ਟੈਸਟਿੰਗ ਦੌਰਾਨ ਨਜ਼ਰ ਆਈ Hyundai ਦੀ ਨਵੀਂ ਇਲੈਕਟ੍ਰਿਕ ਕਾਰ, ਕੀ ਇਹ ਹੋਵੇਗੀ ਆਮ ਆਦਮੀ ਦੀ ਪਹਿਲੀ EV?

ਆਟੋ ਡੈਸਕ, ਨਵੀਂ ਦਿੱਲੀ: ਵਾਹਨ ਨਿਰਮਾਤਾ ਹੁੰਡਈ ਵੱਲੋਂ ਭਾਰਤੀ ਬਾਜ਼ਾਰ ਵਿੱਚ ਕਈ ਸੈਗਮੈਂਟ ਵਿੱਚ ਵਾਹਨਾਂ ਦੀ ਵਿਕਰੀ ਕੀਤੀ ਜਾਂਦੀ ਹੈ। ਨਿਰਮਾਤਾ ਵੱਲੋਂ ਜਲਦ ਹੀ ਨਵੀਂ ਈਵੀ (EV) ਨੂੰ ਭਾਰਤ ਵਿੱਚ ਲਾਂਚ ਕੀਤਾ ਜਾ ਸਕਦਾ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਇਸ ਈਵੀ ਨੂੰ ਲਾਂਚ ਤੋਂ ਪਹਿਲਾਂ ਟੈਸਟਿੰਗ ਦੌਰਾਨ ਦੇਖਿਆ ਗਿਆ ਹੈ। ਇਸ ਦੌਰਾਨ ਕਿਸ ਤਰ੍ਹਾਂ ਦੀ ਜਾਣਕਾਰੀ ਸਾਹਮਣੇ ਆਈ ਹੈ, ਅਸੀਂ ਤੁਹਾਨੂੰ ਇਸ ਖ਼ਬਰ ਵਿੱਚ ਦੱਸ ਰਹੇ ਹਾਂ।

ਆਵੇਗੀ ਨਵੀਂ ਇਲੈਕਟ੍ਰਿਕ ਕਾਰ

ਮੀਡੀਆ ਰਿਪੋਰਟਾਂ ਮੁਤਾਬਕ ਹੁੰਡਈ ਵੱਲੋਂ ਭਾਰਤ ਵਿੱਚ ਜਲਦ ਹੀ ਨਵੀਂ ਇਲੈਕਟ੍ਰਿਕ ਐੱਸ.ਯੂ.ਵੀ. (SUV) ਨੂੰ ਲਾਂਚ ਕੀਤਾ ਜਾ ਸਕਦਾ ਹੈ। ਹਾਲਾਂਕਿ ਅਜੇ ਨਿਰਮਾਤਾ ਨੇ ਇਸ 'ਤੇ ਕੋਈ ਰਸਮੀ ਜਾਣਕਾਰੀ ਨਹੀਂ ਦਿੱਤੀ ਹੈ।

ਹੋ ਰਹੀ ਹੈ ਟੈਸਟਿੰਗ

ਰਿਪੋਰਟਾਂ ਮੁਤਾਬਕ ਲਾਂਚ ਤੋਂ ਪਹਿਲਾਂ ਨਿਰਮਾਤਾ ਵੱਲੋਂ ਇਸ ਐੱਸ.ਯੂ.ਵੀ. ਦੀ ਟੈਸਟਿੰਗ ਕੀਤੀ ਜਾ ਰਹੀ ਹੈ। ਇਸੇ ਦੌਰਾਨ ਇਸ ਨੂੰ ਦੇਖਿਆ ਗਿਆ ਹੈ, ਜਿਸ ਨਾਲ ਐੱਸ.ਯੂ.ਵੀ. ਦੇ ਡਿਜ਼ਾਈਨ ਅਤੇ ਕੁਝ ਫੀਚਰਜ਼ ਦੀ ਜਾਣਕਾਰੀ ਮਿਲ ਰਹੀ ਹੈ। ਫਿਲਹਾਲ ਇਸ ਐੱਸ.ਯੂ.ਵੀ. ਨੂੰ HE1i ਕੋਡਨੇਮ ਨਾਲ ਟੈਸਟ ਕੀਤਾ ਜਾ ਰਿਹਾ ਹੈ।

ਕੀ ਮਿਲੀ ਜਾਣਕਾਰੀ?

