Toyota Hyryder ਦੇ ਹਾਈਬ੍ਰਿਡ ਵੇਰੀਐਂਟ ਨੂੰ ਹੈ ਘਰ ਲਿਆਉਣਾ, ਤਿੰਨ ਲੱਖ ਰੁਪਏ ਦੀ Down Payment ਮਗਰੋਂ ਕਿੰਨੀ ਜਾਵੇਗੀ EMI, ਪੜ੍ਹੋ ਖ਼ਬਰ
ਟੋਇਟਾ ਵੱਲੋਂ Urban Cruiser Hyryder ਦੇ ਹਾਈਬ੍ਰਿਡ ਵੇਰੀਐਂਟ ਵਜੋਂ 'S' ਮਾਡਲ ਪੇਸ਼ ਕੀਤਾ ਜਾਂਦਾ ਹੈ। ਇਸ ਗੱਡੀ ਦੇ ਹਾਈਬ੍ਰਿਡ ਵੇਰੀਐਂਟ ਦੀ ਐਕਸ-ਸ਼ੋਰੂਮ ਕੀਮਤ 16.77 ਲੱਖ ਰੁਪਏ ਹੈ। ਜੇਕਰ ਇਹ ਗੱਡੀ ਦਿੱਲੀ ਵਿੱਚ ਖ਼ਰੀਦੀ ਜਾਂਦੀ ਹੈ, ਤਾਂ ਕਰੀਬ 1.68 ਲੱਖ ਰੁਪਏ RTO ਅਤੇ ਕਰੀਬ 75 ਹਜ਼ਾਰ ਰੁਪਏ ਇੰਸ਼ੋਰੈਂਸ ਦੇ ਦੇਣੇ ਪੈਣਗੇ।
Posted By Sandip Kaur
Publish Date: Thu, 16 Apr 2026 11:52 AM (IST)
Updated Date: Thu, 16 Apr 2026 11:54 AM (IST)
ਆਟੋ ਡੈਸਕ, ਨਵੀਂ ਦਿੱਲੀ: ਟੋਇਟਾ ਵੱਲੋਂ ਭਾਰਤ ਵਿੱਚ ਕਈ ਸੈਗਮੈਂਟਾਂ ਵਿੱਚ ਵਾਹਨਾਂ ਦੀ ਵਿਕਰੀ ਕੀਤੀ ਜਾਂਦੀ ਹੈ। ਨਿਰਮਾਤਾ ਵੱਲੋਂ ਮਿਡ ਸਾਈਜ਼ SUV ਸੈਗਮੈਂਟ ਵਿੱਚ Toyota Hyryder SUV ਦੀ ਪੇਸ਼ਕਸ਼ ਕੀਤੀ ਜਾਂਦੀ ਹੈ। ਜੇਕਰ ਤੁਸੀਂ ਇਸ ਦੇ ਹਾਈਬ੍ਰਿਡ ਵੇਰੀਐਂਟ ਨੂੰ ਖ਼ਰੀਦਣ ਦਾ ਮਨ ਬਣਾ ਰਹੇ ਹੋ ਅਤੇ ਤਿੰਨ ਲੱਖ ਰੁਪਏ ਦੀ ਡਾਊਨ ਪੇਮੈਂਟ ਕਰਨ ਤੋਂ ਬਾਅਦ ਗੱਡੀ ਘਰ ਲਿਆਉਣਾ ਚਾਹੁੰਦੇ ਹੋ, ਤਾਂ ਹਰ ਮਹੀਨੇ ਕਿੰਨੇ ਰੁਪਏ ਦੀ EMI ਦੇਣੀ ਪਵੇਗੀ, ਅਸੀਂ ਇਸ ਦੀ ਜਾਣਕਾਰੀ ਤੁਹਾਨੂੰ ਇਸ ਖ਼ਬਰ ਵਿੱਚ ਦੇ ਰਹੇ ਹਾਂ।
Toyota Hyryder ਦੀ ਕੀਮਤ
ਟੋਇਟਾ ਵੱਲੋਂ Urban Cruiser Hyryder ਦੇ ਹਾਈਬ੍ਰਿਡ ਵੇਰੀਐਂਟ ਵਜੋਂ 'S' ਮਾਡਲ ਪੇਸ਼ ਕੀਤਾ ਜਾਂਦਾ ਹੈ। ਇਸ ਗੱਡੀ ਦੇ ਹਾਈਬ੍ਰਿਡ ਵੇਰੀਐਂਟ ਦੀ ਐਕਸ-ਸ਼ੋਰੂਮ ਕੀਮਤ 16.77 ਲੱਖ ਰੁਪਏ ਹੈ। ਜੇਕਰ ਇਹ ਗੱਡੀ ਦਿੱਲੀ ਵਿੱਚ ਖ਼ਰੀਦੀ ਜਾਂਦੀ ਹੈ, ਤਾਂ ਕਰੀਬ 1.68 ਲੱਖ ਰੁਪਏ RTO ਅਤੇ ਕਰੀਬ 75 ਹਜ਼ਾਰ ਰੁਪਏ ਇੰਸ਼ੋਰੈਂਸ ਦੇ ਦੇਣੇ ਪੈਣਗੇ। ਇਸ ਦੇ ਨਾਲ ਹੀ TCS ਚਾਰਜ ਵਜੋਂ 16,770 ਰੁਪਏ ਵੀ ਲੱਗਣਗੇ, ਜਿਸ ਤੋਂ ਬਾਅਦ Toyota Hyryder ਦੀ ਆਨ-ਰੋਡ ਕੀਮਤ ਕਰੀਬ 19.36 ਲੱਖ ਰੁਪਏ ਦੇ ਆਸ-ਪਾਸ ਹੋ ਜਾਂਦੀ ਹੈ।
