ਰਾਤ ਨੂੰ ਕਾਰ ਚਲਾਉਣ ਤੋਂ ਲੱਗਦੈ ਡਰ? ਇਹ 4 ਟਿਪਸ ਤੁਹਾਡੇ ਸਫ਼ਰ ਨੂੰ ਬਣਾਉਣਗੇ ਬਿਲਕੁਲ ਸੁਰੱਖਿਅਤ

ਆਟੋ ਡੈਸਕ, ਨਵੀਂ ਦਿੱਲੀ: ਰਾਤ ਨੂੰ ਕਾਰ ਡਰਾਈਵ ਕਰਨਾ ਦਿਨ ਦੇ ਮੁਕਾਬਲੇ ਕਾਫ਼ੀ ਚੁਣੌਤੀਪੂਰਨ ਹੋ ਸਕਦਾ ਹੈ। ਹਨੇਰੇ ਅਤੇ ਸਾਹਮਣੇ ਤੋਂ ਆਉਣ ਵਾਲੀਆਂ ਤੇਜ਼ ਲਾਈਟਾਂ ਕਾਰਨ ਦੁਰਘਟਨਾ ਦਾ ਖ਼ਤਰਾ ਵਧ ਜਾਂਦਾ ਹੈ। ਜੇਕਰ ਤੁਸੀਂ ਵੀ ਰਾਤ ਨੂੰ ਡਰਾਈਵ ਕਰਨ ਤੋਂ ਘਬਰਾਉਂਦੇ ਹੋ ਜਾਂ ਤੁਹਾਨੂੰ ਦਿੱਕਤ ਆਉਂਦੀ ਹੈ, ਤਾਂ ਤੁਸੀਂ ਇਹ 4 Night Driving Tips ਫਾਲੋ ਕਰਕੇ ਆਪਣੀ ਯਾਤਰਾ ਨੂੰ ਸੁਰੱਖਿਅਤ ਬਣਾ ਸਕਦੇ ਹੋ।

1. ਹੈੱਡਲਾਈਟਸ ਦੀ ਸਫ਼ਾਈ

ਰਾਤ ਨੂੰ ਸਾਫ਼ ਦਿਖਣਾ ਸਭ ਤੋਂ ਜ਼ਰੂਰੀ ਕੰਮ ਹੁੰਦਾ ਹੈ। ਗੱਡੀ ਕੱਢਣ ਤੋਂ ਪਹਿਲਾਂ ਆਪਣੀਆਂ ਹੈੱਡਲਾਈਟਸ, ਟੇਲਲਾਈਟਸ ਅਤੇ ਇੰਡੀਕੇਟਰਸ ਨੂੰ ਚੰਗੀ ਤਰ੍ਹਾਂ ਸਾਫ਼ ਕਰੋ। ਜੇਕਰ ਹੈੱਡਲਾਈਟਸ 'ਤੇ ਧੂੜ ਜਾਂ ਮਿੱਟੀ ਜੰਮੀ ਹੋਵੇਗੀ ਤਾਂ ਰੋਸ਼ਨੀ ਘੱਟ ਜਾਵੇਗੀ। ਇਸ ਤੋਂ ਇਲਾਵਾ, ਆਪਣੀ ਕਾਰ ਦੇ ਸਾਹਮਣੇ ਵਾਲੇ ਸ਼ੀਸ਼ੇ (Windshield) ਅਤੇ ਸਾਈਡ ਦੇ ਸ਼ੀਸ਼ਿਆਂ ਨੂੰ ਵੀ ਅੰਦਰ-ਬਾਹਰ ਤੋਂ ਸਾਫ਼ ਰੱਖੋ। ਗੰਦੇ ਸ਼ੀਸ਼ੇ 'ਤੇ ਰਾਤ ਨੂੰ ਰੋਸ਼ਨੀ ਫੈਲਦੀ ਹੈ, ਜਿਸ ਨਾਲ ਸਾਹਮਣੇ ਦਾ ਰਸਤਾ ਸਾਫ਼ ਦਿਖਾਈ ਨਹੀਂ ਦਿੰਦਾ।

