Hyundai VENUE Knight ਹੋਈ ਲਾਂਚ, ਕੀ ਹੈ ਖ਼ਾਸੀਅਤ ਅਤੇ ਕਿੰਨੀ ਹੈ ਕੀਮਤ
ਨਿਰਮਾਤਾ ਵੱਲੋਂ ਇਸ ਐੱਸ.ਯੂ.ਵੀ. ਦੇ Knight Edition ਨੂੰ ਲਾਂਚ ਕਰ ਦਿੱਤਾ ਗਿਆ ਹੈ। ਇਸ ਵਿੱਚ ਕਿਸ ਤਰ੍ਹਾਂ ਦੀਆਂ ਖ਼ਾਸੀਅਤਾਂ ਦਿੱਤੀਆਂ ਗਈਆਂ ਹਨ ਅਤੇ ਕਿਸ ਕੀਮਤ 'ਤੇ ਇਸ ਨੂੰ ਲਾਂਚ ਕੀਤਾ ਗਿਆ ਹੈ, ਅਸੀਂ ਤੁਹਾਨੂੰ ਇਸ ਖ਼ਬਰ ਵਿੱਚ ਦੱਸ ਰਹੇ ਹਾਂ।
Posted By Sandip Kaur
Publish Date: Mon, 20 Apr 2026 01:37 PM (IST)
Updated Date: Mon, 20 Apr 2026 01:47 PM (IST)
ਆਟੋ ਡੈਸਕ, ਨਵੀਂ ਦਿੱਲੀ: ਵਾਹਨ ਨਿਰਮਾਤਾ ਹੁੰਡਈ ਵੱਲੋਂ ਭਾਰਤੀ ਬਾਜ਼ਾਰ ਵਿੱਚ ਕੰਪੈਕਟ ਐੱਸ.ਯੂ.ਵੀ. ਸੈਗਮੈਂਟ ਵਿੱਚ Hyundai Venue ਦੀ ਵਿਕਰੀ ਕੀਤੀ ਜਾਂਦੀ ਹੈ। ਨਿਰਮਾਤਾ ਵੱਲੋਂ ਇਸ ਐੱਸ.ਯੂ.ਵੀ. ਦੇ Knight Edition ਨੂੰ ਲਾਂਚ ਕਰ ਦਿੱਤਾ ਗਿਆ ਹੈ। ਇਸ ਵਿੱਚ ਕਿਸ ਤਰ੍ਹਾਂ ਦੀਆਂ ਖ਼ਾਸੀਅਤਾਂ ਦਿੱਤੀਆਂ ਗਈਆਂ ਹਨ ਅਤੇ ਕਿਸ ਕੀਮਤ 'ਤੇ ਇਸ ਨੂੰ ਲਾਂਚ ਕੀਤਾ ਗਿਆ ਹੈ, ਅਸੀਂ ਤੁਹਾਨੂੰ ਇਸ ਖ਼ਬਰ ਵਿੱਚ ਦੱਸ ਰਹੇ ਹਾਂ।
ਲਾਂਚ ਹੋਇਆ Knight Edition
ਹੁੰਡਈ ਵੱਲੋਂ ਪੇਸ਼ ਕੀਤੀ ਜਾਣ ਵਾਲੀ ਕੰਪੈਕਟ ਐੱਸ.ਯੂ.ਵੀ. 'ਵੇਨਿਊ' ਦੇ ਨਾਈਟ ਐਡੀਸ਼ਨ ਨੂੰ ਭਾਰਤੀ ਬਾਜ਼ਾਰ ਵਿੱਚ ਲਾਂਚ ਕਰ ਦਿੱਤਾ ਗਿਆ ਹੈ। ਨਿਰਮਾਤਾ ਵੱਲੋਂ ਇਸ ਵਿੱਚ ਕਈ ਸ਼ਾਨਦਾਰ ਫੀਚਰਜ਼ ਪੇਸ਼ ਕੀਤੇ ਗਏ ਹਨ।
ਕੀ ਹੈ ਖ਼ਾਸੀਅਤ