ਤਿੰਨ ਲੱਖ Down Payment ਤੋਂ ਬਾਅਦ ਕਿੰਨੀ EMI
ਜੇਕਰ ਤੁਸੀਂ ਇਸ ਗੱਡੀ ਦੇ ਬੇਸ ਵੇਰੀਐਂਟ ਨੂੰ ਖ਼ਰੀਦਦੇ ਹੋ, ਤਾਂ ਬੈਂਕ ਵੱਲੋਂ ਐਕਸ-ਸ਼ੋਰੂਮ ਕੀਮਤ 'ਤੇ ਹੀ ਫਾਈਨਾਂਸ ਕੀਤਾ ਜਾਵੇਗਾ। ਅਜਿਹੇ ਵਿੱਚ ਤਿੰਨ ਲੱਖ ਰੁਪਏ ਦੀ ਡਾਊਨ ਪੇਮੈਂਟ ਕਰਨ ਤੋਂ ਬਾਅਦ ਤੁਹਾਨੂੰ ਕਰੀਬ 16.36 ਲੱਖ ਰੁਪਏ ਬੈਂਕ ਤੋਂ ਫਾਈਨਾਂਸ ਕਰਵਾਉਣੇ ਪੈਣਗੇ। ਜੇਕਰ ਬੈਂਕ ਵੱਲੋਂ ਤੁਹਾਨੂੰ 9 ਫ਼ੀਸਦੀ ਵਿਆਜ ਦਰ ਨਾਲ ਸੱਤ ਸਾਲਾਂ ਲਈ 16.36 ਲੱਖ ਰੁਪਏ ਦਿੱਤੇ ਜਾਂਦੇ ਹਨ, ਤਾਂ ਅਗਲੇ ਸੱਤ ਸਾਲਾਂ ਲਈ ਤੁਹਾਨੂੰ ਹਰ ਮਹੀਨੇ 26,321 ਰੁਪਏ ਦੀ EMI ਦੇਣੀ ਪਵੇਗੀ।
ਕਿੰਨੀ ਮਹਿੰਗੀ ਪਵੇਗੀ ਕਾਰ
ਜੇਕਰ ਤੁਸੀਂ 9 ਫ਼ੀਸਦੀ ਵਿਆਜ ਦਰ ਨਾਲ ਸੱਤ ਸਾਲਾਂ ਲਈ 16.36 ਲੱਖ ਰੁਪਏ ਦਾ ਕਾਰ ਲੋਨ ਲੈਂਦੇ ਹੋ, ਤਾਂ ਤੁਹਾਨੂੰ ਸੱਤ ਸਾਲਾਂ ਤੱਕ 26,321 ਰੁਪਏ ਦੀ EMI ਹਰ ਮਹੀਨੇ ਦੇਣੀ ਪਵੇਗੀ। ਅਜਿਹੇ ਵਿੱਚ ਸੱਤ ਸਾਲਾਂ ਵਿੱਚ ਤੁਸੀਂ Toyota Hyryder ਲਈ ਕਰੀਬ 5.75 ਲੱਖ ਰੁਪਏ ਬਤੌਰ ਵਿਆਜ ਦੇਵੋਗੇ। ਜਿਸ ਤੋਂ ਬਾਅਦ ਤੁਹਾਡੀ ਕਾਰ ਦੀ ਕੁੱਲ ਕੀਮਤ ਐਕਸ-ਸ਼ੋਰੂਮ, ਆਨ-ਰੋਡ ਅਤੇ ਵਿਆਜ ਮਿਲਾ ਕੇ ਕਰੀਬ 25.10 ਲੱਖ ਰੁਪਏ ਹੋ ਜਾਵੇਗੀ।
ਕਿਨ੍ਹਾਂ ਨਾਲ ਹੁੰਦਾ ਹੈ ਮੁਕਾਬਲਾ
ਟੋਇਟਾ ਵੱਲੋਂ Hyryder ਨੂੰ ਮਿਡ ਸਾਈਜ਼ SUV ਵਜੋਂ ਪੇਸ਼ ਕੀਤਾ ਗਿਆ ਹੈ। ਬਾਜ਼ਾਰ ਵਿੱਚ ਇਸ ਗੱਡੀ ਦਾ ਸਿੱਧਾ ਮੁਕਾਬਲਾ Kia Seltos, Hyundai Creta, Honda Elevate, Maruti Grand Vitara, Volkswagen Taigun, Skoda Kushaq, Mahindra XUV 700 ਅਤੇ Scorpio N ਵਰਗੀਆਂ SUVs ਨਾਲ ਹੁੰਦਾ ਹੈ।