Hero Motocorp ਦੀ ਪਹਿਲੀ Flex Fuel ਮੋਟਰਸਾਈਕਲ ਦੋ ਦਿਨਾਂ ਮਗਰੋਂ ਹੋਵੇਗੀ ਲਾਂਚ, ਮਹਿੰਗੇ ਪੈਟਰੋਲ ਤੋਂ ਮਿਲੇਗਾ ਛੁਟਕਾਰਾ

ਆਟੋ ਡੈਸਕ, ਨਵੀਂ ਦਿੱਲੀ: ਭਾਰਤ ਵਿੱਚ ਲੱਖਾਂ ਦੀ ਗਿਣਤੀ ਵਿੱਚ ਲੋਕ ਰੋਜ਼ਾਨਾ ਮੋਟਰਸਾਈਕਲ ਦੀ ਵਰਤੋਂ ਕਰਦੇ ਹਨ, ਜਿਨ੍ਹਾਂ ਵਿੱਚ ਲੱਖਾਂ ਲੀਟਰ ਪੈਟਰੋਲ ਦੀ ਖਪਤ ਹੁੰਦੀ ਹੈ। ਹੁਣ ਪੈਟਰੋਲ ਦੀਆਂ ਲਗਾਤਾਰ ਵਧ ਰਹੀਆਂ ਕੀਮਤਾਂ ਤੋਂ ਛੁਟਕਾਰਾ ਪਾਉਣ ਲਈ Flex Fuel ਤਕਨੀਕ ਵਾਲੀ ਮੋਟਰਸਾਈਕਲ ਨੂੰ ਲਾਂਚ ਕਰਨ ਦੀ ਤਿਆਰੀ ਕੀਤੀ ਜਾ ਰਹੀ ਹੈ। ਕਿਸ ਨਿਰਮਾਤਾ ਵੱਲੋਂ ਕਿਹੜੀ ਮੋਟਰਸਾਈਕਲ ਨੂੰ ਕਦੋਂ ਲਾਂਚ ਕੀਤਾ ਜਾ ਸਕਦਾ ਹੈ, ਅਸੀਂ ਤੁਹਾਨੂੰ ਇਸ ਖ਼ਬਰ ਵਿੱਚ ਦੱਸਾਂਗੇ-

ਲਾਂਚ ਹੋਵੇਗੀ Flex Fuel ਮੋਟਰਸਾਈਕਲ

ਦੇਸ਼ ਦੇ ਪ੍ਰਮੁੱਖ ਵਾਹਨ ਨਿਰਮਾਤਾਵਾਂ ਵਿੱਚ ਸ਼ਾਮਲ ਹੀਰੋ ਮੋਟੋਕਾਰਪ ਵੱਲੋਂ ਜਲਦ ਹੀ Flex Fuel ਤਕਨੀਕ ਨਾਲ ਮੋਟਰਸਾਈਕਲ ਨੂੰ ਲਾਂਚ ਕਰਨ ਦੀ ਤਿਆਰੀ ਚੱਲ ਰਹੀ ਹੈ। ਨਿਰਮਾਤਾ ਵੱਲੋਂ ਪੇਸ਼ ਕੀਤੀ ਜਾਣ ਵਾਲੀ ਇਹ ਪਹਿਲੀ ਮੋਟਰਸਾਈਕਲ ਹੋਵੇਗੀ ਜਿਸ ਨੂੰ ਫਲੈਕਸ ਫਿਊਲ ਦੇ ਨਾਲ ਲਾਂਚ ਕੀਤਾ ਜਾਵੇਗਾ।

ਕੇਂਦਰੀ ਮੰਤਰੀ ਕਰਨਗੇ ਲਾਂਚ

ਕੇਂਦਰੀ ਸੜਕ ਆਵਾਜਾਈ ਅਤੇ ਰਾਜਮਾਰਗ ਮੰਤਰੀ ਨਿਤਿਨ ਗਡਕਰੀ ਵੀ ਇਸ ਮੌਕੇ ਮੌਜੂਦ ਰਹਿਣਗੇ। ਇਸ ਦੇ ਨਾਲ ਹੀ ਪੈਟਰੋਲੀਅਮ ਅਤੇ ਕੁਦਰਤੀ ਗੈਸ ਮੰਤਰੀ ਹਰਦੀਪ ਸਿੰਘ ਪੁਰੀ ਵੀ ਇਸ ਮੌਕੇ ਹਾਜ਼ਰ ਰਹਿਣਗੇ।

