱਥੇ ਹੀ Toyota ਵੱਲੋਂ ਇਸ ਤਰ੍ਹਾਂ ਦੀ ਸਹੂਲਤ ਨਹੀਂ ਦਿੱਤੀ ਜਾਂਦੀ।
ਕਿੰਨੀ ਹੋਵੇਗੀ ਕੀਮਤ?
ਨਿਰਮਾਤਾ ਵੱਲੋਂ ਅਜੇ ਸਿਰਫ਼ ਇਸ ਨੂੰ ਪੇਸ਼ ਕੀਤਾ ਗਿਆ ਹੈ। ਜਲਦੀ ਹੀ ਇਸ ਐਸਯੂਵੀ ਨੂੰ ਭਾਰਤ ਵਿੱਚ ਲਾਂਚ ਕੀਤਾ ਜਾਵੇਗਾ, ਉਦੋਂ ਹੀ ਇਸ ਦੀ ਕੀਮਤ ਦਾ ਐਲਾਨ ਵੀ ਹੋਵੇਗਾ। ਇਸ ਦੀ ਸੰਭਾਵਿਤ ਐਕਸ-ਸ਼ੋਅਰੂਮ ਕੀਮਤ 40 ਤੋਂ 50 ਲੱਖ ਰੁਪਏ ਦੇ ਵਿਚਕਾਰ ਹੋ ਸਕਦੀ ਹੈ। ਫਿਲਹਾਲ ਇਸ ਐਸਯੂਵੀ ਨੂੰ ਹੁਣ ਪ੍ਰੀ-ਰਿਜ਼ਰਵ ਕਰਵਾਇਆ ਜਾ ਸਕਦਾ ਹੈ।
ਉੱਥੇ ਹੀ ਟੋਇਟਾ ਫਾਰਚੂਨਰ ਨੂੰ ਭਾਰਤ ਵਿੱਚ 34.76 ਲੱਖ ਰੁਪਏ ਦੀ ਐਕਸ-ਸ਼ੋਅਰੂਮ ਕੀਮਤ 'ਤੇ ਆਫਰ ਕੀਤਾ ਜਾਂਦਾ ਹੈ। ਇਸ ਦੇ ਟੌਪ ਵੇਰੀਐਂਟ ਦੀ ਐਕਸ-ਸ਼ੋਅਰੂਮ ਕੀਮਤ 50.46 ਲੱਖ ਰੁਪਏ ਹੈ।