ਹੁੰਡਈ ਵੇਨਿਊ ਦੇ ਨਾਈਟ ਐਡੀਸ਼ਨ ਵਿੱਚ ਕਾਲੇ ਰੰਗ ਦੀ ਫਰੰਟ ਰੇਡੀਏਟਰ ਗ੍ਰਿਲ, ਮੈਟ ਬਲੈਕ ਫਰੰਟ ਅਤੇ ਰੀਅਰ ਹੁੰਡਈ ਲੋਗੋ, ਕਾਲੀ ਸਕਿਡ ਪਲੇਟ, ਕਾਲੇ ਰੰਗ ਦੀ ਛੱਤ ਦੀ ਰੇਲਿੰਗ (Roof Rails) ਅਤੇ ORVM, 16 ਇੰਚ ਅਲੌਏ ਵ੍ਹੀਲਜ਼, ਲਾਲ ਰੰਗ ਦੇ ਬ੍ਰੇਕ ਕੈਲੀਪਰ, ਬ੍ਰੌਂਜ਼ ਰੰਗ ਦੇ ਇਨਸਰਟ ਦੇ ਨਾਲ ਕਾਲੇ ਰੰਗ ਦਾ ਇੰਟੀਰੀਅਰ ਅਤੇ ਸੀਟ ਅਪਹੋਲਸਟਰੀ ਦਿੱਤੀ ਗਈ ਹੈ।
ਵੇਨਿਊ ਨੂੰ ਵੀ ਮਿਲੇ ਨਵੇਂ ਫੀਚਰ
ਹੁੰਡਈ ਵੱਲੋਂ ਵੇਨਿਊ ਦੇ HX6T, HX10 ਅਤੇ N10 ਵੇਰੀਐਂਟਸ ਵਿੱਚ ਵੀ ਨਵੇਂ ਫੀਚਰ ਵਜੋਂ ਡੈਸ਼ਕੈਮ (Dashcam) ਦਿੱਤਾ ਗਿਆ ਹੈ। ਇਸ ਦੇ ਨਾਲ ਹੀ ਐੱਸ.ਯੂ.ਵੀ. ਨੂੰ ਹੇਜ਼ਲ ਬਲੂ ਮੈਟ ਅਤੇ ਮਿਸਟਿਕ ਸੈਫਾਇਰ ਮੈਟ ਵਰਗੇ ਨਵੇਂ ਰੰਗਾਂ ਦੇ ਬਦਲ ਵੀ ਦਿੱਤੇ ਗਏ ਹਨ।
ਕਿੰਨਾ ਦਮਦਾਰ ਇੰਜਣ
ਨਿਰਮਾਤਾ ਵੱਲੋਂ ਇਸ ਦੇ ਇੰਜਣ ਵਿੱਚ ਕਿਸੇ ਵੀ ਤਰ੍ਹਾਂ ਦਾ ਬਦਲਾਅ ਨਹੀਂ ਕੀਤਾ ਗਿਆ ਹੈ। ਇਸ ਵਿੱਚ 1.2 ਲੀਟਰ ਪੈਟਰੋਲ, ਇੱਕ ਲੀਟਰ ਟਰਬੋ ਜੀ.ਡੀ.ਆਈ. ਪੈਟਰੋਲ ਅਤੇ 1.5 ਲੀਟਰ ਸੀ.ਆਰ.ਡੀ.ਆਈ. ਡੀਜ਼ਲ ਇੰਜਣ ਨੂੰ ਮੈਨੂਅਲ ਅਤੇ ਆਟੋਮੈਟਿਕ ਟ੍ਰਾਂਸਮਿਸ਼ਨ ਦੇ ਨਾਲ ਪੇਸ਼ ਕੀਤਾ ਗਿਆ ਹੈ।
ਕਿੰਨੀ ਹੈ ਕੀਮਤ
ਹੁੰਡਈ ਵੱਲੋਂ ਵੇਨਿਊ ਦੇ ਨਾਈਟ ਐਡੀਸ਼ਨ ਦੀ ਐਕਸ-ਸ਼ੋਰੂਮ ਕੀਮਤ 9.69 ਲੱਖ ਰੁਪਏ ਰੱਖੀ ਗਈ ਹੈ। ਇਸ ਦੇ ਟਾਪ ਵੇਰੀਐਂਟ ਦੀ ਐਕਸ-ਸ਼ੋਰੂਮ ਕੀਮਤ 15.48 ਲੱਖ ਰੁਪਏ ਹੈ।
ਕਿਨ੍ਹਾਂ ਨਾਲ ਹੈ ਮੁਕਾਬਲਾ
ਹੁੰਡਈ ਦੀ ਵੇਨਿਊ ਨੂੰ ਬਾਜ਼ਾਰ ਵਿੱਚ ਕੰਪੈਕਟ ਐੱਸ.ਯੂ.ਵੀ. ਸੈਗਮੈਂਟ ਵਿੱਚ ਪੇਸ਼ ਕੀਤਾ ਜਾਂਦਾ ਹੈ। ਇਸ ਸੈਗਮੈਂਟ ਵਿੱਚ ਨਿਰਮਾਤਾ ਵੱਲੋਂ ਪੇਸ਼ ਕੀਤੀ ਜਾਣ ਵਾਲੀ ਇਸ ਐੱਸ.ਯੂ.ਵੀ. ਦਾ ਮੁਕਾਬਲਾ Kia Sonet, Kia Syros, Mahindra XUV 3XO, Tata Nexon ਅਤੇ Maruti Brezza ਵਰਗੀਆਂ ਐੱਸ.ਯੂ.ਵੀ. ਨਾਲ ਹੁੰਦਾ ਹੈ।