ਕਿਸ ਮੋਟਰਸਾਈਕਲ ਵਿੱਚ ਮਿਲੇਗੀ ਤਕਨੀਕ

ਨਿਰਮਾਤਾ ਵੱਲੋਂ ਅਜੇ ਇਸ ਬਾਰੇ ਜ਼ਿਆਦਾ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ ਕਿ ਕਿਸ ਮੋਟਰਸਾਈਕਲ ਨੂੰ ਫਲੈਕਸ ਫਿਊਲ ਤਕਨੀਕ ਦੇ ਨਾਲ ਲਾਂਚ ਕੀਤਾ ਜਾ ਸਕਦਾ ਹੈ। ਪਰ ਉਮੀਦ ਹੈ ਕਿ ਇਸ ਤਕਨੀਕ ਨੂੰ Hero Splendor, Hero HF Dlx ਵਰਗੇ ਮੋਟਰਸਾਈਕਲਾਂ ਵਿੱਚ ਪੇਸ਼ ਕੀਤਾ ਜਾ ਸਕਦਾ ਹੈ।

ਕੀ ਹੋਵੇਗੀ ਖ਼ਾਸੀਅਤ

ਫਲੈਕਸ ਫਿਊਲ ਤਕਨੀਕ ਦੇ ਨਾਲ ਮੋਟਰਸਾਈਕਲ ਨੂੰ 100 ਫ਼ੀਸਦੀ ਈਥੇਨੌਲ 'ਤੇ ਚਲਾਇਆ ਜਾ ਸਕਦਾ ਹੈ। ਪਰ ਭਾਰਤ ਵਿੱਚ ਫਿਲਹਾਲ 85 ਫ਼ੀਸਦੀ ਈਥੇਨੌਲ ਨਾਲ ਚੱਲਣ ਵਾਲੇ ਇੰਜਣ ਦੀ ਪੇਸ਼ਕਸ਼ ਕੀਤੀ ਜਾ ਸਕਦੀ ਹੈ। ਜਿਸ ਵਿੱਚ ਇੱਕ ਲੀਟਰ ਈਂਧਨ ਵਿੱਚ 85 ਫ਼ੀਸਦੀ ਈਥੇਨੌਲ ਅਤੇ 15 ਫ਼ੀਸਦੀ ਪੈਟਰੋਲ ਹੋਵੇਗਾ।

ਪਹਿਲਾਂ ਹੋ ਚੁੱਕੀ ਹੈ ਸ਼ੋਅਕੇਸ

ਨਿਰਮਾਤਾ ਵੱਲੋਂ 2024 ਵਿੱਚ ਹੋਏ Bharat Mobility ਸ਼ੋਅ ਵਿੱਚ ਇਸ ਮੋਟਰਸਾਈਕਲ ਨੂੰ ਦਿਖਾਇਆ ਜਾ ਚੁੱਕਾ ਹੈ। ਨਿਰਮਾਤਾ ਵੱਲੋਂ ਉਦੋਂ ਵੀ 85 ਫ਼ੀਸਦੀ ਈਥੇਨੌਲ ਇੰਜਣ ਵਾਲੀ ਫਲੈਕਸ ਫਿਊਲ ਮੋਟਰਸਾਈਕਲ ਨੂੰ ਪ੍ਰਦਰਸ਼ਿਤ ਕੀਤਾ ਗਿਆ ਸੀ।

ਕਦੋਂ ਹੋਵੇਗੀ ਲਾਂਚ

ਨਿਰਮਾਤਾ ਵੱਲੋਂ ਇਸ ਤਕਨੀਕ ਦੇ ਨਾਲ ਪਹਿਲੀ ਮੋਟਰਸਾਈਕਲ ਨੂੰ ਰਸਮੀ ਤੌਰ 'ਤੇ ਤਿੰਨ ਜੂਨ ਨੂੰ ਲਾਂਚ ਕੀਤਾ ਜਾਵੇਗਾ।