2. ਹਾਈ ਬੀਮ ਦੀ ਸਹੀ ਵਰਤੋਂ

ਅਕਸਰ ਲੋਕ ਰਾਤ ਨੂੰ ਹਮੇਸ਼ਾ ਹਾਈ ਬੀਮ (High Beam) 'ਤੇ ਗੱਡੀ ਚਲਾਉਂਦੇ ਹਨ, ਜੋ ਕਿ ਗਲਤ ਹੈ। ਜੇਕਰ ਸਾਹਮਣੇ ਤੋਂ ਕੋਈ ਦੂਜੀ ਗੱਡੀ ਆ ਰਹੀ ਹੋਵੇ ਤਾਂ ਆਪਣੀ ਹੈੱਡਲਾਈਟ ਨੂੰ ਲੋਅ ਬੀਮ (Low Beam) 'ਤੇ ਕਰ ਲਓ। ਤੇਜ਼ ਰੋਸ਼ਨੀ ਨਾਲ ਸਾਹਮਣੇ ਵਾਲੇ ਡਰਾਈਵਰ ਦੀਆਂ ਅੱਖਾਂ ਚੁੰਧਿਆ ਜਾਂਦੀਆਂ ਹਨ, ਜਿਸ ਨਾਲ ਹਾਦਸਾ ਹੋ ਸਕਦਾ ਹੈ। ਹਾਈ ਬੀਮ ਦੀ ਵਰਤੋਂ ਸਿਰਫ਼ ਉਦੋਂ ਕਰੋ ਜਦੋਂ ਸੜਕ ਬਿਲਕੁਲ ਸੁੰਨਸਾਨ ਹੋਵੇ ਅਤੇ ਸਾਹਮਣੇ ਤੋਂ ਕੋਈ ਦੂਜੀ ਗੱਡੀ ਨਾ ਆ ਰਹੀ ਹੋਵੇ।

3. ਅੰਦਰ ਦੀਆਂ ਲਾਈਟਾਂ

ਰਾਤ ਨੂੰ ਕਾਰ ਡਰਾਈਵ ਕਰਦੇ ਸਮੇਂ ਕੇਬਿਨ ਦੇ ਅੰਦਰ ਦੀ ਲਾਈਟ ਕਦੇ ਜਗਾ ਕੇ ਨਾ ਰੱਖੋ। ਜੇਕਰ ਅੰਦਰ ਰੋਸ਼ਨੀ ਹੋਵੇਗੀ ਤਾਂ ਤੁਹਾਡੀਆਂ ਅੱਖਾਂ ਨੂੰ ਬਾਹਰ ਦੇ ਹਨੇਰੇ ਵਿੱਚ ਦੇਖਣ ਵਿੱਚ ਮੁਸ਼ਕਲ ਹੋਵੇਗੀ। ਨਾਲ ਹੀ, ਅੰਦਰ ਦੀ ਲਾਈਟ ਦਾ ਰਿਫਲੈਕਸ਼ਨ ਸਾਹਮਣੇ ਵਾਲੇ ਸ਼ੀਸ਼ੇ 'ਤੇ ਪੈਂਦਾ ਹੈ, ਜਿਸ ਨਾਲ ਬਾਹਰ ਦਾ ਦ੍ਰਿਸ਼ (view) ਧੁੰਦਲਾ ਆਉਂਦਾ ਹੈ। ਰਾਤ ਨੂੰ ਡੈਸ਼ਬੋਰਡ ਦੀ ਲਾਈਟ ਨੂੰ ਵੀ ਉਨਾ ਹੀ ਰੱਖੋ ਜਿੰਨੇ ਵਿੱਚ ਮੀਟਰ ਸਾਫ਼ ਦਿਖ ਸਕੇ।

4. ਸਹੀ ਦੂਰੀ ਬਣਾਈ ਰੱਖੋ

ਰਾਤ ਨੂੰ ਦੂਰੀ ਦਾ ਸਹੀ ਅੰਦਾਜ਼ਾ ਲਗਾਉਣਾ ਥੋੜ੍ਹਾ ਮੁਸ਼ਕਲ ਹੁੰਦਾ ਹੈ। ਇਸ ਲਈ, ਆਪਣੀ ਗੱਡੀ ਅਤੇ ਅੱਗੇ ਚੱਲ ਰਹੀ ਗੱਡੀ ਦੇ ਵਿਚਕਾਰ ਦਿਨ ਦੇ ਮੁਕਾਬਲੇ ਜ਼ਿਆਦਾ ਦੂਰੀ ਰੱਖੋ। ਇਸ ਨਾਲ ਜੇਕਰ ਅੱਗੇ ਵਾਲੀ ਗੱਡੀ ਅਚਾਨਕ ਬ੍ਰੇਕ ਮਾਰਦੀ ਹੈ ਤਾਂ ਤੁਹਾਨੂੰ ਸੰਭਲਣ ਦਾ ਸਮਾਂ ਮਿਲ ਜਾਵੇਗਾ। ਨਾਲ ਹੀ, ਆਪਣੀ ਰਫ਼ਤਾਰ ਨੂੰ ਕਾਬੂ ਵਿੱਚ ਰੱਖੋ ਤਾਂ ਜੋ ਕਿਸੇ ਵੀ ਮੋੜ ਜਾਂ ਅਚਾਨਕ ਆਈ ਸਮੱਸਿਆ 'ਤੇ ਗੱਡੀ ਨੂੰ ਆਸਾਨੀ ਨਾਲ ਰੋਕ ਸਕੋ।