ਨਿਰਮਾਤਾ ਵੱਲੋਂ ਲਾਂਚ ਕੀਤੀ ਜਾਣ ਵਾਲੀ ਨਵੀਂ ਈਵੀ ਨੂੰ ਕੰਪੈਕਟ ਇਲੈਕਟ੍ਰਿਕ ਐੱਸ.ਯੂ.ਵੀ. ਸੈਗਮੈਂਟ ਵਿੱਚ ਪੇਸ਼ ਕੀਤਾ ਜਾਵੇਗਾ। ਦੇਖੀ ਗਈ ਯੂਨਿਟ ਪੂਰੀ ਤਰ੍ਹਾਂ ਢਕੀ ਹੋਈ ਸੀ, ਪਰ ਇਸ ਦੀ ਰੀਅਰ ਟੇਲ ਲਾਈਟ ਦੇ ਨਾਲ ਹੀ ਰੂਫ ਰੇਲ ਅਤੇ ਬਾਕਸੀ ਡਿਜ਼ਾਈਨ ਦੀ ਜਾਣਕਾਰੀ ਮਿਲ ਰਹੀ ਸੀ। ਇਸ ਐੱਸ.ਯੂ.ਵੀ. ਵਿੱਚ ਸਪਲਿਟ ਐੱਲ.ਈ.ਡੀ. ਹੈੱਡਲਾਈਟ, ਪਤਲੇ ਸਾਈਡ ਮਿਰਰ, 16 ਇੰਚ ਅਲੌਏ ਵ੍ਹੀਲ, 12.9 ਇੰਚ ਇੰਫੋਟੇਨਮੈਂਟ ਸਿਸਟਮ, 10 ਇੰਚ ਦਾ ਡਿਜੀਟਲ ਇੰਸਟਰੂਮੈਂਟ ਕਲੱਸਟਰ, ਐਂਬੀਅੰਟ ਲਾਈਟ, ਫਰੰਟ ਵੈਂਟੀਲੇਟਿਡ ਸੀਟ, 360 ਡਿਗਰੀ ਕੈਮਰਾ, ਵਾਇਰਲੈੱਸ ਫ਼ੋਨ ਚਾਰਜਰ, ਸਿੰਗਲ ਸਨਰੂਫ ਦੇ ਨਾਲ ਹੀ ਛੇ ਏਅਰਬੈਗ, ਏ.ਬੀ.ਐੱਸ. (ABS) ਅਤੇ ਈ.ਬੀ.ਡੀ. (EBD) ਵਰਗੇ ਕਈ ਫੀਚਰਜ਼ ਦਿੱਤੇ ਜਾ ਸਕਦੇ ਹਨ।

ਕਿੰਨੀ ਹੋਵੇਗੀ ਰੇਂਜ?

ਲਾਂਚ ਦੇ ਸਮੇਂ ਹੀ ਐੱਸ.ਯੂ.ਵੀ. ਦੇ ਫੀਚਰਜ਼, ਰੇਂਜ ਅਤੇ ਕੀਮਤ ਦੀ ਜਾਣਕਾਰੀ ਮਿਲ ਸਕੇਗੀ। ਪਰ ਉਮੀਦ ਹੈ ਕਿ ਨਿਰਮਾਤਾ ਵੱਲੋਂ ਨਵੀਂ ਇਲੈਕਟ੍ਰਿਕ ਐੱਸ.ਯੂ.ਵੀ. ਨੂੰ ਭਾਰਤ ਵਿੱਚ 400 ਕਿਲੋਮੀਟਰ ਤੱਕ ਦੀ ਰੇਂਜ ਨਾਲ ਪੇਸ਼ ਕੀਤਾ ਜਾਵੇਗਾ। ਇਸ ਵਿੱਚ ਬੈਟਰੀ ਦੇ ਦੋ ਬਦਲ ਦਿੱਤੇ ਜਾ ਸਕਦੇ ਹਨ, ਜਿਸ ਦੇ ਨਾਲ ਮੋਟਰ ਦਾ ਇੱਕ ਹੀ ਬਦਲ ਮਿਲੇਗਾ।

ਕਦੋਂ ਹੋਵੇਗੀ ਲਾਂਚ?

ਹੁੰਡਈ ਵੱਲੋਂ ਇਸ ਐੱਸ.ਯੂ.ਵੀ. ਦੇ ਲਾਂਚ ਦੀ ਜਾਣਕਾਰੀ ਅਜੇ ਨਹੀਂ ਦਿੱਤੀ ਗਈ ਹੈ। ਪਰ ਉਮੀਦ ਹੈ ਕਿ ਇਸ ਐੱਸ.ਯੂ.ਵੀ. ਨੂੰ ਭਾਰਤ ਵਿੱਚ ਅਗਸਤ ਤੋਂ ਅਕਤੂਬਰ ਦੇ ਵਿਚਕਾਰ ਪੇਸ਼ ਕੀਤਾ ਜਾ ਸਕਦਾ ਹੈ। ਉਦੋਂ ਹੀ ਇਸ ਦੀ ਕੀਮਤ ਦੀ ਜਾਣਕਾਰੀ ਵੀ ਦਿੱਤੀ ਜਾਵੇਗੀ। ਪਰ ਇਸ ਨੂੰ 10 ਲੱਖ ਰੁਪਏ ਦੀ ਐਕਸ-ਸ਼ੋਰੂਮ ਕੀਮਤ ਦੇ ਆਸ-ਪਾਸ ਲਾਂਚ ਕੀਤਾ ਜਾ ਸਕਦਾ ਹੈ।